ഡി​ജി കേ​ര​ളം പ​ദ്ധ​തി ഇ​ഴ​യു​ന്നു
Sunday, August 25, 2024 4:43 AM IST
ആല​പ്പു​ഴ: ഈ ​വ​ർ​ഷ​ത്തെ കേ​ര​ള​പ്പി​റ​വി ദി​ന​ത്തി​ൽ കേ​ര​ള​ത്തെ സ​മ്പൂ​ർ​ണ ഡി​ജി​റ്റ​ൽ സാ​ക്ഷ​ര​താ സം​സ്ഥാ​ന​മാ​യി പ്ര​ഖ്യാ​പി​ക്കാ​ൻ ല​ക്ഷ്യ​മി​ട്ടു സ​ർ​ക്കാ​ർ ന​ട​പ്പാ​ക്കു​ന്ന ഡി​ജി കേ​ര​ളം പ​ദ്ധ​തി ഇ​ഴ​യു​ന്നു. പ​ദ്ധ​തി​യി​ലെ പ​ഠി​താ​ക്ക​ളെ ക​ണ്ടെ​ത്താ​നു​ള്ള സ​ർ​വേ ജൂ​ൺ 30ന് ​പൂ​ർ​ത്തി​യാ​ക്കാ​നാ​യി​രു​ന്നു നി​ർ​ദേ​ശി​ച്ച​തെ​ങ്കി​ലും സം​സ്ഥാ​ന​ത്ത് ഇ​തു​വ​രെ പൂ​ർ​ത്തി​യാ​യ​തു സ​ർ​വേ​യു​ടെ 40.93% മാ​ത്രം.

ത​ദ്ദേ​ശ​വ​കു​പ്പ് നി​ർ​ദേ​ശി​ച്ച സ​മ​യ​ക്ര​മം അ​നു​സ​രി​ച്ച് ജൂ​ണി​ൽ ഡി​ജി​റ്റ​ൽ സാ​ക്ഷ​ര​ത​യി​ല്ലാ​ത്ത​വ​രെ ക​ണ്ടെ​ത്താ​നു​ള്ള സ​ർ​വേ​യും ജൂ​ലൈ​യി​ൽ വോളന്‍റിയ​ർ​മാ​ർ​ക്കു​ള്ള പ​രി​ശീ​ല​ന​വും പൂ​ർ​ത്തി​യാ​ക്കി ഓ​ഗ​സ്റ്റ് ഒന്നിന് ​ക്ലാ​സു​ക​ൾ ആ​രം​ഭി​ക്ക​ണം.

ഒ​ക്ടോ​ബ​റി​ൽ മൂ​ല്യ​നി​ർ​ണ​യം ന​ട​ത്തി ന​വം​ബ​ർ ഒ​ന്നി​ന് സ​മ്പൂ​ർ​ണ ഡി​ജി​റ്റ​ൽ സാ​ക്ഷ​ര​താ പ്ര​ഖ്യാ​പ​നം ന​ട​ത്തു​ക​യാ​യി​രു​ന്നു ല​ക്ഷ്യം. എ​ന്നാ​ൽ, ഓ​ഗ​സ്റ്റ് അ​വ​സാ​ന​മാ​യി​ട്ടും സ​ർ​വേ പോ​ലും പൂ​ർ​ത്തി​യാ​ക്കാ​ൻ ക​ഴി​യാ​ത്ത​തോ​ടെ പ​ദ്ധ​തി​യു​ടെ പൂ​ർ​ത്തീ​ക​ര​ണം സം​ബ​ന്ധി​ച്ച് ആ​ശ​ങ്ക​യേ​റി. 14 വ​യ​സി​നു മു​ക​ളി​ലു​ള്ള എ​ല്ലാ​വ​ർ​ക്കും ഡി​ജി​റ്റ​ൽ സാ​ക്ഷ​ര​ത ഉ​റ​പ്പാ​ക്കു​ക​യാ​ണു ഡി​ജി കേ​ര​ളം പ​ദ്ധ​തി​യു​ടെ ല​ക്ഷ്യം.


ഡി​ജി​റ്റ​ൽ നി​ര​ീക്ഷ​​കരെ ക​ണ്ടെ​ത്തി പ​രി​ശീ​ല​നം ന​ൽ​കി മൊ​ബൈ​ൽ ആ​പ് വ​ഴി ത​ന്നെ മൂ​ല്യ​നി​ർ​ണ​യം ന​ട​ത്തും. പ​രാ​ജ​യ​പ്പെ​ടു​ന്ന​വ​ർ​ക്കു വീ​ണ്ടും പ​രി​ശീ​ല​നം ന​ൽ​ക​ണം. ഇ​തെ​ല്ലാം പൂ​ർ​ത്തി​യാ​ക്കി ന​വം​ബ​ർ ഒ​ന്നി​ന് രാ​ജ്യ​ത്തെ ആ​ദ്യ സ​മ്പൂ​ർ​ണ ഡി​ജി​റ്റ​ൽ സാ​ക്ഷ​ര​താ സം​സ്ഥാ​ന​മാ​യി കേ​ര​ള​ത്തെ പ്ര​ഖ്യാ​പി​ക്കു​ക​യാ​ണു ല​ക്ഷ്യം.​ ജ​ന​പ്ര​തി​നി​ധി​ക​ളു​ടെ​യും രാ​ഷ്ട്രീ​യ, സാ​മൂ​ഹി​ക പ്ര​വ​ർ​ത്ത​ക​രു​ടെയും സ​ഹ​ക​ര​ണം പ്ര​തീ​ക്ഷി​ച്ച വി​ധ​ത്തി​ൽ ല​ഭി​ക്കു​ന്നി​ല്ലെ​ന്നും ഇ​താ​ണു പ​ദ്ധ​തി​യു​ടെ മെ​ല്ലെ​പ്പോ​ക്കി​നു കാ​ര​ണ​മെ​ന്നും ത​ദ്ദേ​ശവ​കു​പ്പ് ഉ​ദ്യോ​ഗ​സ്ഥ​ർ പ​റ​യു​ന്നു.