പെരുവണ്ണാമൂഴി: ലക്ഷക്കണക്കിനു രൂപ ചെലവഴിച്ചു ടൂറിസ്റ്റ് കേന്ദ്രമായ പെരുവണ്ണാമൂഴിയിൽ ചക്കിട്ടപാറ പഞ്ചായത്ത് സ്ഥാപിച്ച വഴിയോര വിശ്രമകേന്ദ്രം പൂട്ടി. വെള്ളമില്ലാതെ വിശ്രമകേന്ദ്രം വൃത്തിഹീനമായ സാഹചര്യത്തിലാണ് അടച്ചുപൂട്ടിയത്.
മോട്ടോർ തകരാറിലാണെന്നും ഉടൻ നന്നാക്കുമെന്നുമാണ് അധികൃതരുടെ മറുപടി. മത്സ്യത്തൊഴിലാളി സംഘമാണു വിശ്രമകേന്ദ്രം പരിപാലിച്ചിരുന്നത്. പെരുവണ്ണാമൂഴിയിലെത്തുന്ന ജനങ്ങൾ, ഓട്ടോ-ടാക്സി ജീവനക്കാർ, കച്ചവടക്കാർ എന്നിവർക്കെല്ലാം ആശ്രയമായിരുന്നു വിശ്രമകേന്ദ്രം. വെള്ളം ലഭ്യമാക്കി വിശ്രമകേന്ദ്രം തുറക്കണമെന്നാണ് നാട്ടുകാരുടെ ആവശ്യം.