ചെറുതോണി: അജയ്ക്ക് ഇനി വീട്ടുകാരോടെപ്പം കഴിയാം. കഴിഞ്ഞ ഏതാനും മാസങ്ങൾക്ക് മുൻപ് ചേലച്ചുവട് , കഞ്ഞിക്കുഴി പ്രദേശത്ത് അലഞ്ഞുതിരിഞ്ഞു നടന്ന യുവാവിനെ കഞ്ഞിക്കുഴി പോലീസാണ് പടമുഖം സ്നേഹമന്ദിരത്തിലെത്തിച്ചത്. ദുർഗന്ധം വമിക്കുന്ന അവസ്ഥയിലും ആരോടും സംസാരിക്കാത്ത സാഹചര്യത്തിലുമാണ് അജയ് സ്നേഹമന്ദിരത്തിലെത്തിയത്.
സ്നേഹമന്ദിരത്തിലെ പരിചരണത്തിലൂടെയും പരിശ്രമത്തിലൂടെയുമാണ് യുവാവിന്റെ പേരും നാടും ഭാഷയും മനസിലാക്കാൻ സാധിച്ചത്. അജയ് നൽകിയ അഡ്രസിലൂടെ സ്നേഹമന്ദിരം അധികൃതർ അജയിയുടെ കുടുംബവുമായി ബന്ധപ്പെടുകയായിരുന്നു. കഴിഞ്ഞ ദിവസം ആന്ധ്രയിൽനിന്ന് അജയിയുടെ സഹോദരിയും പിതൃസഹോദരനും സ്നേഹമന്ദിരത്തിലെത്തി. പോലീസിന്റെ നിർദേശപ്രകാരം വീട്ടുകാരോടൊപ്പം പറഞ്ഞയയ്ക്കുകയായിരുന്നു.