മുട്ടം: സംസ്ഥാന സബ് ജൂണിയർ ബാസ്കറ്റ്ബോൾ ചാന്പ്യൻഷിപ്പ് നാളെ മുതൽ 31വരെ കേരള ബാസ്കറ്റ്ബോൾ അസോസിയേഷന്റെയും ജില്ലാ ബാസ്കറ്റ്ബോൾ അസോസിയേഷന്റെയും ആഭിമുഖ്യത്തിൽ മുട്ടം ഷന്താൾ ജ്യോതി പബ്ലിക് സ്കൂൾ ഇൻഡോർ സ്റ്റേഡിയത്തിൽ നടക്കും.
14 ജില്ലകളിൽ നിന്നുള്ള 13 വയസിൽ താഴെയുള്ള കുട്ടികളുടെ ടീമുകൾ പങ്കെടുക്കുന്ന ചാന്പ്യൻഷിപ്പിൽനിന്ന് മഹാരാഷ്ട്രയിൽ നടക്കുന്ന ദേശീയ സബ് ജൂണിയർ ബാസ്കറ്റ്ബോൾ ചാന്പ്യൻഷിപ്പിനുള്ള സംസ്ഥാന ടീമിനെ തെരഞ്ഞെടുക്കും.
നാളെ വൈകുന്നരം നാലിന് ഡീൻ കുര്യാക്കോസ് എംപി ചാന്പ്യൻഷിപ്പ് ഉദ്ഘാടനം ചെയ്യും. പി.ജെ. സണ്ണി, കെബിഎ പ്രസിഡന്റ് മനോഹര കുമാർ, ശശിധരൻ ബാലകൃഷ്ണൻ, ഐഡിബിഎ പ്രസിഡന്റ് സൂര്യ കുമാർ, ജസ്വിൻ സജി, ഫിബ കമ്മീഷണർ ഡോ. പ്രിൻസ് കെ.മറ്റം, പഞ്ചായത്ത് പ്രസിഡന്റ് ഷേർളി അഗസ്റ്റിൻ, ബ്ലോക്ക് മെംബർ എൻ.കെ. ബിജു, വാർഡ് മെംബർ അരുണ് പൂച്ചക്കുഴി, പ്രിൻസിപ്പൽ സിസ്റ്റർ റോസ് മരിയ, സിസ്റ്റർ ലിസാ, സിസ്റ്റർ ലിസ്ലിൻ, പിടിഎ പ്രസിഡന്റ് മോണ്സണ്, ഫാ. ജിനോ പുന്നമറ്റത്തിൽ, ജൂവൽ ജോസ് എന്നിവർ പ്രസംഗിക്കും.