പെ​രി​ന്ത​ൽ​മ​ണ്ണ ജി​ല്ലാ ആ​ശു​പ​ത്രി​യി​ലെ പേ​വാ​ർ​ഡ് പ്ര​വ​ർ​ത്തി​പ്പി​ക്കാ​ൻ ന​ട​പ​ടി​യാ​യി​ല്ല
Wednesday, September 25, 2024 5:03 AM IST
പെ​രി​ന്ത​ൽ​മ​ണ്ണ: അ​റ്റ​കു​റ്റ പ​ണി​ക​ൾ​ക്കാ​യി അ​ട​ച്ചി​ട്ട പെ​രി​ന്ത​ൽ​മ​ണ്ണ ജി​ല്ലാ ആ​ശു​പ​ത്രി​യി​ലെ പേ​വാ​ർ​ഡ് പ്ര​വ​ർ​ത്തി​പ്പി​ക്കാ​ൻ ന​ട​പ​ടി​യാ​യി​ല്ല. 2020 അ​വ​സാ​ന​ത്തോ​ടെ​യാ​ണ് പേ​വാ​ർ​ഡ് അ​ട​ച്ചി​ട്ട​ത്. വാ​ർ​ഡ് തു​റ​ക്ക​ണ​മെ​ന്നാ​വ​ശ്യ​പ്പെ​ട്ട് ആ​ശു​പ​ത്രി പ​രി​പാ​ല​ന സ​മി​തി (എ​ച്ച്എം​സി) ഒ​രു മാ​സം മു​ന്പ് പ്ര​മേ​യ​ത്തി​ലൂ​ടെ ആ​വ​ശ്യ​പെ​ട്ടി​രു​ന്നു.

കേ​ര​ള ഹെ​ൽ​ത്ത് റി​സ​ർ​ച്ച് ആ​ൻ​ഡ് വെ​ൽ​ഫെ​യ​ർ സൊ​സൈ​റ്റി (കെ​എ​ച്ച്ആ​ർ​ഡ​ബ്ല്യു​എ​സ്)​യു​ടേ​താ​ണ് ആ​ശു​പ​ത്രി വ​ള​പ്പി​ന​ക​ത്തു​ള്ള പേ​വാ​ർ​ഡ്. ര​ണ്ടു​നി​ല കെ​ട്ടി​ട​ത്തി​ൽ ഒ​ന്പ​ത് മു​റി​ക​ളാ​ണു​ള്ള​ത്.

ന​വീ​ക​രി​ച്ച ശേ​ഷം പൈ​പ്പു​ക​ളി​ലെ ചോ​ർ​ച്ച​യും സെ​പ്റ്റി​ക് ടാ​ങ്കി​ന്‍റെ ശോ​ച്യാ​വ​സ്ഥ​യും മൂ​ല​മാ​ണ് വാ​ർ​ഡ് അ​ട​ച്ചി​ട്ട​ത്. വാ​ർ​ഡി​ന്‍റെ വ​രു​മാ​നം സൊ​സൈ​റ്റി​ക്കാ​യ​തി​നാ​ൽ കെ​ട്ടി​ടം അ​റ്റ​കു​റ്റ​പ്പ​ണി ന​ട​ത്തേ​ണ്ട​ത് സൊ​സൈ​റ്റി​യാ​ണെ​ന്ന നി​ല​പാ​ടി​ലാ​ണ് ആ​ശു​പ​ത്രി അ​ധി​കൃ​ത​രും, ആ​ശു​പ​ത്രി​യു​ടെ മേ​ൽ​നോ​ട്ടം വ​ഹി​ക്കു​ന്ന ജി​ല്ലാ പ​ഞ്ചാ​യ​ത്ത് അ​ധി​കൃ​ത​രും.


സ്ഥ​ല പ​രി​മി​തി​യാ​ൽ വീ​ർ​പ്പു​മു​ട്ടു​ന്ന ആ​ശു​പ​ത്രി​യി​ലാ​ണ് കു​റ​ഞ്ഞ നി​ര​ക്കി​ൽ അ​ത്യാ​വ​ശ്യം സൗ​ക​ര്യ​ങ്ങ​ളു​ള്ള മു​റി​ക​ൾ രോ​ഗി​ക​ൾ​ക്ക് പ്ര​യോ​ജ​ന​പ്പെ​ടാ​തെ കി​ട​ക്കു​ന്ന​ത്.

ക​ഴി​ഞ്ഞ എ​ച്ച്എം​സി യോ​ഗ​ത്തി​ൽ ഈ ​വി​ഷ​യം ഉ​യ​ർ​ത്തി​യി​രു​ന്നു. ഇ​തേ തു​ട​ർ​ന്നാ​ണ് പ്ര​മേ​യ​മാ​യി അം​ഗീ​ക​രി​ച്ച​ത്. അ​റ്റ​കു​റ്റ പ​ണി​ക​ളു​ടെ പേ​രി​ൽ പൂ​ട്ടി​യി​ട്ട പേ​വാ​ർ​ഡ് ഉ​ട​നെ പ്ര​വ​ർ​ത്തി​പ്പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.