ഹരിപ്പാ​ട്: ക​ഴി​ഞ്ഞ പ​ത്തുവ​ർ​ഷ​മാ​യി മു​ട്ടം കേ​ന്ദ്ര​മാ​ക്കി പ്ര​വ​ർ​ത്തി​ച്ചുവ​രു​ന്ന സാ​ന്ത്വ​നം ചാ​രി​റ്റ​ബി​ൾ ട്ര​സ്റ്റി​ന്‍റെ കീ​ഴി​ലു​ള്ള വ​സ​ഥം പ​ക​ൽ വീ​ടി​​ന്‍റെ അ​നു​ബ​ന്ധ​മാ​യി നി​ർ​മാ​ണം ആ​രം​ഭി​ക്കു​ന്ന വ​യോ​ജ​ന പ​രി​പാ​ല​ന കേ​ന്ദ്ര​ത്തി​​ന്‍റെ ത​റ​ക്ക​ല്ലി​ട​ൽ ക​ർ​മം നാ​ളെ രാ​വി​ലെ 10.30ന് ​ര​മേ​ശ് ചെ​ന്നി​ത്ത​ല എംഎ​ൽഎ  ​നി​ർ​വ​ഹി​ക്കും. നേ​ര​ത്തേ ഇ​തേ സം​ഘ​ട​ന ജി​ല്ലാ പ​ഞ്ചാ​യ​ത്തി​ന് കൈ​മാ​റി​യ ഏഴു സെന്‍റ് സ്ഥ​ല​ത്ത് ജി​ല്ലാ പ​ഞ്ചാ​യ​ത്ത് കെ​ട്ടി​ടം നി​ർ​മി​ച്ച് ചേ​പ്പാ​ട് പ​ഞ്ചാ​യ​ത്തി​ന് കൈ​മാ​റി​യി​രു​ന്നു.

ഇ​തി​ന്‍റെ ന​ട​ത്തി​പ്പ് ചു​മ​ത​ല സാ​ന്ത്വ​ന​ത്തെ ത​ന്നെ ഏ​ല്പി​ക്കു​ക​യും ന​ല്ല​രീ​തി​യി​ൽ ന​ട​ന്നു​വ​രി​ക​യുമാണ്. ഇ​വി​ടെ ​പ​തി​ന​ഞ്ചോ​ളം അ​ന്തേ​വാ​സി​ക​ളാ​ണു​ള്ള​ത്. ഇ​വ​രെ ​സാ​ന്ത്വ​ന​ത്തി​ന്‍റെ വാ​ഹ​ന​ത്തി​ൽ ത​ന്നെ രാ​വി​ലെ അ​വ​ര​വ​രു​ടെ വീ​ടു​ക​ളി​ൽനി​ന്ന് കൂ​ട്ടി​ക്കൊ​ണ്ടു​വ​രി​ക​യും വൈ​കി​ട്ട് തി​രി​കെ എ​ത്തി​ക്കു​ക​യു​മാ​ണ് പ​തി​വ്. ഇ​വ​ർ​ക്ക് ദൈ​നം​ദി​ന ഭ​ക്ഷ​ണം, വ​സ്ത്രം, മ​രു​ന്ന് ഇ​തെ​ല്ലാം സം​ഘ​ട​ന ത​ന്നെ​യാ​ണ് ന​ൽ​കു​ന്ന​ത്.

അ​ന്തേ​വാ​സി​ക​ളു​ടെ നി​ര​ന്ത​ര​മാ​യു​ള്ള ആ​വ​ശ്യ​വും നാ​ടി​ന്‍റെ നാ​നാ ഭാ​ഗ​ങ്ങ​ളി​ൽ​നി​ന്നു​മു​ള്ള ​വ​യോ​ജ​ന​ങ്ങ​ളെ അ​ന്തേ​വാ​സി​ക​ളാ​യി ഏ​റ്റെ​ടു​ക്കു​മോ​യെ​ന്നു​ള്ള നി​ര​ന്ത​ര അ​ന്വേ​ഷ​ണ​ങ്ങ​ളു​മാ​ണ്  വ​യോ​ജ​ന പ​രി​പാ​ല​ന കേ​ന്ദ്രം തു​ട​ങ്ങി​യാ​ലെ​ന്തെ​ന്നു​ള്ള ചി​ന്താ​ഗ​തി​യി​ലേ​ക്ക് ഭാ​ര​വാ​ഹി​ക​ളെ ന​യി​ച്ച​ത്. ഇ​തി​ന്‍റെ തു​ട​ർ​ച്ചെ​യെ​ന്നോ​ണ​മാ​ണ് ഒ​രു കോ​ടി രൂ​പ ചെല​വി​ൽ 32 മു​റി​ക​ളും ലി​ഫ്റ്റും മ​റ്റു സൗ​ക​ര്യ​ങ്ങ​ളു​മു​ള്ള ഇ​രു​നി​ല കെ​ട്ടി​ട​ത്തി​ന് ഇ​പ്പോ​ൾ ത​റ​ക്ക​ല്ലി​ടു​ന്ന​ത്.

ഇ​തു​കൂ​ടാ​തെ പ്ര​തി​മാ​സ ആ​യുർ​വേ​ദ മെ​ഡി​ക്ക​ൽ ക്യാ​മ്പ്, സൗ​ജ​ന്യ നേ​ത്ര​ചി​കി​ത്സാ ക്യാ​മ്പ് എ​ന്നി​വ​യും ന​ട​ത്തു​ന്നു. കി​ട​പ്പു രോ​ഗി​ക​ൾ​ക്ക് ക​ട്ടി​ലു​ക​ൾ, 50 വീ​ൽ​ച്ചെ​യ​റു​ക​ൾ, ഓ​ക്സി​ജ​ൻ സി​ലി​ണ്ട​റു​ക​ൾ എ​ന്നി​വ​യും സൗ​ജ​ന്യ​മാ​യി വി​ത​ര​ണം ചെ​യ്തി​ട്ടു​ണ്ട്. ത​റ​ക്ക​ല്ലി​ട​ൽ ക​ർ​മ ത്തോ​ട​നു​ബ​ന്ധി​ച്ച് ന​ട​ക്കു​ന്ന യോ​ഗ​ത്തി​ൽ ജി​ല്ലാ പ​ഞ്ചാ​യ​ത്ത് അം​ഗം എ. ​ശോ​ഭ, മു​തു​കു​ളം ബ്ലോ​ക്ക് പ​ഞ്ചാ​യ​ത്ത് ​വൈ​സ്പ്ര​സി​ഡ​ന്‍റ് സി.​പി. ഉ​ണ്ണി​കൃ​ഷ്ണ​ൻ, ബ്ലോ​ക്ക് പ​ഞ്ചാ​യ​ത്തം​ഗം എം. ​ശി​വ​പ്ര​സാ​ദ് തു​ട​ങ്ങി​യ​വ​ർ പ​ങ്കെ​ടു​ക്കു​മെ​ന്ന് ജോ​ൺ തോ​മ​സ്, പ്ര​ഫ.​ആ​ർ. അ​ജി​ത്, എം.​കെ. ശ്രീ​നി​വാ​സ​ൻ, കെ.​പി ദേ​വ​ദാ​സ്, ടി.​വി.​ വി​നോ​ബ് എ​ന്നി​വ​ർ പത്രസ​മ്മേ​ള​ന​ത്തി​ൽ അ​റി​യി​ച്ചു.