യു​വാ​വ് കു​ത്തേ​റ്റ് മ​രി​ച്ച​ സം​ഭ​വം: നേ​ര​ത്തേ​യും പ്ര​സാ​ദി​ൽ നി​ന്ന് ഭീ​ഷ​ണി​ ഉണ്ടാ​യി​രു​ന്ന​താ​യി ബ​ന്ധു​ക്ക​ൾ
Sunday, September 22, 2024 6:25 AM IST
കൊ​ല്ലം: ഇ​ര​ട്ട​ക്ക​ട​യി​ല്‍ യു​വാ​വ് കു​ത്തേ​റ്റ് മ​രി​ച്ച സം​ഭ​വ​ത്തി​ല്‍ പ്ര​തി​യി​ല്‍ നി​ന്ന് നേ​ര​ത്തെ​യും ഭീ​ഷ​ണി ഉ​ണ്ടാ​യി​രു​ന്ന​താ​യി ബ​ന്ധു​ക്ക​ള്‍. കൊ​ല്ലം ഇ​ര​വി​പു​രം നാ​ന്‍​സി വി​ല്ല​യി​ല്‍ ഷി​ജു​വി​ന്‍റെ മ​ക​ന്‍ അ​രു​ണ്‍ കു​മാ​റി​നെ(19)​യാ​ണ് ഇ​ര​വി​പു​രം വ​ഞ്ചി​ക്കോ​വി​ല്‍ സ്വ​ദേ​ശി പ്ര​സാ​ദ് (46) കു​ത്തി​ക്കൊ​ല​പ്പെ​ടു​ത്തി​യ​ത്.

മ​ക​ളെ ശ​ല്യം ചെ​യ്തെ​ന്നാ​രോ​പി​ച്ച് അ​രു​ണും പ്ര​സാ​ദും ത​മ്മി​ല്‍ വാ​ക്കേ​റ്റ​മു​ണ്ടാ​യി​രു​ന്നു. ഇ​തി​ന് പി​ന്നാ​ലെ​യാ​ണ് ക​ഴി​ഞ്ഞ ദി​വ​സം ഇ​വ​ര്‍ ത​മ്മി​ലു​ള്ള ത​ര്‍​ത്ത​ത്തി​നി​ടെ അ​രു​ണ്‍ കൊ​ല്ല​പ്പെ​ട്ട​ത്. അ​രു​ണി​നെ പ്ര​സാ​ദ് വി​ളി​ച്ചു​വ​രു​ത്തി കൊ​ല​പ്പെ​ടു​ത്തി​യ​താ​യി ബ​ന്ധു​ക്ക​ള്‍ ആ​രോ​പി​ക്കു​ന്നു. അ​രു​ണി​നെ അ​പാ​യ​പ്പെ​ടു​ത്താ​നാ​യി പ്ര​സാ​ദ് ക​ത്തി കൈ​യി​ല്‍ ക​രു​തി​യി​രു​ന്ന​താ​യി അ​രു​ണി​ന്‍റെ ബ​ന്ധു​ക്ക​ള്‍ പോ​ലീ​സി​ന് മൊ​ഴി ന​ല്‍​കി.


അ​രു​ണും പെ​ണ്‍​കു​ട്ടി​യും ത​മ്മി​ല്‍ ഏ​റെ​നാ​ളാ​യി സൗ​ഹൃ​ദ​മു​ണ്ടാ​യി​രു​ന്നു. സം​ഭ​വ ദി​വ​സം വൈ​കു​ന്നേ​രം പ്ര​സാ​ദും അ​രു​ണും ത​മ്മി​ല്‍ ഫോ​ണി​ല്‍ വാ​ക്കേ​റ്റ​മു​ണ്ടാ​യി. തു​ട​ര്‍​ന്നാ​ണ് അ​രു​ണ്‍ പ്ര​സാ​ദി​ന്‍റെ വീ​ട്ടി​ലെ​ത്തി​യ​ത്. ത​ര്‍​ക്ക​ത്തി​നി​ടെ വീ​ട്ടി​ലു​ള്ള ക​ത്തി​യെ​ടു​ത്ത് കു​ത്തി​യ​താ​യി പ്ര​സാ​ദ് പോ​ലീ​സി​ന് മൊ​ഴി ന​ല്‍​കി.

വെ​ള്ളി​യാ​ഴ്ച വൈ​കു​ന്നേ​രം ആ​റി​ന് കൊ​ല്ലം വെ​സ്റ്റ് ഇ​ര​ട്ട​ക്ക​ട വ​ലി​യ​കാ​വ് ന​ഗ​റി​ലാ​ണ് കൊ​ല​പാ​ത​കം ന​ട​ന്ന​ത്. പി​ന്നാ​ലെ പ്ര​തി​യാ​യ പ്ര​സാ​ദ് ശ​ക്തി​കു​ള​ങ്ങ​ര പോ​ലീ​സ് സ്റ്റേ​ഷ​നി​ലെ​ത്തി കീ​ഴ​ട​ങ്ങു​ക​യാ​യി​രു​ന്നു.