ഭൂ​മി​യാം​കു​ള​ത്ത് മോ​ഷ്ടാ​വ് വി​ല​സു​ന്നു
Thursday, July 25, 2024 11:23 PM IST
ചെ​റു​തോ​ണി: സൂ​ക്ഷി​ക്കു​ക, നി​ങ്ങ​ൾ ക​ള്ള​ന്‍റെ നി​രീ​ക്ഷ​ണ​ത്തി​ലാ​ണ്. ഭൂ​മി​യാം​കു​ളം മേ​ഖ​ല​യി​ൽ സ്വ​ർ​ണം മോ​ഷ​ണം പ​തി​വാ​യി. ഒ​ന്ന​ര മാ​സ​ത്തി​നി​ടെ നാ​ലാ​മ​ത്തെ വീ​ട്ടി​ലാ​ണ് മോ​ഷ​ണം ന​ട​ന്നി​രി​ക്കു​ന്ന​ത്. പു​ൽ​പ്പ​റ​മ്പി​ൽ ഫ്രാ​ൻ​സി​സി​ന്‍റെ വീ​ട്ടി​ലാ​ണ് അ​വ​സാ​ന​മാ​യി മോ​ഷ​ണം ന​ട​ന്ന​ത്. ഒ​രു പ​വ​ൻ തൂ​ക്കം വ​രു​ന്ന വ​ള​യും അ​ര​പ്പ​വ​ന്‍റെ മോ​തി​ര​വു​മാ​ണ് മോ​ഷ​ണം പോ​യ​ത്. പ​ക​ൽ വീ​ട്ടു​കാ​ർ കൃ​ഷി​യി​ട​ത്തി​ലാ​യി​രു​ന്ന സ​മ​യ​ത്താ​ണ് മോ​ഷ​ണം ന​ട​ന്നി​രി​ക്കു​ന്ന​ത്.

പു​ര​യി​ട​ത്തി​ൽ ജോ​ലി ചെ​യ്യു​മ്പോ​ൾ വീ​ടി​ന്‍റെ ക​ത​ക് പൂ​ട്ടാ​റി​ല്ല. ക​ഴി​ഞ്ഞ 15 നു ​ശേ​ഷ​മാ​ണ് മോ​ഷ​ണം ന​ട​ന്നി​രി​ക്കു​ന്ന​ത്. ത​ല​യ​ണ​യ്ക്ക​ടി​യി​ൽ സൂ​ക്ഷി​ച്ചി​രു​ന്ന താ​ക്കോ​ലെ​ടു​ത്ത് അ​ല​മാ​ര തു​റ​ന്ന് സ്വ​ർ​ണം അ​പ​ഹ​രി​ച്ച​ശേ​ഷം താ​ക്കോ​ൽ യ​ഥാ​സ്ഥാ​ന​ത്ത് തി​രി​കെ വ​ച്ചി​രു​ന്നു. വ​ള​യും മോ​തി​ര​വും സൂ​ക്ഷി​ച്ചി​രു​ന്ന​തി​നൊ​പ്പം വേ​റെ​യും സ്വ​ർ​ണാ​ഭ​ര​ണ​ങ്ങ​ളു​ണ്ടാ​യി​രു​ന്നു. ഇ​തൊ​ന്നും അ​പ​ഹ​രി​ക്ക​പ്പെ​ട്ടി​ട്ടി​ല്ല. ക​ള്ള​ൻ ക​യ​റി​യ മ​റ്റു വീ​ടു​ക​ളി​ലും സ​മാ​ന രീ​തി​യി​ലാ​ണ് മോ​ഷ​ണം ന​ട​ത്തി​യി​രി​ക്കു​ന്ന​ത്.


ദി​വ​സ​ങ്ങ​ൾ​ക്ക് ശേ​ഷം മാ​ത്ര​മാ​ണ് മോ​ഷ​ണവി​വ​രം വീ​ട്ടു​കാ​ര​റി​യു​ന്ന​ത്. അ​തി​നാ​ൽ തെ​ളി​വു​ക​ളെ​ല്ലാം ന​ഷ്ട​പ്പെ​ട്ടി​രി​ക്കും. അ​ത്യാ​ർ​ത്തി​യി​ല്ലാ​ത്ത ബു​ദ്ധി​മാ​നാ​യ മോ​ഷ്ടാ​വാ​ണ് ഭൂ​മി​യാം​കു​ള​ത്ത് ക​റ​ങ്ങു​ന്ന​തെ​ന്ന് പോ​ലീ​സ് പ​റ​യു​ന്നു.

എ​ല്ലാ വീ​ട്ടി​ലും ക​യ​റി​യി​രി​ക്കു​ന്ന​ത് ഒ​രേ ക​ള്ള​ൻ ത​ന്നെ​യാ​ണെ​ന്നും പോ​ലീ​സ് സം​ശ​യി​ക്കു​ന്നു. പ്ര​ദേ​ശ​വും വീ​ടു​ക​ളും വീ​ട്ടു​കാ​രെ​യും വ്യ​ക്ത​മാ​യി അ​റി​യാ​വു​ന്ന​വ​രാ​ണ് മോ​ഷ്ടാ​ക്ക​ൾ. പോ​ലീ​സും വി​ര​ല​ട​യാ​ളെ വി​ദ​ഗ്ധ​രും ഡോ​ഗ് സ്ക്വാ​ഡു​മെ​ല്ലാം എ​ത്തു​ന്നു​ണ്ടെ​ങ്കി​ലും മോ​ഷ്ടാ​വി​നെക്കു​റി​ച്ച് യാ​തൊ​രു സൂ​ച​ന​യും ല​ഭി​ക്കാ​ത്ത​ത് ജ​ന​ങ്ങ​ളെ ഭ​യാ​ശ​ങ്ക​യി​ലാ​ക്കി​യി​രി​ക്ക​യാ​ണ്.