പ്ലസ് വൺ സ്പോർട്ട്സ് ക്വാട്ട സപ്ലിമെന്‍ററി അലോട്ട്മെന്‍റ് അഡ്മിഷൻ ഇന്ന് : Deepika.com Kerala News |

Click here for detailed news of all items

പ്ലസ് വൺ സ്പോർട്ട്സ് ക്വാട്ട സപ്ലിമെന്‍ററി അലോട്ട്മെന്‍റ് അഡ്മിഷൻ ഇന്ന്

Friday, June 28, 2024 3:25 AM IST

തിരുവനന്തപുരം: പ്ലസ് വൺ ഏകജാലക പ്രവേശനത്തിന്‍റെ സ്പോർട്ട്സ് ക്വാട്ട സപ്ലിമെന്‍ററി അലോട്ട്മെന്‍റ് റിസൾട്ട് ഇന്നു രാവിലെ 10 മണിമുതൽ പ്രവേശനം സാധ്യമാകും വിധം പ്രസിദ്ധീകരിക്കുമെന്ന് പൊതുവിദ്യാഭ്യാസ ജോയിന്‍റ് ഡയറക്ടർ അറിയിച്ചു. കാൻഡിഡേറ്റ് ലോഗിനിലെ Sports Supply mentary Results എന്ന ലിങ്കിലൂടെ അലോട്ട്മെന്‍റ് റിസൾട്ട് പരിശോധിക്കാം.

‌അലോട്ട്മെന്‍റ് ലഭിച്ചവർ പ്രസ്തുത പേജിൽ നിന്നും അലോട്ട്മെന്‍റ് ലെറ്റർ എടുക്കുന്ന ലിങ്കിലൂടെ രണ്ട് പേജുള്ള അലോട്ട്മെന്‍റ് ലെറ്റർ പരിശോധിച്ച് പ്രവേശനത്തിന് ഹാജരാകേണ്ട ദിവസവും സ്കൂളും/ കോഴ്സും കൃത്യമായി മനസിലാക്കണം.

അലോട്ട്മെന്‍റ് ലെറ്റർ, അലോട്ട്മെന്‍റ് ലഭിച്ച സ്കൂളിൽനിന്നും പ്രവേശന സമയത്ത് പ്രിന്‍റ് എടുത്ത് നൽകുന്നതാണ്. അലോട്ട്മെന്‍റ് ലഭിച്ച വിദ്യാർഥികൾ സ്ഥിരപ്രവേശനം നേടണം. അലോട്ട്മെന്‍റ് ലെറ്ററിൽ രേഖപ്പെടുത്തിയ ഫീസ് മാത്രമേ അടയ്ക്കേണ്ടതുള്ളൂ.

അലോട്ട്മെന്‍റ് ലഭിക്കുന്ന വിദ്യാർഥികളെല്ലാം രക്ഷിതാവിനോടൊപ്പം ജൂലൈ ഒന്നിന് വൈകുന്നേരം നാലിനു മുമ്പുതന്നെ പ്രവേശനത്തിന് ഹാജരാകണമെന്നും സ്പോർട്സ് ക്വാട്ടയിലെ അവസാന അലോട്ട്മെന്‍റാണിതെന്നും ജോയിന്‍റ് ഡയറക്ടർ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.