കുണ്ടറ: തപാൽ വകുപ്പിന്‍റേയും കിഴക്കേകല്ലട കവിത്രയ ഗ്രന്ഥശാലയുടേയും ആഭിമുഖ്യത്തിൽ ഇന്ന് രാവിലെ 9.30 ന് കവിത്രയ ഗ്രന്ഥശാല അങ്കണത്തിൽ ആധാർ മേളയും തപാൽമേളയും നടക്കും.
മേള കിഴക്കേ കല്ലട പഞ്ചായത്ത് പ്രസിഡന്‍റ് കെ.ജി. ലാലി ഉദ്ഘാടനം ചെയ്യും. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സുനിൽ പാട്ടത്തിൽ അധ്യക്ഷത വഹിക്കും. ഗ്രന്ഥശാല യൂണിയൻ താലൂക്ക് ജോയിന്‍റ് സെക്രട്ടറി ജി. വേലായുധൻ മുഖ്യപ്രഭാഷണം നടത്തും. മേളയിൽ പുതിയ ആധാർ എൻറോൾമെന്‍റ്, ആധാർ പുതുക്കൽ, തിരുത്തൽ, ബയോമെട്രിക് രജിസ്ട്രേഷൻ, പോസ്റ്റ് ഓഫീസ് സേവിംഗ്സ് അക്കൗണ്ട്, സുകന്യ സമൃദ്ധി അക്കൗണ്ട്, ഇന്ത്യ പോസ്റ്റ് പെയ്മെന്‍റ് ബാങ്ക് സേവനങ്ങൾ, പോസ്റ്റൽ ലൈഫ് ഇൻഷ്വറൻസ് എന്നീ സേവനങ്ങൾ ലഭ്യമാണ്.