ന​വ​ജാ​തശി​ശു​വി​ന്‍റെ കൊ​ല​പാ​ത​കം: ആ​ശ​യും ര​തീ​ഷും വീ​ണ്ടും ജ​യി​ലി​ലേ​ക്ക്
Monday, September 9, 2024 11:46 PM IST
ചേര്‍​ത്ത​ല: ന​വ​ജാ​തശി​ശു​വി​നെ ശ്വാ​സം മു​ട്ടി​ച്ചു കൊ​ല​പ്പെടു​ത്തി കു​ഴി​ച്ചു​മൂ​ടി​യ സം​ഭ​വ​ത്തി​ല്‍ പ്ര​തി​ക​ളാ​യ അ​മ്മ​യെ​യും കാ​മു​ക​നെ​യും തെ​ളി​വെ​ടു​പ്പി​നുശേ​ഷം വീ​ണ്ടും ജ​യി​ലി​ലേ​ക്കു​മാ​റ്റി.

ഒ​ന്നാം പ്ര​തി​യാ​യ പ​ള്ളി​പ്പു​റം പ​ഞ്ചാ​യ​ത്ത് 17-ാം വാ​ര്‍​ഡ് കാ​യി​പ്പു​റ​ത്തു വീ​ട്ടി​ല്‍ ആ​ശാ​ മ​നോ​ജി​നെ​യും (35), കാ​മു​ക​ന്‍ രാ​ജേ​ഷാ​ല​യ​ത്തി​ല്‍ ര​തീ​ഷി​നെ​യു (39) മാ​ണ് അ​ന്വേ​ഷ​ണ സം​ഘം തെ​ളി​വു​ക​ള്‍ ശേ​ഖ​രി​ക്കു​ന്ന​തി​നാ​യി ക​സ്റ്റ​ഡി​യി​ല്‍ വാ​ങ്ങി​യ​ത്. തെ​ളി​വു ശേ​ഖ​ര​ണം പൂ​ര്‍​ത്തി​യാ​ക്കി തി​ങ്ക​ളാ​ഴ്ച ഇ​രു​വ​രെ​യും വീ​ണ്ടും കോ​ട​തി​യി​ല്‍ ഹാ​ജ​രാ​ക്കി ജ​യ​ലി​ലേ​ക്ക​യ​ച്ചു.

തെ​ളി​വെ​ടു​പ്പി​ല്‍ യു​വ​തി​ക്കൊ​പ്പം പ്ര​സ​വ​സ​മ​യ​ത്ത​ട​ക്കം ആ​ശു​പ​ത്രി​യി​ലു​ണ്ടാ​യി​രു​ന്ന ബ​ന്ധു​വാ​യ യു​വാ​വ് കു​ട്ടി​യു​ടെ പി​തൃ​ത്വം സ​മ്മ​തി​ച്ചു പോ​ലീ​സി​നു മൊ​ഴി ന​ല്‍​കി​യി​രു​ന്നു. ഇ​തോ​ടെ ഒ​ന്നും ര​ണ്ടും പ്ര​തി​ക​ളു​ടെ​യും മ​രി​ച്ച കു​ഞ്ഞി​ന്‍റെ​യും ഡി​എ​ന്‍​എ പ​രി​ശോ​ധ​ന നി​ര്‍​ണാ​യ​ക​മാ​കും. ക​ഴി​ഞ്ഞ 31ന് ​രാ​ത്രി 8.30 യോ​ടെ​യാ​ണ് ര​തീ​ഷ് ത​ന്‍റെ വീ​ട്ടി​ലെ​ത്തി​ച്ച് കു​ട്ടി​യെ ശ്വാ​സം​മു​ട്ടി​ച്ചു കൊ​ന്ന​ത്. മൃ​ത​ദേ​ഹ​വും ര​തീ​ഷി​ന്‍റെ വീ​ട്ടി​ല്‍നി​ന്നാ​ണ് ക​ണ്ടെ​ടു​ത്ത​ത്. എ​ന്നാ​ല്‍, കൊ​ല​പാ​ത​ക​ത്തി​നു പ്രേ​ര​ണ​യും പി​ന്തു​ണ​യും ന​ല്‍​കി​യ​ത് അ​മ്മ ആ​ശ​യാ​യി​രു​ന്നു. ഇ​രു​വ​ര്‍​ക്കു​മെ​തി​രെ കൊ​ല​പാ​ത​കം അ​ട​ക്കം ചു​മ​ത്തി​യാ​ണ് പോ​ലീ​സ് കേ​സെ​ടു​ത്ത​ത്.

""ഒറ്റനോട്ടത്തിൽ ച​ങ്കി​ന​ക​ത്തൊ​രു
കൊ​ള്ളി​യാ​ൻ മി​ന്നി...''

പൂ​ച്ചാ​ക്ക​ൽ: "ലോ​ക​ത്തേ​ക്ക് തു​റ​ക്കും മു​ൻ​പേ മി​ഴി​യ​ട​ഞ്ഞു​പോ​യ പൈ​ത​ലി​ന്‍റെ ശ​രീ​രം ആ​ദ്യം ക​ണ്ട​പ്പോ​ഴേ ച​ങ്കി​ന​ക​ത്തൊ​രു കൊ​ള്ളി​യാ​ൻ മി​ന്നി​യി​രു​ന്നു...’ പ​ള്ളി​പ്പു​റ​ത്ത് ക​ഴി​ഞ്ഞ​യാ​ഴ്ച ചോ​ര​ക്കു​ഞ്ഞി​നെ കു​ഴി​ച്ചുമൂ​ടി​യ സം​ഭ​വ​ത്തി​ൽ ര​ണ്ടാം പ്ര​തി ര​തീ​ഷി​ന്‍റെ വീ​ട്ടി​ൽ​നി​ന്നു കു​ഞ്ഞി​ന്‍റെ മൃ​ത​ദേ​ഹം ആം​ബു​ലൻ​സി​ലേ​ക്ക് എ​ത്തി​ച്ച പോ​ലീ​സ് ഓ​ഫീസ​റു​ടെ ഫേ​സ്ബു​ക്ക് പോ​സ്റ്റ് മ​നോ​വേ​ദ​ന​യു​ടെ നേ​ർ​സാ​ക്ഷ്യ​മാ​യി. ചേ​ർ​ത്ത​ല പോ​ലീ​സ് സ്റ്റേ​ഷ​നി​ലെ സീ​നി​യ​ർ സി​വി​ൽ പോ​ലീ​സ് ഓ​ഫീസ​ർ സ​തീ​ഷ് ക​ട​ക്ക​ര​പ്പ​ള്ളി​യാ​ണ് ഫേ​സ് ബു​ക്കി​ൽ അ​ന്ന​ത്തെ അ​നു​ഭ​വം കു​റി​ച്ച​ത്.


‘കു​ഞ്ഞി​നെ കാ​ണാ​നി​ല്ലെ​ന്ന വി​വ​രം ല​ഭി​ച്ചു മ​ണി​ക്കൂ​റു​ക​ൾ​ക്കു​ള്ളി​ൽ പ്ര​തി​ക​ളെ ക​ണ്ടെ​ത്തി അ​വ​രെ ചോ​ദ്യം ചെ​യ്ത​പ്പോ​ൾ കേ​ട്ട​ത് സ​മാ​ന​ത​ക​ളി​ല്ലാ​ത്ത ക്രൂ​ര​ത. എ​ങ്കി​ലും ഒ​ട്ടും പ​ത​റാ​തെ ന​ട​പ​ടി ക്ര​മ​ങ്ങ​ൾ പൂ​ർ​ത്തി​യാ​ക്കി ഓ​ഫീസ​ർ​മാ​ർ​ക്കൊ​പ്പം, മൃ​ത​ദേ​ഹം സൂ​ക്ഷി​ച്ചി​രി​ക്കു​ന്ന​താ​യി പ്ര​തി പ​റ​ഞ്ഞ ശു​ചി​മു​റി​ക്കു സ​മീ​പ​മെ​ത്തി. വാ​തി​ലി​ന​പ്പു​റം ഇ​ളം​പൈ​ത​ലി​ന്‍റെ നി​ശ്ച​ല​ദേ​ഹം ക​ണ്ട​പ്പോ​ൾ ക​ര​ളൊ​ന്നുപി​ട​ഞ്ഞെ​ങ്കി​ലും ആ​ദ്യാ​വ​സാ​നം ഇ​ൻ​ക്വ​സ്റ്റ് ന​ട​പ​ടി​ക​ൾ​ക്കൊ​പ്പംനി​ന്നു.

എ​ല്ലാം ക​ഴി​ഞ്ഞ് കു​ഞ്ഞി​ന്‍റെ മൃ​ത​ശ​രീ​രം ആ​രെ​ടു​ക്കു​മെ​ന്ന ചോ​ദ്യ​മു​യ​ർ​ന്ന​പ്പോ​ൾ ഒ​ട്ടും മ​ടി തോ​ന്നി​യി​ല്ല. അ​വി​ടെനി​ന്നു കി​ട്ടി​യ വെ​ള്ള മു​ണ്ടി​ൽ പൊ​തി​ഞ്ഞെ​ടു​ത്ത ത​ണു​ത്ത് മ​ര​വി​ച്ച ദേ​ഹം നെ​ഞ്ചോ​ട് ചേ​ർ​ക്കു​മ്പോ​ൾ തോ​ന്നി​യ നി​ർ​വി​കാ​ര​ത മാ​റാ​ൻ സ​മ​യ​മൊ​രു​പാ​ടെ​ടു​ത്തു....’ ഇ​ങ്ങ​നെ തു​ട​രു​ന്ന കു​റി​പ്പ്. ‘ജ​നി​ച്ച​തും മ​രി​ച്ച​തും എ​ന്തി​നെ​ന്ന​റി​യാ​തെ മ​ണ്ണി​ല​ലി​ഞ്ഞ​വ​നേ, നി​ന​ക്ക് പി​ൻ​ഗാ​മി​ക​ൾ ഉ​ണ്ടാ​കാ​തി​രി​ക്ക​ട്ടെ’ എ​ന്നു പ​റ​ഞ്ഞാ​ണ് പോസ്റ്റ് അ​വ​സാ​നി​പ്പി​ക്കു​ന്ന​ത്.