തൊടുപുഴ: അഖില ഭാരത പൂർവ സൈനിക് സേവാപരിഷത്തും 18 കേരള ബറ്റാലിയൻ എൻസിസി ന്യൂമാൻ കോളജ് യൂണിറ്റും ചേർന്ന് കാർഗിൽ വിജയ് ദിവസ് രജത ജൂബിലി ആഘോഷം സംഘടിപ്പിച്ചു. തൊടുപുഴയിലെ ലാൻസ് നായിക് പി.കെ. സന്തോഷ്കുമാർ പാർക്കിന് മുന്നിലുള്ള യുദ്ധസ്മാരകത്തിൽ പി.ജെ. ജോസഫ് എംഎൽഎ പുഷ്പചക്രം സമർപ്പിച്ചു.
കാർഗിൽ യുദ്ധത്തിൽ വീരമൃത്യു വരിച്ച ജവാൻമാർ രാജ്യത്തിന്‍റെ യശസുയർത്തിയെന്ന് അദ്ദേഹം പറഞ്ഞു.
റിട്ട. എയർവൈസ് മാർഷൽ പി.കെ. ശ്രീകുമാർ, കമാൻഡിംഗ് ഓഫീസർ എൻസിസി 18 കേരള ബറ്റാലിയൻ കേണൽ പ്രശാന്ത് നായർ, ന്യൂമാൻ കോളജ് എൻസിസി വിഭാഗം മേധാവി ക്യാപ്റ്റൻ പ്രജീഷ് സി. മാത്യു, പൂർവ സൈനിക സേവാ പരിഷത്ത് ജില്ലാ പ്രസിഡന്‍റ് സി.ജി. സോമശേഖരൻ, റിട്ട. ഗ്രൂപ്പ് ക്യാപ്റ്റൻ ഹരി സി. ശേഖർ, മേജർ അന്പിളി ലാൽകൃഷ്ണ, ചന്ദ്രശേഖരപിള്ള തയ്യിൽ, ജില്ലാ പഞ്ചായത്ത് മെംബർ പ്രഫ. എം.ജെ. ജേക്കബ്, കേരള കോണ്ഗ്രസ് സംസ്ഥാന ജനറൽ സെക്രട്ടറി എം. മോനിച്ചൻ, ഇളംദേശം ബ്ലോക്ക് പഞ്ചായത്ത് പ്രസിഡന്‍റ് ടോമി കാവാലം, ബ്ലോക്ക് മെംബർ ടെസിമോൾ മാത്യു എന്നിവർ പ്രസംഗിച്ചു. ലാൻസ് നായ്ക് സന്തോഷ് കുമാറിന്‍റെ കുടുംബാംഗങ്ങളും ചടങ്ങിൽ പങ്കെടുത്തു.