ആ​ല​പ്പു​ഴ: ഊ​ഞ്ഞാ​ലി​ൽ ഓ​ണ​ത്തി​ന്‍റെ മ​ധു​ര​സ്മൃ​തി​ക​ളി​ലേ​ക്ക് ആ​ടി​ര​സി​ക്കാ​ൻ ഇ​നി ഊ​ഞ്ഞാ​ലു​കെ​ട്ടി വി​ഷ​മി​ക്കേ​ണ്ട. കെ​ട്ടാ​ൻ ഇ​ടം ഉ​ണ്ടെ​ങ്കി​ൽ ജോ​മോ​ന്‍റെ ഇ​ൻ​സ്റ്റ​ന്‍റ് ഊ​ഞ്ഞാ​ലു​ണ്ട്. അ​തുകെ​ട്ടി ഒ​റ്റ​യ്ക്കോ കൂ​ട്ട​മാ​യോ ഓ​ണ​പ്പാ​ട്ട് താ​ള​ത്തി​ൽ പാ​ടി ഊ​ഞ്ഞാ​ലാ​ടി ര​സി​ക്കാം. പ​ത്തു വ​ർ​ഷ​ങ്ങ​ൾ​ക്കു മു​മ്പാ​ണ് ആ​ല​പ്പു​ഴ​യി​ൽ എം.​സി. ജോ​സ​ഫ് ആ​ൻ​ഡ് സ​ൺ​സ് ജ​ന​റ​ൽ സ്റ്റോ​ഴ്സ് എ​ന്ന പേ​രി​ൽ ഷോ​പ്പ് ന​ട​ത്തു​ന്ന ജോ​മോ​ന്‍റെ മ​ന​സി​ൽ ഊ​ഞ്ഞാ​ൽ ആ​ശ​യം ആ​ടി​ത്തെ​ളി​ഞ്ഞ​ത്. പ​ല​ക ക​യ​റി​ൽ തു​ള​ച്ച് ചേ​ർ​ത്ത് ഊ​ഞ്ഞാ​ൽ ഉ​ണ്ടാ​ക്കി വി​പ​ണി​യി​ൽ എ​ത്തി​ച്ചു. അ​തി​ന്‍റെ വി​വി​ധ വാ​ർ​ത്ത​ക​ൾ പു​റ​ത്താ​യ​തോ​ടെ ഇ​പ്പോ​ൾ ജോ​മോ​ന്‍റെ ഫോ​ണി​ലേ​ക്ക് തി​രു​വ​ന​ന്ത​പു​ര​ത്തും കോ​ട്ട​യ​ത്തുനി​ന്നു​മൊ​ക്കെ ഊ​ഞ്ഞാ​ൽ തേ​ടി വി​ളി​ക​ൾ. ഇ​പ്പോ​ൾ ജോ​മോ​ന്‍റെ ഓ​ണ ഊ​ഞ്ഞാ​ൽ നാ​ട്ടി​ൽ ഹി​റ്റാ​യി​രി​ക്കു​ന്നു.

പ്ലാ​സ്റ്റി​ക് ക​യ​റി​ല്‍ മ​ര​ത്തി​ന്‍റെ ഇ​രി​പ്പി​ട​ങ്ങ​ള്‍ പി​ടി​പ്പി​ച്ച ഊ​ഞ്ഞാ​ലു​ക​ള്‍​ക്ക് 350 രൂ​പ മു​ത​ല്‍ 1500 രൂ​പ വ​രെ​യാ​ണു വി​ല. ത​ടി​യു​ടെ ഗു​ണ​മേ​ന്മ, ക​യ​റി​ന്‍റെ വ​ണ്ണം, ഇ​രി​പ്പി​ട​ത്തി​ന്‍റെ വ​ലു​പ്പം എ​ന്നി​വ​യ​നു​സ​രി​ച്ചാ​ണു വി​ല. ഒ​രാ​ള്‍​ക്ക് ഇ​രി​ക്കാ​വു​ന്ന​തു മു​ത​ല്‍ മൂ​ന്നാ​ള്‍​ക്ക് ഒ​രു​മി​ച്ച് ഇ​രി​ക്കാ​വു​ന്ന ഊ​ഞ്ഞാ​ലു​ക​ള്‍ വ​രെ​യു​ണ്ട്. വി​ല​കൂ​ടി​യ ഊ​ഞ്ഞാ​ലി​ൽ ഒ​രു ഫാ​മി​ലി​ക്ക് മൊ​ത്തം ഇ​രു​ന്ന് ഒ​രു​മി​ച്ച് ആ​ടാം. കൂ​ടു​ത​ൽ കു​ട്ടി​ക​ൾ​ക്ക് ഒ​രു​മി​ച്ച് ഇ​ത്ത​രം ഊ​ഞ്ഞാ​ലി​ൽ ആ​ടാം. 20 ത​രം ഊ​ഞ്ഞാ​ലു​ക​ളാ​ണ് ഇ​ക്കു​റി വി​ല്‍​പ​ന​യ്ക്ക് എ​ത്തി​ച്ചി​രി​ക്കു​ന്ന​തെ​ന്ന് തോ​ണ്ട​ന്‍​കു​ള​ങ്ങ​ര​യി​ലെ ക‌​ട​യി​ലി​രു​ന്ന് ജോ​മോ​ന്‍ ടി.​ പു​ത്ത​ന്‍ത​യ്യി​ല്‍ പ​റ​യു​ന്നു. ഊ​ഞ്ഞാ​ല്‍ കെ​ട്ടാ​ന്‍ ഉ​പ​യോ​ഗി​ക്കു​ന്ന പ്ര​ത്യേ​ക​ത​രം ക​യ​റി​നാ​യി​രു​ന്നു മു​ന്‍​പ് ഓ​ണ​ക്കാ​ല​ത്ത് ആ​വ​ശ്യ​ക്കാ​രേ​റെ​യു​ണ്ടാ​യി​രു​ന്ന​ത്. ഇ​പ്പോ​ൾ ഊ​ഞ്ഞാ​ലി​നാ​യി ജോ​മോ​ന്‍റെ ക​ട​യി​ൽ തി​ര​ക്കാണ്.

ക​യ​ര്‍ ഉ​പ​യോ​ഗി​ച്ച് ഊ​ഞ്ഞാ​ല്‍ കെ​ട്ടു​ന്ന​വ​രു​ടെ എ​ണ്ണം കു​റ​ഞ്ഞ​തോ​ടെ​യാ​ണു ഊ​ഞ്ഞാ​ലു​ക​ള്‍ ത​ന്നെ നി​ര്‍​മി​ച്ചു വി​ല്പ​ന​യ്‌​ക്കെ​ത്തി​ച്ച​ത്. തു​ട​ക്ക​ത്തി​ല്‍ ഊ​ഞ്ഞാ​ലു​ക​ളി​ല്‍ ഇ​ത്ത​രം ക​യ​ര്‍ ത​ന്നെ​യാ​ണ് ഉ​പ​യോ​ഗി​ച്ച​ത്. എ​ന്നാ​ല്‍, ഊ​ഞ്ഞാ​ല്‍​ക്ക​യ​റി​ന്‍റെ ബ​ല​ത്തെ​ക്കു​റി​ച്ച് പു​തി​യ ആ​ളു​ക​ള്‍​ക്കു വ​ലി​യ അ​റി​വി​ല്ലാ​ത്ത​തി​നാ​ല്‍ ഇ​പ്പോ​ള്‍ പ്ലാ​സ്റ്റി​ക് ക​യ​റു​ക​ളാ​ണ് ഉ​പ​യോ​ഗി​ക്കു​ന്ന​തെ​ന്ന് ജോ​മോ​ന്‍ പ​റ​ഞ്ഞു.

വീ​ടു​ക​ളി​ലും ഓ​ഫി​സ് വ​ള​പ്പി​ലു​മെ​ല്ലാം ഊ​ഞ്ഞാ​ലു​ക​ള്‍ ഉ​യ​ര്‍​ന്നു തു​ട​ങ്ങി. ക​യ​റു​ക​ളി​ല്‍ പൂ​മാ​ല​ക​ള്‍ കെ​ട്ടി​യ ഊ​ഞ്ഞാ​ലു​ക​ള്‍ കൂ​ടു​ത​ല്‍ ഫോ​ട്ടോ​ജെ​നി​ക് ആ​യി. പൂ​ക്ക​ള​മി​ട്ട് സ​ദ്യ​യും ക​ഴി​ഞ്ഞ് ആ ​ഊ​ഞ്ഞാ​ലി​ല്‍ ക​യ​റി ഒ​ന്നാ​ടാ​തെ, ഒ​രു ചി​ത്ര​മെ​ടു​ക്കാ​തെ ഓ​ണ​മെ​ങ്ങ​നെ പൂ​ര്‍​ണ​മാ​കു​മെ​ന്ന​തി​ന് ഉ​ത്ത​ര​മാ​ണ് ഇ​ൻ​സ്റ്റ​ന്‍റ് ഊ​ഞ്ഞാ​ൽ. ക​ച്ച​വ​ട​ത്തി​ൽ ജോ​മോ​ന് താ​ങ്ങാ​യി എ​ല്ലാ​ത്തി​നു ഒ​പ്പം പി​ന്തു​ണ​യാ​യി ഭാ​ര്യ അ​ർ​ച്ച​ന​യും ഉ​ണ്ട്. ര​ണ്ടു മ​ക്ക​ളും കൂ​ടി അ​ട​ങ്ങി​യ​താ​ണ് ജോ​മോ​ന്‍റെ കു​ടും​ബം. സ്കൂ​ൾ ഓ​ണാ​വ​ധി​യോ​ടുകൂ​ടി ഊ​ഞ്ഞാ​ലി​ന് കൂ​ടു​ത​ൽ ആ​വ​ശ്യ​ക്കാ​ർ രം​ഗ​ത്തുവ​രു​ന്ന​താ​യി ജോ​മോ​ൻ പ​റ​യു​ന്നു. മ​ര​ത്തി​ല്‍ നീ​ള​ന്‍ ക​യ​ര്‍കെ​ട്ടി, തെ​ങ്ങി​ന്‍ മ​ട​ലോ പ​ല​ക​യോ ഇ​രി​പ്പി​ട​മാ​ക്കി ഊ​ഞ്ഞാ​ല്‍ ഒ​രു​ക്കാ​ന്‍ പ​റ്റാ​ത്ത​വ​ര്‍​ക്ക് വ​ലി​യ ആ​ശ്വാ​സ​മാ​ണ് ഇ​ത്ത​രം ഊ​ഞ്ഞാ​ലു​ക​ൾ.