ചേർത്തല: കേരള വ്യാപാരി വ്യവസായി ഏകോപനസമിതി ചേർത്തല യൂണിറ്റിന്‍റെ ആഭിമുഖ്യത്തില്‍ ചേര്‍ത്തല സഹകാര്‍ മെഡിക്കല്‍സ്, ചേര്‍ത്തല ടൗണ്‍ റഡിഡന്‍റ്സ് അസോസിയേഷന്‍ എന്നിവയുടെ സഹകരണത്തോടെ സൗജന്യ മെഡിക്കല്‍ ക്യാമ്പ് നടത്തി.
നഗരസഭാ ചെയർപേഴ്സൺ ഷേർളി ഭാർഗവൻ ഉദ്ഘാടനം ചെയ്തു. കേരള വ്യാപാരി വ്യവസായി ഏകോപനസമിതി യൂണിറ്റ് പ്രസിഡന്‍റ് ജോസ് കൂമ്പയില്‍ അധ്യക്ഷത വഹിച്ചു. ആതുരസേവനരംഗത്ത് വര്‍ഷങ്ങളായി സേവനം അനുഷ്ഠിക്കുന്ന ഡോ.പി.ആര്‍. സത്യനെ ചടങ്ങില്‍ ആദരിച്ചു. രേഖാ സുരേഷ്, റസിഡന്‍റ്സ് അസോസിയേഷൻ പ്രസിഡന്‍റ് വേണുഗോപാൽ, വാർഡ് കൗൺസിലർ എ. അജി എന്നിവർ പ്രസംഗിച്ചു.