അഞ്ചല് : നിര്മാണം തുടരുന്ന അഞ്ചല് ആയൂര് പാതയില് റോഡ് ഇടിഞ്ഞു താഴ്ന്നു. അഞ്ചല് ആര്ഒ ജംഗ്ഷനിലാണ് കഴിഞ്ഞ ദിവസം വൈകുന്നേരം റോഡ് ഇടിഞ്ഞു താഴ്ന്നത്. ഈസമയം ഇവിടെ ബൈക്കുകള് പാര്ക്ക് ചെയ്തിരുന്നു. ഓടിയെത്തിയവര് ബൈക്കുകള് മാറ്റി വയ്ക്കുകയായിരുന്നു.
ഏതാനും നാളുകള്ക്കു മുമ്പാണ് റോഡിന്റെ ആദ്യഘട്ടം ടാറിംഗ് പൂര്ത്തീകരിച്ചത്. നിര്മാണത്തിലെ അശാസ്ത്രീയതയാണ് റോഡിന്റെ തകര്ച്ചക്ക് കാരണമെന്നു നാട്ടുകാര് ആരോപിക്കുന്നു. അഞ്ചല് ആയൂര് റോഡ് നവീകരണം വൈകുന്നതിനെതിരെ വലിയ പ്രതിഷേധം ഉയരുന്ന സാഹചര്യത്തിലാണ് ഇപ്പോള് റോഡ് തകര്ച്ച കൂടി ഉണ്ടായിരിക്കുന്നത്.