തിരുവനന്തപുരം: ആമയിഴഞ്ചാൻ തോട്ടിൽ ശുചീകരണത്തൊഴിലാളി അപകടത്തിൽപ്പെട്ട സംഭവം കോർപറേഷന്റെ ഭാഗത്തു നിന്നും വീഴ്ച സംഭവിച്ചിട്ടില്ലെന്നു മേയർ ആര്യ രാജേന്ദ്രൻ. മാലിന്യം നീക്കം ചെയ്യാൻ കരാറുകൊടുത്തതു കോർപറേഷനല്ല, റെയിൽവേയാണെന്നു മേയർ പറഞ്ഞു.
തോട് റെയിൽവേ സ്റ്റേഷനു സമീപമായതിനാൽ അവിടത്തെ മാലിന്യം നീക്കം ചെയ്യേണ്ടത് റെയിൽവേയുടെ ഉത്തരവാദിത്വമാണ്. സംഭവത്തിൽ കോർപറേഷനെതിരെ അപവാദപ്രചരണൾ നടത്താൻ ഒരുകൂട്ടം ആളുകൾ ശ്രമിക്കുന്നുണ്ട്. ഇന്നലെ റെയിൽവേ തൊഴിലാളികൾക്ക് ഷെഡ്യൂൾ നൽകിയിരുന്നില്ലെന്നും പണി പെട്ടന്നു തീർക്കാർ ഇവർ ശുചീകരണത്തിനു ഇറങ്ങുകയായിരുന്നെന്നും മേയർ പറഞ്ഞു.