യു​വാ​വി​നെ കാ​റി​ൽ ബ​ന്ധി​ച്ച് കൊ​ല​പ്പെ​ടു​ത്താ​ൻ ശ്ര​മമെന്ന്
Friday, July 26, 2024 10:30 PM IST
അ​ടി​മാ​ലി: യു​വാ​വി​നെ കാ​റി​ൽ കൈ​യും ക​ഴു​ത്തും ബ​ന്ധി​ച്ച് ക​ഴു​ത്തും കൈ​യും കാ​ലി​ലും അ​റു​ത്ത് കൊ​ല​പ്പെ​ടു​ത്താ​ൻ ശ്ര​മം.​ പ​രി​ക്കേ​റ്റ കു​ഞ്ചി​ത്ത​ണ്ണി ഉ​പ്പാ​ർ മേ​പു​തു​ശേ​രി വീ​ട്ടി​ൽ സു​മേ​ഷ് സോ​മ​നെ (38) അ​ടി​മാ​ലി താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ജോ​ലി ക​ഴി​ഞ്ഞ് വീ​ട്ടി​ലേ​ക്കു വ​രുന്നവ​ഴി രാ​ത്രി ക​ല്ലാ​റു​കൂ​ട്ടി​ക്കും പ​നം​കൂ​ട്ടി​ക്കും ഇ​ട​യി​ൽ അ​ടി​മാ​ലി​യി​ൽനി​ന്നും 10 കി​ലോ​മീ​റ്റ​റോ​ളം അ​ക​ലെ വി​ജ​ന​മാ​യ സ്ഥ​ല​ത്തു​വ​ച്ചാ​ണ് സു​മേ​ഷി​നു നേ​രേ ആ​ക്ര​മ​ണ​മു​ണ്ടാ​യ​ത്.

അ​ഞ്ചം​ഗസം​ഘം കാ​ർ ത​ട​ഞ്ഞു​നി​ർ​ത്തി​യ​ശേ​ഷം കൈ​ക​ൾ സ്റ്റി​യ​റിം​ഗി​നോ​ടും ക​ഴു​ത്ത് ഹെ​ഡ് റെ​സ്റ്റി​നോ​ടും ചേ​ർ​ത്ത് ബ​ന്ധി​ച്ചെ​ന്നും കൈ​യി​ലും ക​ഴു​ത്തി​ലും മു​റി​വേ​ൽ​പ്പി​ച്ചെ​ന്നും മൊ​ബെ​ൽ ത​ട്ടി​യെ​ടു​ത്തെ​ന്നു​മാ​ണ് സു​മേ​ഷി​ന്‍റെ വെ​ളി​പ്പെ​ടു​ത്ത​ൽ.

ഇ​ന്ന​ലെ പു​ല​ർ​ച്ചെ ഇ​തു​വ​ഴി​യെ​ത്തി​യ വാ​ഹ​ന​ത്തി​ലെ ഡ്രൈ​വ​റാ​ണ് കാ​റി​ൽ ബ​ന്ധി​ക്ക​പ്പെ​ട്ട നി​ല​യി​ൽ സു​മേ​ഷി​നെ ക​ണ്ടെ​ത്തി​യ​ത്.​ ഇ​യാ​ൾ അ​ടി​മാ​ലി പോ​ലീ​സി​ൽ വി​വ​രം അ​റ​യി​ച്ചു.​ തു​ട​ർ​ന്ന് പോ​ലീ​സ് സ്ഥ​ല​ത്തെ​ത്തി സു​മേ​ഷി​നെ ആ​ശു​പ​ത്രി​യി​ലേ​യ്ക്ക് മാ​റ്റു​ക​യാ​യി​രു​ന്നു.


ഡ്രൈ​വറാ​യി ജോ​ലി നോ​ക്കി​വ​രു​ന്ന സു​മേ​ഷ് വി​വാ​ഹ​മോ​ചി​ത​നാ​ണ്.​ ഇ​ൻ​ഫോ പാ​ർ​ക്കി​ലെ ജീ​വ​ന​ക്കാ​രി​യും നാ​ട്ടു​കാ​രി​യു​മാ​യ യു​വ​തി​യും സു​മേ​ഷും ത​മ്മി​ൽ ഏ​താ​നും വ​ർ​ഷ​ങ്ങ​ളാ​യി അ​ടു​പ്പ​ത്തി​ലാ​യി​രു​ന്നു.​ മൂ​ന്നു​ വ​ർ​ഷം ഇ​വ​ർ ഒ​ന്നി​ച്ച് താ​മ​സി​ച്ചു.​ പി​ന്നീ​ട് മാ​ന​സി​ക​മാ​യി ഇ​വ​ർ അ​ക​ന്നു.​ ഇ​തോ​ടെ ഒ​രു​മി​ച്ചു​ള്ള താ​മ​സ​വും മ​തി​യാ​ക്കി. ഇ​തി​നു പി​ന്നാ​ലെ സു​മേ​ഷ് സാ​മൂ​ഹി​ക മാ​ധ്യ​മം വ​ഴി അ​പ​മാ​നി​ച്ചു എ​ന്നു​കാ​ണി​ച്ച് യു​വ​തി ഇ​ൻ​ഫോ​പാ​ർ​ക്ക് പോ​ലീ​സി​ൽ പ​രാ​തി ന​ൽ​കി.

താ​ൻ താ​മ​സി​ക്കു​ന്ന​ത് രാ​ജാ​ക്കാ​ട് പോ​ലീ​സ് സ്റ്റേ​ഷ​ൻ പ​രി​ധി​യി​ലാ​ണെ​ന്നും അ​തി​നാ​ൽ പ​രാ​തി​യി​ലെ അ​ന്വേ​ഷ​ണം ഇ​വി​ടേ​ക്കു മാ​റ്റാ​ണ​മെ​ന്നും സു​മേ​ഷ് ആ​വ​ശ്യ​പ്പെ​ട്ട​താ​യു​ള്ള വി​വ​ര​വും പു​റ​ത്തു​വ​ന്നി​ട്ടു​ണ്ട്. ഈ ​സാ​ഹ​ച​ര്യ​ത്തി​ലാ​ണ് സു​മേ​ഷി​ന് പ​രി​ക്കേ​റ്റി​ട്ടു​ള്ള​ത്.​ ഒ​പ്പം താ​മ​സി​ച്ചി​രു​ന്ന യു​വ​തി ന​ൽ​കി​യ ക്വട്ടേ​ഷ​ൻ ഏ​റ്റെ​ടു​ത്ത സം​ഘ​മാ​ണ് സു​മേ​ഷി​നെ ആ​ക്ര​മി​ച്ച​ത് എ​ന്ന​ത​ര​ത്തി​ൽ ച​ർ​ച്ച​ക​ൾ സ​ജീ​വ​മാ​യി​ട്ടു​ണ്ട്. സം​ഭ​വ​ത്തി​ൽ അ​ടി​മാ​ലി പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.