കൊല്ലം: മൈനാഗപ്പള്ളി ആനൂർകാവിൽ വാഹനപകടത്തിൽ കൊല്ലപ്പെട്ട കുഞ്ഞുമോളുടെ വീട് മുൻ പ്രതിപക്ഷ നേതാവ് രമേശ് ചെന്നിത്തല സന്ദർശിച്ചു.
പരിക്കേറ്റ് ചികിത്സയിൽ കഴിയുന്ന അനുജത്തി ഫൗസിയ, കുഞ്ഞുമോളുടെ ഭർത്താവ് നൗഷാദ്, മക്കൾ അടക്കമുള്ള കുടുംബാംഗങ്ങളേയും ആശ്വസിപ്പിക്കുകയും വിവരങ്ങൾ ചോദിച്ചറിയുകയും ചെയ്തു.
നിയമ പോരാട്ടത്തിൽ കുടുംബത്തോടൊപ്പം ഉണ്ടാകുമെന്നും എല്ലാവിധ സഹായങ്ങളും കുടുംബത്തിന് ഉണ്ടാകുമെന്നും അറിയിച്ചു. കോൺഗ്രസ് ശാസ്താംകോട്ട ബ്ലോക്ക് പ്രസിഡന്റ് വൈ. ഷാജഹാൻ, പഞ്ചായത്ത് പ്രസിഡന്റുമാരായ വർഗീസ് തരകൻ, എസ്. ശ്രീകുമാർ, വി. വേണുഗോപാലകുപ്പ്, തുണ്ടിൽ നൗഷാദ്, എസ്.വൈ. നിസാർ, കെ.പി. അൻസർ തുടങ്ങിയവരും രമേശ് ചെന്നിത്തലയോടൊപ്പം ഉണ്ടായിരുന്നു.