ADVERTISEMENT

ADVERTISEMENT

മരിച്ചനിലയിൽ

ചാലക്കുടി: താലൂക്ക് ആശുപത്രിക്ക് സമീപം മെഡിക്കല്‍ ഷോപ്പിനു മുന്‍പില്‍ 70നു മുകളില്‍ പ്രായമുള്ള ആളെ മരിച്ച നിലയില്‍ കണ്ടെത്തി. തോര്‍ത്തു മുണ്ടു മാത്രമാണ് ധരിച്ചിരുന്നത്. മൃതദേഹം താലൂക്ക് ആശുപത്രി മോര്‍ച്ചറിയില്‍.

ADVERTISEMENT

ജനവിരുദ്ധതയിൽ ഇടതു സർക്കാർ ഒന്നാമത്: പി.ജെ. ജോസഫ്

തൃശൂർ: ജനവിരുദ്ധസമീപനങ്ങളുടെ കാര്യത്തിൽ ഇടതുസർക്കാർ ഒന്നാമതെത്തിയെന്നു കേരള കോണ്‍ഗ്രസ് ചെയർമാൻ പി.ജെ. ജോസഫ്. മന്ത്രിമാരുടെ കൂട്ടായ്മ നഷ്ടപ്പെട്ടു ഭരണം താറുമാറായി. കേരള കോണ്‍ഗ്രസ് തൃശൂർ ജില്ല ദ്വിദിന ക്യാന്പ് ടൗണ്‍ഹാളിൽ ഉദ്ഘാടനംചെയ്തു പ്രസംഗിക്കുകയായിരുന്നു അദ്ദേഹം. പതിനായിരക്കണക്കിനു കർഷകരുടെ ജീവിതം പ്രതിസന്ധിയിലായെന്നും അദ്ദേഹം പറഞ്ഞു. ജില്ലാ പ്രസിഡന്‍റ് സി.വി. കുരിയാക്കോസ്, വർക്കിംഗ് ചെയർമാൻ പി.സി. തോമസ്, ജനറൽ സെക്രട്ടറി ജോയ് ഏബ്രഹാം, ഡെപ്യൂട്ടി ചെയർമാൻ കെ. ഫ്രാൻസിസ് ജോർജ് എംപി, ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ, വൈസ് ചെയർമാൻ എം.പി. പോളി, സംസ്ഥാന കോ-ഓർഡിനേറ്റർ അപു ജോണ്‍ ജോസഫ്, കേരള യൂത്ത് ഫ്രണ്ട് സംസ്ഥാന പ്രസിഡന്‍റ് കെ.വി. കണ്ണൻ, ഉന്നതാധികാരസമിതി അംഗം ജോണ്‍സണ്‍ കാഞ്ഞിരത്തിങ്കൽ, സംസ്ഥാന ജനറൽ സെക്രട്ടറിമാരായ ജോയ് ഗോപുരൻ, മിനി മോഹൻദാസ്, ജില്ലാ ജനറൽ സെക്രട്ടറി ഇട്ടിയച്ചൻ തരകൻ, ജില്ലാ വൈസ് പ്രസിഡന്‍റ് തോമസ് ആന്‍റണി, ജില്ലാ സെക്രട്ടറി സി.ജെ. വിൻസെന്‍റ്, യൂത്ത് ഫ്രണ്ട് സംസ്ഥാന ജനറൽ സെക്രട്ടറി ടി.പി. സന്തോഷ്, കേരള കർഷക യൂണിയൻ സംസ്ഥാന സെക്രട്ടറി സി.ടി. പോൾ, കെടിയുസി സംസ്ഥാന സെക്രട്ടറി പ്രസാദ് പുലിക്കോടൻ എന്നിവർ പ്രസംഗിച്ചു.

ദേശീയപാതയിൽ കുരുക്കിനും ദുരിതത്തിനും അറുതിയില്ല

കൊരട്ടി: ദേശീയപാത വികസനത്തിന്‍റെ ഭാഗമായി മുരിങ്ങൂർ, കൊരട്ടി, ചിറങ്ങര മേഖലയിൽ നടക്കുന്ന നിർമാണപ്രവൃത്തികളിൽ പരാതികളും ആശങ്കകളും പരിഹരിക്കപ്പെടാത്ത സാഹചര്യത്തിൽ ജനത്തിനു പ്രതീക്ഷ ഇനി കോടതിയിൽ മാത്രം. ഒട്ടേറെ പരാതികളും ആക്ഷേപങ്ങളും ജില്ലാ കളക്ടറുടെയും എൻഎച്ച്എഐ പ്രോജക്ട് ഡയറക്ടറുടെയും കരാർ കന്പനി അധികൃതരുടെയും എംപി, എംഎൽഎ അടക്കമുള്ള ജനപ്രതിനിധികളുടെയുമെല്ലാം ശ്രദ്ധയിൽപ്പെടുത്തിയിട്ടും ക്രിയാത്മകമായ പരിഹാരനടപടികളൊന്നും ഉണ്ടായില്ല. ഉടൻ പരിഹരിക്കാമെന്ന പൊള്ളവാഗ്ദാനം നൽകുക മാത്രമാണ് ഹൈവേ അഥോറിറ്റിയും നിർമാണക്കന്പനിയും ഇതുവരെ ചെയ്തത്. കഴിഞ്ഞദിവസം മുരിങ്ങൂരിൽ നിർമാണപ്രവൃത്തിക്കായി കുഴിച്ച പത്തടി താഴ്ചയുള്ള വെള്ളംനിറഞ്ഞ കുഴിയിലേക്കു യാത്രികരുമായി കാർ മറിഞ്ഞിട്ടും അവിടെ സുരക്ഷാസംവിധാനമൊരുക്കാൻപോലും തയാറാകാത്ത ഒറ്റകാര്യം മാത്രംമതി ഇവരുടെ കെടുകാര്യസ്ഥത തിരിച്ചറിയാൻ. കരാർ കന്പനിയെ ന്യായീകരിക്കാൻ എൻഎച്ച്എഐ നടത്തുന്ന അമിതാവേശവും പ്രതിഷേധസ്വരങ്ങളുയർത്തുന്നവരെ അനുനയിപ്പിക്കാനുള്ള ജനപ്രതിനിധികളുടെ പരിശ്രമവും വിഷയങ്ങളോടു പുലർത്തുന്ന നിശബ്ദതയുമാണ് ജനത്തെ പ്രതിസന്ധിയിലാക്കുന്നത്. ഇരുദിശകളിലേക്കുമുള്ള സർവീസ് റോഡുകൾ പൂർണമായി നിർമിച്ചശേഷം മാത്രം പ്രധാനപാത പൊളിച്ചിരുന്നെങ്കിൽ ഗതാഗതകുരുക്ക് ഇത്ര രൂക്ഷമാകുമായിരുന്നില്ല. ദേശീയപാതയിലെ വെള്ളക്കെട്ട് ഒഴിവാക്കാൻ മുരിങ്ങൂരിലും കൊരട്ടിയിലും ചിറങ്ങരയിലും നിർമിച്ച കാനകൾ ഒട്ടും പ്രായോഗികമല്ല. നിലവിൽ ബദൽറോഡുകൾ കുണ്ടുംകുഴിയുമായി ചെളിനിറഞ്ഞ അവസ്ഥയിലാണ്. വാഹനങ്ങൾ വഴിതിരിച്ചുവിടുന്ന ഗ്രാമീണറോഡുകളുടെയും സ്ഥിതി വ്യത്യസ്തമല്ല. നാട്ടുകാർ മുന്നോട്ടുവയ്ക്കുന്ന ആവശ്യങ്ങളിൽ കോടതി രക്ഷയ്ക്കെത്തുമെന്നാണ് നാട്ടുകാരുടെ പ്രതീക്ഷ. ദേശീയപാതയിലെ ഗതാഗതക്കുരുക്കും ടോളുമുൾപ്പെടെയുള്ള വിഷയങ്ങൾ നിലവിൽ ഹൈക്കോടതിയുടെ പരിഗണനയിലാണ്.

മണ്‍സൂണ്‍യാത്ര ആഘോഷമാക്കാൻ വിനോദസഞ്ചാരികൾ

സി.ജി. ജിജാസൽ തൃശൂർ: പെയ്തിറങ്ങിയ ജലകണങ്ങൾ വീണ്ടും പ്രകൃതിയെ പച്ചപ്പിന്‍റെ മേലങ്കി അണിയിക്കുന്പോൾ കാടും കാട്ടരുവികളും സൗന്ദര്യത്തിന്‍റെ നയനമനോഹരകാഴ്ചകൾ സമ്മാനിക്കുന്പോൾ... ചിന്നിച്ചിതറി വീഴുന്ന ജലകണങ്ങൾ തട്ടിത്തെറിപ്പിച്ചും മഴയുടെ കുളിരണിഞ്ഞും ഈ മണ്‍സൂണ്‍കാലം ആഘോഷമാക്കാൻ ഒരുങ്ങുകയാണ് വിനോദസഞ്ചാരികൾ. കാടും മേടും പുഴയും പൂക്കളും അടങ്ങുന്ന പതിവുവിനോദകേന്ദ്രങ്ങളിൽനിന്നു വ്യത്യസ്തമായി പുതിയപുതിയ കേന്ദ്രങ്ങൾതേടി യാത്രതുടരുന്ന സഞ്ചാരികളെ മണ്‍സൂണിന്‍റെ സൗന്ദര്യം ആവാഹിച്ചുകൊണ്ട് മാടിവിളിക്കുകയാണ് വടക്കാഞ്ചേരിയിലെയും പരിസരപ്രദേശങ്ങളെയിലെയും പ്രാദേശിക വിനോദസഞ്ചാരകേന്ദ്രങ്ങൾ. അധികമാരും എത്തിപ്പെടാത്ത ചില മഴക്കാലവിനോദസഞ്ചാരകേന്ദ്രങ്ങളെ പരിചയപ്പെടാം. പേരപ്പാറ ചെക്ക് ഡാം വടക്കാഞ്ചേരി വാഴാനി ഡാമിലേക്കുള്ള യാത്രയ്ക്കിടെ അധികമാരും അറിയാതെ പോകുന്ന ഒരു മനോഹര ഇടമാണ് പേരേപ്പാറ ചെക്ക് ഡാം. കാടിനാൽ ചുറ്റുപ്പെട്ട പ്രദേശത്ത് ഒഴുകിയെത്തുന്ന കാട്ടരുവികളും ജലാശയവും അതിൽനിന്നു താഴേക്ക് ഒഴുകിവരുന്ന വെള്ളവും മഴക്കാലത്തു സമ്മാനിക്കുന്നത് കുളിരുള്ള കാഴ്ച. ചെറിയ വെള്ളച്ചാട്ടങ്ങളോടെയുള്ള ഇവിടെ ആളുകൾ കുടുംബസമേതം കുളിക്കാനും മഴയുടെ സൗന്ദര്യം ആസ്വദിക്കാനും എത്തുന്നു. വിരുപ്പാക്ക നൂൽ കന്പനി കഴിഞ്ഞ് നൂറുമീറ്റർ മുന്നോട്ടുപോയി ഇടത്തോട്ടുതിരിഞ്ഞ് ഏകദേശം 300 മിറ്റർ അകലെയാണ് ഡാം. തൂമാനം വെള്ളച്ചാട്ടം ഏതാനും വർഷങ്ങളായി വിനോദസഞ്ചാരികളുടെ പ്രിയ ഇടമായി മാറുകയാണ് അകമലയിലെ തൂമാനം വെള്ളച്ചാട്ടം. വടക്കാഞ്ചേരി നഗരത്തിൽനിന്ന് ഏകദേശം മൂന്നുകിലോമീറ്ററോളം മാറി സ്ഥിതിചെയ്യുന്ന ഈ വെള്ളച്ചാട്ടം അകമല ചേപ്പലക്കോട് വനമേഖലയിൽനിന്നുമാണ് ഉദ്ഭവിക്കുന്നത്. പ്രകൃതിരമണീയമായ വെള്ളച്ചാട്ടം എന്നതിലുപരി വളരെ സുരക്ഷിതമായതും കുട്ടികൾക്കുപോലും ഇറങ്ങി കളിക്കുകയും കുളിക്കുകയും ചെയ്യാമെന്നതുമാണ് തൂമാനത്തെ കൂടുതൽ പ്രിയങ്കരമാക്കുന്നത്. ചാത്തൻചിറ മഴ കനത്താൽ നിറഞ്ഞൊഴുകുന്ന ചാത്തൻചിറ ചെക്ക് ഡാമും വെള്ളച്ചാട്ടവും ആസ്വാദകമനം കവരുമെന്ന കാര്യം തീർച്ച. വടക്കാഞ്ചേരി കാഞ്ഞിരക്കോട് കൊടുന്പ് പ്രദേശത്തു മലനിരകൾക്കുതാഴെ സ്ഥിതിചെയ്യുന്ന ഡാമിൽ നിറഞ്ഞുതുളുന്പിക്കിടക്കുന്ന നീലജലാശയവും അതിൽനിന്നു കവിഞ്ഞൊഴുകുന്ന വെള്ളച്ചാട്ടവുമാണ് ഇവിടത്തെ പ്രധാന ആകർഷണം. എരുമപ്പെട്ടി പഞ്ചായത്തിന്‍റെ അതിർത്തി പങ്കിടുന്ന ചിറ വടക്കാഞ്ചേരി നഗരസഭയിലെയും പരിസരപ്രദേശങ്ങളിലെയും വരൾച്ചയെയും ഒരുപരിധിവരെ തടയുന്നവയിൽ ഒന്നാണ്. കല്ലന്പാറ ചോല പാദസ്വരനാദംപോലെ കാതുകളിൽ ശ്രവ്യസുന്ദരശബ്ദമെത്തിക്കുന്ന, ചെപ്പാറ മലയിൽനിന്ന് ഒഴുകി ചെറിയ ചോലകളും വെള്ളച്ചാട്ടവും ഉൾപ്പെടുന്ന മഴക്കാലവിനോദസഞ്ചാര കേന്ദ്രമാണ് കല്ലന്പാറ ചോല. തെക്കുംകര പഞ്ചയത്തിലെ കല്ലന്പാറ ബസ് സ്റ്റോപ്പിൽനിന്ന് ഏകദേശം ഒരു കിലോമീറ്ററിൽതാഴെ ദൂരംമാത്രമുള്ള ഇവിടെ റോഡിലേക്ക് ഒഴുകിവരുന്ന കാട്ടരുവികളും അല്പംമാറി ഒരു തെങ്ങിന്‍റെ ഉയരത്തിൽ പാറക്കെട്ടുകളിലൂടെ ഒഴുകിവരുന്ന വെള്ളവും സുന്ദരകാഴ്ചകളാണ്. മഴ ശക്തമാകുന്പോൾമാത്രമേ ഇവിടെ ഈ കാഴ്ച കാണാൻ സാധിക്കുകയുള്ളൂ. റീൽസുകളിലൂടെയും മറ്റു സാമൂഹ്യമാധ്യമങ്ങളിൽകൂടിയും അറിഞ്ഞ് ഏതാനും വർഷങ്ങളായി നിരവധിപ്പേരാണ് ഇവിടെ എത്തിച്ചേരുന്നത്. നീലറച്ചിറ വാഴാനി ഡാമിൽനിന്നു വടക്കാഞ്ചേരി പുഴയിലേക്ക് ഒഴുകിവരുന്ന കൈവഴികളിൽ ഒന്നായ നീലറച്ചിറയും ഒഴിവുവേളകളെ ആനന്ദകരമാക്കും. വടക്കാഞ്ചേരി ഫൊറോനാപ്പള്ളിയുടെ സമീപത്തുനിന്നും മച്ചാട് റൂട്ടിൽ അയ്യപ്പൻകാവിനും പനങ്ങാട്ടുകരയ്ക്കും സമീപം സ്ഥിതിചെയ്യുന്ന മംഗലം പ്രദേശത്തുനിന്നും ഒരു കിലോമീറ്ററിൽ താഴെമാത്രം ദൂരംവരുന്ന ഇവിടെ, വയലേലകൾക്കു നടുവിലായി സ്ഥിതിചെയ്യുന്ന ചിറയിൽ കുളിക്കുന്നതിനും മീൻ പിടിക്കുന്നതിനും ഒഴിവുവേളകൾ ചെലവഴിക്കുന്നതിനും കുടുംബങ്ങളും കൂട്ടുകാരും അടങ്ങുന്ന സംഘങ്ങൾ എത്തുന്നതു പതിവാണ്. ചിറയ്ക്കു 100 മീറ്റർ മാറി താഴ്ചയിലേക്കു പതിക്കുന്ന ചെറിയ വെള്ളച്ചാട്ടവും സുന്ദരമാണ്. വട്ടായി വെള്ളച്ചാട്ടം മണ്‍സൂണ്‍കാലയാത്രകളിൽ നിറഞ്ഞുനിൽക്കുന്ന റീൽസുകളിൽ ആദ്യസ്ഥാനങ്ങളിൽ ഒന്നായ വട്ടായി വെള്ളച്ചാട്ടവും കുടുംബങ്ങളുടെ ഇഷ്ടവിനോദകേന്ദ്രമാണ്. തൃശൂരിൽനിന്നു വെറും 13 കിലോമീറ്ററിനപ്പുറം കുണ്ടുകാടിനോട് അടുത്തുള്ള വട്ടായിയിൽ സ്ഥിതിചെയ്യുന്ന ഈ വെള്ളച്ചാട്ടം കാഴ്ചക്കാർക്കു കൗതുകങ്ങളുടെ കലവറ തുറക്കുന്നു. ചെപ്പാറക്കുന്നിൻചെരിവുകൾക്കിടയിലൂടെ ഒഴുകിയെത്തുന്ന ജലസ്രോതസ് വട്ടായിയിലെത്തുന്പോഴാണ് രണ്ട് ചെറു വെള്ളച്ചാട്ടങ്ങളായി മാറുന്നത്. ഇവിടേക്കുള്ള യാത്രാവഴികളിൽ തന്നെ വെള്ളച്ചാട്ടത്തിൻറെ ഇരന്പൽ കേൾക്കാൻ കഴിയുന്നതും സഞ്ചാരികൾക്ക് ആവേശം പകരുന്നവയാണ്.

ശാസ്താംപൂവം കാടര്‍ ഉന്നതിയില്‍ നാട്ടുമാന്തോപ്പ് ഒരുങ്ങുന്നു

മറ്റത്തൂര്‍: വെള്ളിക്കുളങ്ങര വനമേഖലയിലുള്ള ശാസ്താംപൂവം ആദിവാസി ഉന്നതിയില്‍ നാട്ടുമാന്തോട്ടം ഒരുങ്ങുന്നു. ഉന്നതിയിലെ ജലക്ഷാമത്തിനും മണ്ണൊലിപ്പിനും പരിഹാരം കാണുന്നതിനായി നടപ്പാക്കുന്ന ഹരിതവത്കരണത്തിന്‍റെ ഭാഗമായാണ് നാട്ടുമാന്തോപ്പ് ഒരുക്കുന്നത്. ആനപ്പാന്തം വനസംരക്ഷണ സമിതിയുടെ നേതൃത്വത്തില്‍ ശാസ്താംപൂവം കാടര്‍ ഉന്നതിയില്‍ സംഘടിപ്പിച്ച വനമഹോത്സവത്തിന്‍റെ ഭാഗമായാണ് നാട്ടുമാവിന്‍ തൈക്കള്‍ നട്ടുപിടിപ്പിച്ചത്. വിവിധയിനം ഔഷധ സസ്യങ്ങളുടെ പ്രദര്‍ശന തോട്ടത്തിനുവേണ്ടിയും തൈകള്‍ നട്ടു. അടുത്തഘട്ടത്തില്‍ വിവിധ ഇനം ഫലവൃക്ഷങ്ങളും ഔഷധ വൃക്ഷങ്ങളും ഉന്നതിയില്‍ നട്ടുപടിപ്പിക്കും. വനംവകുപ്പ്, കേരള ശാസ്ത്രസാഹിത്യപരിഷത്ത് കൊടകര മേഖല കമ്മിറ്റി, നന്തിക്കര സര്‍ക്കാര്‍ ഹയര്‍സെക്കന്‍ഡറി സ്‌കൂളിലെ എന്‍എസ്എസ് യൂണിറ്റ്, കാടര്‍ പഠനസംഘം എന്നിവയുടെ സംയുക്താഭിമുഖ്യത്തിലാണ് ഉന്നതിയില്‍ വനമഹോത്സവം സംഘടിപ്പിച്ചത്. തൃശൂര്‍ സെന്‍റ്് തോമസ് കോളജ് റിട്ടയേഡ് പ്രഫ. ഡോ. എ.എ. ബേബി ഉദ്ഘാടനം ചെയ്തു. ഊരുമൂപ്പന്‍ സേവ്യര്‍ അധ്യക്ഷത വഹിച്ചു. ചാലക്കുടി വനവികസന ഏജന്‍സി ഡിവിഷനല്‍ കണ്‍വീനര്‍ ഇ.പി.പ്രസീദ, വനസംരക്ഷണ സമിതി സെക്രട്ടറി വി.എന്‍.വിനോദ്കുമാര്‍, ശാസ്ത്രസാഹിത്യപരിഷത്ത് കൊടകര മേഖല മേഖല ഭാരവാഹികളായ കെ.കെ.അനീഷ്‌കുമാര്‍, എ.ടി.ജോസ്, ടി.എം. ശിഖാമണി, കാടര്‍ പഠനസംഘം കണ്‍വീനര്‍ ജോയ് കാവുങ്ങല്‍, കവിയും വന്യജീവി ഫോട്ടോഗ്രാഫറുമായ പ്രകാശന്‍ ഇഞ്ചക്കുണ്ട്, നന്തിക്കര സര്‍ക്കാര്‍ ഹയര്‍സെക്കൻഡറി സ്‌കൂള്‍ എന്‍എസ്എസ് പ്രോഗ്രാം ഓഫിസര്‍ ലിജി തുടങ്ങിയവര്‍ പ്രസംഗിച്ചു.

മാലിന്യം പുറത്തേക്ക് ഒഴുകുന്നതായി പരാതി

കാട്ടൂര്‍: പഞ്ചായത്തിലെ അജൈവ മാലിന്യ ശേഖരണ സംസ്‌കരണ കേന്ദ്രത്തില്‍ വെള്ളം കയറിയതിനെ തുടര്‍ന്ന് കെട്ടിടത്തിന് പുറത്ത് കൂട്ടിയിട്ട മാലിന്യങ്ങള്‍ പുറത്തേയ്ക്ക് ഒഴുകുന്നതായി പരാതി. കാട്ടൂര്‍- എടതിരിഞ്ഞി റോഡില്‍ മധുരംപിള്ളി, മാവുംവളവിനു സമീപം തെക്കും പാടം പ്രദേശത്ത് പ്രവത്തിക്കുന്ന പഞ്ചായത്തിന്‍റെ അജൈവമാലിന്യ ശേഖരണ- സംസ്‌കരണകേന്ദ്രത്തില്‍ കൂട്ടിയിട്ടിരിക്കുന്ന മാലിന്യമാണ് മഴയില്‍ വെള്ളംകയറിയതോടെ ഒലിച്ചുപോയി സമീപത്തുള്ള ശുദ്ധജല സ്രോതസ്സുകളിലേക്കും വ്യാപിച്ചത്. കാട്ടൂരിലെയും സമീപ പഞ്ചായത്തുകളിലെയും കര്‍ഷകര്‍ കൃഷിക്ക് പ്രധാനമായും ആശ്രയിക്കുന്ന തെക്കുംപാടം പാടശേഖരത്തിലേക്കും തൊട്ടടുത്തുള്ള കെഎല്‍ഡിസി കനാലിലേക്കും കനോലി കനാലിലേയ്ക്കും മാത്രമല്ല അടുത്തുള്ള വീടുകളിലെ കിണറുകളിലേക്കും കുളങ്ങളിലേക്കും മാലിന്യം വ്യാപിച്ചിരിക്കുകയാണ്. അതുവഴി കാട്ടൂര്‍ ഗ്രാമപഞ്ചായത്തിന് മാത്രമല്ല കനോലി കനാല്‍ ഒഴുകുന്ന സമീപ പഞ്ചായത്തുകള്‍ക്കും പുഴയിലെ മറ്റു ജൈവവൈവിധ്യങ്ങള്‍ക്കും, കര്‍ഷകര്‍ക്കും ഇത് വലിയ ഭീഷണിയാകും. പഞ്ചായത്തിലെ വീടുകളില്‍ നിന്നും സ്ഥാപനങ്ങളില്‍ നിന്നും ശേഖരിച്ച പ്ലാസ്റ്റിക് ഉള്‍പ്പെടെയുള്ള അജൈവ മാലിന്യങ്ങളാണ് ഇവിടെ സൂക്ഷിച്ചിരിക്കുന്നത്. മഴയില്‍ കെട്ടിടവും പരിസര പ്രദേശവും ദിവസങ്ങളായി വെള്ളക്കെട്ടിലാണ്. വെള്ളക്കെട്ട് രൂക്ഷമായിട്ടും മാലിന്യം സുരക്ഷിത സ്ഥാനത്തേക്ക് മാറ്റാന്‍ പഞ്ചായത്ത് നടപടി സ്വീകരിക്കുന്നില്ലെന്ന് നാട്ടുകാര്‍ ആരോപിച്ചു. കൊതുകുകള്‍ പെരുകി പകര്‍ച്ചവ്യാധികള്‍ പടരുന്ന സാഹചര്യമായതിനാല്‍ ഏറെ ആശങ്കയിലാണ് നാട്ടുകാര്‍. ആറ് മാസത്തോളമായി കൂട്ടിയിട്ടിരിക്കുന്ന പ്ലാസ്റ്റിക് മാലിന്യം നീക്കം ചെയ്യാന്‍ പഞ്ചായത്ത് നടപടി സ്വീകരിക്കുന്നില്ലെന്ന് യൂത്ത് കോണ്‍ഗ്രസ് പ്രവര്‍ത്തകര്‍ ആരോപിച്ചു. അലക്ഷ്യമായി പ്ലാസ്റ്റിക് മാലിന്യം കൈകാര്യം ചെയ്യുന്നതിന് പഞ്ചായത്തിനെതിരേ ജില്ലാ കളക്ടര്‍ നടപടിയെടുക്കണമെന്നു യൂത്ത് കോണ്‍ഗ്രസ് ജില്ലാ സെക്രട്ടറി ഷെറിന്‍ തേര്‍മഠം ആവശ്യപ്പെട്ടു. മാലിന്യം നീക്കം ചെയ്യാന്‍ അടിയന്തര നടപടി സ്വീകരിച്ചില്ലെങ്കില്‍ ശക്തമായ സമരപരിപാടികള്‍ ആരംഭിക്കുമെന്നു കാട്ടൂര്‍ മണ്ഡലം പ്രസിഡന്‍റ്് സക്കറിയ എലുവത്തിങ്കല്‍, ബൈജു അമ്പലത്തുവീട്ടില്‍ എന്നിവര്‍ വ്യക്തമാക്കി.

ബസുകൾ കയറാതെ നോർത്ത് ബസ്‌ സ്റ്റാൻഡ്

ചാലക്കുടി: ബസുകൾ കയറാത്ത നോർത്ത് ബസ് സ്റ്റാൻഡ് ലോറികളുടെ പാർക്കിംഗ് സ്ഥലമായി മാറി. നോർത്ത് ബസ് സ്റ്റാൻഡിൽ നിന്നും ആരംഭിക്കുന്ന നിരവധി ട്രാഫിക് പരിഷ്കാരങ്ങൾ കൊണ്ടുവന്നിട്ടും നോർത്ത് ബസ് സ്റ്റാൻഡിലേക്ക് ബസുകൾ എത്തിയില്ല. നോർത്ത് ബസ് സ്റ്റാൻഡിനെ ഇപ്പോൾ എല്ലാവരും കയ്യൊഴിഞ്ഞ അവസ്ഥയിലാണ്. 2010ൽ അന്നത്തെ മന്ത്രി പാലോളി മുഹമ്മദ് കുട്ടി 2015ൽ മന്ത്രി സി.എൻ. ബാലകൃഷ്ണൻ, 2020ൽ അന്നത്തെ എംഎൽ എ ബി.ഡി. ദേവസി എന്നിവർ മാറി മാറി ഉദ്ഘാടനങ്ങൾ നടത്തിയ നോർത്ത് ബസ് സ്റ്റാൻഡ് ഇപ്പോഴും ബസുകൾ കയറാത്ത ബസ് സ്റ്റാൻഡായി വിജനമായി കിടക്കുകയാണ്. ബസുകൾ കയറിയില്ലെങ്കിലും ലോറികൾക്ക് പാർക്ക് ചെയ്യാനുള്ള ഇടമായി ബസ് സ്റ്റാൻഡ് മാറി.

ആളൂര്‍ 12-ാം വാര്‍ഡില്‍ കമ്യൂണിറ്റി ഹാള്‍ തുറന്നു

ആളൂര്‍: ആളൂര്‍ പഞ്ചായത്ത് 12 -ാം വാര്‍ഡില്‍ പെരുന്തുരുത്തി വിശ്വംഭരന്‍റെ ഓര്‍മയ്ക്കായി ഭാര്യ മല്ലിക വിശ്വംഭരന്‍ സൗജന്യമായി വിട്ടു നല്‍കിയ 18 സെന്‍റ്് സ്ഥലത്ത് നിര്‍മിച്ച കമ്യൂണിറ്റി ഹാള്‍ ജില്ല പഞ്ചായത്ത് പ്രസിഡന്‍റ് വി. എസ്. പ്രിന്‍സ് ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് കെ.ആര്‍. ജോജോ അധ്യക്ഷത വഹിച്ചു. ജില്ല പഞ്ചായത്തംഗം പി.കെ.ഡേവിസ് ഹാള്‍ പണിയുന്നതിന് സൗജന്യമായി സ്ഥലം നല്‍കിയ മല്ലിക വിശ്വംഭരനെ മെമന്‍റോ നല്‍കി ആദരിച്ചു.സംഘാടക സമിതി ചെയര്‍മാന്‍ ടി.കെ. രാജന്‍, പഞ്ചായത്ത് വൈസ് പ്രസിഡന്‍റ് രതി സുരേഷ്, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ ജോസ് മാഞ്ഞൂരാന്‍, ബിന്ദു ഷാജു, ദിപിന്‍ പാപ്പച്ചന്‍, ഷൈനി തിലകന്‍, അഡ്വ. എം.എസ്. വിനയന്‍, കയ്പമംഗലം മുന്‍പഞ്ചായത്ത് പ്രസിഡന്‍റ് അനിത ബാബു, ആളൂര്‍ പഞ്ചായത്ത് മുന്‍ പ്രസിഡന്‍റ്് എം. എസ.് മൊയ്തീന്‍, സന്ധ്യ നൈസന്‍, ബ്ലോക്ക് അംഗം ജുമൈല സഗീര്‍, വാര്‍ഡ് അംഗം രേഖ സന്തോഷ്, എം.സി. സന്ദീപ്, എം. ബി. ലത്തീഫ്, ബാബു തോമസ്, പഞ്ചായത്ത് സെക്രട്ടറി കെ.എന്‍. സുനില്‍ എന്നിവര്‍ പ്രസംഗിച്ചു.

ഭിന്നശേഷി സൗഹൃദമാക്കുക സര്‍ക്കാരിന്‍റെ ലക്ഷ്യം: മന്ത്രി

ഇരിങ്ങാലക്കുട: ഭിന്നശേഷി വിഭാഗത്തില്‍പ്പെട്ടവര്‍ക്ക് ഏകീകൃത തിരിച്ചറിയല്‍ കാര്‍ഡ് നല്‍കുന്നതിനുള്ള മെഡിക്കല്‍ ബോര്‍ഡ് ക്യാമ്പിന്‍റെ ഉദ്ഘാടനം ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു ഉദ്ഘാടനം ചെയ്തു. ഭിന്നശേഷി സൗഹൃദ സംസ്ഥാനമാക്കി കേരളത്തെ മാറ്റുക എന്ന ലക്ഷ്യത്തോടെ നിരവധി പ്രവര്‍ത്തനങ്ങളാണ് സര്‍ക്കാര്‍ നടത്തുന്നതെന്ന് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആര്‍. ബിന്ദു. ഇരിങ്ങാലക്കുട നഗരസഭയിലെയും പടിയൂര്‍, കാറളം, കാട്ടൂര്‍, പൂമംഗലം എന്നീ പഞ്ചായത്തുകളിലെയും ഭിന്നശേഷി വിഭാഗത്തില്‍പ്പെട്ടവര്‍ക്ക് ഏകീകൃത തിരിച്ചറിയല്‍ കാര്‍ഡ് നല്‍കുന്നതിനുള്ള മെഡിക്കല്‍ ബോര്‍ഡ് ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. സംസ്ഥാനത്തെ മുഴുവന്‍ ഭിന്നശേഷിക്കാര്‍ക്കും സമ്പൂര്‍ണ തിരിച്ചറിയല്‍ കാര്‍ഡ് നല്‍കാനാണ് സാമൂഹിക നീതി വകുപ്പ് ഇത്തരം ക്യാമ്പുകള്‍ സംഘടിപ്പിക്കുന്നത്. ഡോക്ടര്‍മാരുടെ സേവനം ഒറ്റക്കുടക്കീഴില്‍ ലഭ്യമാകുന്നത് ഭിന്നശേഷി വിഭാഗക്കാര്‍ക്ക് സഹായകരമാകുമെന്നും മന്ത്രി പറഞ്ഞു. ഇരിങ്ങാലക്കുട ടൗണ്‍ഹാളില്‍ നടന്ന പരിപാടിയില്‍ ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്‍റ് ലളിത ബാലന്‍ അധ്യക്ഷത വഹിച്ചു. കാട്ടൂര്‍ പഞ്ചായത്ത് പ്രസിഡന്‍റ്് ടി.വി. ലത, കേരള സാമൂഹിക സുരക്ഷാ മിഷന്‍ റീജിയണല്‍ ഡയറക്ടര്‍ ഡോ. പി.സി. സൗമ്യ, ആരോഗ്യകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ അംബിക പള്ളിപ്പുറത്ത്, കേരള സാമൂഹ്യ സുരക്ഷാ മിഷന്‍ ജില്ലാ കോ ഓര്‍ഡിനേറ്റര്‍ കെ.പി. സജീവ് തുടങ്ങിയവര്‍ പങ്കെടുത്തു. ഉദ്ഘാടന ചടങ്ങിനുശേഷം വിവിധ വകുപ്പ് ഡോക്ടമാരുടെ നേതൃത്വത്തില്‍ ക്യാമ്പും നടത്തി.

കെട്ടിടത്തിന്‍റെ അണ്ടർഗ്രൗണ്ട് പാർക്കിംഗ് ഏരിയയിൽ തീപിടിത്തം

തൃശൂർ: പ്രസ് ക്ലബ് റോഡിലെ ഡെൽമ കോംപ്ലക്സിൽ തീപിടിത്തം. കെട്ടിടത്തിന്‍റെ അടിഭാഗത്തുള്ള പാർക്കിംഗ് ഏരിയയിൽ കൂട്ടിയിട്ട ചപ്പുചവറുകളിൽനിന്നാണ് ഇന്നലെ വൈകീട്ട് അഞ്ചരയോടെ തീപടർന്നത്. ജനറേറ്റർ പ്രവർത്തിപ്പിക്കുന്നതിനുള്ള ഗ്യാസ് സിലിണ്ടറും ഏതാനും വാഹനങ്ങളും ഇവിടെയുണ്ടായിരുന്നു. തൃശൂർ ഫയർ സ്റ്റേഷനിൽനിന്നെത്തിയ അഗ്നിശമനസേനാംഗങ്ങൾ ഇവ ഉടനടി നീക്കംചെയ്തു. കടുത്ത പുകയുയർന്നത് എക്സോസ്റ്റിംഗ് സംവിധാനം ഉപയോഗിച്ചാണു പുറത്തേക്കുതള്ളിയത്. പാർക്കിംഗിലേക്കുള്ള ഷട്ടർ തുറന്ന് അരമണിക്കൂറിനുള്ളിൽ തീ നിയന്ത്രണവിധേയമാക്കിയെന്നു തൃശൂർ ഫയർ സ്റ്റേഷൻ ഓഫീസർ ബി. വൈശാഖ് പറഞ്ഞു. തൃശൂർ ഫയർ സ്റ്റേഷനിൽനിന്ന് രണ്ട് യൂണിറ്റുകളെത്തിയാണു തീയണച്ചത്. ഐസിഐസിഐ ബാങ്ക്, ഏഷ്യാനെറ്റ് ബ്രോഡ്ബാൻഡ് ഓഫീസ് ഉൾപ്പടെ ഈ കെട്ടിടത്തിലാണു പ്രവർത്തിക്കുന്നത്.

കോൾപടവിലെ മത്സ്യകൃഷി: ചെറിയകുഞ്ഞുങ്ങളെ തിരിച്ചയച്ചു

പുന്നയൂർക്കുളം: പരൂർ പടവ് കോൾപടവിൽ ഒരു നെല്ലും ഒരു മീനും പദ്ധതിക്കു തുടക്കമായി. മാഞ്ചിറ പാടത്ത് മത്സ്യക്കുഞ്ഞുങ്ങളെ നിക്ഷേപിച്ച് എൻ.കെ. അക്ബർ എംഎൽഎ ഉദ്ഘാടനം ചെയ്തു. ഇതിനിടെ, നിക്ഷേപിക്കാൻ കൊണ്ടുവന്ന മത്സ്യക്കുഞ്ഞുങ്ങൾ തീരെ ചെറിയ കുഞ്ഞുങ്ങളാണെന്ന കർഷകരുടെ പരാതിയെ ത്തുടർന്ന് തിരിച്ചയച്ചു. എറണാകുളത്തെ ഹാച്ചറിയിൽ നിന്നാണ് മൂന്നുലക്ഷം കുഞ്ഞുങ്ങളെ വലിയ വീപ്പകളിൽ എത്തിച്ചത്. ഉദ്ഘാടന ചടങ്ങിന് നിശ്ചിത വലിപ്പമുള്ള കുഞ്ഞുങ്ങളെ പ്രത്യേകം കവറിൽ കൊണ്ടുവന്നിരുന്നു. ഉദ്ഘാടനം കഴിഞ്ഞ് എംഎൽഎ പോയപ്പോഴാണ് ബാക്കി കുഞ്ഞുങ്ങൾ ചെറുതാണെന്ന് അറിഞ്ഞത്. ഇതിനെ ഇറക്കാതെ കർഷകർ തിരിച്ചുവിട്ടു. ഉദ്ഘാടന യോഗത്തിൽ പുന്നയൂർക്കുളം പഞ്ചായത്ത് പ്രസിഡന്‍റ് ജാസ്മിൻ ഷഹീർ അധ്യക്ഷയായിരുന്നു. വാർഡ് മെമ്പർ ഹാജിറ, പടവ് കമ്മറ്റി പ്രസിഡന്‍റ് അബൂബക്കർ കുന്നംകാട്ടയിൽ, സെക്രട്ടറി ജബ്ബാർ, കർഷക കോൺഗ്രസ് മണ്ഡലം പ്രസിഡന്‍റ് പി.കെ. വിനോദ്, സിപിഎം ലോക്കൽ സെക്രട്ടറി താജുദ്ധീൻ തുടങ്ങിയവർ പ്രസംഗിച്ചു. കട്ട്‌ല, റോഹ്, കാർപ്പ് എന്നിങ്ങനെ ആദ്യഘട്ടം മൂന്നുലക്ഷം കുഞ്ഞുങ്ങളെയാണ് പടവിൽ ഇറക്കുന്നത്. രണ്ടുഘട്ടമായി നാലുലക്ഷം മത്സ്യക്കുഞ്ഞുങ്ങളെയാണ് പടവിൽ ഇറക്കുന്നത്.

വധശ്രമക്കേസ്: ഒളിവിലായിരുന്ന പ്രതി പിടിയിൽ

ചാവക്കാട്: വധശ്രമക്കേ സില്‍ ഒളിവിലായിരുന്ന പ്രതിയെ പിടികൂടി. തളിക്കുളം എടശേരി മണക്കാ ട്ടുപടി സിജില്‍രാജി(22)നെയാണ് അറസ്റ്റുചെയ് തത്. കഴിഞ്ഞ മാസം ചാവക്കാട് താലൂക്ക് ആശുപത്രിയില്‍ ചികിത്സക്കായി എത്തിയ ചാവക്കാട് സ്വദേശികളായ യുവാക്കളെ സംഘംചേര്‍ന്ന് മര്‍ദിച്ചെന്ന കേസിലാണ് അറസ്റ്റ്. കേസിലെ മറ്റു പ്രതികളെ നേരത്തെ അറസ്റ്റ് ചെയ്തിരുന്നു. തൃശൂര്‍ സിറ്റി പോലീസ് കമ്മിഷണര്‍ ആര്‍. ഇളങ്കോയുടെ നിര്‍ദേശപ്രകാരം പ്രതിക്കായി പോലീസ് പ്രത്യേക അന്വേഷണ‌സംഘം രൂപവത്കരിച്ചിരു ന്നു. ഗുരുവായൂര്‍ എസിപി സി.എല്‍. ഷാജുവിന്‍റെ യും ചാവക്കാട് പോലീസ് ഇന്‍സ്പെക്ടര്‍ വി.വി. വിമലിന്‍റെയും മേല്‍നോട്ടത്തില്‍ നടത്തിയ അന്വേഷണത്തിലാണ് ബംഗളൂരുവില്‍ ഒളിവില്‍ കഴിയുകയായിരുന്ന പ്രതിയെ പിടികൂടിയത്. വാടാനപ്പിള്ളി പോലീസ് സ്റ്റേഷനില്‍ ഒട്ടേറെ ക്രിമിനല്‍ കേസുകളിലെ പ്രതിയാണ് ഇയാളെന്ന് പോലീസ് പറഞ്ഞു. അന്വേഷണസംഘത്തില്‍ എസ്ഐ ശരത്ത് സോമന്‍, ജിഎസ്‌സിപിഒ അനീഷ്, സിപിഒമാരായ പ്രദീപ്, രജിത്ത് എന്നിവരും ഉണ്ടായിരുന്നു.

മേലൂരിൽ മിന്നൽച്ചുഴലി

മേലൂർ: ഇന്നലെ വൈകീട്ട് അഞ്ചരയോടെ മേലൂർ പഞ്ചായത്തിന്‍റെ വിവിധ ഭാഗങ്ങളിലുണ്ടായ മിന്നൽ ചുഴലിയിൽ വ്യാപക നാശം. പഞ്ചായത്തിലെ മുള്ളന്‍ പാറ, പിണ്ടാണി, പന്തല്‍പാടം, കല്ലുകുത്തി എന്നീ പ്രദേശങ്ങളിലാണ് മഴയ്ക്ക് പിന്നാലെ കാറ്റും ആഞ്ഞുവീശിയത്. സെക്കൻഡുകൾ മാത്രം നീണ്ടു നിന്ന കാറ്റിൽ പ്രദേശവാസികൾ ഭീതിയിലായി. ജാതി, തേക്ക്, തെങ്ങ്, മാവ്, പ്ലാവ് അടക്കം ഒട്ടേറെ മരങ്ങളാണ് കടപുഴകി വീണത്. കൂടാതെ മങ്ങളുടെ ശിഖരങ്ങളും ഒടിഞ്ഞു വീണു. പല സ്ഥലത്തും വീടുകള്‍ക്ക് മുകളിലേക്ക് മരങ്ങള്‍ വീണു. പത്തിലേറെ വൈദ്യുതി പോസ്റ്റുകള്‍ നിലംപൊത്തി. മരങ്ങൾ വീണ് ഒട്ടേറെ ഇടങ്ങളിൽ വൈദ്യുതി ലൈനുകളും പൊട്ടിവീണു. മുള്ളന്‍പാറയിലാണ് ഏറെ നാശം സംഭവിച്ചത്. മുള്ളന്‍പാറ പടയാട്ടി വീട്ടില്‍ ജിപ്‌സൻ, പെരുമ്പിള്ളിക്കാരന്‍ പ്രസന്നന്‍, മംഗലത്ത് സുബ്രന്‍, ജോര്‍ജ് തരകൻ, വര്‍ഗീസ് കൈതാരത്ത്, ജോസ് കൈതാരത്ത്, മൂത്തേടന്‍ സെബാസ്റ്റ്യൻ, വാണിയംപാറ ലിജോ എന്നിവരുടെ പറമ്പുകളിലെ ജാതി മരങ്ങള്‍ കടപുഴകി വീണു. മംഗലത്ത് രാഹുലന്‍റെ പറമ്പിലെ 50 ജാതി മരങ്ങള്‍ ഒടിഞ്ഞ് വീണു. മൂത്തേടന്‍ സെബാസ്റ്റ്യന്‍റെ പറമ്പിലെ മരം സമീപത്തെ ലീന ജോണ്‍സന്‍റെ വീടിന് മുകളില്‍ വീണ് വീടിന് കേടുപാടുകള്‍ സംഭവിച്ചു. പയ്യപ്പിള്ളി വര്‍ഗീസിന്‍റെ തൊഴുത്തിലെ ഷീറ്റ് കാറ്റില്‍ പറന്നുപോയി. ഇവിടത്തെ ബസ് സ്റ്റോപ്പിന്‍റെ മേല്‍കൂരയും പറന്നുപോയി. കല്ലിുകുത്തി കനാല്‍ ജംഗ്ഷനിൽ കണ്ണമ്പുഴ ജോയിയുടെ പറമ്പിലെ മരം വീണ് സമീപത്തെ പറമ്പിലെ വാഴകൃഷി നശിച്ചു. ജാതി മരങ്ങളാണ് കൂടുതലായും മറിഞ്ഞിരിക്കുന്നത്. ഇതിന് പുറമെ തേക്ക്, പ്ലാവ്, റബ്ബര്‍ എന്നിവയും മറിഞ്ഞിട്ടുണ്ട്. മുള്ളന്‍പാറയില്‍ ഇടശേരി ജോസ്, ഷൈജു എന്നിവരുടെ വീടിന് മുകളില്‍ മരം വീണ് വീട് ഭാഗികമായി തകര്‍ന്നു. അറുപതില്‍ പരം പറമ്പുകളിലെ കാര്‍ഷിക വിളകള്‍ പൂര്‍ണ്ണമായും നശിച്ച നിലയിലാണ്. മരങ്ങള്‍ റോഡിലേക്ക് മറിഞ്ഞ് വീണ് ഗാതഗതം സ്തംഭിച്ചിരിക്കുകയാണ്. മേലൂർ - അടിച്ചിലി റോഡും ഗതാഗതം തടസപ്പെട്ടിട്ടുണ്ട്. ബദല്‍ വഴികളിലൂടയാണ് വാഹനങ്ങൾ കടത്തിവിടുന്നത്. മേഖലയിൽ വൈദ്യുതി ബന്ധം പൂർണമായും താറുമാറായിരിക്കുകയാണ്. ചാലക്കുടിയിൽ നിന്നെത്തിയ ഫയര്‍ഫോഴ്‌സിന്‍റേയും കെഎസ്ഇബിയുടേയും നാട്ടുകാരുടെയും നേതൃത്വത്തില്‍ മരങ്ങള്‍ വെട്ടിമാറ്റുന്നതടക്കമുള്ള പ്രവൃത്തികള്‍ നടക്കുന്നുണ്ട്.

ബസ് തടഞ്ഞുനിർത്തി വാൾവീശിയ കഴിമ്പ്രം സ്വദേശി അറസ്റ്റിൽ

തൃപ്രയാർ: ബസ് തടഞ്ഞുനിർത്തി വാൾവീശി ഭീകരാന്തരീക്ഷം സൃഷ്ടിച്ച പ്രതി അറസ്റ്റിൽ. വല പ്പാട് കഴിമ്പ്രം ബീച്ച് സ്വദേശി കുറുപ്പത്ത് വീട്ടിൽ ഷിബിൻ (46) നെയാണ് വലപ്പാട് പോലീസ് അറസ്റ്റ് ചെയ്തത്. ശനിയാഴ്ച രാവിലെ 11.30 ന് കഴിമ്പ്രം വലിയ നെടിയിരിപ്പിൽ അമ്പലത്തിനടുത്തുള്ള റോഡിൽവച്ച് മത്സ്യബന്ധനത്തൊഴിലാളിയായ ചെന്ത്രാപ്പിന്നി ചാമക്കാല സ്വദേശി അല്ലപ്പുഴ വീട്ടിൽ ബാബുവും മറ്റ് തൊഴിലാളികളും യാത്ര ചെയ്തിരുന്ന ബസിനു മുന്നിലേക്ക് വാളുമായിവന്ന് ബസ്തടഞ്ഞുനിർത്തി ബസിനുള്ളിലേക്ക് വാളുമായികയറി ബാബുവിനെ കൊന്നുകളയുമെന്ന് ഭീഷണിപ്പെടുത്തുകയും കഴുത്തിനുനേരെ വാൾവീശി ഭീകരാന്തരീക്ഷം സൃഷ്ടിക്കുകയുമായിരുന്നു. അറസ്റ്റിലായ പ്രതിയെ ഇന്നു കോടതിയിൽ ഹാജരാക്കും. തുളസിദാസ് എന്നയാ ളുടെ ഉടമസ്ഥതയിലുള്ള പ്രജാപതി എന്നു പേ രുള്ള വള്ളത്തിലാണ് ഷിബിൻ ജോലി ചെയ് തിരുന്നത്. മൂന്നുദിവസംമുമ്പ് ഷിബിൻ മദ്യപിച്ച് കൂടെ വള്ളത്തിൽ ജോലി ചെയ്യുന്നവരുമായി പ്രശ്നമുണ്ടാക്കിയതിനാൽ ജോലിയിൽ‌നിന്ന് പുറത്താക്കിയിരുന്നു. ഇതിന്‍റെ വൈരാഗ്യത്തിലാണു പ്രതി ബസുതടഞ്ഞ് തന്‍റെ വള്ളത്തിന്‍റെ ഉടമയെ ചോദിക്കുകയും അറിയില്ലെന്ന് പറഞ്ഞ ബാ ബുവിന്‍റെ കഴുത്തിനുനേരെ വാൾ വീശിയും മറ്റും ഭീകരാന്തരീക്ഷം സൃഷ്ടിച്ചത്. ഷിബിൻ കൊടുങ്ങല്ലൂർ, മതിലകം, കാട്ടൂർ പോലീസ് സ്റ്റേഷനുകളിലായി നാലു വധശ്രമക്കേസിലും മൂന്ന് അടിപിടിക്കേസിലും വീടുകയറി ആക്രമിച്ച രണ്ട് കേസിലും ലഹളയുണ്ടാക്കാൻ ശ്രമിച്ച കേസിലും സ്ത്രീധന പീഢനക്കേസിലും അടക്കം പതിനൊന്ന് ക്രമിനൽ കേസിലെ പ്രതിയാണ്. വലപ്പാട് സിഐ എം.കെ. രമേഷ്, എഎസ്ഐമാരായ രാജേഷ് കുമാർ, ഭരതനുണ്ണി, സീനിയർ സിവിൽ പോലീസ് ഓഫീസർ സോഷി, സിപിഒ സന്ദീപ് എന്നിവരാണു പ്രതിയെ പിടികൂടിയ സംഘത്തിലുണ്ടായിരുന്നത്.

മുല്ലശേരി ഗുഡ് ഷെപ്പേർഡ് സെൻട്രൽ സ്കൂളിൽ കാരുണ്യ ഭവനനിർമാണ പദ്ധതി

പാവറട്ടി: മുല്ലശേരി ഗുഡ് ഷെപ്പേർഡ് സെൻട്രൽ സ്കൂളിൽ സിൽവർ ജൂബിലി ആഘോഷങ്ങളുടെ ഭാഗമായുള്ള കാരുണ്യ ഭവനനിർമാണ പദ്ധതി ഉദ്ഘാടനവും മെറിറ്റ് ഡേ ആഘോഷവും നടന്നു. അമല മേരിറാണി സ്കൂൾ പ്രിൻസിപ്പൽ സിസ്റ്റർ ഡോ. വൽസ കാരുണ്യഭവന നിർമാണ പദ്ധതി ഉദ്ഘാടനം നിർവഹിച്ചു. സ്കൂൾ ഡയറക്ടർ ഫാ. ടിജോ മുള്ളക്കര അധ്യക്ഷത വഹിച്ചു. പ്രിൻസിപ്പൽ കെ. സുബിനി, വൈസ് പ്രിൻസിപ്പൽ സിസ്റ്റർ രാഗിൻ മരിയ, പിടിഎ പ്രസിഡന്‍റ് ഷൈൻ റാഫേൽ, മദർ പിടിഎ എൻ.ആർ. രജിത, ട്രസ്റ്റ് പ്രതിനിധി ടി.ജെ. ജോൺ, സിസ്റ്റർ സ്റ്റീനി, സിറിഷ ഡെന്നി എന്നിവർ പ്രസംഗിച്ചു.

കാട്ടാനകളിറങ്ങി കൃഷിനശിപ്പിച്ചു

വടക്കാഞ്ചേരി: നഗരസഭ പരിധിയിലെ അകമല മേഖലകളിൽ വീണ്ടും കാട്ടാനയിറങ്ങി കൃഷിനാശം വരുത്തി. വാഴ ഉൾപ്പടെയുള്ള കാർഷികവിളകൾ നശിപ്പിക്കുകയും ചക്ക, മാങ്ങ ഫലങ്ങൾ ഭക്ഷി ക്കുകയും ചെയ്തിട്ടുണ്ട്. ഉത്രാളിക്കാവ് ക്ഷേത്രത്തിനു പിൻഭാഗത്തുള്ള റെയിൽവേ ട്രാക്കിനടുത്തുവരെ കാട്ടാന എത്തിയത് ഗൗരവത്തോടെയാണു വനംവകുപ്പ് വീക്ഷിക്കുന്നത്. മേഖലയിൽ കാട്ടാന ഉൾപ്പടെയുള്ള വന്യമൃഗങ്ങൾ ഇറങ്ങാതിരിക്കുവാൻ അകമല കാട്ടിലെ ഗേറ്റ് പരിസരം മുതൽ ചേപ്പിലക്കോട് വരെയുള്ള 5.6 കിലോമീറ്റർ ഭാഗത്ത് സോളാർ ഫെൻസിംഗ് സ്ഥാപിച്ചിട്ടുണ്ട്. മരം മറിച്ചിട്ട് സോളാർ ഫെൻസിംഗ് സ്ഥാപിച്ചിട്ടുള്ള കാൽചവിട്ടി മറിച്ചാണ് കാട്ടാനകൾ ജനവാസമേഖലയിലേക്കു കടന്നിരിക്കുന്നത്. അകമല പരിസരത്തിനും പോയിന്‍റ്് ടു എന്നറിയപ്പെടുന്ന ഭാഗത്തിനും ഇടയിലാണു കാട്ടാനകൾ ഇത്തരത്തിൽ സോളാർ ഫെ ൻസിംഗ് ലൈൻ മറിച്ചിട്ടിട്ടുള്ളതായി വനം വകുപ്പ് ഉദ്യോഗസ്ഥരുടെ പരിശോധനയിൽ കണ്ടെത്തി യത്. തുടർന്ന് അടിയന്തരമായി മേഖലയിൽ അറ്റകുറ്റപ്പണി നടത്തി. ഇന്നലെ പതിനൊന്നോടെ സോ ളാർ ഫെൻസിംഗ് പൂർവസ്ഥിതിയിലാക്കി ചാർജ് ചെയ്തിട്ടുണ്ട്. അകമല ഭാഗത്ത് പൂക്കുന്നത്ത് സേതുമാധവൻ, കെ.പി. മാധവൻ എന്നിവരുടെയെല്ലാം കൃഷിയിടത്തിൽ കാട്ടാനയിറങ്ങി കൃഷിനാശം വരുത്തിയിട്ടുണ്ട്. കഴിഞ്ഞ ദിവസം രാത്രിയിൽ ഇറങ്ങിയ കാട്ടാനയെ വനംവകുപ്പ് ഉൾക്കാട്ടിലേക്കു തുരത്തിയെങ്കിലും പുലർച്ചയോടെ വീണ്ടും മേഖലയിൽ ഇറങ്ങിവന്നാണ് കൃഷിനാശം ഉണ്ടാക്കിയത്. കാട്ടാന ഇറങ്ങി കൃഷിനാശം വരുത്തിയ സ്ഥലങ്ങൾ വാഴാനി ഡെപ്യൂട്ടി റേഞ്ച് ഫോറസ്റ്റ് ഓഫീസർ പി. വിനോദിന്‍റെ നേതൃത്വത്തിലുള്ള സംഘം സന്ദർശനം നടത്തി സ്ഥി തിഗതികൾ വിലയിരുത്തി.

ടോള്‍ പ്ലാസയിലേക്കു യൂത്ത് കോണ്‍ഗ്രസ് മാര്‍ച്ചിനിടെ സംഘര്‍ഷം, ജലപീരങ്കി

പാലിയേക്കര: ദേശീയപാതയിലെ പാലിയേക്കര ടോള്‍ പിരിവിനെതിരേ യൂത്ത് കോണ്‍ഗ്രസ് നടത്തിയ മാര്‍ച്ചിനിടെ സംഘര്‍ഷം. പോലീസ് ജലപീരങ്കി പ്രയോഗിച്ചു. 14 പേരെ അറസ്റ്റുചെയ്തു. യൂത്ത് കോണ്‍ഗ്രസ് പുതുക്കാട്, ഒല്ലൂര്‍ നിയോജകമണ്ഡലം കമ്മിറ്റികളുടെ നേതൃത്വത്തിലായിരുന്നു മാര്‍ച്ച്. പാലിയേക്കര മേല്‍പ്പാലത്തിനു സമീപത്തുനിന്ന് ആരംഭിച്ച മാര്‍ച്ച് ടോള്‍പ്ലാസയ്ക്കുസമീപം പോലീസ് തടഞ്ഞു. ദേശീയപാതയുടെ തൃശൂര്‍ ഭാഗത്തേക്കുള്ള ട്രാക്ക് പകുതിയോളം പോലീസ് ബാരിക്കേഡ് വച്ച് തടഞ്ഞിരുന്നു. അതോടെ പ്രവര്‍ത്തകര്‍ ദേശീയപാതയുടെ ഒരുവശത്ത് ഇരുന്നു പ്രതിഷേധിച്ചു.

മുന്‍ ഡിസിസി പ്രസിഡന്‍റ് ജോസ് വള്ളൂര്‍ മാര്‍ച്ച് ഉദ്ഘാടനം ചെയ്തു. ഉദ്ഘാടനപ്രസംഗം കഴിഞ്ഞതോടെ പ്രവര്‍ത്തകര്‍ പോലീസ് ബാരിക്കേഡുകള്‍ തകര്‍ത്തു മുന്നോട്ടുനീങ്ങി. ഏറെനേരം പോലീസും പ്രവര്‍ത്തകരും ബാരിക്കേഡുകള്‍ക്ക് ഇരുപുറംനിന്ന് ബലപരീക്ഷണം നടത്തി. തുടര്‍ന്നു പോലീസ് ജലപീരങ്കി പ്രയോഗിച്ചു. ഒരു ടാങ്ക് വെള്ളം തീര്‍ന്നിട്ടും പ്രവര്‍ത്തകര്‍ ദേശീയപാതയില്‍നിന്നു മാറിയില്ല. തുടര്‍ന്നു പ്രവര്‍ത്തകര്‍ ദേശീയപാത ഉപരോധിച്ചു വാഹനങ്ങള്‍ തടഞ്ഞു. അതോടെ ടോള്‍പ്ലാസയില്‍ വന്‍ഗതാഗതക്കുരുക്കായി. ഞൊടിയിടയില്‍ വാഹനങ്ങളുടെ നീണ്ടനിരയായി. തുടർന്നു ദേശീയപാതയില്‍ കിടന്നു മുദ്രാവാക്യംവിളിച്ച പ്രവര്‍ത്തകരെ പോലീസ് ബലംപ്രയോഗിച്ച് അറസ്റ്റുചെയ്തുനീക്കി. ജോസ് വള്ളൂര്‍, കെ. ഗോപാലകൃഷ്ണന്‍, ടി.എം. ചന്ദ്രന്‍, ശോഭ സുബിന്‍, സി. പ്രമോദ്, ഹരീഷ് മോഹന്‍, സുഷില്‍ ഗോപാല്‍, ഫൈസല്‍ ഇബ്രാഹിം, അല്‍ജോ ചാണ്ടി, ഷെറിന്‍ തേര്‍മഠം, കെ. മനോജ് കുമാര്‍, ഹരണ്‍ ബേബി എന്നിവരെ അറസ്റ്റുചെയ്തു ജാമ്യത്തില്‍ വിട്ടയച്ചു. ജെയ്ജു സെബാസ്റ്റ്യന്‍, സെബി കൊടിയന്‍, കെ.എഫ്. ഡൊമിനിക്ക്, റോയ് കെ. ദേവസി, റിസണ്‍ വര്‍ഗീസ്, ജിമ്മി മഞ്ഞളി, ഔസേഫ് വൈക്കാടന്‍, ഷാഫി കല്ലൂപ്പറമ്പില്‍, പി.ടി. വിനയന്‍, കെ. രാധാകൃഷ്ണന്‍, സിജോ പുന്നക്കര, കെ.വി. പുഷ്പാകരന്‍, കെ.എസ്. കൃഷ്ണന്‍ കുട്ടി എന്നിവര്‍ നേതൃത്വം നല്‍കി.

ജില്ലയിൽ രണ്ടിടത്ത് മോഷണം; മൂന്നുപീടിക ഐഡിയ ജ്വല്ലറിയിൽ ചുമർ കുത്തിത്തുറന്ന് മോഷണശ്രമം

കയ്പമംഗലം: മൂന്നുപീടികയിലെ ഐഡിയ ജ്വല്ലറിയിൽ ചുമർ കുത്തിത്തുറന്ന് മോഷണശ്രമം നടത്തിയ സംഭവത്തിൽ കയ്പമംഗലം പോലീസ് അന്വേഷണം ആരംഭിച്ചു. കയ്പമംഗലം എസ്ഐ ടി. അഭിലാഷിന്‍റെ നേതൃത്വത്തിലുള്ള പോലീസാണ് അന്വേഷണം നടത്തുന്നത്. ജ്വല്ലറിയിലെ സിസിടിവി പരിശോധിച്ചതിൽനിന്നും ഇന്നലെ പുലർച്ചെ രണ്ടരയ്ക്കും മൂന്നരക്കും ഇടയിലുള്ള സമയത്താണ് മോഷണത്തിന് ശ്രമിച്ചിട്ടുള്ളതെന്ന് കണ്ടെത്തിയിട്ടുണ്ട്. 3.15 ഓടെ ചുമർ കുത്തിത്തുരന്ന് ഒരാൾ മുഖംമറച്ച് ജ്വല്ലറിയിലേക്ക് കടന്നുവരുന്ന ദൃശ്യങ്ങൾ പോലീസിന് ലഭിച്ചിട്ടുണ്ട്. മോഷ്ടാവ് അകത്ത് കടന്ന ഉടൻ തന്നെ സിസിടിവി സിസ്റ്റം സ്വിച്ച്ഓഫ് ചെയ്യുകയും ചെയ്തിട്ടുണ്ട്. ഒരാൾക്ക് കടന്നുവരാവുന്ന വലിപ്പത്തിലാണ് പിൻഭാഗത്തെ ചുമർ തുരന്നിട്ടുള്ളത്. 2024ൽ ഇതേ ജ്വല്ലറിയിൽ സമാന രീതിയിൽ മോഷണം നടന്നിട്ടുണ്ട്. അതേ സ്ഥലത്തെ ചുമർ തന്നെയാണ് കുത്തിത്തുരന്നത്. മൂന്നാം തവണയാണ് ഈ ജ്വല്ലറിയിൽ മോഷണം നടക്കുന്നത്. 2007ലാണ് ആദ്യ മോഷണം നടന്നത്. അന്ന് സ്വർണാഭരണങ്ങൾ നഷ്ടപ്പെട്ടിരുന്നു. 2024 ൽ നടന്ന മോഷണത്തിൽ 200 ഗ്രാം വെള്ളിയാഭരണങ്ങളും നഷ്ടപ്പെട്ടിരുന്നു. ഈ കേസുകളിലൊന്നും മോഷ്ടാവിനെ പിടികൂടാൻ പോലീസിന് കഴിഞ്ഞിട്ടില്ല. ഒല്ലൂക്കര വില്ലേജ് ഓഫീസിൽ മോഷണം മണ്ണുത്തി: ഒല്ലൂക്കര വില്ലേജ് ഓഫീസിൽ മോഷണം. ഓഫീസിന്‍റെ പൂട്ട് തകർത്താണ് മോഷ്ടാവ് അകത്തുകടന്നത്. മേശയിൽ സൂക്ഷിച്ചിരുന്ന 750 രൂപ മോഷണം പോയി. വില്ലേജ് ഓഫീസറുടെ പരാതിയിൽ മണ്ണുത്തി പോലീസ് കേസെടുത്തു. ഒന്നരമാസം മുന്പ് തൃശൂരിലെ മറ്റൊരു വില്ലേജ് ഓഫീസിലും മോഷണശ്രമം നടന്നിരുന്നു.

കേരളരാഷ്ട്രീയത്തിൽ ലീഡറുടെ പ്രസക്തി കൂടിവരുന്നു: തേറന്പിൽ

തൃശൂർ: ലീഡർ കെ. കരുണാകരൻ തുടങ്ങിവച്ച മഹത്തായ സംരംഭങ്ങളുടെ പേരിൽതന്നെയാണ് ഇന്നും കേരളം മുന്നോട്ടുപോകുന്നതെന്നു മുൻസ്പീക്കർ തേറന്പിൽ രാമകൃഷ്ണൻ. കാലമെത്ര പിന്നിട്ടിട്ടും ലീഡറുടെ പ്രസക്തി കേരള രാഷ്ട്രീയത്തിൽ കൂടിവരികയാണെന്നും തേറന്പിൽ കൂട്ടിച്ചേർത്തു. കെ. കരുണാകരന്‍റെ 107-ാം ജന്മവാർഷികദിനത്തിൽ പൂങ്കുന്നം മുരളിമന്ദിരത്തിലെ സ്മൃതിമണ്ഡപത്തിൽ പുഷ്പാർച്ചന നടത്തി സംസാരിക്കുകയായിരുന്നു അദ്ദേഹം. ഡിസിസി പ്രസിഡന്‍റ് അഡ്വ. ജോസഫ് ടാജറ്റ് അധ്യക്ഷത വഹിച്ചു. ജോസ് വള്ളൂർ, ടി.വി. ചന്ദ്രമോഹൻ, സുനിൽ അന്തിക്കാട്, രാജേന്ദ്രൻ അരങ്ങത്ത്, രാജൻ പല്ലൻ, സി.എൻ. ഗോവിന്ദൻകുട്ടി, ജോസ് ചാലിശേരി, കെ.ബി. ശശികുമാർ, കെ.കെ. ബാബു, അഡ്വ. വി. സുരേഷ് കുമാർ, കെ.വി. ദാസൻ, അഡ്വ. സിജോ കടവിൽ, കെ.എച്ച്. ഉസ്മാൻഖാൻ, എം.എസ്. ശിവരാമകൃഷ്ണൻ, കെ.പി. രാധാകൃഷ്ണൻ, ഫ്രാൻസിസ് ചാലിശേരി, അഡ്വ. ആശിഷ് മൂത്തേടത്ത് എന്നിവർ പങ്കെടുത്തു.

ആരോഗ്യമന്ത്രി കേരളത്തിന് അപമാനം: കേരള കോണ്‍ഗ്രസ്

തൃശൂർ: കേരളത്തിന്‍റെ ആരോഗ്യമേഖലയ്ക്കു കളങ്കംചാർത്തി അപമാനകരമായ രീതിയിൽ ചിന്തിക്കുകയും പ്രവർത്തിക്കുകയും ചെയ്യുന്ന ആരോഗ്യമന്ത്രി വീണാ ജോർജ് തൽസ്ഥാനത്ത് ഇനിയും തുടരേണ്ടതുണ്ടോയെന്ന് ഇടതുനേതൃത്വം പരിശോധിക്കണമെന്നു ടൗണ്‍ഹാളിൽ ആരംഭിച്ച കേരള കോണ്‍ഗ്രസ് ദ്വിദിന ക്യാന്പ് സെമിനാർ ആവശ്യപ്പെട്ടു. തദ്ദേശതെരഞ്ഞെടുപ്പിനെ ജില്ലയിൽ ഒറ്റക്കെട്ടായി നേരിടുന്നതിനായി പഞ്ചായത്ത്, മുനിസിപ്പൽ, കോർപറേഷൻ പ്രദേശങ്ങളിൽ അടിയന്തരമായി യുഡിഎഫ് സമിതികൾ രൂപീകരിക്കണമെന്നു പ്രമേയത്തിലൂടെ ആവശ്യപ്പെട്ടു. കേരള കോണ്‍ഗ്രസ് ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ സെമിനാർ ഉദ്ഘാടനം ചെയ്തു. ജില്ലാ പ്രസിഡന്‍റ് സി.വി. കുരിയാക്കോസ് അധ്യക്ഷത വഹിച്ചു. സീനിയർ നേതാവ് പി.ആർ. തോമസ് പതാകയുയർത്തി. സംസ്ഥാന വൈസ് ചെയർമാൻ എം.പി. പോളി മുഖ്യപ്രഭാഷണം നടത്തി. കേരള യൂത്ത് ഫ്രണ്ട് സംസ്ഥാന പ്രസിഡന്‍റ് കെ.വി. കണ്ണൻ, കേരള കോണ്‍ഗ്രസ് സംസ്ഥാന ജനറൽ സെക്രട്ടറിമാരായ മിനി മോഹൻദാസ്, ജോയ് ഗോപുരൻ, പ്രസാദ് പുലിക്കോടൻ, സി.ടി. പോൾ, ജില്ലാ ജനറൽ സെക്രട്ടറി ഇട്ടിച്ചൻ തരകൻ, വൈസ് പ്രസിഡന്‍റുമാരായ തോമസ് ആന്‍റണി, ഡി. പദ്മകുമാർ, കേരള യൂത്ത് ഫ്രണ്ട് സംസ്ഥാന ജനറൽ സെക്രട്ടറി ടി.പി. സന്തോഷ്, ജില്ലാ പ്രസിഡന്‍റ് ജോബി ആലപ്പാട്ട്, ലിൻഡി ഷിജു എന്നിവർ പ്രസംഗിച്ചു.

പ്രഥമ ഗോപിനാഥം പുരസ്‌കാരം കലാമണ്ഡലം ശിബി ചക്രവര്‍ത്തിക്ക്

ഇരിങ്ങാലക്കുട: കഥകളിനടനും ഉണ്ണായിവാരിയര്‍ സ്മാരക കലാനിലയം കഥകളി വേഷവിഭാഗം മേധാവിയുമായിരുന്ന കലാനിലയം ഗോപിനാഥന്‍റെ സ്മരണയ്ക്കായി ഏര്‍പ്പെടുത്തുന്ന പ്രഥമ ഗോപിനാഥം പുരസ്‌കാരം പ്രഖ്യാപിച്ചു. യുവ കഥകളിനടന്‍ കലാമണ്ഡലം ശിബി ചക്രവര്‍ത്തിക്കാണ് പുരസ്‌കാരം. 10,001 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. ഇരിങ്ങാലക്കുടയില്‍ നടന്ന ചടങ്ങില്‍ കഥകളി ആചാര്യന്‍ ഡോ. സദനം കൃഷ്ണന്‍കുട്ടി പുരസ്‌കാരപ്രഖ്യാപനം നിര്‍വഹിച്ചു. 26നു കലാനിലയത്തില്‍ നടക്കുന്ന അനുസ്മരണ സമ്മേളനത്തില്‍ പുരസ്‌കാരം സമ്മാനിക്കും. ഉന്നതവിദ്യാഭ്യാസ മന്ത്രി ഡോ. ആര്‍. ബിന്ദുവാണ് പ്രഥമ പുരസ്‌കാരം സ്‌പോണ്‍സര്‍ ചെയ്തിരിക്കുന്നത്.

കുന്നംകുളത്ത് കഞ്ചാവുമായി രണ്ടുപേർ പിടിയിൽ

കുന്നംകുളം: ഒരു കിലോ കഞ്ചാവുമായി കുന്നംകുളത്ത് രണ്ടുപേർ അറസ്റ്റിൽ. കുന്നംകുളം അടുപ്പുട്ടി പാക്കത്ത് അജിത് (35), കാക്കശേരി ബെർലിൻ (27) എന്നിവരെയാണ് കുന്നംകുളം പോലീസ് അറസ്റ്റ് ചെയ്തത്. ഇന്നലെ വൈകീട്ട് കുന്നംകുളം വടക്കാഞ്ചേരി റോഡിൽ നിന്നുമാണ് ഇവർ പിടിയിലാകുന്നത്. കുന്നംകുളം പോലീസും ഡാൻസാഫ് സംഘവും ചേർന്നായിരുന്നു അറസ്റ്റ്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

അതിരപ്പിള്ളിയിൽ കാട്ടാന ആക്രമണം: യുവാവിനു പരിക്ക്

അതിരപ്പിള്ളി: പിള്ളപ്പാറയിൽ കാട്ടാന ആക്രമണത്തിൽ യുവാവിനു പരിക്കേറ്റു. പിള്ളപ്പാറ സ്വദേശി മുണ്ടന്മാണി ഷിജു(48)വിനാണ് പരിക്കേറ്റത്. ഇന്നലെ രാത്രി എട്ടിനാണ് സംഭവം. പള്ളിയിൽപ്പോയി തിരികെ വീട്ടിലേക്ക് ബൈക്കിൽ വരുമ്പോൾ റോഡിൽ കാട്ടാനയെ കണ്ടതിനാൽ ബൈക്ക് നിർത്തി തിരികെപോരാൻ ശ്രമിക്കുമ്പോൾ സമീപത്തുണ്ടായിരുന്ന മറ്റൊരു കാട്ടാന ഷിജുവിനെ ആക്രമിക്കാൻ ശ്രമിക്കുകയായിരുന്നു. രക്ഷപ്പെട്ട് ഓടുന്നതിനിടെ വീണാണ് ഷിജുവിനു പരിക്കേറ്റത്. നാട്ടുകാർ അറിയിച്ചതിനെതുടർന്ന് സ്ഥലത്തെത്തിയ വനപാലകർ പരിക്കേറ്റ ഷിജുവിനെ ചാലക്കുടി താലൂക്ക് ആശുപത്രിയിൽ എത്തിച്ചു.

ചിറങ്ങരയിലെ ഇറിഗേഷൻ കാര്യാലയം ‘വെന്‍റിലേറ്ററിൽ’

കൊരട്ടി: ജലസേചനവകുപ്പ് അസിസ്റ്റന്‍റ് എൻജിനീയറുടെ കാര്യാലയം കൊരട്ടി, ജലസേചനവകുപ്പ് അസിസ്റ്റന്‍റ് എൻജിനീയറുടെ കാര്യാലയം കറുകുറ്റി എന്നീ ബോർഡുകൾവച്ച് ദേശീയപാത ചിറങ്ങരയുടെ ഹൃദയഭാഗത്ത് പ്രവർത്തിക്കുന്ന ഇറിഗേഷൻ കെട്ടിടം വെന്‍റിലേറ്ററിലായ അവസ്ഥയാണ്. ദൈന്യതയുടെ പാരമ്യത്തിലെത്തിയ കെട്ടിത്തിന്‍റെ അങ്കണംതന്നെ പുല്ലുകയറി ചെളിനിറഞ്ഞ നിലയിലാണ്. കാലപ്പഴക്കത്തിന്‍റെ ജീർണതബാധിച്ച ഈ കെട്ടിടത്തിന് തൊട്ടടുത്ത് ലക്ഷങ്ങൾമുടക്കി നിർമിച്ച പുതിയ കെട്ടിടവും ഇന്ന് കാടുകയറി, ഇഴജന്തുക്കളുടെ വിഹാരകേന്ദ്രമായിരിക്കുകയാണ്. കുറച്ചുപണികൾ കൂടി ബാക്കിയുണ്ടെന്നും ഇതിനാവശ്യമായ ഫണ്ടിനുവേണ്ടി കാത്തിരിക്കുകയാണെന്നുമാണ് ബന്ധപ്പെട്ടവർ നൽകുന്ന വിശദീകരണം. കൊരട്ടി, കാടുകുറ്റി, മേലൂർ, കറുകുറ്റി, പാറക്കടവ് പഞ്ചായത്തുകൾ ഉൾപ്പെടുന്ന ചിറങ്ങരയിലെ ഇറിഗേഷൻ കാര്യാലയത്തിന് ബലക്ഷയം സംഭവിച്ചതോടെയാണ് പുതിയ കെട്ടിടം നിർമിക്കാൻ അധികൃതർ തയാറായത്. ഇടതുകര കനാലുകൾക്കുള്ള ഇറിഗേഷൻ ഓഫീസ് എന്നതിലുപരി അഞ്ചുപഞ്ചായത്തുകളിലെ കൃഷിയിടങ്ങളിലേക്കുള്ള ജലസേചനവും അതുവഴി കുടിവെള്ള സമൃദ്ധിയും ഉറപ്പുവരുത്താൻ കാര്യക്ഷമമായി പ്രവർത്തിക്കേണ്ടയിടം എന്നതിനാൽ ഏറെ പ്രതിക്ഷയോടെയാണ് പുതിയ കെട്ടിടത്തെ നോക്കിക്കണ്ടത്. കെട്ടിടത്തിന്‍റെ നിർമാണം ചിറങ്ങര ജംഗ്ഷനിലായതിനാൽ താഴെയുള്ള നിലയിൽ വാണിജ്യ സമുച്ചയവും ഓഫീസുകളും ഒന്നാംനിലയിൽ മീറ്റിംഗ് ഹാളുമാണ് ഉൾപ്പെടുത്തിയിരുന്നത്. രണ്ടുഘട്ടങ്ങളിലായാണ് നിർമാണം നടത്താൻ ഉദ്ദേശിച്ചത്. 2021-22 വർഷം ആദ്യഘട്ടമെന്ന നിലയിൽ 41.50 ലക്ഷം അനുവദിച്ചു. രണ്ടാംഘട്ടമായി അനുവദിച്ച തുകയും വിനിയോഗിച്ച് നിർമാണംനടത്തി. നിര്‌മാണം അവസാനഘട്ടത്തിലെത്തി കിടക്കാൻ തുടങ്ങിയിട്ട് വർഷങ്ങളായി. തുക വൈകുന്നതോടെയാണ് അവശേഷിക്കുന്ന നിർമാണങ്ങൾ താളംതെറ്റിയത്. ദേശീയപാതയ്ക്ക് അഭിമുഖമായി കെട്ടിടത്തിനു മുന്നിൽ ഗേറ്റ് സ്ഥാപിച്ചെങ്കിലും വള്ളിപടർപ്പുകൾ പടർന്നുകയറി തുരുമ്പെടുത്ത അവസ്ഥയിലാണ്. കെട്ടിടത്തിൽ പ്രവേശിക്കാനാകാത്ത വിധത്തിലാണ് കാടുകയറിയിരിക്കുന്നത്.

വിരിപ്പുകൃഷി മഴയില്‍ നശിച്ചു; കര്‍ഷകര്‍ നിരാശയില്‍

വെള്ളിക്കുളങ്ങര: മറ്റത്തൂര്‍ കൃഷിഭവനിലെ കൊടുങ്ങ പാടശേഖരത്തില്‍ വിരിപ്പുകൃഷിയിറക്കിയ കര്‍ഷകര്‍ കണ്ണീരിലായി. തുടര്‍ച്ചയായി പെയ്ത മഴയില്‍ വെള്ളംകയറി കൃഷി പൂര്‍ണമായും നശിച്ചതാണ് ഇവിടത്തെ കര്‍ഷകരെ കണ്ണീരിലാക്കിയത്. 11 ഏക്കറോളം വരുന്ന കൊടുങ്ങ പാടശേഖരത്തില്‍ ഇത്തവണ പതിവിലും നേരത്തെയാണ് വിരിപ്പുകൃഷിയിറക്കിയത്. ഉമ വിത്തുപയോഗിച്ചു ഞാറ്റടി തയാറാക്കി ഒറ്റഞാര്‍ സമ്പ്രദായത്തിലാണ് കൃഷിയിറക്കിയത്. ജൂണ്‍ പകുതിയോടെ ഞാറുനടീല്‍ പൂര്‍ത്തിയാക്കിയെങ്കിലും വൈകാതെ മഴ ശക്തമായി. ദിവസങ്ങളോളം തുടര്‍ച്ചയായി പെയ്ത മഴയില്‍ വെള്ളിക്കുളം വലിയതോടിന് സമീപത്തുള്ള പാടശേഖരം മുങ്ങി. ദിവസങ്ങളോളം വെള്ളത്തില്‍ മുങ്ങിക്കിടന്നതിനെ തുടര്‍ന്ന് ഓല ചീഞ്ഞ് നെല്‍ച്ചെടികള്‍ വെള്ളത്തില്‍വീണ് നശിച്ചുപോയി. മഴയില്‍ കൃഷി നശിച്ചതിലൂടെ കര്‍ഷങ്ങള്‍ക്ക് വലിയൊരു തുകയുടെ നഷ്ടമാണ് നേരിട്ടിരിക്കുന്നത്. ഇനി വീണ്ടും കൃഷിയിറക്കിയാല്‍ കൊയ്ത്ത് വൈകാനും അടുത്തവിളയായ മുണ്ടകന്‍ ഇറക്കാന്‍ തടസംനേരിടാനും ഇടയുള്ളതിനാല്‍ ഇത്തവണത്തെ വിരിപ്പുകൃഷി മുഴുവന്‍ കര്‍ഷകരും ഉപേക്ഷിച്ചിരിക്കയാണെന്ന് പാടശേഖര സമിതി പ്രസിഡന്‍റ് പൗലോസ് പാറയ്ക്കല്‍ പറഞ്ഞു.

‘സേ നോ ടു ഡ്രഗ്‌സ്, യെസ് ടു സ്‌പോര്‍ട്‌സ് ’

ഇരിങ്ങാലക്കുട: സ്‌കൂളുകളിലും കോളജിലും വര്‍ധിച്ചുവരുന്ന ലഹരിയുടെ ഉപയോഗം സ്‌പോര്‍ട്‌സിലൂടെ നിര്‍മാര്‍ജനംചെയ്യാം എന്ന സന്ദേശവുമായി ക്രൈസ്റ്റ് കോളജിലെ ബിപിഇ ഡിപ്പാര്‍ട്ട്‌മെന്‍റിന്‍റെ ആഭിമുഖ്യത്തില്‍ ലഹരിക്കെതിരേയുളള കാമ്പയിന്‍ മന്ത്രി ഡോ.ആര്‍. ബിന്ദു ഉദ്ഘാടനം ചെയ്തു. കാമ്പയിനിന്‍റെ ഭാഗമായി എയറോബിക്‌സ്, ഫുട്‌ബോള്‍ ഡാന്‍സ്, ഗെയിം എക്‌സിബിഷന്‍ എന്നിവ ബിപിഇ ഡിപ്പാര്‍ട്ട്‌മെന്‍റ് വിദ്യാര്‍ഥികള്‍ അവതരിപ്പിച്ചു. കോളജ് മാനേജര്‍ ഫാ. ജോയ് പീണിക്കപ്പറമ്പില്‍ അധ്യക്ഷതവഹിച്ചു. കോളജ് പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ്, ബിപിഇ ഡിപ്പാര്‍ട്ട്‌മെന്‍റ് മേധാവി ഡോ. അനില്‍കുമാര്‍ എന്നിവര്‌ സംസാരിച്ചു.

റോഡില്‍ അപകടക്കുഴികള്‍; റൂട്ട് മാറ്റിയോടി സ്വകാര്യബസുകള്‍

ഇരിങ്ങാലക്കുട: വലിയ കുഴികള്‍മൂലം റോഡ് സഞ്ചാരയോഗ്യമല്ലെന്നാരോപിച്ച് സ്വകാര്യ ബസുകള്‍ ജീവനക്കാരുടെ നേതൃത്വത്തില്‍ തിരിച്ചുവിട്ടു. മാര്‍ക്കറ്റിലെ ഇരട്ട കപ്പേളയ്ക്കു സമീപമുള്ള റോഡാണ് വലിയ കുഴികള്‍മൂലം തകര്‍ന്നുതരിപ്പണമായി ഗതാഗതം അപകടകരമായ അവസ്ഥയിലുള്ളത്. ഇന്നലെ രാവിലെ ബസ് ജീവനക്കാരുടെ നേതൃത്വത്തില്‍ പ്രതിഷേധിക്കുകയും തുടര്‍ന്ന് സപീപത്തെ കുരിശങ്ങാടി കപ്പേള വഴി സ്വകാര്യ ബസുകള്‍ തിരിച്ചുവിടുകയായിരുന്നു. കൊടകര, ചാലക്കുടി ആമ്പല്ലൂര്‍ എന്നീ റൂട്ടിലോടുന്ന ബസുകളാണ് ഇതുവഴി കടന്നുപോകുന്നത്. ബസുകള്‍ വഴിമാറ്റി തിരിച്ചുവിട്ടതിനെതിരെ പ്രദേശവാസികള്‍ പ്രതിഷേധിച്ചതോടെ പോലീസും സംഭവസ്ഥലത്തെത്തി. റോഡിലെ അപകടകരമായ കുഴികളടച്ച് ഗതാഗതം സുഗമമാക്കാത്തപക്ഷം ബദല്‍ സംവിധാനം എന്ന നിലയ്ക്കാണ് ബസുകള്‍ തിരിച്ചുവിടുന്നതെന്ന് ബസ് തൊഴിലാളികള്‍ പറഞ്ഞു. ബസുകള്‍ റൂട്ട് മാറ്റിയോടുന്നത് ഏറെ അപകടകരമാണെന്നും ഇത് അംഗീകരിക്കാനാവില്ലെന്നും നിരവധിപരാതികള്‍ അധികൃതര്‍ക്ക് നല്‍കിയിരുന്നതായും പ്രദേശവാസികള്‍ അറിയിച്ചു. റോഡിലെ കുഴി നികത്തണമെന്നാവശ്യവുമായി നഗരസഭാ അധികൃതരെ നിരവധിതവണ സമീപിച്ചെങ്കിലും നടപടി ഉണ്ടാകാത്തതിനാലാണ് ഇത്തരം സമരവുമായി രംഗത്തിറങ്ങിയതെന്നാണ് ബസ് ജീവനക്കാര്‍ പറയുന്നത്. തുടര്‍ച്ചയായിപെയ്യുന്ന മഴയില്‍ കുഴിയില്‍ വെള്ളംകെട്ടി നില്‍ക്കുന്നതുമൂലം അപകടസാധ്യത ഏറെയാണ്. നിരവധിപേരാണ് ഈ റോഡില്‍ അപകടത്തില്‍പ്പെടുന്നത്. 2023 ഓക്ടോബര്‍ 23ന് മടത്തിക്കര ലൈനില്‍ മുക്കുളംവീട്ടില്‍ മോഹനന്‍റെ മകന്‍ ബിജോയ്(43) എന്ന യുവാവ് ഇവിടത്തെ കുഴിയില്‍ ബൈക്ക് മറിഞ്ഞാണ് മരണപ്പെട്ടത്. ഇതേ തുടര്‍ന്നുണ്ടായ പ്രതിഷേധത്തില്‍ കുഴികളടച്ചുവെങ്കിലും പിന്നീട് ഇതേ സ്ഥലത്ത് കുഴികള്‍ രൂപപ്പെടുകയാണ് ഉണ്ടായത്. കുറച്ചുദിവസംമുമ്പ് മനാര്‍ക്കറ്റിലെ വ്യാപാരിക്കും ഇവിടത്തെ കുഴിയില്‍വീണ് ഗുരുതരമായി പരിക്കുപറ്റി. റോഡിലെ കുഴികളടച്ച് ഗതാഗതം സുഗമാക്കുന്നതോടെ ശരിയായ വണ്‍വേ സമ്പ്രദായം പാലിക്കാമെന്നും അല്ലാത്തപക്ഷം കുരിശങ്ങാടിവഴിയെ സ്വകാര്യ ബസുകള്‍ പോകുകയുള്ളൂവെന്നും ജീവനക്കാര്‍ പറഞ്ഞു. ഇതുവഴിയുള്ള ഗതാഗതം തടഞ്ഞാല്‍ സര്‍വീസുകള്‍ നിര്‍ത്തിവയ്ക്കാനാണ് നീക്കം. പ്രതിഷേധസമരത്തിന് ബസ് എംപ്ലോയേഴ്സ് യൂണിയന്‍ (സിഐടിയു) ജില്ലാ ജോയിന്‍റ് സെക്രട്ടറി ലിസന്‍ മാടാനി, കൊടകര മേഖല സെക്രട്ടറി ജോമിസ് ജോണി, ചാലക്കുടി മേഖല വൈസ് പ്രസിഡന്‍റ് കെ.ആര്‍. ശ്രീജിത്ത്, ചാലക്കുടി മേഖല ജോയിന്‍റ് സെക്രട്ടറി ജോബി ജോര്‍ജ്, കൊടകര മേഖല വൈസ് പ്രസിഡന്‍റ് ബിജു എന്നിവര്‍ നേതൃത്വംനല്‍കി. തര്‍ക്കം ഉയര്‍ന്ന സാഹചര്യത്തില്‍ പോലീസ് ഇരുകൂട്ടരെയും ചര്‍ച്ചയ്ക്ക് വിളിച്ചിട്ടുണ്ട്.

സംയുക്ത ട്രേഡ് യൂണിയൻ ദേശീയപണിമുടക്ക് ഒന്പതിന്

തൃശൂര്‍: കേന്ദ്രസർക്കാരിന്‍റെ തൊഴിലാളിദ്രോഹനയങ്ങൾക്കെതിരേ സംയുക്ത ട്രേഡ് യൂണിയൻ ദേശീയപണിമുടക്ക് ഒന്പതിനു നടക്കുമെന്നു ട്രേഡ് യൂണിയൻ സംയുക്തസമിതി ജില്ലാ സെക്രട്ടറി യു.പി. ജോസഫ്, കൺവീനർ കെ.ജി. ശിവാനന്ദൻ എന്നിവർ പത്രസമ്മേളനത്തിൽ പറഞ്ഞു. മേയ് 20നു പ്രഖ്യാപിച്ചിരുന്ന പണിമുടക്കാണ് പഹൽഗാം ഭീകരാക്രമണത്തിന്‍റെ പശ്ചാത്തലത്തിൽ ഈ മാസം ഒന്പതിലേക്കു മാറ്റിയത്. പണിമുടക്കിനോടനുബന്ധിച്ചു ഏഴ്, എട്ട് തീയതികളിൽ പഞ്ചായത്തുതലത്തിൽ വിളംബരജാഥകളും പന്തംകൊളുത്തിപ്രകടനവും നടത്തും. പണിമുടക്കുദിവസം രാവിലെ വിവിധ സ്ഥലങ്ങളിലെ കേന്ദ്രസർക്കാർ ഓഫീസുകളിലേക്കു തൊഴിലാളികൾ പ്രതിഷേധറാലി നടത്തും. അന്നേദിവസം കടകളടച്ചും യാത്ര ഒഴിവാക്കിയും എല്ലാവിഭാഗം ജനങ്ങളും പണിമുടക്കിനോടു സഹകരിക്കണമെന്നു നേതാക്കൾ അഭ്യർഥിച്ചു. ദേശീയതലത്തിൽ പ്രവർത്തിക്കുന്ന പത്തു ട്രേഡ് യൂണിയനുകളും ജീവനക്കാരുടെ ഫെഡറേഷനുകളും പണിമുടക്കിൽ പങ്കെടുക്കും. കർഷക, കർഷകത്തൊഴിലാളി, കേരള പത്രപ്രവർത്തക യൂണിയനുകളും പണിമുടക്കിനു പിന്തുണ പ്രഖ്യാപിച്ചിട്ടുണ്ട്. പത്രസമ്മേളനത്തിൽ കെഎസ്. ജോഷി, എം.കെ. തങ്കപ്പൻ, എ.എസ്. രാധാകൃഷ്ണൻ എന്നിവരും പങ്കെടുത്തു.

മരുന്നുഗോഡൗണിൽ തീപിടിത്തം; രണ്ടുകോടിയുടെ നഷ്ടം

മാള: കൊമ്പൊടിഞ്ഞാമാക്കലിൽ മരുന്നുഗോഡൗണിൽ ഉണ്ടായ തീപിടിത്തം ഷോർട്ട് സർക്യൂട്ട് മൂലം. തീപിടിത്തത്തെതുടർന്ന് രണ്ടുകോടി രൂപയോളം വിലവരുന്ന മരുന്നുകൾ കത്തിനശിച്ചു. ഫയലുകളും അഗ്നിക്കിരയായി. വെള്ളിയാഴ്ച രാത്രിയിലാണ് തോംസൺ ഗ്രൂപ്പിന്‍റെ മരുന്നുഗോഡൗണിൽ തീപിടിത്തമുണ്ടായത്. മാളയിൽനിന്നെത്തിയ അഗ്നിരക്ഷാസേന തീ നിയന്ത്രണവിധേയമാക്കി. ചാലക്കുടി, ഇരിങ്ങാലക്കുട എന്നിവിടങ്ങളിൽനിന്നും അഗ്നിരക്ഷാസേന എത്തിയിരുന്നു. സമീപ പ്രദേശങ്ങളിലേക്കു തീ പടരാതിരുന്നതും തീ പെട്ടെന്നു നിയന്ത്രണവിധേയമാക്കാനായതും അപകടത്തിന്‍റെ വ്യാപ്തി കുറച്ചു. സംഭവത്തെ ത്തുടർന്ന് ഇന്നലെ വിദഗ്ധരടങ്ങുന്ന സംഘം സ്ഥലം സന്ദർശിച്ചു.

പ്രൈവറ്റ് ഹെലികോപ്റ്റർ, ഡ്രോണ്‍ വിലക്കി

തൃശൂർ: ഗുരുവായൂർ സന്ദർശിക്കുന്ന ഉപരാഷ്ട്രപതി ജഗദീപ് ധൻകറിന്‍റെ യാത്രയുടെ സുരക്ഷ ഉറപ്പുവരുത്തുന്നതിനായി കണ്ടാണശേരി ഗ്രാമപഞ്ചായത്ത്, ഗുരുവായൂർ മുനിസിപ്പാലിറ്റി പ്രദേശങ്ങളിലെ എയർ സ്പേസിൽ പ്രൈവറ്റ് ഹെലികോപ്റ്റർ, ഡ്രോണ്‍, ഹാംഗ് ഗ്ലൈഡറുകൾ, ടോയ് പ്ലെയിൻ എന്നിവയുടെ ഉപയോഗം നിരോധിച്ച് ജില്ലാ കളക്ടർ ഉത്തരവിട്ടു. രാവിലെ എട്ടുമുതൽ 10.30 വരെയാണു നിരോധനം.

അറിവ് നേടുന്നതോടൊപ്പം ചുറ്റുപാടുകൾ നോക്കിക്കാണുന്ന മനസുള്ളവരാകണം: വി.ഡി. സതീശൻ

ചാലക്കുടി: വിദ്യാഭ്യാസത്തിൽ അറിവുനേടുന്നതോടപ്പം സങ്കടപ്പെടുന്നവരെയും പാർശ്വവൽക്കരിക്കപ്പെട്ടവരുടെയും ചുറ്റുപാടുകൾ നോക്കിക്കാണുന്ന മനസുകൂടി രൂപപ്പെടുത്തിയെടുക്കണമെന്ന് പ്രതിപക്ഷനേതാവ് വി.ഡി. സതീശൻ. എസ്എസ്എൽസി, പ്ലസ്ടു ഉന്നതവിജയം നേടിയ വിദ്യാർഥികളെയും നൂറുശതമാനം വിജയംനേടിയ വിദ്യാലയങ്ങളെയും ആദരിക്കുന്നതിന് സനീഷ്കുമാർ ജോസഫ് എംഎൽഎ ഒരുക്കിയ എംഎൽഎ അവാർഡ്-2025 ഉദ്ഘാടനംചെയ്ത് പ്രസംഗിക്കുകയായിരുന്നു അദ്ദേഹം. സേക്രഡ് ഹാർട്ട് കോളജിൽനടന്ന ചടങ്ങിൽ സനീഷ്കുമാർ ജോസഫ് എംഎൽഎ അധ്യക്ഷതവഹിച്ചു. നഗരസഭ ചെയർപേഴ്സൻ ഷിബു വാലപ്പൻ, തൃശൂർ റേഞ്ച് ഡിഐജി എച്ച്. ഹരിശങ്കർ. ബ്ലോക്ക് പഞ്ചായത്ത് പ്രസിഡന്‍റ് വേണു കണ്ടരുമഠത്തിൽ, കോടശേരി പഞ്ചായത്ത് പ്രസിഡന്‍റ് കെ.പി. ജെയിംസ്, കൗൺസിലർ ബിന്ദു ശശികുമാർ, കോളജ് പ്രിൻസിപ്പൽ സിസ്റ്റർ ഡോ. ഐറിൻ തുടങ്ങിയവർ പ്രസംഗിച്ചു.

മയക്കുമരുന്ന് കച്ചവടക്കാരനെ കരുതല്‌തടങ്കലിലാക്കി

ചാലക്കുടി: മയക്കുമരുന്നുകളും ലഹരിവസ്തുക്കളും വില്പനനടത്തുന്നവരേ നിയമപ്രകാരം തടങ്കലിലാക്കുന്നതിന്‍റെ ഭാഗമായി പരിയാരം സ്വദേശി അറയ്ക്കൽവീട്ടിൽ മാർട്ടിൻ(34)ന് ഒരുവർഷം ശിക്ഷവിധിച്ചു. മാർട്ടിനെ ചാലക്കുടി പരിയാരത്തുനിന്ന് അറസ്റ്റ് ചെയ്തു. തിരുവനന്തപുരം സെൻട്രൽ ജയിലിൽ എത്തിച്ച് ഉത്തരവ് നടപ്പിലാക്കും. മാർട്ടിൻ അന്യസംസ്ഥാനങ്ങളിൽനിന്ന് നിരോധിത മയക്കുമരുന്നുകളും ലഹരിവസ്തുക്കളും ജില്ലയിലെത്തിച്ച് ചില്ലറവിൽപന നടത്തുന്നയാളാണ്. മാർട്ടിനെതിരേ മയക്കുമരുന്നുമായി ബന്ധപ്പെട്ട ആറ് ക്രമിനൽകേസുകളും കൂടാതെ ചാലക്കുടി പോലീസ് സ്റ്റേഷനിൽ ഒരു വധശ്രമക്കേസും പൊതു സ്ഥലത്ത് പരസ്യമായി മദ്യപാനം നടത്തിയ കേസും മറ്റുള്ളവരുടെ ജീവന് അപകടമുണ്ടാക്കുന്ന പ്രവൃത്തി ചെയ്തതിനുള്ള കേസുമുണ്ട്. ചാലക്കുടി സിഐ എം.കെ. സജീവ്, എസ്ഐ ടി.വി. ഋഷിപ്രസാദ്, എഎസ്ഐ സജീഫ്ഖാൻ, സിപിഒ പി.എസ്. വർഷ, എഎസ്ഐഎ യു. റെജി എന്നിവർ പ്രതിയെ അറസ്റ്റ് ചെയ്ത സംഘത്തിലുണ്ടായിരുന്നു.

സ്വര്‍ണമാല മോഷണം; തമിഴ്‌നാട് സ്വദേശിനി അറസ്റ്റില്‍

ഇരിങ്ങാലക്കുട: വയോധികയെ വീട്ടില്‍ കൊണ്ടുവിടാമെന്നുപറഞ്ഞ് ഓട്ടോറിക്ഷയില്‍ കയറ്റിക്കൊണ്ടുപോയി സ്വര്‍ണമാല കവര്‌ന്ന സംഭവത്തില്‍ തമിഴ്‌നാട് സ്വദേശിനി അറസ്റ്റില്‍. തമിഴ്‌നാട് പൊള്ളാച്ചി വാടിപ്പെട്ടി സ്വദേശിനി അമ്മു (26)വിനെയാണ് ഇരിങ്ങാലക്കുട പോലീസ് അറസ്റ്റ് ചെയ്തത്. ഏപ്രില്‍ 16 നാണ് സംഭവം. മുരിയാട് പാറേക്കാട്ടുകര സ്വദേശിനി വിയ്യത്ത് വീട്ടില്‍ തങ്കമണി(73) ഇരിങ്ങാലക്കുട ജനറല്‍ ആശുപത്രിയില്‍പോയി തിരികെ വീട്ടില്‍ പോകുന്നതിനായി ബസ് കാത്ത് നില്‍ക്കുമ്പോള്‍ ആശുപത്രിയില്‍വച്ച് പരിചയപ്പെട്ട പ്രതികളായ രണ്ട് സ്ത്രീകള്‍ എവിടേക്കാണുപോകുന്നതെന്നുചോദിക്കുകയും പാറേക്കാട്ടുകരയിലേക്കാണെന്നു പറഞ്ഞപ്പോള്‍ ഞങ്ങളും അവിടേക്കാണെന്നും അവിടെയാക്കാമെന്നും പറഞ്ഞു. ഓട്ടോയില്‍ പോകുന്നതിനുള്ള പണമില്ലെന്ന് പറഞ്ഞപ്പോള്‍ പ്രതികള്‍ പണംകൊടുക്കാമെന്ന് പറഞ്ഞ് ആശുപത്രിയുടെ മുന്നിലെ സ്റ്റാന്‌ഡില്‍നിന്ന് ഓട്ടോ വിളിച്ച് തങ്കമണിയെ നടുക്കിരുത്തി പോവുകയായിരുന്നു. തുടര്‍ന്ന് പാറേക്കാട്ടുകരയിലെ റേഷന്‍കടയുടെ മുന്‍വശം തങ്കമണിയെ ഇറക്കി പ്രതികള്‍ രക്ഷപ്പെട്ടു. അല്പസമയം കഴിഞ്ഞാണ് തങ്കമണി മാല നഷ്ടപ്പെട്ട വിവരമറിഞ്ഞത്. ഉടനെ നാട്ടുകാരെ അറിയിച്ച് പ്രതികളെക്കുറിച്ച് അന്വേഷിച്ചെങ്കിലും കണ്ടെത്താനായില്ല. തങ്കമണിയുടെ കഴുത്തില്‍ കിടന്നിരുന്ന രണ്ടേമുക്കാല്‍പവന്‍ തൂക്കംവരുന്ന സ്വര്‍ണമാലയാണ് വിദഗ്ധമായി കവര്‌ന്നത്. കോടതിയില്‍ ഹാജരാക്കിയ പ്രതിയെ റിമാന്‌ഡ് ചെയ്തു. പ്രതിയായ അമ്മുവിനെ കോഴിക്കോട് നടക്കാവ് പോലീസ് സംശയാസ്പദമായ സാഹചര്യത്തില്‍ കാണപ്പെട്ടതിനെതുടര്‍ന്ന് കസ്റ്റഡിയിലെടുക്കുകയായിരുന്നു. ഇരിങ്ങാലക്കുട പോലീസ് നടക്കാവ് പോലീസ് സ്റ്റേഷനില്‍ നിന്ന് പ്രതിയെ കൂട്ടിക്കൊണ്ടുവന്ന് തങ്കമണിയെ കാണിച്ച് പ്രതിയെ തിരിച്ചറിഞ്ഞതോടെ അറസ്റ്റ് രേഖപ്പെടുത്തുകയായിരുന്നു.

ആരോഗ്യമന്ത്രിയുടെ കോലം കത്തിച്ചു

ഇരിങ്ങാലക്കുട: കോട്ടയം മെഡിക്കല്‍ കോളജിലെ കെട്ടിടംതകര്‍ന്ന് വീട്ടമ്മ മരിച്ചതില്‍ പ്രതിഷേധിച്ച് ബിജെപി ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തില്‍ ആരോഗ്യമന്ത്രി വീണാ ജോര്‍ജിന്‍റെ കോലംകത്തിച്ചു. മണ്ഡലം പ്രസിഡന്‍റ് ആര്‍ച്ച അനീഷ് അധ്യക്ഷതവഹിച്ചു. ജില്ല സെക്രട്ടറി കെ.പി. ഉണ്ണികൃഷ്ണന്‍ ഉദ്ഘാടനംചെയ്തു. മണ്ഡലം ജനറല്‍ സെക്രട്ടറിമാരായ ഷൈജു കുറ്റിക്കാട്ട് സ്വാഗതവും വി.സി. രമേഷ് നന്ദിയും പറഞ്ഞു. ജില്ലാ വൈസ് പ്രസിഡന്‍റ് കെ.എ. സുരേഷ്, സംസ്ഥാന കമ്മിറ്റി അംഗം സന്തോഷ് ചെറാക്കുളം, ജില്ലാ സെക്രട്ടറിമാരായ ശ്യാംജി, രിമ പ്രകാശന്‍ എന്നിവര്‍ നേതൃത്വംനല്‍കി.

അന്‍പത് മെഡിക്കല്‍ ക്യാമ്പുകള്‍ പിന്നിട്ട് ഇരിങ്ങാലക്കുട സേവാഭാരതി

ഇരിങ്ങാലക്കുട: സേവാഭാരതിയുടെ അമ്പതാമത്തെ സൗജന്യ മെഡിക്കല്‍ ക്യാമ്പ് സെന്‍റ് ജോസഫ്‌സ് കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി ഉദ്ഘാടനംചെയ്തു. സേവാഭാരതി പ്രസിഡന്‍റ് നളിന്‍ ബാബു അധ്യക്ഷനായി. ആര്‍എസ്എസ് ഉത്തരപ്രാന്ത കാര്യവാഹ് പി.എന്‍. ഈശ്വരന്‍ സേവാസന്ദേശംനല്‍കി. കൗണ്‍സിലര്‍ സ്മിത കൃഷ്ണകുമാര്‍, ലയണ്‍സ് ക്ലബ് ഡിസ്ട്രിക്റ്റ് കോ-ഓര്‍ഡിനേറ്റര്‍ ജോണ്‍സണ്‍ കോലങ്കണ്ണി, ഡോ. ജോസഫ്, രാജലക്ഷ്മി, ഹരികുമാര്‍ തളിയാക്കാട്ടില്‍ എന്നിവര്‍ പങ്കെടുത്തു. സേവാഭാരതിക്കായി അന്‍പതാമത്തെ ക്യാമ്പ് നടത്തിയ ഐ ഫൗണ്ടേഷന്‍റെ ശിവന് ഉപഹാരംകൈമാറി.

റോട്ടറി ക്ലബ് ഭാരവാഹികൾ സ്ഥാനമേറ്റു

കൊടുങ്ങല്ലൂർ: റോട്ടറി ക്ലബിന്‍റെ പുതിയ പ്രസിഡന്‍റായി എം.എ. ജോഷിയും സെക്രട്ടറിയായി എൻ.ആർ. ജിജുവും സ്ഥാനമേറ്റു. റോട്ടറി ഡിസ്ട്രിക്‌ട് ഗവർണർ ജോഷി ചാക്കോ മുഖ്യാതിഥിയായിരുന്നു. നിർധനരായ 1000 പേർക്ക് ഡയാലിസിസ് കിറ്റുകൾ വിതരണംചെയ്യുമെന്നും നാരായണമംഗലം 9, 10 വാർഡുകളിലെ ശുദ്ധജലക്ഷാമം നേരിടുന്ന 250 കുടുംബങ്ങൾക്ക് കുടിവെള്ളം എത്തിക്കുന്നതിന് വാട്ടർ ടാങ്കിന്‍റെയും മറ്റും നിർമാണംപൂർത്തിയാക്കി ഈവർഷംതന്നെ നഗരസഭയ്ക്ക് കൈമാറുമെന്നും ഭാരവാഹികള്‌ അറിയിച്ചു. ചടങ്ങിൽ എസ്എസ്എൽസി, പ്ലസ് ടു പരീക്ഷകളിൽ വിജയം കൈവരിച്ചവരേയും വിവിധ മേഖലകളിൽ കഴിവ് തെളിയിച്ചവരെയും ആദരിച്ചു. അസി. ഗവർണർ ഷാജി ജോസ് സത്യപ്രതിജ്ഞ ചൊല്ലിക്കൊടുത്തു. ജിജിആർ ഇ.കെ. രമേഷ് മുഖ്യാതിഥികളെ പരിചയപ്പെടുത്തി.

ഇരിങ്ങാലക്കുട റോട്ടറി ക്ലബ്ബിന്‍റെ സേവനപ്രവര്‍ത്തനങ്ങള്‍ക്കു തുടക്കം

ഇരിങ്ങാലക്കുട: റോട്ടറി ക്ലബ്ബിന്‍റെ 2025- 26 വര്‍ഷത്തെ സേവന പ്രവര്‍ത്തനങ്ങള്‍ക്ക് തുടക്കമായി. ഗവര്‍ണര്‍ ആര്‍. ജയശങ്കര്‍ മുഖ്യാതിഥിയായി. ഇരിങ്ങാലക്കുട റോട്ടറി ക്ലബ് പ്രസിഡന്‍റ് അബ്ദുള്‍ ഹക്കിം അധ്യക്ഷതവഹിച്ചു. ഡിസ്ട്രിക്ട് ഡയറക്ടര്‍ മനോജ് പുഷ്‌കര്‍, അസിസ്റ്റന്‍റ് ഗവര്‍ണര്‍ ഡേവിസ് കോനുപറമ്പന്‍, ജിജിആര്‍ തമ്പി വര്‍ഗീസ്, പ്രഫ.എം.എ. ജോണ്‍, സെക്രട്ടറി രഞ്ജി ജോണ്‍, ട്രഷറര്‍ ടി.ജി. സച്ചിത്ത്, അഡ്വ. തോമസ് എന്നിവര്‍ സംസാരിച്ചു. പുതിയ ഭാരവാഹികളായി പ്രഫ. എം.എ. ജോണ്‍- പ്രസിഡന്‍റ്, അബ്ദുള്‍ ഹക്കീം- സെക്രട്ടറി, ടി.ജി. സച്ചിത്ത്-ട്രഷറര്‍ എന്നിവര്‍ ചുമതലയേറ്റു.

ആയുര്‍വേദ മെഡിക്കല്‍ ക്യാമ്പ്

മുരിങ്ങൂർ: ചെറുമറ്റം ആര്‍ട്സ് ആന്‍റ്‌ഡ് സ്പോര്‍ട്സ് ക്ലബും ഭട്ടേരി മഠം ഹോസ്പിറ്റലും സംയുക്തമായി ആയുര്‍വേദ മെഡിക്കല്‍ ക്യാമ്പും മരുന്ന് വിതരണവും നടത്തി. ഫാ. ജോഷി കളപറമ്പത്ത് ഉദ്ഘാടനം ചെയ്തു. സ്കൂള്‍ കുട്ടികള്‍ക്കുള്ള സൗജന്യ പഠനോപകരണ വിതരണവും ക്ലബിന്‍റെ ആഭിമുഖ്യത്തില്‍ നടന്നു. ക്ലബ് പ്രസിഡന്‍റ്് ജിനോ ജെ.പുല്ലേലി അധ്യക്ഷത വഹിച്ചു. വാര്‍ഡ് മെമ്പര്‍മാരായ റിന്‍സി രാജേഷ്, ഷീജ പോളി, റൈമോള്‍ ജോസ്, സംവിധായകന്‍ കെ.എം. മധുസൂദനനൻ, ക്ലബ് വൈസ് പ്രസിഡന്‍റ് സിംസണ്‍ വെമ്പിലാന്‍, സെക്രട്ടറി ജിനു വിജയന്‍ എന്നിവർ പ്രസംഗിച്ചു. ഭട്ടേരി മഠം ഹോസ്പിറ്റല്‍ ഡോക്ടർമാരായ ഡോ. ജഗന്നിവാസ് ഭട്ടേരി, ഡോ. മനു കൃഷ്ണൻ, ഡോ. ക്ലിയോ സോണി എന്നിവര്‍ മഴക്കാല രോഗങ്ങളും പ്രതിവിധികളും എന്ന വിഷയത്തില്‍ ക്ലാസ് നയിച്ചു.

ലയണസ് ക്ലബ് ഭാരവാഹികള്‌ സ്ഥാനമേറ്റു

മാള: ലയണസ് ക്ലബ് ഇന്‍റർനാഷണൽ മാള ഭാരവാഹികൾ ചുമതലയേറ്റു. ലയൺസ് മൾട്ടിപ്പിൾ കൗൺസിൽ ചെയർമാൻ ടോണി ഏനോക്കാരൻ ഉദ്ഘാടനംചെയ്തു. പ്രസിഡന്‍റ് സെലിൻ ജെയിംസ്, സെക്രട്ടറി ഡോ. ജീജ തരകൻ, ട്രഷറർ സാലി പീറ്റർ എന്നിവരാണ് ചുമതലയേറ്റത്. ചടങ്ങിൽ പഠനോപകരണവിതരണം മാള ബ്ലോക്ക് പഞ്ചായത്ത് പ്രസിഡന്‍റ് രേഖ ഷാന്‍റിയും ചികിത്സാസഹായ വിതരണം റീജണൽ ചെയർമാൻ രാജേഷും അഗ്നിരക്ഷാ സേനാംഗങ്ങൾക്ക് റെയിൻ കോട്ടുകളുടെ വിതരണം വിമൽ വേണുവും നിർവഹിച്ചു.

പേരാമംഗലത്ത് വാഹനങ്ങൾ കൂട്ടിയിടിച്ചു; 13 പേർക്കുപരിക്ക്

പേരാമംഗലം: തൃശൂർ - കുറ്റിപ്പുറം സംസ്ഥാന പാതയിൽ പേരാമംഗലം മനപ്പടിയിൽ കോൺക്രീറ്റ് റോഡ് അവസാനിക്കുന്ന ഭാഗത്ത് ഇന്ന് ഉച്ചയ്ക്ക് ഒന്നരയോടെ വാഹനങ്ങൾ കൂട്ടിയിടിച്ച് 13 പേർക്കു നിസാര പരിക്ക്. തൃശൂർ ഭാഗത്തേക്കു സഞ്ചരിച്ചിരുന്ന ആൾട്ടോ കാർ ബ്രേക്ക് ചെയ്തതിനെ ത്തുടർന്ന് പിന്നിൽവന്ന ടൂറിസ്റ്റ് ബസ് ഇടിക്കുകയും ഈ ബസിനു തൊട്ടുപിന്നാലെവന്ന മറ്റൊരു ടൂറിസ്റ്റ് ബസ് കൂട്ടിയിടിക്കുകയുമായിരുന്നു. വിവാഹത്തിൽ പങ്കെടുത്ത് പെരിന്തൽമണ്ണയിൽനിന്ന് തൃശൂരിലേക്കു വരികയായിരുന്ന സം ഘം സഞ്ചരിച്ചിരുന്ന ടൂറിസ്റ്റ് ബസിലെ 12 പേർക്കും ആൾട്ടോ കാറിലുണ്ടായിരുന്ന ഒരാൾക്കുമാണ് അപകടത്തിൽ പരിക്കേറ്റത്. പരിക്കേറ്റവരെ അമല ആശുപത്രിയിൽ പ്രവേശിപ്പിച്ചു. ആരുടെയും പരിക്കുകൾ ഗുരുതരമല്ല. അപകടത്തെത്തുടർന്ന് വാഹനത്തിൽനിന്ന് ഡീസൽ റോഡിൽ പരന്നതു പരിഭ്രാന്തി പരത്തി. വിവരമറിഞ്ഞെത്തിയ പേരാമംഗലം പോലീസ് തുടർനടപടികൾ സ്വീകരിക്കുകയും അഗ്നിരക്ഷാസേനയെ വിളിച്ച് റോഡിൽ പരന്ന ഡീസൽ നീക്കം ചെയ്യുകയും ചെയ്തു. അപകടത്തെ തുടർന്ന് അല്പനേരം ഗതാഗത തടസമുണ്ടായി.

കോടികൾ ചെലവഴിച്ചുനിർമിച്ച റോഡിൽ കുഴികൾ; കോൺഗ്രസ് റോഡ് ഉപരോധിച്ചു

എരുമപ്പെട്ടി: സംസ്ഥാന സർക്കാരിന്‍റെ മൂന്നുകോടി രൂപ ചെലവഴിച്ച് ബിഎംബിസി നിലവാരത്തിൽ നിർമിച്ച മങ്ങാട് - ആര്യമ്പാടം - അത്താണി റോഡ് ഉദ്ഘാടനം കഴിഞ്ഞ് ഒരുമാസം പൂർത്തിയാകുന്നതിനുമുമ്പുതന്നെ പല ഭാഗങ്ങളിലും വലിയ കുഴികൾ രൂപപ്പെട്ടതിൽ പ്രതിഷേധിച്ച് കോൺഗ്രസ് റോഡ് ഉപരോധിച്ചു. എരുമപ്പെട്ടി മണ്ഡലം കമ്മറ്റിയുടെ നേതൃത്വത്തിൽ നടത്തിയ ഉപരോധസമരം കുന്നംകുളം ബ്ലോക്ക് കോൺഗ്രസ് കമ്മിറ്റി മുൻ പ്രസിഡന്‍റ്് കെ. ജയശങ്കർ ഉദ്ഘാടനം ചെയ്തു. മണ്ഡലം പ്രസിഡന്‍റ് എം.എം. നിഷാദ് അധ്യക്ഷനായി. യുഡിഎഫ് കുന്നംകുളം നിയോജകമണ്ഡലം കൺവീനർ അമ്പലപ്പാട്ട് മണികണ്ഠൻ മുഖ്യപ്രഭാഷണം നടത്തി. നേതാക്കളായ എൻ.കെ. കബീർ, എം.സി. ഐജു, സി.വി. ജയ്സൺ, പി.എസ്. സുനീഷ്, എം.കെ. ജോസ്, എം.എം. സലീം, കെ. ഗോവിന്ദൻകുട്ടി എന്നിവർ പ്രസംഗിച്ചു. സതീഷ് ഇടമന, സഫീന അസീസ്, വിനോദിനി മങ്ങാട്, റീന വർഗീസ്, എ.യു. മനാഫ്, റുക്കിയ മുഹമ്മദാലി, നജീബ് കൊമ്പത്തേയിൽ, റിജി ജോർജ്, സുധീഷ് പറമ്പിൽ, മീന ശലമോൻ, മേഗി അലോഷ്യസ്, ശ്യാംജി, സുന്ദരൻ ചിറ്റണ്ട തുടങ്ങിയവർ നേതൃത്വം നൽകി. പ്രവർത്തകരെ പോലീസ് അറസ്റ്റ് ചെയ്തു നീക്കി.

മുല്ലശേരി ഉപജില്ല പ്രതിഭാസംഗമം

പാവറട്ടി: തൃശൂർ ജില്ലാപഞ്ചായത്ത് മുല്ലശേരി വിദ്യഭ്യാസ ഉപജില്ലയിൽനിന്നും മികച്ച വിജയം നേടിയ വിദ്യാർഥികളെ പ്രതിഭാസംഗമത്തിൽ ആദരിച്ചു. ജില്ലാ കളക്ടർ അർജുൻ പാണ്ഡ്യൻ പ്രതിഭാസംഗമം ഉദ്ഘാടനം ചെയ്തു. കഴിഞ്ഞ എസ്എസ്എൽസി, പ്ലസ്ടു, വിഎച്ച്എസ്ഇ പരീക്ഷകളിൽ ഫുൾ എ പ്ലസ് നേടിയ 260 വിദ്യാർഥികളെയാണ് പ്രതിഭാസംഗമത്തിൽ ആദരിച്ചത്. നൂറുശതമാനം വിജയം കരസ്ഥമാക്കിയ വിദ്യാലയങ്ങൾക്കും ഉപഹാരങ്ങൾ നൽകി ആദരിച്ചു. മുല്ലശേരി ഗ്രാമപഞ്ചായത്ത് കമ്യൂണിറ്റി ഹാളിൽ നടന്ന പ്രതിഭാസംഗമത്തിൽ ജില്ലാ പഞ്ചായ ത്തംഗം ബെന്നി ആന്‍റണി അധ്യക്ഷത വഹിച്ചു. മുല്ലശേരി ബ്ലോക്ക് പഞ്ചായത്ത് പ്രസിഡന്‍റ് ലതി വേണുഗോപാൽ, പഞ്ചായത്ത് പ്രസിഡന്‍റുമാരായ ദിൽന ധനേഷ്, ജിയോ ഫോക്സ്, കൊച്ചപ്പൻ വടക്കൻ, ജില്ലാ പഞ്ചായത്തംഗം അഡ്വ. വി.എം. മുഹമ്മദ് ഗസാലി, ഡിഇഒ ഇൻചാർജ് ഷീബ ചാക്കോ, മുല്ലശേരി ഗവ. എച്ച്എസ്എസ് പിടിഎ പ്രസിഡന്‍റ് എൻ.ആർ. അജിത്പ്രസാദ് എന്നിവർ പ്രസംഗിച്ചു.

ലഹരിവിരുദ്ധറാലിയും ഫ്ലാഷ് മോബും നടത്തി

വടക്കാഞ്ചേരി: കേരള സ്റ്റേറ്റ് ഭാരത് സ്കൗട്ട്സ് ആൻഡ് ഗൈഡ്സ് വടക്കാഞ്ചേരി ലോക്കൽ അസോസിയേഷന്‍റെ ആഭിമുഖ്യത്തിൽ "ലഹരിമുക്ത നവകേരളം" എന്ന പേരിൽ ലഹരിവിരുദ്ധറാലിയും ഫ്ലാഷ് മോബും നടത്തി. വടക്കാഞ്ചേരി സെന്‍റ്് ഫ്രാൻസിസ്് സേവിയേഴ്സ് ഫൊറോന പള്ളി പരിസരത്തുനിന്നാരംഭിച്ച റാലി വടക്കാഞ്ചേരി എസ്ഐ കെ. ശരത് ഫ്ലാഗ് ഓഫ് ചെയ്തു. വടക്കാഞ്ചേരി ഉപജില്ലയിലെ വിവിധ സ്കൂളുകളിലെ 250 ഓളം സ്കൗട്ട് - ഗൈഡ് കുട്ടികളും അധ്യാപകരും പങ്കെടുത്തു. റാലി വടക്കാഞ്ചേരി ടൗൺ ചുറ്റി ഗവ. ബോയ്സ് ഹയർ സെക്കൻഡറി സ്കൂളിൽ സമാപിച്ചു. ബസ് സ്റ്റാൻസ് പരിസരത്തുവച്ച് ഗവ. ബോയ്സ് ഹയർ സെക്കൻഡറി സ്കൂളിലെ ഗൈഡ്സ് വിദ്യാർഥിനികളുടെ ഫ്ലാഷ് മോബും നടത്തി. ലഹരിയുടെ അപകടങ്ങളെ‌ക്കുറിച്ച് എക്സൈസ് ഓഫീസർ ഇ.ടി. രാജേഷ് ബോധവത്കരണക്ലാസ് നടത്തി. തുടർന്ന് ലഹരിവിരുദ്ധ പ്രതിജ്ഞയും എടുത്തു. എം.പി. പോളി, എക്സിക്യൂട്ടീവ് അംഗങ്ങളായ ഭാസ്കരൻ, സുരേഷ് പാലിയിൽ, ഷാബിദ, റീജ, പ്രീതി, ടി.സി. ശാന്ത എന്നിവർ റാലിക്കു നേതൃത്വം നൽകി.

സെന്‍റ് ആന്‍റണ്‍ വിദ്യാപീഠത്തിൽ മെറിറ്റ് ഡേ "ലോറിയ സാപ്പിയന്‍റിയ'

പീച്ചി: വിലങ്ങന്നൂർ സെന്‍റ് ആന്‍റണ്‍ വിദ്യാപീഠത്തിലെ മെറിറ്റ് ഡേ സർക്കിൾ ഇൻസ്പക്ടർ സതീഷ്കുമാർ ഉദ്ഘാടനം ചെയ് തു. സിസ്റ്റർ അമൃത സിഎസ്എസ്ടി അധ്യക്ഷത വഹിച്ചു. മുൻ പ്രിൻസിപ്പൽ ജെന്നി ജയിംസ്, സിസ്റ്റർ റോസ് വിർജീനിയ, സ്റ്റാഫ് സെക്രട്ടറി എസ്. അബിത, പിടിഎ പ്രസിഡന്‍റ് ബിജു കാക്കനാട്ടിൽ, എംപിടിഎ പ്രസിഡന്‍റ് എം.കെ. രാജി, സ്കൂൾ ടോപ്പർ ആൻലി മരിയ ഷാജി എന്നിവർ പ്ര സം ഗിച്ചു. വിദ്യാർഥികൾക്ക് മെമന്‍റോ നൽകി ആദരിച്ചു. പ്രിൻസിപ്പൽ സിസ്റ്റർ എൽസ സിഎസ്എസ്‌ടി സ്വാഗതവും അധ്യാപകപ്രതിനിധി സുജാത നന്ദിയും പറഞ്ഞു.

പബ്ലിക് ലൈബ്രറിയിൽ ഫാൻ പൊട്ടിവീണു

തൃശൂർ: പബ്ലിക് ലൈബ്രറി റീഡിംഗ് റൂമിലെ ഫാൻ പൊട്ടിവീണു. മെന്പർമാർക്കുള്ള റീഡിംഗ് റൂമിൽ ഇന്നലെ ഉച്ചയ്ക്ക് ഒന്നരയ്ക്കാണു സംഭവം. അപകടസമയത്ത് മെന്പർമാർ ഉൾപ്പെടെയുള്ളവർ ഭക്ഷണം കഴിക്കാൻ പോയതിനാൽ അപകടം ഒഴിവായി. റീഡിംഗ് റൂമിനു തൊട്ടുമുകളിലെ നിലയിലടക്കം പലയിടത്തും ചോർച്ചയുള്ളതായും മഴവെള്ളം കിനിഞ്ഞിറങ്ങിയതാണ് അപകടകാരണമെന്നും മെന്പർമാർ പറഞ്ഞു.

ടി.എന്‍. പ്രതാപന്‍ വീണ്ടും ടിഎസ്ജിഎ ചെയര്‍മാന്‍

തൃപ്രയാര്‍: തൃപ്രയാര്‍ സ്‌പോര്‍ട്‌സ് ആൻഡ് ഗെയിംസ് അസോസിയേഷന്‍ ചെയര്‍മാനായി മുന്‍ എംപി ടി.എന്‍. പ്രതാപനെ വീണ്ടും തെരഞ്ഞെടുത്തു. സി.ജി. അജിത്കുമാര്‍ - ജനറല്‍ സെക്രട്ടറി, ടി.ജി. ദില്ലിരത്‌നം- ട്രഷറര്‍. ഇന്‍ഡോര്‍ സ്റ്റേഡിയത്തില്‍ ചേര്‍ന്ന വാര്‍ഷിക ജനറല്‍ബോഡി യോഗമാണു പുതിയ ഭരണസമിതിയെ തെരഞ്ഞെടുത്തത്. വരണാധികാരി പി. മാധവമേനോന്‍ അധ്യക്ഷനായി. രക്ഷാധികാരികളായി ശിവന്‍ കണ്ണോളി, പി.എം. അഹമ്മദ്, പി.ആര്‍. താരാനാഥന്‍ എന്നിവരെ തെരഞ്ഞെടുത്തു. വൈസ് ചെയര്‍മാന്‍മാരായി പി.കെ. സുഭാഷ്ചന്ദ്രന്‍, സി.എ. മുഹമ്മദ് റഷീദ്, ഡാലി ജെ. തോട്ടുങ്ങല്‍, സി.എം. നൗഷാദ്, ടി.യു. സുഭാഷ്ചന്ദ്രന്‍, സെക്രട്ടറിമാരായി സി.കെ. പാറന്‍കുട്ടി, എം.സി. സക്കീര്‍ ഹുസൈന്‍, എ.പി. രജിത്ത്, എ.എസ്. രാജേഷ്, എന്‍.കെ. സുഭാഷ് എന്നിവരെയും തെരഞ്ഞെടുത്തു.

ഞാറ്റുവേലച്ചന്ത ആരംഭിച്ചു

അന്തിക്കാട്: അന്തിക്കാട് ഗ്രാമപഞ്ചായത്തിന്‍റെയും കൃഷിഭവന്‍റെയും നേതൃത്വത്തിൽ ഞാറ്റുവേലച്ചന്ത ആരംഭിച്ചു. സി.സി. മുകുന്ദൻ എംഎൽഎ ഉദ്ഘാടനം നിർവഹിച്ചു. അന്തിക്കാട് ഗ്രാമപഞ്ചായത്ത് പ്രസിഡൻ്റ് ജീനനന്ദൻ അധ്യക്ഷത വഹിച്ചു. ജില്ലാ പഞ്ചായത്ത് മെമ്പർ വി.എൻ. സുർജിത്ത് മുഖ്യാതിഥിയായി. അന്തിക്കാട് പഞ്ചായത്ത് വൈസ് പ്രസിഡൻ്റ് സുജിത്ത് അന്തിക്കാട്, കൃഷി ഓഫിസർ കെ.എസ്. ശ്വേത, മെമ്പർമാരായ ജ്യോതി രാമൻ, കെ.കെ.പ്രദീപ്, അനിത ശശി, ടി.പി.രഞ്ജിത്ത് കുമാർ, സരിത സുരേഷ്, മുൻ പഞ്ചായത്ത് പ്രസിഡൻ്റുമാരായ എ.വി.ശ്രീവത്സൻ, ടി.കെ.മാധവൻ, സി.പി.എം ലോക്കൽ.സെക്രട്ടറി കെ.വി.രാജേഷ്, ഗോകുൽ കരിപ്പിള്ളി എന്നിവർ പങ്കെടുത്തു.

ബൈക്കുകൾ കൂട്ടിയിടിച്ച് രണ്ടുപേർക്കു പരിക്ക്

വരന്തരപ്പിള്ളി: കുന്നത്തുപ്പാടത്ത് ബൈക്കുകൾ കൂട്ടിയിടിച്ച് രണ്ടു പേർക്കു പരിക്കേറ്റു. വേപ്പൂർ സ്വദേശികളായ കാമ്പുഴവീട്ടിൽ സജീവൻ, കാട്ടുപറമ്പിൽ വീട്ടിൽ ഷാജി എന്നിവർക്കാണു പരിക്കേ റ്റത്. തലയ്ക്കുപരിക്കേറ്റ സജീവനെ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഷാജിയുടെ പരിക്ക് സാരമുള്ളതല്ല. ഇന്നലെ വൈകീട്ട് ആറോടെയായിരുന്നു അപകടം.

അമലയിൽ കാൻസർ വിമുക്തരുടെ സംഗമവും ഫണ്ട് വിതരണവും

തൃശൂർ: അമല മെഡിക്കൽ കോളജിൽ നടത്തിയ കാൻസർവിമുക്തരുടെ സംഗമവും എസ്ഡിഎം ഫണ്ട് വിതരണ ഉദ്ഘാടനവും ചലച്ചിത്രതാരം അനീഷ് ഗോ പാലൻ നിർവഹിച്ചു. അമേരിക്കൻ മലയാളി സംഘടനയായ എസ്ഡിഎം 10 ലക്ഷം രൂപയാണ് പാവപ്പെട്ട കാൻസർരോഗികൾക്കു വിതരണംചെയ്തത്. ചടങ്ങിൽ അടാട്ട് പഞ്ചായത്ത് പ്രസിഡന്‍റ് സിമി അജിത്കുമാർ, അമല ഡയറക്ടർ ഫാ. ജൂലിയസ് അറയ്ക്കൽ, ജോയിന്‍റ് ഡയറക്ടർമാരായ ഫാ. ഡെൽജോ പുത്തൂർ, ഫാ. ഷിബു പുത്തൻപുരയ്ക്കൽ, മെഡിക്കൽ ഓങ്കോളജി വിഭാഗം മേധാവി ഡോ. അനിൽ ജോസ് താഴത്ത്, റേഡിയേഷൻ ഓങ്കോളജിസ്റ്റ് ഡോ. മാത്യു വർഗീസ് എന്നിവർ പ്രസംഗിച്ചു. കലാപരിപാടികളും സ്നേഹവിരുന്നും ഉണ്ടായിരുന്നു.

സ്കൂൾ പ്രൊട്ടക്‌ഷൻ ഗ്രൂപ്പ് രൂപീകരിച്ചു

പുന്നംപറന്പ്്: സ്കൂൾ പ്രൊട്ടക്‌ഷൻ ഗ്രൂപ്പ് രൂപീകരിച്ചു. മച്ചാട് ഗവ. ഹയർ സെക്കന്‍ഡറി സ്കൂളിൽ നടന്ന രൂപീകരണയോഗത്തിൽ വാർഡ് മെമ്പർ കെ. രാമചന്ദ്രൻ അധ്യക്ഷതവഹിച്ചു. സ്കൂൾ പ്രധാനാ‌ധ്യാപിക കെ. കെ. ഷീന, പ്രിൻസിപ്പൽ ഇൻ ചാർജ് പി.കെ. ഉണ്ണികൃഷ്ണൻ, വടക്കാഞ്ചേരി എസ്‌ഐ പി.വി. പ്രതീപ്, അധ്യാപക പ്രതിനിധി ബിബിൻജോസഫ്, എസ്പിസി സിപിഒ പി.പി. ഫൗസിയ, പ്രസ് ക്ലബ് സെക്രട്ടറി ജോണി ചിറ്റിലപ്പിള്ളി, വടക്കാഞ്ചേരി എക് സൈസ് ഇൻസ്പെക്ടർ സി.പി. മധു, കമ്മറ്റി അംഗങ്ങളായ ടി.എസ്. കുട്ടപ്പൻമാസ്റ്റർ, എ. എസ്. മിഥിൻ, വിജി സുരേഷ്, വിദ്യാർഥി പ്രതിനിധികളായ ധനഅജിത്ത്, കെ.എം. വൈഷ്ണവി, അധ്യാപകരായ എ.സി. റിനി, പി.എം. സൗമ്യ തുടങ്ങിയവർ പ്രസം ഗിച്ചു.

നന്തിക്കരയില്‍ പിക്കപ്പ് വാനിടിച്ച് പ്ലസ് ടു വിദ്യാര്‍ഥിനി മരിച്ചു

നന്തിക്കര: സെന്‍ററില്‍ ദേശീയപാത മുറിച്ചുകടക്കുന്നതിനിടെ പിക്കപ്പ് വാനിടിച്ച് പ്ലസ്ടു വിദ്യാർഥിനി മരിച്ചു. പുതുക്കാട് വടക്കെ തൊറവ് ചിരുകണ്ടത്ത് മോഹനന്‍റെ മകള്‍ വൈഷ്ണ (17) ആണ് മരിച്ചത്. ഇന്നലെ രാവിലെ ഏഴരക്കായിരുന്നു അപകടം. ബസ് ഇറങ്ങി സഹപാഠിയോടൊപ്പം ട്യൂഷന്‍ സെന്‍ററിലേക്ക് പോകാന്‍ ദേശീയപാത മുറിച്ചുകടക്കുന്നതിനിടെ കോട്ടയം ഭാഗത്തേക്ക് കള്ള് കൊണ്ടുപോയിരുന്ന പിക്കപ്പ് ഇടിക്കുകയായിരുന്നു. കൂടെയുണ്ടായിരുന്ന കുട്ടി പരിക്കേല്‍ക്കാതെ രക്ഷപ്പെട്ടു. പിക്കപ്പിന്‍റെ അമിത വേഗതയാണ് അപകടത്തിന് കാരണമെന്ന് ദൃക്‌സാക്ഷികള്‍ പറഞ്ഞു. അപകടത്തില്‍ തെറിച്ചുവീണ വൈഷ്ണയെ നാട്ടുകാര്‍ ചേര്‍ന്ന് പുതുക്കാട് താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പുതുക്കാട് താലൂക്ക് ആശുപത്രിയില്‍. നന്തിക്കര ഗവ. സ്‌കൂളിലെ പ്ലസ്ടു കൊമേഴ്‌സ് വിഭാഗം വിദ്യാർഥിനിയാണ് മരിച്ച വൈഷ്ണ. പുതുക്കാട് പോലീസ് മേല്‍നടപടികള്‍ സ്വീകരിച്ചു. പിക്കപ്പ് ഡ്രൈവറെ പോലീസ് കസ്റ്റഡിയിലെടുത്തു. മാതാവ്: രമ. സഹോദരന്‍: വൈശാഖ്.

നെല്ലായിയില്‍ സ്‌കൂട്ടറിടിച്ച് മുന്‍ പ്രധാനധ്യാപകന്‍ മരിച്ചു

കൊടകര: നെല്ലായിയില്‍ സ്‌കൂട്ടറിടിച്ച് മറ്റത്തൂര്‍ ശ്രീകൃഷ്ണ ഹൈസ്‌കൂള്‍ മുന്‍ പ്രധാനധ്യാപകനായ നെല്ലായി വയലൂര്‍ വടക്കേ വാരിയത്ത് ശൂലപാണി വാരിയർ (കൊച്ചനിയന്‍-80) മരിച്ചു. ഇന്നലെ രാവിലെ 5.45 ഓടെയായിരുന്നു അപകടം. ഉടന്‍ തൃശൂരിലെ സ്വകാര്യ ആശുപത്രിയിലെത്തിച്ചെങ്കിലും ചികിത്സിലിരിക്കെ ഉച്ചക്ക് രണ്ടോടെ മരിച്ചു. കൊടകര പോലീസ് മേല്‍നടപടി സ്വീകരിച്ചു. സംസ്‌കാരം ഇന്ന് ഉച്ചകഴിഞ്ഞ് നാലിന് വീട്ടുവളപ്പില്‍. ഭാര്യ: കമലാദേവി. മക്കള്‍: റോഷന്‍, രശ്മി, മരുമക്കള്‍: രവി, രശ്മി.

കുമാരന്‍റെ മരണം ഹൃദയാഘാതംമൂലം

പഴയന്നൂർ: വെള്ളിയാഴ്ച ദുരൂഹസാഹചര്യത്തിൽ മരിച്ച കുമാരന്‍റെ മരണം ഹൃദയാഘാതം മൂലമെന്ന് പ്രാഥമിക നിഗമനം. വടക്കേത്ര കാക്കരകുന്നിൽ തൊഴുത്തിനു സമീപം വീണുകിടന്ന കുമാരനെ നാട്ടുകാർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് നടത്തിയ പോസ്റ്റ്മോർട്ടത്തിലാണ് ഹൃദയാഘാതമെന്ന് സ്ഥിരീകരിച്ചത്. പോസ്റ്റ്മോർട്ടത്തിനുശേഷം മൃതദേഹം വീട്ടിലെത്തിച്ച് സംസ്കാരം നടത്തി.

ജേക്കബ് കൈതാരത്ത് അനുസ്മരണം

ചാലക്കുടി : സേവാദൾ ജില്ലാ പ്രസിഡന്‍റായിരുന്ന ജേക്കബ് കൈതാരത്തിന്‍റെ 13-ാം ചരമവാർഷിക അനുസ്മരണവും അവാർഡ് വിതരണവും നടത്തി. ഉദ്ഘാടനവും ജേക്കബ് കൈതാരത്തിന്‍റെ ഭാര്യ റോസി ജേക്കബിനെ ആദരിക്കലും സനീഷ് കുമാർ ജോസഫ് എംഎൽഎ നിർവഹിച്ചു. സേവാദൾ മേലൂർ മണ്ഡലം പ്രസിഡന്‍റ് ലിൻസൻ ആന്‍റണി അധ്യക്ഷതവഹിച്ചു. സേവാദൾ ജില്ലാ പ്രസിഡന്‍റ് പി.ഡി. റപ്പായി മുഖ്യപ്രഭാഷണം നടത്തി. നഗരസഭാ ചെയർമാൻ ഷിബു വാലപ്പൻ പ്രതിഭകൾക്ക് പുരസ്കാര വിതരണവും മുൻകാല കോൺഗ്രസ്, സേവാദൾ പ്രവർത്തകരെ ആദരിക്കലും നടത്തി. സേവാദൾ സംസ്ഥാന സെക്രട്ടറി ബാബു ജോസഫ് പുത്തനങ്ങാടി, നിയോജ കമണ്ഡലം പ്രസിഡന്‍റ് ഷാരോൺ കൊടിയൻ, ജോസഫ് ആട്ടോക്കാരൻ, ജിമ്മി കിഴക്കുംതല, ബിജു പുളിയാനി, എന്നിവർ പ്രസംഗിച്ചു.

ലഹരിവിരുദ്ധദിനാചരണം

കൊടകര: സഹൃദയ കോളജ് ഓഫ് അഡ്വാന്‍സ്ഡ് സ്റ്റഡീസിലെ ആന്‍റി നര്‍ക്കോട്ടിക്‌സ് സെല്‍, ഐക്യുഎസി, എന്‍എസ്എസ്, സൈക്കോളജി വിഭാഗം എന്നിവ സംയുക്തമായി ലഹരിവിരുദ്ധദിനാചരണം സംഘടിപ്പിച്ചു. കോളജ് എക്‌സിക്യൂട്ടീവ് ഡയറക്ടര്‍ റവ.ഡോ. ഡേവിസ് ചെങ്ങിനിയാടന്‍ ഉദ്ഘാടനംചെയ്തു. തൃശൂര്‍ റൂറല്‍ ഡിസ്ട്രിക്ട് സ്‌പെഷല്‍ ബ്രാഞ്ച് ഡിവൈഎസ്പി പി.ആര്‍. ബിജോയ് ലഹരിവിരുദ്ധസന്ദേശംനല്‍കി. പ്രിന്‍സിപ്പല്‍ ഡോ.കെ.എല്‍. ജോയ്, വൈസ് പ്രിന്‍സിപ്പല്‍ ഡോ.കെ. കരുണ, എന്നിവര്‍ പ്രസംഗിച്ചു. ചാലക്കുടി: സേക്രഡ് ഹാർട്ട്‌ കോളേജ് എൻഎസ്എസ് യൂണിറ്റ് 76, 84 എന്നിവയുടെ ആഭിമുഖ്യത്തിൽ കോളേജിൽ ലഹരിവിരുദ്ധ ദിനം ആചരിച്ചു. ചാലക്കുടി എക്സെെസ് ഇൻസ്‌പെക്ടർ എം.എൽ. റാഫേൽ ഉദ്ഘാടനം നിർവഹിച്ചു. പ്രിൻസിപ്പൽ സിസ്റ്റർ ഡോ. ഐറിൻ, വൈസ് പ്രിൻസിപ്പൽ സിസ്റ്റർ ഡോ. പ്രിൻസി ആന്‍റോ എന്നിവർ നേതൃത്വംനൽകി. പെരിഞ്ഞനം: ലഹരി വിമുക്ത പെരിഞ്ഞനം എന്ന ലക്ഷ്യത്തോടെ പെരിഞ്ഞനം ഗ്രാമപഞ്ചായത്ത് ലഹരിവിരുദ്ധ ജനകീയ കാമ്പയിൻ സംഘടിപ്പിച്ചു. കാമ്പയിൻ ഇ.ടി. ടൈസൺ എംഎൽഎ ഉദ്ഘാടനംചെയ്തു. ഗ്രാമപഞ്ചായത്ത് പ്രസിഡന്‍റ് വിനിത മോഹൻദാസ് അധ്യക്ഷത വഹിച്ചു. റിട്ട. സബ് ഇൻസ്‌പെക്ടർ സുവൃതകുമാർ ബോധവത്കരണ ക്ലാസ് നയിച്ചു. ഇ.ആർ. ഷീല, പ്രിൻസിപ്പൽ അനിൽ പ്രസംഗിച്ചു.

വിദ്യാഭ്യാസം ജീവിതനൈപുണ്യം നേടുന്നതിനുള്ള ചവിട്ടുപടി: ബി. കൃഷ്ണകുമാര്‍

ഇരിങ്ങാലക്കുട: വിദ്യാഭ്യാസം എന്നത് കേവലം ബിരുദങ്ങളോ, സര്‍ട്ടിഫിക്കറ്റുകളോ നേടലല്ല ജീവിതനൈപുണ്യം നേടുന്നതിനായുള്ള ചവിട്ടുപടികളാണെന്ന് തൃശൂര്‍ ജില്ലാ റൂറല്‍ പോലീസ് മേധാവി ബി. കൃഷ്ണകുമാര്‍ പറഞ്ഞു. ഞാറ്റുവേല മഹോത്സവത്തിലെ കേഡറ്റ് മീറ്റ് ഉദ്ഘാടനംനിര്‍വഹിച്ചു സംസാരിക്കുകയായിരുന്നു അദ്ദേഹം. മുനിസിപ്പല്‍ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷതവഹിച്ചു. എന്‍സിസി കമാന്‌ഡിംഗ് ഓഫീസര്‍ കേണല്‍ തോമസ് കെ.തോമസ് മുഖ്യതിഥിയായിരുന്നു. മുനിസിപ്പല്‍ വൈസ് ചെയര്‍മാന്‍ ബൈജു കുറ്റിക്കാടന്‍, പൊതുമരാമത്ത്കാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജെയ്‌സണ്‍ പാറക്കാടന്‍, വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ഫെനി എബിന്‍ വെള്ളാനിക്കാരന്‍, കൗണ്‍സിലര്‍മാരായ കെ.എം. സന്തോഷ്, സരിത സുഭാഷ്, രാജി കൃഷ്ണകുമാര്‍, എം.എസ്. സഞ്ജയ് എന്നിവര്‍ ആശംസകളര്‍പ്പിച്ചു. സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ അംബിക പള്ളിപ്പുറത്ത്, അഡ്വ. ജിഷ ജോബി, മുനിസിപ്പല്‍ സെക്രട്ടറി എം.എച്ച്. ഷാജിക്, കോ- ഓര്‍ഡിനേറ്റര്‍ പി.ആര്‍. സ്റ്റാന്‍ലി, മുനിസിപ്പല്‍ ക്ലീന്‍സിറ്റി മാനേജര്‍ എസ്. ബേബി എന്നിവര്‍ സംസാരിച്ചു.

ഗോൾഡൻ മെഡോസ് ശിലാസ്ഥാപനം

മണലിക്കാട്: മുതിർന്ന പൗരന്മാർക്കും വിരമിച്ച വൈദികർക്കും വേണ്ടിയുള്ള കോട്ടപ്പുറം രൂപത സംരംഭമായ അത്യാധുനിക രീതിയിലുള്ള വിരമിച്ചവർക്കുള്ളകേന്ദ്രം ഗോൾഡൻ മെഡോസിന് ശിലയിട്ടു. കോട്ടപ്പുറം ബിഷപ് ഡോ. അംബ്രോസ് പുത്തൻവീട്ടിൽ മണലിക്കാട് സെന്‍റ് ഫ്രാൻസിസ് അസീസി മൈനർ സെമിനാരി അങ്കണത്തിൽ ശിലാസ്ഥാപനംനടത്തി. കോട്ടപ്പുറം രൂപത വികാരി ജനറാള്‌ മോൺ. റോക്കി റോബി കളത്തിൽ, എപ്പിസ്കോപ്പൽ വികാരി റവ.ഡോ. ഫ്രാൻസിസ്കോ പടമാടൻ, ചാൻസലർ ഫാ. ഷാബു കുന്നത്തൂർ, പ്രൊക്കുറേറ്റർ ഫാ. ജോബി കാട്ടാശേരി, ഫൊറോന വികാരി ഫാ. ജോസഫ് ഒള്ളാട്ടുപുറം എന്നിവർ പ്രസംഗിച്ചു. രൂപതയിലെ വൈദികരുടെയും സന്യസ്തരുടെയും അല്മായരുടെയും പ്രതിനിധികൾ പങ്കെടുത്തു. വിദ്യാഭ്യാസ, ആരോഗ്യ രംഗങ്ങളിൽ കോട്ടപ്പുറം രൂപതയുടെ മഹത്തായ സംഭാവനകളുടെ തുടർച്ചയാണ് വയോജന പരിപാലന ശുശ്രൂഷയുടെ ഭാഗമായ ഗോൾഡൻ മെഡോസ്. വിരമിച്ചവർക്കായി സ്റ്റുഡിയോ അപ്പാർട്ട്മെന്‍റുകളും സ്വതന്ത്ര വില്ലകളും ഇതിലുണ്ടാകും. ആരോഗ്യ സുരക്ഷ ഉറപ്പാക്കാൻ 24 മണിക്കൂറും നഴ്സിംഗ് സേവനവും ഡോക്ടർമാരുടെ ദിന സന്ദർശനവും അടിയന്തരസാഹചര്യങ്ങളെ നേരിടാൻ ആംബുലൻസ് സൗകര്യവും ക്രമീകരിക്കും. വിനോദത്തിനും ആരോഗ്യപരിപാലനത്തിനുമായി പ്രത്യേക സ്ഥലങ്ങൾ, ജിംനേഷ്യം, നീന്തൽക്കുളം തുടങ്ങിയവ ഗോൾഡൻ മെഡോസിന്‍റെ പ്രത്യേകതകളാണ്. മൂന്നുവർഷത്തിനുള്ളിൽ പദ്ധതി പൂർത്തീകരിക്കുമെന്ന് കോട്ടപ്പുറം രൂപത പ്രൊക്കുറേറ്റർ ഫാ. ജോബി കാട്ടാശേരി അറിയിച്ചു.

കേരള കോണ്‍ഗ്രസ് സമരത്തിലേക്ക്

ആളൂര്‍: ആളൂര്‍ ജംഗ്ഷന്‍റെ വികസനത്തിനും മോടി പിടിപ്പിക്കുന്നതിനും യുഡിഎഫ് സര്‍ക്കാരിന്‍റെ കാലത്ത് എംഎല്‍എ ആയിരുന്ന തോമസ് ഉണ്ണിയാടന്‍റെ ശ്രമഫലമായി അനുവദിച്ച രണ്ടുകോടി രൂപ നഷ്ടപ്പെടുത്തുന്ന സമീപനമാണ് എല്‍ഡിഎഫിന്‍റെതെന്ന് കേരള കോണ്‍ഗ്രസ് ആളൂര്‍ മണ്ഡലം കമ്മിറ്റി കുറ്റപ്പെടുത്തി. ഇതിനെതിരേ വീണ്ടും സമരരംഗത്തിറങ്ങാന്‌ ആളൂരില്‍ചേര്‍ന്ന കേരള കോണ്‍ഗ്രസ് മണ്ഡലംതല കുടുംബസംഗമം തീരുമാനിച്ചു. കുടുംബസംഗമം സംസ്ഥാന ഡെപ്യൂട്ടി ചെയര്‍മാന്‍ തോമസ് ഉണ്ണിയാടന്‍ ഉദ്ഘാടനം ചെയ്തു. മണ്ഡലം പ്രസിഡന്‍റ് നൈജു ജോസഫ് ഊക്കന്‍ അധ്യക്ഷതവഹിച്ചു. സംസ്ഥാന ജനറല്‍സെക്രട്ടറി മിനി മോഹന്‍ദാസ് മുഖ്യപ്രഭാഷണംനടത്തി. നിയോജകമണ്ഡലം പ്രസിഡന്‍റ് റോക്കി ആളൂക്കാരന്‍, ജില്ലാ ജനറല്‍ സെക്രട്ടറി സേതുമാധവന്‍ പറയംവളപ്പില്‍, ഭാരവാഹികളായ ജോബി മംഗലന്‍, ജോജോ മാടവന, ഷീല ഡേവിസ് ആളൂക്കാരന്‍, ജോര്‍ജ് കുറ്റിക്കാടന്‍, തോമസ് തുളുവത്ത്, റാന്‍സി സണ്ണി മാവേലി, ടി.എ. തോമസ് തോട്ട്യാന്‍, നെല്‍സണ്‍ മാവേലിതുടങ്ങിയവര്‍ പ്രസംഗിച്ചു.

ദുരവസ്ഥ തുടരുന്നു: ചിറങ്ങരയിൽ കോൺക്രീറ്റ് സ്ലാബിൽനിന്നു കമ്പികൾ പുറത്തേക്ക്

കൊരട്ടി: നാഷണൽ ഹൈവേ അഥോറിറ്റിയുടെയും കരാർ കമ്പനിയുടെയും മുന്നൊരുക്കവും ദീർഘവീക്ഷണമില്ലാത്തതുമായ നിർമാണപ്രവൃത്തികളിൽ ജനത്തിന്‍റെ ദുരവസ്ഥ തുടരുന്നു. ചിറങ്ങരയിൽനിന്ന് 150 മീറ്റർ അങ്കമാലി ഭാഗത്തേക്ക് നീങ്ങിയാൽ ബദൽ റോഡിൽനിന്നു പ്രധാനറോഡിലേക്ക് പ്രവേശിക്കുന്ന ഭാഗത്ത് കോൺക്രീറ്റിംഗിന് ഉപയോഗിക്കുന്ന കമ്പികൾ ഉടനീളം പൊന്തിനിൽക്കുന്നതായി കാണാം. പ്രധാനപാതയ്ക്കും സർവീസ് റോഡിനും ഇടയിലുള്ള ഡിവൈഡർ പൊളിച്ച ഭാഗത്താണ് കമ്പികൾ പൊന്തിനിൽക്കുന്നത്. കമ്പിയുടെ അഗ്രങ്ങളിൽ വാഹനം കയറിയിറങ്ങിയാൽ ടയർ നശിക്കാനുള്ള സാധ്യത ഏറെയാണ്. മുരിങ്ങൂരിൽനിന്ന് ആരംഭിക്കുന്ന ഗതാഗതകുരുക്കിൽവലഞ്ഞ്, വെള്ളക്കെട്ടിനെ അതിജീവിച്ച്, പാതയിലുടനീളമുള്ള കുണ്ടും കുഴിയും ചെളിയും താണ്ടി, ഇവിടെയെത്തുമ്പോൾ ടയറുകളിൽ കമ്പി കുത്തിക്കയറാനുള്ള സാധ്യതയാണുള്ളത്.

പുളിക്കലച്ചിറ പാലം നിര്‍മാണം; ബണ്ട് റോഡ് പണികള്‍ വേഗത്തില്‌

പായമ്മല്‍: നാലമ്പല തീര്‍ഥാടനത്തിനു മുന്‍പായി പുളിക്കലച്ചിറയില്‍ പാലം നിര്‍മിക്കുന്നതിന്‍റെ ഭാഗമായി താത്കാലികമായി നിര്‍മിച്ച ബണ്ട് റോഡ് ബലപ്പെടുത്തുന്ന പണികള്‍ പൊതുമരാമത്തുവകുപ്പ് വേഗത്തിലാക്കി. പുളിക്കലച്ചിറപ്പാടം പ്രദേശത്തെ വെള്ളക്കെട്ട് പരിഹരിക്കുന്നതിനായി ബണ്ടില്‍ നിലവിലുള്ള പൈപ്പുകള്‍ക്കു പുറമേ, നാല് പൈപ്പുകള്‍കൂടി സ്ഥാപിച്ചു. പാടത്തിനു നടുക്കുള്ള തോടിന്‍റെ ഭാഗത്ത് വെള്ളം ഒഴുകിപ്പോകുന്നതിനായി ബണ്ടിനു കുറുകെ ഒരു മീറ്റര്‍ വ്യാസമുള്ള വലിയ രണ്ട് പൈപ്പുകളും അനുബന്ധമായി മറ്റ് രണ്ടു പൈപ്പുകളുമാണ് സ്ഥാപിച്ചിരിക്കുന്നത്. ഈ ആഴ്ചതന്നെ പ്രവൃത്തികള്‍ പൂര്‍ത്തിയാക്കും. താത്കാലികമായി സ്ഥാപിച്ച ബണ്ടില്‍ വെള്ളംതടഞ്ഞ് പടിയൂര്‍ പഞ്ചായത്തില്‍ അഞ്ച്, ആറ് വാര്‍ഡുകളില്‍ വെള്ളക്കെട്ട് രൂക്ഷമായതിനെത്തുടര്‍ന്ന് പ്രദേശവാസികള്‍ പ്രതിഷേധമുയര്‍ത്തിയിരുന്നു. ഇതിനെത്തുടര്‍ന്ന് ജില്ലാ കളക്ടറുടെയും മന്ത്രിയുടെയും നേതൃത്വത്തില്‍നടന്ന ഓണ്‍ലൈന്‍ യോഗത്തില്‍ വെള്ളക്കെട്ട് ഒഴിവാക്കുന്നതിനായി പൊതുമരാമത്തുവകുപ്പ് പാലം വിഭാഗത്തിന് നിര്‍ദേശംനല്‍കി. ഇതിന്‍റെ അടിസ്ഥാനത്തിലാണ് 19ന് ബണ്ടിന്‍റെ മുകള്‍ഭാഗത്ത് മൂന്നിടത്തായി മണ്ണുനീക്കിയും ചണ്ടി, കുളവാഴ എന്നിവ നീക്കിയും ഒഴുക്ക് സുഗമമാക്കിയത്. വലിയ വാഹനങ്ങള്‍ കടന്നുപോകാവുന്ന തരത്തില്‍ ഗതാഗതസൗകര്യം ഒരുക്കാന്‍ മണ്ണും ക്വാറി വേസ്റ്റും തട്ടി വശങ്ങളില്‍ തെങ്ങിന്‍തടികള്‍ സ്ഥാപിക്കുന്ന പ്രവൃത്തികളാണ് ഇപ്പോള്‍ നടക്കുന്നത്. പടിയൂര്‍, പൂമംഗലം പഞ്ചായത്തുകളെ ബന്ധിപ്പിക്കുന്ന പുളിക്കലച്ചിറ പാലം നിര്‍മാണത്തിന്‍റെ ഭാഗമായി നിര്‍മിച്ച താല്‍ക്കാലിക ബണ്ടില്‍ ഇട്ടിരുന്ന പൈപ്പുകളില്‍ ഒഴുക്ക് തടസപ്പെട്ടതോടെയാണ് പഞ്ചായത്തിലെ നൂറോളം വീടുകളില്‍ വെള്ളംകയറിയത്.

വെള്ളക്കെട്ടിനെതിരേ മുരിങ്ങൂരിൽ കളിവഞ്ചിസമരം

മുരിങ്ങൂർ: ദേശീയപാത വികസനത്തിന്‍റെ പേരിൽ നാഷണൽ ഹൈവേ അഥോറിറ്റിയും കരാർ കമ്പനിയും നടപ്പിലാക്കുന്ന അശാസ്ത്രീയ നിർമാണങ്ങൾക്കും പ്രധാനപാതയിൽപോലും രൂപപ്പെടുന്ന വെള്ളക്കെട്ടിനുമെതിരേ മുരിങ്ങൂരിൽ കളിവഞ്ചി സമരം. കേരള കോൺഗ്രസ്- എം ചാലക്കുടി നിയോജകമണ്ഡലം കമ്മിറ്റിയുടെ നേതൃത്വത്തിലാണ് എൻഎച്ച്എഐയുടെ അനാസ്ഥയ്ക്കെതിരേ സമരവുമായി രംഗത്തുവന്നത്. മണിക്കൂറുകളോളം രൂപപ്പെടുന്ന ഗതാഗതക്കുരുക്കിന് അറുതിവരുത്താൻ ഉന്നതതല യോഗങ്ങൾ നടക്കുന്നതല്ലാതെ നിർദേശങ്ങൾ നടപ്പിലാക്കുന്നതിൽ അധികൃതർ വീഴ്ച വരുത്തുന്നതായി സമരക്കാർ ആരോപിച്ചു. വിവിധ വർണങ്ങളിലുള്ള കടലാസുവഞ്ചികൾ വെള്ളക്കെട്ടിലിറക്കിയായിരുന്നു പ്രതിഷേധം. നിയോജകമണ്ഡലം പ്രസിഡന്‍റ് പോളി ഡേവിസ് ഉദ്ഘാടനംചെയ്തു. അഡ്വ.പി.ഐ. മാത്യു, കെ.ഒ. വർഗീസ്, പോളി റാഫേൽ, വി.ജെ. ജോജി, മെജോ ജോർജ്, പോൾ ടി.കുര്യൻ, നിക്സൻ പൊടുത്താസ് എന്നിവർ പ്രസംഗിച്ചു.

മരംവീണ് സംസ്ഥാനപാതയുടെ അടിവശത്തു ഗര്‍ത്തം

പുല്ലൂര്‍: അപകടങ്ങള്‍ ഏറെനടക്കുന്ന ഇരിങ്ങാലക്കുട - പോട്ട സംസഥാനപാതയില്‍ പുല്ലൂര്‍ തൊമ്മാന പാടശേഖരത്തിലൂടെ കടന്നുപോകുന്ന സംസ്ഥാനപാതയുടെ അടിവശത്ത് മരംവീണതോടെ വലിയ ഗര്‍ത്തം രൂപപ്പെട്ടു. റോഡരികിലെ കല്‍കെട്ടില്‍നിന്ന വര്‍ഷങ്ങള്‍ പഴക്കമുള്ള മരമാണ് പാടത്തേയ്ക്ക് മറിഞ്ഞുവീണത്. കെഎല്‍ഡിസി കനാല്‍ ആരംഭിക്കുന്നിടത്ത് ചെമ്മീന്‍ച്ചാലില്‍നിന്നുവരുന്ന തോടിനരികിലെ മോട്ടോര്‍ ഷെഡിനു സമീപമാണ് മരം മറിഞ്ഞുവീണത്. പാടത്തിന്‍റെ നിരപ്പില്‍നിന്നു ഏകദേശം 10 അടിയോളം ഉയര്‍ന്നാണ് സംസ്ഥാനപാത കടന്നുപോകുന്നത്. മരം നിലംപൊത്തിയത് റോഡിന്‍റെ സംരക്ഷണഭിത്തി തകര്‍ത്താണ്. ഇതുമൂലം റോഡിനടിയിലേക്ക് രണ്ടടിയോളം പൊള്ളയായി. ഇതിനുമുകളിലൂടെ വാഹങ്ങള്‍ പോയാല്‍ റോഡ് തകരാന്‍ സാധ്യതയുണ്ട്. റോഡില്‍ അപായ മുന്നറിയിപ്പ് വച്ചിട്ടുണ്ടെങ്കിലും അപകടാവസ്ഥയുടെ വ്യാപ്തി കുറയുന്നില്ല. റോഡിനിരുവശത്തേയും പടശേഖരം വെള്ളംനിറഞ്ഞു കിടക്കുന്നതും അപകടാവസ്ഥ കൂട്ടുന്നുണ്ട്. ദശകങ്ങള്‍ക്ക് മുന്‍പ് നിര്‍മിച്ച തൊമ്മാന പാടശേഖരത്തിലൂടെ കടന്നുപോകുന്ന റോഡിന്‍റെ വീതികൂട്ടുകയും ഇരുവശവും കെട്ടി ബലപ്പെടുത്തുകയും വേണമെന്ന ആവശ്യത്തിന് വര്‍ഷങ്ങളുടെ പഴക്കമുണ്ട്. നടപ്പാതയുമില്ല, റോഡരികാണെങ്കില്‍ ഏതുനിമിഷവും ഇടിയുന്ന അവസ്ഥയിലും. വല്ലക്കുന്ന് ഭാഗത്തുനിന്നും ഇറങ്ങിവരുന്ന റോഡ് തൊമ്മാന പാടശേഖരത്തിലൂടെ കടന്നുപോകുന്നിടത്താണ് വീതി നന്നേ കുറവ്. അരനൂറ്റാണ്ടിലേറെയായി റോഡിന്‍റെ അവസ്ഥയില്‍ മാറ്റമില്ല. സംസ്ഥാനപാതയായി ഉയര്‍ന്നതോടെ ഇവിടെയൊഴികെ പലയിടത്തും റോഡിന്‍റെ വീതികൂടി. പാടശേഖരത്തിനു നടുവിലൂടെയുള്ള റോഡിനു ഇപ്പോള്‍ നടപ്പാതയ്ക്കുള്ള സ്ഥലമില്ല. റോഡ് കെട്ടിപ്പൊക്കിയ ഇവിടങ്ങളിലെ കരിങ്കല്ല് പാളികള്‍ പലതും അടര്‍ന്നനിലയിലാണ്. മഴക്കാലത്ത് സ്ഥിരം വെള്ളക്കെട്ട് രൂപപെടുന്നതിനാല്‍ റോഡിനു ബലക്കുറവുള്ളതായി അധികൃതരുടെ വര്‍ഷങ്ങള്‍ക്ക് മുന്നേയുള്ള പരിശോധനയില്‍ തെളിഞ്ഞിട്ടുള്ളതുമാണ്. ഇവിടെ റോഡിന്‍റെ ഇടതുവശം ചെറുതായി ചരിഞ്ഞ അവസ്ഥയിലുമാണ്. ബസ് ഉള്‍പ്പെടെയുള്ള വാഹനങ്ങള്‍ ഇവിടെ അപകടത്തില്‍പെടുന്നത് സാധാരണയാണ്. സംസ്ഥാനത്ത് ഏറ്റവും കൂടുതല്‍ റോഡപകടങ്ങള്‍ ഉണ്ടാക്കുന്ന ബ്ലാങ്ക് സ്‌പോട്ടില്‌ ഒരിടമാണ് ഈ മേഖല. ഈ മേഖലയിലെ റോഡുകളുടെ വളവുകള്‍തീര്‍ത്ത് തൊമ്മാന പാടത്ത് റോഡിനു ഇരുവശവും വീതിയില്‍ കല്‍കെട്ട് നിര്‍മിച്ച് റോഡ് അടിയന്തരമായി പുനര്‍നിര്‍മിക്കണമെന്ന ആവശ്യം ഇതുവരെ അധികൃതര്‍ കേട്ടഭാവമില്ല.

ആരോഗ്യമന്ത്രിക്കു പ്രതിഷേധറീത്തുമായി യുവമോർച്ച

തൃശൂർ: മന്ത്രി വീണാ ജോർജിനു പ്രതിഷേധറീത്ത് സമർപ്പിച്ച് യുവമോർച്ച പ്രതിഷേധം. കോട്ടയം മെഡിക്കൽ കോളജ് കെട്ടിടം തകർന്ന് ബിന്ദു മരണപ്പെട്ടതു കേരളത്തിന്‍റെ ആരോഗ്യമേഖലയിലുണ്ടായ കനത്ത വീഴ്ചയാണെന്നും ഉത്തരവാദിയായ മന്ത്രി രാജിവയ്ക്കണമെന്നും ആവശ്യപ്പെട്ടായിരുന്നു യുവമോർച്ച രംഗത്തുവന്നത്. ഡിഎംഒ ഓഫീസിലേക്കു മാർച്ച് നടത്തിയ പ്രവർത്തകർ ഡിഎംഒയുടെ സീറ്റിൽ റീത്തുവച്ചാണ് പ്രതിഷേധം അറിയിച്ചത്. ജില്ലാ പ്രസിഡന്‍റ് സബീഷ് മരുതയൂർ ഉദ്ഘാടനം ചെയ്തു. ജില്ലാ വൈസ് പ്രസിഡന്‍റുമാരായ രാഹുൽ നന്തിക്കര, വിമൽ, ജില്ലാ സെക്രട്ടറി മനു പള്ളത്ത്, നന്ദകുമാർ, നിമേഷ് എന്നിവർ നേതൃത്വം നൽകി.

പാതാളക്കുഴികൾ മൂടി

തൃശൂർ: ജൂബിലി മിഷൻ ആശുപത്രിക്കുമുൻപിലെ പാതാളക്കുഴികൾ മൂടി. ദീപിക വാർത്തയെതുടർന്നാണ് നടപടി. നഗരത്തിലെ പൊതുമരാമത്തുറോഡുകളുടെ ദയനീയസ്ഥിതിയെക്കുറിച്ച് രണ്ടിന് ദീപിക ’കുഴികളിൽ മണ്ണിടൽ, കണ്ണിൽ പൊടിയിടൽ’ എന്ന തലക്കെട്ടിൽ വാർത്ത പ്രസിദ്ധീകരിച്ചിരുന്നു. ഇതിനുപിറകെയാണ് കുഴികൾ മൂടിയത്. തൃശൂർ - കുട്ടനെല്ലൂർ റോഡിൽ ജൂബിലി മിഷൻ ആശുപത്രിവളവിലാണ് ഭീമൻകുഴികൾ രൂപപ്പെട്ടിരുന്നത്. അത്യാഹിതനിലയിലുള്ളവർ ഉൾപ്പെടെ നിരവധി രോഗികൾ ദിനവും വരുന്ന ആശുപത്രിയായിട്ടുപോലും റോഡിന്‍റെ ദയനീയസ്ഥിതി പരിഹരിക്കാൻ അധികാരികൾ മുന്നോട്ടുവരാത്ത സാഹചര്യമായിരുന്നു. ഡിവിഷൻ കൗണ്‍സിലർ ലീല വർഗീസും വാഴനട്ടു പ്രതിഷേധിച്ചിരുന്നു.

യൂത്ത് ലീഗ് മാർച്ചിൽ സംഘർഷം; ജലപീരങ്കി പ്രയോഗിച്ച് പോലീസ്

തൃശൂർ: ആരോഗ്യമേഖലയിൽ സർക്കാർ തുടരുന്ന അനാസ്ഥയ്ക്കെതിരേയും ആരോഗ്യമന്ത്രിയുടെ രാജിയാവശ്യപ്പെട്ടും തൃശൂർ ഡിഎംഒ ഓഫീസിലേക്കു യൂത്ത് ലീഗ് സംഘടിപ്പിച്ച മാർച്ചിൽ സംഘർഷം. പ്രവർത്തകർക്കുനേരേ പോലീസ് ജലപീരങ്കി പ്രയോഗിച്ചു. ജില്ലാ കമ്മിറ്റിയുടെ നേതൃത്വത്തിൽ വടക്കേ സ്റ്റാൻഡ് പരിസരത്തുനിന്നാരംഭിച്ച മാർച്ച് സെന്‍റ് തോമസ് കോളജ് റോഡിൽ പോലീസ് ബാരിക്കേഡ് വച്ച് തടഞ്ഞു. ഇതോടെ പ്രതിഷേധം ശക്തമാക്കിയ പ്രവർത്തകർ ബാരിക്കേഡ് മറികടക്കാൻ ശ്രമിച്ചതോടെയാണ് പോലീസ് ജലപീരങ്കി പ്രയോഗിച്ചത്. സംസ്ഥാന വൈസ് പ്രസിഡന്‍റ് ഫൈസൽ ബാഫഖി തങ്ങൾ ഉദ്ഘാടനംചെയ്തു. കോട്ടയം മെഡിക്കൽ കോളജിൽ കെട്ടിടം തകർന്നുവീണ് സ്ത്രീ മരിച്ച സംഭവത്തിൽ ആരോഗ്യമന്ത്രി വീണാ ജോർജാണ് ഒന്നാംപ്രതിയെന്നു ഫൈസൽ ബാഫഖി തങ്ങൾ പറഞ്ഞു. ആരോഗ്യകേരളത്തെ വെന്‍റിലേറ്ററിലാക്കിയ മന്ത്രി രാജിവയ്ക്കുന്നതുവരെ യൂത്ത് ലീഗ് തെരുവിലുണ്ടാകുമെന്നും തങ്ങൾ പറഞ്ഞു. ജില്ലാ പ്രസിഡന്‍റ് എ.എം. സനൗഫൽ അധ്യക്ഷത വഹിച്ചു. ജനറൽ സെക്രട്ടറി നൗഷാദ് തെരുവത്ത്, മുസ്ലിം ലീഗ് ജില്ലാ വൈസ് പ്രസിഡന്‍റ് അസീസ് താണിപ്പാടം, മണ്ഡലം പ്രസിഡന്‍റ് സി. സുൽത്താൻ ബാബു, യൂത്ത് ലീഗ് ജില്ലാ ഭാരവാഹികളായ കെ.കെ. സക്കരിയ, എ.വി. അലി, അസീസ് മന്ദലാംകുന്ന്, പി.ജെ. ജെഫീക്ക്, ടി.എ. ഫഹദ് എന്നിവർ പ്രസംഗിച്ചു.

രാസലഹരി ഉപയോഗത്തെക്കുറിച്ച് പരാതിപ്പെട്ടതിന് അക്രമം: ഒരാൾ അറസ്റ്റിൽ

അന്തിക്കാട്: മനക്കൊടിയിൽ രാസലഹരി ഉപയോഗവും വിൽപ്പനയും നടക്കുന്നതായി പരാതിപ്പെട്ട യുവാവിനെ ആക്രമിച്ച സംഭവത്തിൽ ഒരാൾകൂടി പിടിയിൽ. മനക്കൊടി മഠത്തിൽവീട്ടിൽ യദുകൃഷ് ണ (26)യെയാണ് അന്തിക്കാട് പോലീസ് അറസ്റ്റ് ചെയ്തത്. സംഭവത്തിൽ ഒരാളെ നേരത്തേ പിടികൂടിയിരുന്നു. മനക്കൊടി കാട്ടുതീണ്ടി വീട്ടിൽ ആകാശ്കൃഷ്ണ(24)യാണ് അന്തിക്കാട് പോലീസിൽ പരാതി നൽകിയത്. കഴിഞ്ഞ ഫെബ്രുവരിയിലാണ് സംഭവം. പരാതിയെക്കുറിച്ച് മനസിലാക്കിയ യദുകൃഷ്ണയും സുഹൃത്തും ചേർന്ന് മനക്കൊടിയിലെ വീടിനടുത്തുള്ള പാടത്തെ സ്ലാബിൽ ഇരിക്കുകയായിരുന്ന ആകാശ് കൃഷ്ണയെ രാത്രി പത്തരയ്ക്കു ബലമായി ബൈക്കിൽ കയറ്റി പാടത്തി ന്‍റെ നടുവിൽ കൊണ്ടുപോയി ആക്രമിക്കുകയും കത്തി കാണിച്ച് കൊല്ലുമെന്നുപറഞ്ഞ് ഭീഷണിപ്പെടുത്തുകയുമായിരുന്നു. കഞ്ചാവു ബീഡി ബലമായി വലിപ്പിക്കുകയും ചെയ് തു. കേസിൽ യദുകൃഷ്ണയുടെ സുഹൃത്ത് മനക്കൊടി ചുള്ളിപ്പറമ്പിൽ അഭിഷേകിനെ (22) നേരത്തേ പോലീസ് പിടികൂടിയിരുന്നു. അന്തിക്കാട് സിഐ എ.എസ്. സരിൻ, എസ്ഐ സുബിന്ദ്, സിപിഒമാരായ ശിവകുമാർ, പ്രതീഷ് എന്നിവരാണു പ്രതികളെ പിടികൂടിയത്.

കോലഴി സെന്‍റ് ബെനഡിക്ട് പള്ളിയിൽ തിരുനാൾ

കോലഴി: സെന്‍റ് ബെനഡിക്ട് പള്ളിയിലെ ഉൗട്ടുതിരുനാൾ കൊടിയേറ്റം വികാരി ഫാ. പോൾ പേരാമംഗലത്ത് നിർവഹിച്ചു. 13 നാണ് തിരുനാൾ. രാവിലെ 9.30 നുള്ള ആഘോഷമായ ദിവ്യബലിക്ക് അതിരൂപത വികാരി ജനറാൾ മോണ്‍. ജോസ് കോനിക്കര മുഖ്യകാർമികത്വം വഹിക്കും. ഫാ. ഫിജോ ആലപ്പാടൻ സന്ദേശം നൽകും. തുടർന്ന് നേർച്ചയൂട്ട് ഉച്ചതിരിഞ്ഞ് മൂന്നുവരെ ഉണ്ടായിരിക്കും.

കാട്ടുപന്നികളെ കൊന്ന് വില്പന നടത്തിയ രണ്ടുപേർ പിടിയിൽ

വടക്കാഞ്ചേരി: കാട്ടുപന്നികളെ സ്ഫോടക വസ്തുക്കൾ ഉപയോഗിച്ചുകൊന്ന് വിൽപ്പനനടത്തിയ സംഘത്തിലെ രണ്ടുപേർ പിടിയിൽ. തിരുവില്വാമല കുണ്ടുകാട് ഉന്നതിക്കടത്ത് താമസിക്കുന്ന കോലത്തുപറമ്പിൽ മൊയ് തീൻകുട്ടി മകൻ അബുതാഹീർ( 42 ), പാലക്കാട് മങ്കര സ്വദേശി വാരിയത്ത്പറമ്പിൽ രാജേഷ് (39) എന്നിവരെയാണ് വടക്കാഞ്ചേരി ഫോറസ്റ്റ് റേഞ്ച് ഓഫീസർ ബി. അശോക് രാജിന്‍റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. മായന്നൂർ ഫോറസ്റ്റ് റേഞ്ചിനു കീഴിലെ കൊണ്ടാഴി, കുത്താംപ്പുള്ളി മേഖലയിൽനിന്നും പന്നികളെപിടികൂടിഇറച്ചിയാക്കി തൃശുർ - പാലക്കാട് ജില്ലയിൽ വ്യാപകമായി പന്നിയിറച്ചി വില്പന നടത്തിയിരുന്ന സംഘത്തെയാണ് അറസ്റ്റു ചെയ്തത്. വടക്കാഞ്ചേരി കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. ഇതുമായി ബന്ധപ്പെട്ട് മൂന്നുവണ്ടികളും വനംവകുപ്പ് കസ്റ്റഡിയിലെടുത്തു. പ്രതികൾ ഏറെക്കാലം ഒളിവിലായിരുന്നു. പിടികൂടിയ പ്രതികളെ ചോദ്യം ചെയ്തതിനെത്തുടർന്ന് വടക്കാഞ്ചേരി, കുന്നംകുളം മേഖലകളിലെ പല പ്രമുഖരും ക്വാറി ഉടമകളും നിരീക്ഷണത്തിലാണ്.

മുതുവറയില്‍ കാർ അപകടം; അഞ്ചുപേർക്കു പരിക്ക്

മുതുവറ: തൃശൂർ - കുറ്റിപ്പുറം സംസ്ഥാനപാതയിൽ മുതുവറ കേരള ഗ്രാമീണ്‍ ബാങ്കിന് മുന്നില്‍ നിർത്തിയിട്ടിരുന്ന പുഴയ്ക്കൽ സ്വദേശിയുടെ കാറിനു പിറകിൽ ഗുരുവായൂർ ഭാഗത്തുനിന്നും വന്നിരുന്ന തമിഴ്നാട് സ്വദേശികളുടെ കാർ നിയന്ത്രണം വിട്ട ഇടിച്ചു. അപകടത്തിൽ അഞ്ചുപേർക്കു പരിക്കേറ്റു. സംഭവസ്ഥലത്തുകൂടി കടന്നുപോയിരുന്ന തൃശൂര്‍ സിറ്റി പോലീസ് കമ്മിഷണര്‍ ആര്‍. ഇളങ്കോ രക്ഷാപ്രവര്‍ത്തനത്തിനു നേതൃത്വം നൽകി. തൊട്ടുപിന്നാലെ പേരാമംഗലം പോലീസ് സ്ഥലത്തെത്തി നടപടികള്‍ ആരംഭിച്ചു. പരിക്കേറ്റവരെ മുതുവറ ആക്ട്‌സ് പ്രവര്‍ത്തകർ അമല ആശുപത്രിയില്‍ പ്രവേശിപ്പിച്ചു. നിർത്തിയിട്ട കാറിൽ ഉണ്ടായിരുന്ന പുഴയ്ക്കൽ സ്വദേശി പുളിപ്പറമ്പിൽ ജയദാസൻ (61), തമിഴ്നാട് സ്വദേശികളായ പുച്ചുകൊട്ടയ് അനീഷ (30), പള്ളി സാമി (56), ചന്ദ്രലേഖ (60), ആരോകി സെൽവി (56) എന്നിവർക്കാണു പരിക്കുപറ്റിയത്. ഇടിയുടെ ആഘാതത്തിൽ പുഴയ്ക്കൽ സ്വദേശിയുടെ കാർ തൊട്ടു മുന്പിലുണ്ടായിരുന്ന മരത്തിലും ഇടിച്ചു. കാറിന്‍റെ മുൻഭാഗവും പിൻഭാഗവും തകർന്നനിലയിലായി. തമിഴ്നാട് സ്വദേശിയുടെ കാറിനും കേടുപാടുകൾ ഉണ്ട്. ഇന്നലെ ഉച്ചയ്ക്ക് പന്ത്രണ്ടോടെയായിരുന്നു അപകടം.

വറുത്ത മീൻ എടുത്തതു തടഞ്ഞ യുവാവിനെ ആക്രമിച്ച മൂന്നുപേർ അറസ്റ്റിൽ

തൃപ്രയാർ: യുവാവിനെ ആക്രമിച്ച് പരിക്കേൽപ്പിച്ച കേസിൽ സഹോദരങ്ങളടക്കം മൂന്നുപേരെ വലപ്പാട് പോലീസ് അറസ്റ്റ് ചെയ്തു. പൈനൂര്‍ സ്വദേശികളായ മാളുത്തറ കിഴക്കേനട വീട്ടിൽ സനത് ( 22), സഞ്ജയ്( 25), താന്ന്യം ചെമ്മാപ്പള്ളി വടക്കൻതുള്ളി വീട്ടിൽ സഞ്ജു എന്ന് വിളിക്കുന്ന ഷാരോൺ ( 40) എന്നിവരെയാണ് വലപ്പാട് പോലീസ് അറസ്റ്റ് ചെയ്തത്. കഴിഞ്ഞ ദിവസം രാത്രി വലപ്പാട് ബീച്ച് പാണാട്ട് അമ്പലം സ്വദേശി തൃപ്രയാറ്റ് വീട്ടിൽ ഷൈലേഷിനെ (34) ആക്രമിച്ച് പരിക്കേൽപ്പിച്ച കേസിലാണ് അറസ്റ്റ്. തൃപ്രയാർ കള്ളുഷാപ്പിൽവച്ച് കൊഴുവ വറുത്തതു കഴിക്കുന്ന പ്ലേറ്റിൽനിന്നും പ്രതികൾ അനുവാദം കൂടാതെ മീൻ വറുത്തത് എടുത്ത് കഴിച്ചതു ഷൈലേഷ് തടഞ്ഞിരുന്നു. ഇതിന്‍റെ വൈരാഗ്യത്തിൽ കള്ളുഷാപ്പിൽനിന്നും പുറത്തേക്കിറങ്ങിയ ഷൈലേഷിനെ കഴുത്തിൽ കുത്തിപ്പിടിച്ച് ഹൈവേ മേൽപ്പാലത്തിനടിയിലേക്കു കൂട്ടിക്കൊണ്ടുപോയി മൂവരുംചേർന്ന് ആക്രമിച്ച് പരിക്കേൽപ്പിക്കുകയായിരുന്നു. സനതും സഞ്ജയും വിവിധ സ്റ്റേഷനുകളിലെ വിവിധ കേസുകളിൽ പ്രതികളാണ്. വലപ്പാട് സിഐ എം.കെ. രമേഷ്, എഎസ്ഐ രാജേഷ്കുമാർ, സിപിഒമാരായ സുനീഷ്, വിപിൻകുമാർ എന്നിവരാണ് അന്വേഷണ സംഘത്തിലുണ്ടായിരുന്നത്.

കൗണ്‍സിലർമാർക്കു പിഴ രാഷ്ട്രീയപ്രേരിതമെന്ന്

തൃശൂർ: കോർപറേഷൻ പരിധിയിലെ തോടുകൾ വൃത്തിയാക്കതിന്‍റെ പേരിൽ സമരംചെയ്ത കൗണ്‍സിലർമാർക്കു പിഴചുമത്തിയതു രാഷ്ട്രീയപ്രേരിതമെന്നു തെളിഞ്ഞെന്നു കൗണ്‍സിലർ ജോണ്‍ ഡാനിയൽ. മുനിസിപ്പാലിറ്റി നിയമപ്രകാരം 5,000 രൂപവീതമാണ് പിഴ ചുമത്തിയത്. രാഷ്ട്രീയപാർട്ടികളുടെ പൊതുയോഗങ്ങൾ നടക്കുന്പോഴുള്ള മാലിന്യങ്ങൾ നീക്കാത്തതിനോ അലക്ഷ്യമായി മാലിന്യങ്ങൾ നിക്ഷേപിച്ചതിനോ ഇതുവരെ പിഴ ചുമത്തിയിട്ടില്ലെന്നു വിവരാകാശരേഖകൾ വ്യക്തമക്കുന്നു. മേയറും സിപിഎം നേതാക്കളും സമ്മർദംചെലുത്തിയാണു പിഴ ചുമത്തി നോട്ടീസ് അയച്ചത്. മുൻപ് സമരങ്ങൾ നടന്നപ്പോൾ ഉപയോഗിക്കാത്ത അധികാരമാണു മേയർ ഉപയോഗിച്ചത്. കൗണ്‍സിലർമാർക്കുനേരെ നടപടിയെടുക്കാൻ കാട്ടിയ ശുഷ്കാന്തി റോഡുകളുടെ കുഴിയടയ്ക്കുന്നതിലും മാലിന്യ പ്ലാന്‍റുകൾ പ്രവർത്തിപ്പിക്കുന്നതിലും കാട്ടിയിരുന്നെങ്കിൽ ജനങ്ങളുടെ ബുദ്ധിമുട്ടിനു പരിഹാരമുണ്ടാകുമായിരുന്നു. ജനകീയസമരങ്ങൾക്കുനേരേയുള്ള മേയറുടെ വൈരാഗ്യത്തിനു മാസങ്ങളുടെ ആയുസാണുള്ളതെന്നും ജോണ്‍ ഡാനിയൽ പറഞ്ഞു.

ദേവമാതയിൽ അവാർഡ് ഡേ ആഘോഷിച്ചു

തൃശൂർ: ദേവമാത സിഎംഐ പബ്ലിക് സ്കൂളിൽ അവാർഡ് ഡേ ആഘോഷിച്ചു. തൃശൂർ അസിസ്റ്റന്‍റ് കളക്ടർ സ്വാതി മോഹൻ റത്തോഡ് ഉദ്ഘാടനം ചെയ്തു. സിഎംഐ ദേവമാത പ്രൊവിൻഷ്യൽ റവ.ഡോ. ജോസ് നന്തിക്കര, യുപിഎസ്‌സി പരീക്ഷയിൽ 87-ാം റാങ്ക് നേടിയ ടി.എസ്. ശിശിര, സ്കൂൾ ഡയറക്ടർ ഫാ. സന്തോഷ് മുണ്ടൻമാണി, ദേവമാത സ്കൂൾ പ്രിൻസിപ്പൽ ഫാ. ജോയ്സ് എലവത്തിങ്കൽ, സ്കൂൾടോപ്പർ അതുൽ വെളിയത്ത്, സ്കൂൾ മുൻലീഡർ നെൽസണ്‍ ഡാനി ചിറമ്മൽ, അധ്യാപിക എലിസബത്ത് ചെറിയാൻ, വിദ്യാർഥി ലീഡർമാരായ ആന്‍റോ ജോർജ്, ജീസൽ റോസ് എന്നിവർ പ്രസംഗിച്ചു. പത്ത്, പന്ത്രണ്ട് ക്ലാസുകളിലെ ഉയർന്ന മാർക്ക് നേടിയവർക്കും അസോസിയേറ്റ് സിഎംഐ സ്പോണ്‍സർ ചെയ്യുന്ന ജില്ലയിലെ ഗവ., എയ്ഡഡ് സ്കൂളിലെ വിദ്യാർഥികൾക്കും പുരസ്കാരങ്ങൾ വിതരണം ചെയ്തു. എസിഎംഐ സ്കോളർഷിപ്പ് വിദ്യാർഥികൾക്കുവേണ്ടി എംഐ ലാബ് ഒരുക്കുന്നതിനു സൗത്ത് ഇന്ത്യൻ ബാങ്ക് നൽകിയ അഞ്ചുലക്ഷം രൂപയുടെ ചെക്ക് എസിഎംഐ പ്രസിഡന്‍റ് ജോ ജോസ് റാഫേൽ ഏറ്റുവാങ്ങി.

ഹൈവേ റിസർച്ച് ഇൻസ്റ്റിറ്റ്യൂട്ട് നിർദിഷ്ടപാതയിൽ പരിശോധനനടത്തി

വടക്കാഞ്ചേരി: ബൈപാസിന്‍റെ അന്തിമ ഡിപിആർ തയാറാക്കുന്നതിനായി കേരള ഹൈവേ റിസർച്ച് ഇൻസ്റ്റിറ്റ്യൂട്ട് അധികൃതർ അലൈൻമെന്‍റ് പ്രകാരമുള്ള നിർദിഷ്ടപാതയിൽ പരിശോധന നടത്തി. ബൈപാസിന്‍റെ ഡിപിആർ പൂർത്തിയാക്കി ഈ മാസംതന്നെ അംഗീകാരത്തിനായി സമർപ്പിക്കാൻ അധികൃതർക്കു നിർദേശം നൽകിയതായി സേവ്യർ ചിറ്റിലപ്പിള്ളി എംഎൽഎ അറിയിച്ചു. കിഫ്ബി പദ്ധതിയായ വടക്കാഞ്ചേരി ബൈപാസിൽ ഉൾപ്പെടുന്ന റെയിൽവേ ഓവർ ബ്രിഡ്ജിന്‍റെ ജനറൽ അറേഞ്ച്മെന്‍റ് ഡ്രോയിംഗ് (ജിഎഡി) തയാറാക്കിയത് കേരള റെയിൽ ഡെവലപ്മെന്‍റ് കോർപറേഷനാണ്. കെ - റെയിലിന്‍റെ നേതൃത്വത്തിൽ ടോപ്പോഗ്രാഫിക് സർവേയും സോയിൽ ഇൻവെസ്റ്റിഗേഷനും പൂർത്തിയാക്കി തയാറാക്കിയ ജിഎഡി അംഗീകാരത്തിനായി ഫെബ്രുവരി മാസത്തിൽത്തന്നെ നിർവഹണ ഏജൻസിയായ കെആർഎഫ് ബി മുഖേന സതേൺ റെയിൽവേ കൺസ്ട്രക‌്ഷൻ ഡെപ്യൂട്ടി ചീഫ് എൻജിനീയർക്ക് സമർപ്പിച്ചിരുന്നു. തുടർന്ന് ജൂൺമാസം ആദ്യം റെയിൽവേയുടെ വിവിധ വിഭാഗങ്ങളിലെ എൻജിനീയർമാരും കെആർഎഫ്ബി - കെ- റെയിൽ എൻജിനീയർമാരും സംയുക്തമായി സ്ഥലപരിശോധന നടത്തി റിപ്പോർട്ട് റെയിൽവേ സീനിയർ ഡിവിഷണൽ എൻജിനീയർക്ക് നൽകി. ജൂൺ അവസാനവാരത്തിൽ റെയിൽവേ റോഡ് സേഫ്റ്റി വർക്ക് ചീഫ് എൻജിനീയറുടെ പരിശോധന റിപ്പോർട്ടോടുകൂടി അംഗീകാരത്തിനായി സതേൺ റെയിൽവേ ഹെഡ് ക്വാർട്ടേഴ്സിലേക്ക് നൽകി. റെയിൽവേയുമായി ബന്ധപ്പെട്ട് അംഗീകാരം ലഭ്യമാക്കുന്നതിനുള്ള നടപടികൾ തുടർന്നുവരികയാണെന്ന് സേവ്യർ ചിറ്റിലപ്പിള്ളി എംഎൽഎ വ്യക്തമാക്കി. കൊടുങ്ങല്ലൂർ - ഷൊർണൂർ സംസ്ഥാനപാത 22 ൽ കരുതക്കാടുനിന്ന് ആരംഭിച്ച് അകമല വഴി നിലവിലെ സംസ്ഥാന പാതയിൽ അവസാനിക്കുന്ന 5.586 കിലോമീറ്റർ നീളമുള്ള വടക്കാഞ്ചേരി ബൈപാസിന്‍റെ ഡിപിആർ തയാറാക്കുന്നതിന്‍റെ ഭാഗമായി 32 പോയിന്‍റുകളിൽ മണ്ണുപരിശോധനയും വാഹനഗതാഗത സാന്ദ്രതാപഠനവും (സിബിആർ ട്രാഫിക് സർവേ ഇൻവെസ്റ്റിഗേഷൻ) നേരത്തേ പൂർത്തിയാക്കിയിരുന്നു. കരട് ഡിപിആർ പരിശോധിച്ച പൊതുമരാമത്ത് ഹൈവേ ഡിസൈൻ യൂണിറ്റ്, ആർഐഒസിഎൽ, കെആർഎഫ്ബി അസി.എക്സിക്യൂട്ടീവ് എൻജിനീയർമാരുടെ സംഘം നിർദിഷ്ട പാതയിലെ പഴയ അലങ്കാർ തീയറ്ററിനു പിറകിലായുള്ള പുഴപ്പാലം വരുന്ന മേഖല, മംഗലം റോഡ്, വാഴാനി - വടക്കാഞ്ചേരി റോഡ്, മാരാത്തുകുന്ന് റെയിൽവേ ഗേറ്റ് റോഡ് എന്നീ ബൈപ്പാസിനെ ക്രോസ് ചെയ്യുന്ന സ്ഥലങ്ങളിൽ സംയുക്ത പരിശോധന നടത്തി ആവശ്യമായ തിരുത്തലുകൾക്കു ശിപാർശ നൽകി. പൊതുമരാമത്ത് വകുപ്പിന്‍റെ കീഴിലുള്ള കേരള ഹൈവേ റിസർച്ച് ഇൻസ്റ്റിറ്റ്യൂട്ടിലെ അസി. എക്സിക്യൂട്ടീവ് എൻജിനീയറും അസി. എൻജിനീയർമാരും കെആർഎഫ്ബി അധികൃതരും അടങ്ങുന്ന സംഘം ഇന്നലെ സ്ഥലം സന്ദർശിച്ച് അലൈൻമെന്‍റ് പൂർണമായും പരിശോധിക്കുകയും കൂടുതൽ എർത്ത് ഫില്ലിംഗ് വരുന്ന ഭാഗങ്ങളിൽ പ്രത്യേകം പരിശോധനകൾ നടത്തുകയും ചെയ്തു. കെ-റെയിൽ സതേൺ റെയിൽവേയുടെ അംഗീകാരത്തിനായി സമർപ്പിച്ച ആർഒബി ജിഎഡിക്ക് അംഗീകാരം ലഭിക്കുന്ന മുറയ്ക്കുതന്നെ റോഡിന്‍റെയും സംയുക്ത ഡിപിആർ അന്തിമമാക്കി കിഫ്‌ബിയുടെ സാമ്പത്തിക അനുമതി ലഭ്യമാക്കാനുള്ള ശ്രമങ്ങളാണ് തുടരുന്നതെന്നും അതോടെ അലൈൻമെന്‍റിൽ അതിർത്തിക്കല്ലുകൾ സ്ഥാപിക്കുന്ന പ്രവൃത്തികൾആരംഭിക്കാനാകുമെന്നും സേവ്യർ ചിറ്റിലപ്പിള്ളി എംഎൽഎ പറഞ്ഞു. വടക്കാഞ്ചേരി സർവീസ് കോ- ഓപ്പറേറ്റീവ് ബാങ്ക് പ്രസിഡന്‍റ്് എൻ.കെ. പ്രമോദ്കുമാർ, മുൻ മുൻസിപ്പൽ വൈസ് ചെയർമാൻ എം. ആർ. സോമനാരായണൻ, പൊതുപ്രവർത്തകരായ വി.എ. സുരേ ഷ്കുമാർ, എം.യു. കബീർ, പി.എം. അബൂബക്കർ, വി.സി. മനോജ്, കേരള ഹൈവേ റിസർച്ച് ഇൻസ്റ്റിറ്റ്യൂട്ട് അസി. എക്സിക്യൂട്ടീവ് എൻജിനീയർ ആർ.വി. അർച്ചന, അസി. എൻജിനീയർമാരായ നമിത, കൃഷ്ണപ്രിയ, ജിയോ ടെക്നിക്കൽ എൻജിനീയർ അനുഷ, കെആർഎഫ്ബി അസി. എൻജിനീയർ വി.ജി. രഞ്ജിത്ത്, പ്രോജക്ട് എൻജിനീയർ ബിബിൻ തുടങ്ങിയവർ പരിശോധനയിൽ സന്നിഹിതരായിരുന്നു.

ബൈക്കിൽനിന്നു വീണ് മരിച്ചു

തൃശൂർ: കണ്ണാപുരത്ത് ബൈക്കിൽ നിന്നു വീണ് പരിക്കേറ്റ് തൃശൂർ മെഡിക്കൽ കോളജ് ആശുപത്രിയിൽ ചികിത്സയിലായിരുന്ന വലപ്പാട് കണ്ണേങ്ങാത്ത് പരേതനായ വർഗീസ് മകൻ ലൈജു (48) മരിച്ചു. അമ്മ: റോസി. ഭാര്യ: സോണിയ. മക്കൾ: ആൽബിനോ, ആൽഫിനോ, ആൽഡിനോ. സംസ്കാരം ഇന്നു രാവിലെ 10 ന് വലപ്പാട് സെന്‍റ് സെബാസ്റ്റ്യൻസ് പള്ളിയിൽ.

ദുരൂഹസാഹചര്യത്തിൽ മരണമടഞ്ഞു

പഴയന്നൂർ: വടക്കേത്തറ കാക്കരകുന്നിൽ പശുപരിപാലകനായ വയോധികൻ മരണപ്പെട്ടു. കാക്കരക്കുന്ന് ചോലയിൽ കുമാരൻ (62) നാണ് മരിച്ചത്. ഇദ്ദേഹം പരിപാലിച്ചുവന്നിരുന്ന പശുവിനെ തൊഴുത്തിൽ ചത്ത നിലയിലും കാണപ്പെട്ടു. ഇന്നലെ രാവിലെ പത്തോടെയാണ് സംഭവം. ‌ അയൽപക്കത്തെ പരേതനായ ശശിധരൻ എന്ന ആളുടെ പുരയിടവും കന്നുകാലികളേയും നോക്കി പരിപാലിക്കുന്നതു കുമാരനായിരുന്നു. പതിവുപോലെ പുരയിടത്തിലേക്ക് പോയ കുമാരൻ ഏറെ കഴിഞ്ഞിട്ടും രിച്ചെത്താതായപ്പോൾ നാട്ടുകാർ അന്വേഷിച്ചപ്പോൾ തൊഴുത്തിനു സമീപത്തു കുമാരനെ വീണു കിടക്കുന്ന നിലയിലും തൊഴുത്തിൽ ഒരു പശുവിനെ ചത്തനിലയിലും കണ്ടെത്തി. കുമാരനെ ഉടൻ തന്നെ വടക്കേത്തറ ഗവ. ആശുപത്രിയിൽ എത്തിച്ചെങ്കിലും മരണം സംഭവച്ചിരുന്നു. പഴയന്നൂർ പോലീസ് സ്ഥലത്തെത്തി അന്വേഷണം നടത്തി. പോസ്റ്റുമാർട്ടം നടത്തിയ ശേഷമേ മരണകാരണം വ്യക്തമാകൂ. ഭാര്യ: ലത. മക്കൾ: രതീഷ്, ശ്രുതി.

കാണിപ്പയ്യൂരിൽ തെരുവുനായയ്ക്ക് പേവിഷബാധ സ്ഥിരീകരിച്ചു

കുന്നംകുളം: കാണിപ്പയ്യൂരിൽ കഴിഞ്ഞദിവസം ഗൃഹനാഥനെ ആക്രമിച്ച തെരുവുനായയ്ക്ക് പേവിഷബാധ സ്ഥിരീകരിച്ചു. കാണിപ്പയ്യൂർ സ്വദേശി ശശികുമാറിനാണ് (65) ഇന്നലെ വീടിനുമുന്നിൽവച്ച് തെരുവുനായയുടെ കടിയേറ്റത്. കയ്യിൽ ആഴത്തിൽ മുറിവുണ്ടായിരുന്നു. വൈകീട്ടോടെ നായ ചാവുകയും ചെയ്തു. തുടർന്ന് കുന്നംകുളം വെറ്ററിനറി ആശുപത്രിയിൽ നടത്തിയ പോസ്റ്റ്മോർട്ടത്തിലാണ് നായയ്ക്ക് പേവിഷബാധ സ്ഥിരീകരിച്ചത്. ശശികുമാറിന് ഇന്നലെത്തന്നെ മെഡിക്കൽ കോളേജ് ആശുപത്രിയിൽ പ്രതിരോധ കുത്തിവയ്പ്പ് എടുത്തു. നായയ്ക്ക് പേവിഷബാധ സ്ഥിരീകരിച്ച സാഹചര്യത്തിൽ പ്രത്യേക ഡോസും നൽകിയിട്ടുണ്ട്. ഇതിനിടെ കുന്നംകുളം നഗരസഭയില്‍ നായ്ക്കള്‍ക്കുള്ള വാക്സിനേഷന്‍ ഇന്ന് ആരംഭിക്കും. രാവിലെ എട്ടിന് കാണിപ്പയ്യൂരിലാണ് ഗവ. വെറ്ററിനറി വിഭാഗത്തിന്‍റെ നേതൃത്വത്തില്‍ വാക്സിനേഷന്‍ ആരംഭിക്കുക. തുടര്‍ന്ന് നഗരസഭയിലെ വിവിധ ഭാഗങ്ങളിൽ ക്യാമ്പ് നടത്തുമെന്ന് ചെയര്‍പേഴ്സണ്‍ സീത രവീന്ദ്രന്‍ അറിയിച്ചു. തെരുവുനായ് ശല്യം, പേ വിഷബാധ എന്നീ സാഹചര്യത്തിൽ നഗരസഭയില്‍ ഗവ. വെറ്ററിനറി പോളിക്ലിനിക്കിലെ സീനിയര്‍ വെറ്ററിനറി സർജന്‍ ഡോ. റീനു ജോൺ, ഗവ. താലൂക്ക് ആശുപത്രി സൂപ്രണ്ട് ഡോ.എ.വി. മണികണ്ഠന്‍ എന്നിവരുടെ സാന്നിധ്യത്തില്‍ അടിയന്തര യോഗംചേര്‍ന്നു. വൈസ് ചെയര്‍പേഴ്സണ്‍ സൌമ്യ അനിലന്‍, സ്ഥിരം സമിതി അധ്യക്ഷന്മാരായ പി.എം. സുരേഷ്, സജിനി പ്രേമന്‍, ടി. സോമശേഖരന്‍, സെക്രട്ടറി കെ.ബി. വിശ്വനാഥന്‍, ആരോഗ്യവിഭാഗം ജീവനക്കാര്‍ തുടങ്ങിയവര്‍ പങ്കെടുത്തു.

കെഎസ്ആർടിസി ബസും ലോറിയും കൂട്ടിയിടിച്ച് 10 പേർക്കു പരിക്ക്

എരുമപ്പെട്ടി: പന്നിത്തടം സെന്‍ററിൽ വീണ്ടും വൻ അപകടം. കെഎസ്ആർടിസി ബസും മത്സ്യം കയറ്റിവന്ന ലോറിയും കൂട്ടിയിടിച്ച് 10 പേർക്കു പരിക്ക്. ഇന്നലെ പുലർച്ചെ 1.30ഓടെയാണ് കുന്നംകുളം - വടക്കാഞ്ചേരി സംസ്ഥാനപാതയും അക്കിക്കാവ് -കേച്ചേരി ബൈപാസ് റോഡും സംഗമിക്കുന്ന സെന്‍ററിൽ അപകടമുണ്ടായത്. കെഎസ്ആർടിസി ബസിലെ ഡ്രൈവർ രാജേഷ്, കണ്ടക്ടർ ഷൈജു അബ്രഹാം, ലോറി ഡ്രൈവർ രാധാകൃഷ്ണൻ, ബസ് യാത്രക്കാരായ സജീവ്, സതീഷ്, എൽസണ്‍, ഷമീർ, ഷീന, ലിജി, ഷിജിൻ, എന്നിവർക്കാണു പരിക്കേറ്റത്. കോഴിക്കോട് നിന്നു തൃശൂർ വഴി കുമളിയിലേക്കു പോവുകയായിരുന്നു ബസ്. കുന്നംകുളത്തുനിന്ന് മത്സ്യംകയറ്റി ചെറുതുരുത്തിയിലേക്കു പോകുകയായിരുന്നു ലോറി. അക്കിക്കാവ് ഭാഗത്തുനിന്നുവന്ന് പന്നിത്തടം സെന്‍ററിലേക്കു പ്രവേശിച്ച ബസിൽ കുന്നംകുളം ഭാഗത്തുനിന്ന് വന്ന ലോറി ഇടിക്കുകയായിരുന്നു. ബസിന്‍റെ ഡ്രൈവർ ഇരിക്കുന്ന ഭാഗത്താണ് ലോറി ഇടിച്ചത്. ബസ് ഡ്രൈവർ റോഡിലേക്കു തെറിച്ചുവീണു. ഇടിയെത്തുടർന്ന് നിയന്ത്രണംവിട്ട ബസും ലോറിയും റോഡരികിലെ കടകളിൽ ഇടിച്ചാണുനിന്നത്. രണ്ടു വാഹനങ്ങളുടെയും മുൻവശം പൂർണമായും തകർന്നു. ശബ്ദംകേട്ട് ഓടിയെത്തിയ നാട്ടുകാരും യാത്രക്കാരും എരുമപ്പെട്ടി ആക്ട്സ് പ്രവർത്തകർ, കടങ്ങോട് പഞ്ചായത്ത് ആംബുലൻസ് പ്രവർത്തകർ, കുന്നംകുളം ട്രാഫിക് ആംബുലൻസ്പ്രവർത്തകർ, സിഎച്ച് സെന്‍റർ ആംബുലൻസ് പ്രവർത്തകർ എന്നിവർ ചേർന്നാണു രക്ഷാപ്രവർത്തനം നടത്തിയത്. എരുമപ്പെട്ടിയിൽനിന്നും കുന്നംകുളത്തുനിന്നും പോലീസും എത്തിയിരുന്നു. പരിക്കേറ്റവരെ ആദ്യം കുന്നംകുളം മലങ്കര ആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ ബസ് ഡ്രൈവറെ പിന്നീട് തൃശൂർ മെഡിക്കൽ കോളജ് ആശുപത്രിയിലേക്കും സാരമായി പരിക്കേറ്റ രണ്ടു യാത്രക്കാരെ തൃശൂരിലെ സ്വകാര്യ ആശുപത്രിയിലേക്കും മാറ്റി. ബസിലെ മറ്റു യാത്രക്കാരെ പുലർച്ചെ നാലോടെ കെഎസ്ആർടിസി ഗുരുവായൂർ ഡിപ്പോയിൽനിന്ന് മറ്റൊരു ബസ് എത്തിച്ച് കൊണ്ടുപോയി. പന്നിത്തടം സ്വദേശി ഷാഹിദിന്‍റെ കടകൾക്കാണു വാഹനങ്ങൾ ഇടിച്ച് കേടുപാട് സംഭവിച്ചത്. ബൈപാസ് റോഡ് നിർമാണം കഴിഞ്ഞശേഷം പന്നിത്തടം സെന്‍ററിൽ നടക്കുന്ന എട്ടാമത്തെ അപകടമാണിത്.

വിശ്വാസദീപ്തിയില്‍ ദുക്റാന തിരുനാള്‍

ഇരിങ്ങാലക്കുട കത്തീഡ്രലില്‍ ഊട്ടുനേര്‍ച്ചയ്ക്ക് കാല്‍ലക്ഷത്തിലേറെപ്പേർ ഇരിങ്ങാലക്കുട: മാർതോമ പാരമ്പര്യത്തിന്‍റെ ഓര്‍മപുതുക്കി ഇരിങ്ങാലക്കുട സെന്‍റ് തോമസ് കത്തീഡ്രലില്‍ ദുക്റാന തിരുനാള്‍ ആഘോഷിച്ചു. തോമാശ്ലീഹായുടെ രക്തസാക്ഷിത്വത്തിന്‍റെ സ്മരണയില്‍ നടന്ന തിരുക്കര്‍മങ്ങളിലും ഊട്ടുനേര്‍ച്ചയിലും കാല്‍ലക്ഷത്തിലധികംപേര്‍ പങ്കെടുത്തു. രാവിലെ 7.30ന് നടന്ന ആഘോഷമായ ദിവ്യബലിക്ക് ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിച്ചു. തുടര്‍ന്ന് ഊട്ടുനേര്‍ച്ച വെഞ്ചരിപ്പ് ബിഷപ് നിര്‍വഹിച്ചു. 10.30ന് നടന്ന ആഘോഷമായ തിരുനാള്‍ ദിവ്യബലിക്ക് അവിട്ടത്തൂര്‍ ഹോളിഫാമിലി പള്ളി വികാരി ഫാ. റെനില്‍ കാരാത്ര മുഖ്യകാര്‍മികത്വം വഹിച്ചു. കല്ലേറ്റുംകര പാക്സ് ഡയറക്ടര്‍ ഫാ. ഫ്രീജോ പാറയ്ക്കല്‍ തിരുനാള്‍ സന്ദേശം നല്‍കി. തുടര്‍ന്ന് ആഘോഷമായ തിരുനാള്‍ പ്രദക്ഷിണം നടന്നു. വികാരി റവ.ഡോ. ലാസര്‍ കുറ്റിക്കാടന്‍, അസിസ്റ്റന്‍റ് വികാരിമാരായ ഫാ. ഓസ്റ്റിന്‍ പാറയ്ക്കല്‍, ഫാ. ബെല്‍ഫിന്‍ കോപ്പുള്ളി, ഫാ. ആന്‍റണി നമ്പളം, തിരുനാള്‍ ജനറല്‍ കണ്‍വീനര്‍ ബാബു ജോസ് പുത്തനങ്ങാടി, ജോയിന്‍റ് കണ്‍വീനര്‍മാരായ ഷാജു പന്തലിപ്പാടന്‍, ജിജി പള്ളായി, രഞ്ജി അക്കരക്കാരന്‍, ജോസ് ജി. തട്ടില്‍ എന്നിവര്‍ നേതൃത്വം നല്‍കി. പാലയൂരിൽ തർപ്പണ തിരുനാൾ കൊടിയേറി പാലയൂർ: മാർ‌തോമ മേജർ ആർക്കി എപ്പിസ്കോപ്പൽ തീർഥകേന്ദ്രത്തിൽ മാർതോമാ ശ്ലീഹായുടെ തർപ്പണ തിരുനാൾ കൊടിയേറി. മെൽബൺ രൂപത ബിഷപ് എമരിറ്റസ് മാർ ബോസ്കോ പുത്തൂർ കൊടിയേറ്റം നിർവഹിച്ചു . ആർച്ച്പ്രീസ്റ്റ് റവ.ഡോ. ഡേവിസ് കണ്ണമ്പുഴ, സഹവികാരി ഫാ. ക്ലിന്‍റ് പാണേങ്ങാടൻ എന്നിവർ സഹകാർമികരായിരുന്നു. തളിയക്കുളം രക്തസാക്ഷിമണ്ഡപത്തിൽനിന്ന് പ്രദക്ഷിണമായാണ് കൊടിയെ വരവേറ്റത്. 12, 13, 14 തീയതികളിലാണ് ആഘോഷം. മാർതോമാ ശ്ലീഹാ പാലയൂരിലെ തളിയക്കുളത്തിൽ എഡി 52ൽ അത്ഭുതം പ്രവർത്തിച്ച് ഭാരതത്തിൽ ആദ്യമായി ക്രൈസ്തവ വിശ്വാസത്തിന് തുടക്കംകുറിച്ചതിന്‍റെ ഓർമപുതുക്കലാണ് തിരുനാൾ.

ഇന്നു മുതൽ 11 വരെ ദിവസവും വൈകിട്ട് 5.30ന് ആഘോഷമായ ദിവ്യബലി, ലദീഞ്ഞ്, നൊവേന, 11ന് രാത്രി ഏഴിന് ദീപക്കാഴ്ചയുടെ സ്വിച്ച്ഓൺ, 12ന് രാവിലെ എട്ടിന് എഴുന്നള്ളിപ്പ് ആരംഭം, വൈകിട്ട് 5.30ന് തിരുക്കർമങ്ങൾ തുടർന്ന് കൂടുതുറക്കൽ ശുശ്രൂഷ, വർണമഴ എന്നിവ നടക്കും. വികാരി ജനറാൾ മോൺ. ജെയ്സൺ കൂനംപ്ലാക്കൽ മുഖ്യ കാർമികനാവും. രാത്രി 10ന് എഴുന്നള്ളിപ്പ് സമാപനം, വർണമഴ, 11.30 വരെ ബാൻഡ് വാദ്യ സംഗമം, 13ന് രാവിലെ 6.30ന് വിശുദ്ധ കുർബാന എന്നിവയുണ്ടാകും. തുടർന്ന് രാവിലെ പത്തിന് ആഘോഷമായ തിരുനാൾ പാട്ടുകുർബാനയ്ക്ക് മൈനർ സെമിനാരി റെക്ടർ ഫാ. ജോയ് പുത്തൂർ മുഖ്യകാർമികനാവും. ഉച്ചയ്ക്ക് രണ്ടിന് ദിവ്യബലി, സമൂഹമാമോദീസയ്ക്ക് അതിരൂപത സഹായമെത്രാൻ മാർ ടോണി നീലങ്കാവിൽ മുഖ്യകാർമികത്വം വഹിക്കും. 4.30ന് ദിവ്യബലി, പ്രദക്ഷിണം, വർണമഴ, 7.30 മുതൽ 11 വരെ മെഗാ ബാൻഡ് ഷോ എന്നിവ നടക്കും. മൺമറഞ്ഞവർക്കായി 14ന് രാവിലെ 6.30 ന് തിരുക്കർമങ്ങളുണ്ടാവും. രാത്രി ഏഴിന് ഗാനമേള അരങ്ങേറും. ട്രസ്റ്റിമാരായ പി.എ. ഹൈസൺ, സേവ്യർ വാകയിൽ, സി.ഒ. ഫ്രാൻസീസ്, പി.ജെ. ചാക്കോ, ജനറൽ കൺവീനർ ടി.ജെ. ഷാജു, തീർഥകേന്ദ്രം സെക്രട്ടറി ബിജു മുട്ടത്ത്, ജോയിന്‍റ് സെക്രട്ടറി ബിനു താണിക്കൽ, കൺവീനർമാരായ ഫ്രാൻസീസ് മുട്ടത്ത്, ബോബ് ഇലവത്തിങ്കൽ, സിസ്റ്റർ റോസ്മേരി, ജിഷ സുരേഷ് തുടങ്ങിയവരുടെ നേതൃത്വത്തിലാണ് പരിപാടികൾ. ദുക്റാന തിരുനാളിന് ഭക്തജന പ്രവാഹം പാലയൂർ: മാർതോമ മേജർ ആർക്കി എപ്പിസ്കോപ്പൽ തീർഥകേന്ദ്രത്തിൽ മാർതോമാ ശ്ലീഹായുടെ ദുക്റാന തിരുനാൾ ആഘോഷത്തിന് വൻ ഭക്തജനത്തിരക്ക്. ശ്ലീഹാ എഡി 72ൽ മൈലാപ്പൂരിലെ ചിന്നമലയിൽ രക്തസാക്ഷിയായതിന്‍റെ ഓർമപുതുക്കലാണ് ദുക്റാന തിരുനാൾ. ഇതിന്‍റെ ഭാഗമായിനടന്ന നേർച്ച ഊട്ടിൽ പതിനായിരങ്ങൾ പങ്കെടുത്തു. ഇത്തവണ കാലാവസ്ഥകൂടി അനുകൂലമായതിനാൽ ഊട്ടിന് വൻതിരക്കായിരുന്നു. പഴം, പപ്പടം, പായസം എന്നിവയുൾപ്പെടെ ഏഴു വിഭവങ്ങളാണ് ഒരുക്കിയിരുന്നത്. അരലക്ഷം പേർക്കുള്ള ഭക്ഷണം തയാറാക്കി. ഊട്ടിന്‍റെ ചെലവു പൂർണമായും മാർതോമ ഭക്തരുടെതാണ്. ‌രാവിലെ മുതൽ വിവിധ സമയങ്ങളിലായി ആറു ദിവ്യബലികൾ നടന്നു. തിരുനാൾ പാട്ടുകുർബാനയ്ക്ക് ബിഷപ് മാർ ബോസ്കോ പുത്തൂർ മുഖ്യകാർമികനായിരുന്നു. മറ്റു തിരുക്കർമങ്ങൾക്ക് ആർച്ച്പ്രീസ്റ്റ് റവ. ഡോ. ഡേവിസ് കണ്ണമ്പുഴ, ഫാ. അഗസ്റ്റിൻ കുളപ്പുറം, ഫാ. ലിവിൻ കുരുതുകുങ്ങര കൂള, ഫാ. മൈക്കിൾ ദീപക്സ്, ഫാ. അജിത്ത് കൊള്ളന്നൂർ, ഫാ. ക്ലിന്‍റ് പാണേങ്ങാടൻ എന്നിവർ കാർമികരായിരുന്നു. ദുക്റാന തിരുനാളിന്‍റെ ഭാഗമായി പാലയൂർ ഫൊറോന സിഎൽസിയുടെ നേതൃത്വത്തിൽ മെഗാ മാർഗംകളി പള്ളിമുറ്റത്ത് അവതരിപ്പിച്ചു. ഭാരവാഹികളായ സി.ജെ. സാബു, ജെഫിൻ ജോണി, സി.സി. ചാർളി, സി.ഡി. ലോറൻസ്, പി.എൽ. ഫ്രാങ്കോ, ഫ്രാൻസി ടിറ്റോ, ബീന ജോഷി, ഷേർളി ഷാജി, റെജി ജെയിംസ് തുടങ്ങിയവർ നേതൃത്വംനൽകി.

സി.എൽ. ജോസിന് കലാശ്രേഷ്ഠ പുരസ്കാരം സമ്മാനിച്ചു

തൃശൂർ: കണ്ണൂരിലെ ഉത്തരകേരള കവിതാസാഹിത്യവേദി ഏർപ്പെടുത്തിയ അക്ഷരഗുരു കവിയൂർ കലാശ്രേഷ്ഠ പുരസ്കാരം നാടകാചാര്യൻ സി.എൽ. ജോസിന് എഴുത്തുകാരി സുജാത ശ്രീപദം സമ്മാനിച്ചു. നാടകരംഗത്തെ സമഗ്രസംഭാവനയ്ക്കാണു പുരസ്കാരം. സി.എൽ. ജോസിന്‍റെ തൃശൂരിലെ വസതിയിൽ നടന്ന ചടങ്ങിൽ സാഹിത്യവേദി പ്രസിഡന്‍റ് സുനിൽ മടപ്പള്ളി, ഗാന്ധിമാർഗപ്രവർത്തകൻ ഡേവിസ് കണ്ണന്പുഴ, എഴുത്തുകാരി നിർമ്മല അന്പാട്ട്, ട്രഷറർ സൗമി മട്ടന്നൂർ, സി.എൽ. ജോസിന്‍റെ ഭാര്യ ലിസി ജോസ് എന്നിവർ പങ്കെടുത്തു.

കിണറുകളിൽ രാസമാലിന്യം; ആറിന് മനുഷ്യച്ചങ്ങല

തൃശൂർ: കാട്ടൂർ മിനി എസ്റ്റേറ്റിലെ രണ്ടു കന്പനികളിൽനിന്നുള്ള രാസമാലിന്യം സമീപമുള്ള കിണറുകളിൽ കലരുന്നെന്നു കാട്ടൂരിലെ ജനകീയ കുടിവെള്ളസംരക്ഷണ വേദി പ്രവർത്തകർ. 2024 മേയ് 25ന് മാലിന്യം കണ്ടെത്തി അധികൃതരെ അറിയിച്ചിട്ടും നീതി നടപ്പാക്കാത്തതിനെതിരെ മനുഷ്യച്ചങ്ങലയും പൊതുയോഗവും സംഘടിപ്പിക്കും. ആറിന് രാവിലെ പത്തിനു കുന്നത്തുപീടിക മുതൽ സോഡാവളവ് വരെയാകും മനുഷ്യച്ചങ്ങല. തുടർന്ന് എംപി ഹാളിൽ നടക്കുന്ന പൊതുയോഗം മനുഷ്യാവകാശ പരിസ്ഥിതി പ്രവർത്തകർ അഡ്വ. പി.എ. പൗരൻ ഉദ്ഘാടനം ചെയ്യും. ഏഴുമുതൽ കന്പനിക്കു മുന്നിൽ അനിശ്ചിതകാല നിരാഹാരം തുടങ്ങുമെന്നും സമരസമിതി പ്രവർത്തകർ അറിയിച്ചു. 1974ൽ രൂപംകൊണ്ട മിനി ഇൻഡസ്ട്രിയൽ എസ്റ്റേറ്റിലെ ഉടമകൾ പലരും മാറി വ്യവസായങ്ങളും മാറ്റിയതോടെയാണ് രാസമാലിന്യം രൂപപ്പെടുന്നത്. പത്ത് യൂണിറ്റുകൾ നിന്ന സ്ഥലത്ത് ഇപ്പോൾ 13 യൂണിറ്റുകളുണ്ടെന്നും ഇലക്ട്രോ പ്ലേറ്റിംഗും ഗാൽവനൈസിംഗും ഉൾപ്പെടെ രണ്ടു കന്പനികളിൽ നടക്കുന്നുണ്ടെന്നും ജനകീയ കുടിവെള്ളസംരക്ഷണ വേദി പ്രവർത്തകർ ആരോപിച്ചു. വാർത്താ സമ്മേളനത്തിൽ അരുണ്‍, പഞ്ചായത്ത് അംഗം പി.എസ്. മോളി, ടി.ടി. വിൻസെന്‍റ്, എം.ജെ. ഷാജി, ജോയ് തോമസ് എന്നിവർ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]