അഞ്ചല്‍: അഞ്ചല്‍ -കരുകോണ്‍ പാതയില്‍ കാറുകള്‍ കൂട്ടിയിടിച്ച് അപകടം. ഉച്ചയോടെ അലയമണ്‍ പോസ്റ്റോഫീസിന് സമീപത്തായിരുന്നു അപകടം. ചണ്ണപ്പേട്ട വനത്തുംമുക്ക് സ്വദേശികളും പ്ലാച്ചേരി സ്വദേശികളും സഞ്ചരിച്ചിരുന്ന കാറുകളാണ് കൂട്ടിയിടിച്ചത്.
സമീപത്തെ ഓഡിറ്റോറിയത്തില്‍ വിവാഹത്തിനെത്തി മടങ്ങുകയായിരുന്നു പ്ലാച്ചേരി സ്വദേശികള്‍. ഇരുവാഹനത്തിലും സഞ്ചരിച്ചിരുന്നവര്‍ക്ക് നിസാരമായി പരിക്കേറ്റു. അപകടത്തെ തുടര്‍ന്നു പാതയില്‍ ഭാഗികമായി ഗതാഗതം തടസപ്പെട്ടു. പോലീസ് കേസെടുത്തിട്ടുണ്ട്.