പെ​ൻ​ഷ​ൻ മു​ട​ങ്ങി; തെ​രു​വി​ലി​റ​ങ്ങി വ​യോ​ധി​ക​ൻ
Friday, July 26, 2024 10:30 PM IST
ക​ട്ട​പ്പ​ന: പെ​ൻ​ഷ​ൻ മു​ട​ങ്ങി​യ​തോ​ടെ ചി​കി​ത്സാ ചെ​ല​വി​നാ​യി ധ​ന​സ​ഹാ​യ അ​ഭ്യ​ർ​ഥ​ന​യു​മാ​യി വ്യാ​പാ​ര സ്ഥാ​പ​ന​ങ്ങ​ൾ ക​യ​റി​യി​റ​ങ്ങു​ക​യാ​ണ് അ​യ്യ​പ്പ​ൻ​കോ​വി​ൽ സ്വ​ദേ​ശി പി.​പി. തോ​മ​സ്.​ ഏ​ഴു​വ​ർ​ഷം മു​മ്പ് വീ​ണ​തി​നെത്തു​ട​ർ​ന്ന് ന​ട്ടെ​ല്ലി​നു സം​ഭ​വി​ച്ച ക്ഷ​തമാ​ണ് അ​യ്യ​പ്പ​ൻ​കോ​വി​ൽ തോ​മ​സി​ന്‍റെ ജീ​വി​തം വ​ഴി​മു​ട്ടി​ച്ച​ത്. ഇ​തോ​ടെ അ​ന്നു​മു​ത​ൽ ജോ​ലി​ക്ക് പോ​കാ​ൻ സാ​ധി​ക്കാ​തെ വ​ന്നു. പി​ന്നീ​ട് ചി​കി​ത്സ ചെല​വി​നാ​യി ആ​കെ​യു​ണ്ടാ​യി​രു​ന്ന ആ​ശ്ര​യം കെ​ട്ടി​ട നി​ർ​മാണത്തൊ​ഴി​ലാ​ളി ക്ഷേ​മ​നി​ധി പെ​ൻ​ഷ​ൻ മാ​ത്ര​മാ​യി​രു​ന്നു.

മു​ൻ​പ് മു​ട​ക്കം ഇ​ല്ലാ​തെ ല​ഭി​ച്ചി​രു​ന്ന പെ​ൻ​ഷ​ൻ 13 മാ​സ​മാ​യി മു​ട​ങ്ങി​യി​രി​ക്കു​ക​യാ​ണ്. വി​ഷ​യ​ത്തി​ൽ നി​ര​വ​ധി സ​ർ​ക്കാ​ർ ഓ​ഫീ​സു​ക​ൾ ക​യ​റി​യി​റ​ങ്ങി​യെ​ങ്കി​ലും ഫ​ല​മു​ണ്ടാ​യി​ല്ല. ഇ​തോ​ടെ​യാ​ണ് സ​ർ​ക്കാ​രി​നെ​തി​രേ പ്ര​തി​ഷേ​ധമെ​ന്നോ​ണം വ്യാ​പാ​ര​സ്ഥാ​പ​ന​ങ്ങ​ളി​ൽ 67 കാ​ര​നാ​യ തോ​മ​സ് ഇ​പ്പോ​ൾ ചി​കി​ത്സാ ധ​ന​സ​ഹാ​യം അ​ഭ്യ​ർ​ഥി​ച്ച് ക​യ​റിയി​റ​ങ്ങു​ന്ന​ത്. 800 രൂ​പ​യു​ടെ മ​രു​ന്നാ​ണ് തോ​മ​സി​ന് ഒ​രാ​ഴ്ച​യി​ൽ വേ​ണ്ട​ത്. മാ​സം ല​ഭി​ച്ചി​രു​ന്ന 1600 രൂ​പ പെ​ൻ​ഷ​ൻ ദൈ​നം​ദി​ന ജീ​വി​ത​ത്തി​ന് വ​ലി​യ ആ​ശ്വാ​സ​മാ​യി​രു​ന്നു.


എ​ന്നാ​ൽ പെ​ൻ​ഷ​ൻ മു​ട​ങ്ങി​യ​തോ​ടെ വ​ലി​യ പ്ര​തി​സ​ന്ധി​യി​ലാ​ണ് ഈ ​വ​യോ​ധി​ക​ൻ. ഒ​പ്പം നി​ര​വ​ധി ആ​നു​കൂ​ല്യ​ങ്ങ​ൾ​ക്ക് അ​ർ​ഹ​നാ​യ തോ​മ​സി​ന് അ​വ​യൊ​ന്നും ല​ഭി​ക്കു​ന്നി​മി​ല്ല. ഇ​തി​നെ​തി​രേ പ​രാ​തി​യു​മാ​യി വി​വി​ധ സ​ർ​ക്കാ​ർ ഓ​ഫീ​സു​ക​ളി​ൽ ചെ​ല്ലു​മ്പോ​ഴും യാ​തൊ​രു​വി​ധ ന​ട​പ​ടി​യും ഉ​ണ്ടാ​കു​ന്നി​ല്ലെ​ന്നും തോ​മ​സ് ആ​രോ​പി​ക്കു​ന്നു. ഈ ​സാ​ഹ​ച​ര്യ​ത്തി​ലാ​ണ് ത​ന്‍റെ പ്ര​തി​സ​ന്ധി വെ​ളി​പ്പെ​ടു​ത്തി വ്യാ​പാ​രസ്ഥാ​പ​ന​ങ്ങ​ളി​ൽ ധ​ന​സ​ഹാ​യം അ​ഭ്യ​ർ​ഥി​ക്കു​ന്ന​ത്.

സ​ർ​ക്കാ​രി​നും നീ​തി ന​ട​പ്പി​ലാ​ക്കാ​ത്ത ഉ​ദ്യോ​ഗ​സ്ഥവൃ​ന്ദ​ങ്ങ​ൾ​ക്കു​മെ​തി​രേയു​ള്ള പ്ര​തി​ഷേ​ധമാണെ​ങ്കി​ലും ഇ​ങ്ങ​നെ ല​ഭി​ക്കു​ന്ന തു​ക​യാ​ണി​പ്പോ​ൾ ചി​കി​ത്സക്കാ​യി ഉ​പ​ക​രി​ക്ക​പ്പെ​ടു​ന്ന​ത്.