ഒരു ദിവസം 147 ഡ്രൈവിംഗ് ടെസ്റ്റ്: അത്ഭുതമെന്ന് മന്ത്രി, ഉദ്യോഗസ്ഥനെതിരേ നടപടി : Deepika.com Kerala News |

Click here for detailed news of all items

ഒരു ദിവസം 147 ഡ്രൈവിംഗ് ടെസ്റ്റ്: അത്ഭുതമെന്ന് മന്ത്രി, ഉദ്യോഗസ്ഥനെതിരേ നടപടി

Friday, June 28, 2024 3:26 AM IST

പ്രദീപ് ചാത്തന്നൂർ

ചാത്തന്നൂർ: ഒരു ദിവസം 147 ഡ്രൈവിംഗ് ടെസ്റ്റ് നടത്തിയ മോട്ടോർ വാഹന വകുപ്പ് ഉദ്യോഗസ്ഥനെതിരേ കർശനനടപടി സ്വീകരിക്കുമെന്ന് ഗതാഗതമന്ത്രി കെ.ബി. ഗണേശ് കുമാർ. ഗുണനിലവാരമുള്ള ഡ്രൈവിംഗ് ലൈസൻസ് നല്കുന്നതിന് ഇത്തരം ഉദ്യോഗസ്ഥർ വിഘാതമാണെന്നും മന്ത്രി.

കേരളത്തിൽ എല്ലായിടത്തും ഡ്രൈവിംഗ് ടെസ്റ്റ് നടത്തുന്നത് രാവിലെ 8.30 മുതൽ 1.30 വരെയാണ്. ഒരു ഡ്രൈവിംഗ് ടെസ്റ്റ് നടത്താൻ ഏറ്റവും കുറഞ്ഞത് 10 മിനിറ്റെങ്കിലും വേണ്ടി വരുമെന്ന് മന്ത്രി വ്യക്തമാക്കി.

എന്നാൽ വാഹനവകുപ്പിലെ ഒരു ഉദ്യോഗസ്ഥൻ ഒരു ദിവസം 147 ഡ്രൈവിംഗ് ടെസ്റ്റുകൾ നടത്തി. അതിൽ നൂറിലധികം പേർക്ക് ലൈസൻസ് നല്കി. അതേ ദിവസം, അതേ സമയം ഈ ഉദ്യോഗസ്ഥൻ മറ്റൊരു ഗ്രൗണ്ടിൽ 50 വാഹനങ്ങളുടെ ടെസ്റ്റ് നടത്തി ഫിറ്റ്നസ് സർട്ടിഫിക്കറ്റ് നല്കിയിട്ടുണ്ട്.

ഉച്ചയ്ക്കുശേഷം 38 ഹെവി വാഹനങ്ങൾ പരിശോധിച്ച് ലൈസൻസ് നല്കി. കൂടാതെ 16 പേരുടെ ലൈസൻസ് പുതുക്കിക്കൊടുത്തു. ഒരു ടെസ്റ്റിന് ഏറ്റവും കുറഞ്ഞത് 10 മിനിറ്റു വീതമെടുത്താൽത്തന്നെ ഇത്രയധികംപേർ വണ്ടി ഓടിക്കുന്നത് പരിശോധിക്കാൻ കഴിയില്ല.

കഴിഞ്ഞ ഫെബ്രുവരി 22ന് മലപ്പുറം ജില്ലയിലെ പൊന്നാനി റീജണൽ ട്രാൻസ്പോർട്ട് ഓഫീസിലെ ഒരു ഉദ്യോഗസ്ഥനാണ് ഈ അത്ഭുത പ്രവൃത്തി നടത്തിയതെന്നും അദ്ദേഹത്തിനെതിരേ കർശന നടപടി ഉണ്ടാകുമെന്നും മന്ത്രി വീഡിയോ സന്ദേശത്തിൽ വ്യക്തമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.