ഏ​ഴുവ​യ​സു​കാ​ര​ന്‍റെ തു​ട​യി​ൽ സൂ​ചി ക​യ​റി​യ സം​ഭ​വം: ഗു​രു​ത​ര വീ​ഴ്ച​യെ​ന്ന് റി​പ്പോ​ർ​ട്ട്: ജീ​വ​ന​ക്കാ​ർ​ക്കെ​തി​രേ ന​ട​പ​ടി ഉ​ണ്ടാ​കും
Friday, August 23, 2024 11:08 PM IST
കാ​യം​കു​ളം: താ​ലൂ​ക്ക് ആശു​പ​ത്രി​യി​ല്‍ ഏ​ഴു വ​യ​സു​കാ​ര​ന്‍റെ തു​ട​യി​ല്‍ സൂ​ചി തു​ള​ച്ചുക​യ​റി​യ സം​ഭ​വ​ത്തി​ല്‍ ജീ​വ​ന​ക്കാ​രു​ടെ ഭാ​ഗ​ത്ത് ഗു​രു​ത​ര വീ​ഴ്ച​യെ​ന്ന് റി​പ്പോ​ര്‍​ട്ട്. ജി​ല്ലാ മെ​ഡി​ക്ക​ല്‍ ഓ​ഫീ​സ​ര്‍ ജ​മു​ന വ​ര്‍​ഗീ​സാ​ണ് ആ​രോ​ഗ്യവ​കു​പ്പി​ന് റി​പ്പോ​ര്‍​ട്ട് ന​ല്‍​കി​യ​ത്. അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​ര്‍​മാ​ര്‍ ഒ​ഴി​കെ 12 ജീ​വ​ന​ക്കാ​ര്‍​ക്കെ​തി​രേ ന​ട​പ​ടി ഉ​ണ്ടാ​കും.

വീ​ഴ്ചവ​രു​ത്തി​യ ജീ​വ​ന​ക്കാ​രെ സ്ഥ​ലം മാ​റ്റ​ണ​മെ​ന്നാ​ണ് ജി​ല്ലാ മെ​ഡി​ക്ക​ല്‍ ഓ​ഫീ​സ​റു​ടെ റി​പ്പോ​ര്‍​ട്ട്. താ​ലൂ​ക്ക് ആ​ശു​പ​ത്രി ജീ​വ​ന​ക്കാ​രോ​ട് ക​ഴി​ഞ്ഞദി​വ​സം ആ​രോ​ഗ്യവ​കു​പ്പ് വി​ശ​ദീ​ക​ര​ണം തേ​ടി​യി​രു​ന്നു. ആ​ശു​പ​ത്രി​യി​ലെ പ​തി​നൊ​ന്നോ​ളം ജീ​വ​ന​ക്കാ​രോ​ടാ​ണ്് ആ​രോ​ഗ്യവ​കു​പ്പ് വി​ശ​ദീ​ക​ര​ണം തേ​ടി​യ​ത്.

സം​ഭ​വദി​വ​സം ഡ്യു​ട്ടി​യി​ല്‍ ഉ​ണ്ടാ​യി​രു​ന്ന മൂ​ന്ന് ഷി​ഫ്റ്റി​ലെ ജീ​വ​ന​ക്കാ​ര്‍​ക്കു കാ​ര​ണം കാ​ണി​ക്ക​ല്‍ നോ​ട്ടീ​സും ന​ല്‍​കു​ക​യും സം​ഭ​വദി​വ​സം അ​ത്യാ​ഹി​തവി​ഭാ​ഗ​ത്തി​ല്‍ ചി​കി​ത്സതേ​ടി​യ മു​ഴു​വ​ന്‍ ആ​ളു​ക​ളു​ടെ​യും വി​വ​ര​ങ്ങ​ള്‍ ആ​രോ​ഗ്യവ​കു​പ്പ് തേ​ടു​ക​യും ചെ​യ്തി​രു​ന്നു. സം​ഭ​വ​ത്തി​ല്‍ ക​ഴി​ഞ്ഞദി​വ​സം സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​ന്‍ കേ​സെ​ടു​ത്ത് അ​ന്വേ​ഷ​ണ​ത്തി​നും ഉ​ത്ത​ര​വി​ട്ടി​രു​ന്നു.

ര​ണ്ടാ​ഴ്ച മു​മ്പാ​ണ് പ​നി ബാ​ധി​ച്ച് കാ​യം​കു​ളം താ​ലൂ​ക്ക് ആശു​പ​ത്രി​യി​ലെ അ​ത്യാ​ഹി​ത വി​ഭാ​ഗ​ത്തി​ല്‍ ചി​കി​ത്സതേ​ടി​യെ​ത്തി​യ കു​ട്ടി​യെ ക​ട്ടി​ലി​ല്‍ കി​ട​ത്തി​യ​പ്പോ​ള്‍ സൂ​ചി തു​ട​യി​ല്‍ തു​ള​ച്ചു​ക​യ​റി​യ​ത്. കു​ട്ടി​യെ പി​ന്നീ​ട് വ​ണ്ടാ​നം മെ​ഡി​ക്ക​ല്‍ കോ​ള​ജി​ലേ​ക്കു മാ​റ്റി. കു​ട്ടി​ക്ക് തു​ട​ര്‍​ച്ച​യാ​യി എ​ച്ച്‌​ഐ​വി, ടിബി ടെ​സ്റ്റു​ക​ള്‍ ന​ട​ത്തേ​ണ്ടി​വ​ന്നു.

ഓ​രോ മൂ​ന്നു മാ​സം ക​ഴി​യു​മ്പോ​ഴും ടെ​സ്റ്റ് ന​ട​ത്ത​ണ​മെ​ന്നും മെ​ഡി​ക്ക​ല്‍ കോ​ള​ജ് അ​ധി​കൃ​ത​ര്‍ നി​ര്‍​ദേ​ശം ന​ല്‍​കി. ഇ​തോ​ടെ കു​ട്ടി​യു​ടെ ബ​ന്ധു​ക്ക​ള്‍ ദു​രി​ത​ത്തി​ലാ​കു​ക​യും ഇ​വ​ര്‍ പ​രാ​തി​യു​മാ​യി രം​ഗ​ത്ത് വ​രി​ക​യു​മാ​യി​രു​ന്നു.


14 വ​ര്‍​ഷം തു​ട​ര്‍​നി​രീ​ക്ഷ​ണം വേ​ണ​മെ​ന്ന
വാ​ര്‍​ത്ത​യ്ക്ക് ശാ​സ്ത്രീ​യ അ​ടി​സ്ഥാ​ന​മി​ല്ലെ​ന്ന്

ആല​പ്പു​ഴ: സൂ​ചി തു​ള​ച്ചു ക​യ​റി​യ​തി​നെ​ത്തു​ട​ര്‍​ന്ന് 14 വ​ര്‍​ഷം വ​രെ എ​ച്ച്‌​ഐ​വി അ​ണു​ബാ​ധ​യെ സം​ബ​ന്ധി​ച്ച് തു​ട​ര്‍ നി​രീ​ക്ഷ​ണം വേ​ണ​മെ​ന്ന് നി​ര്‍​ദേ​ശി​ച്ചു എ​ന്ന വാ​ര്‍​ത്ത​യെ ചു​റ്റി​പ്പ​റ്റി ആ​ശ​ങ്ക​യു​ണ്ടാ​യ സാ​ഹ​ച​ര്യ​ത്തി​ല്‍ ജി​ല്ലാ മെ​ഡി​ക്ക​ല്‍ ഓ​ഫീ​സ​ര്‍ ഡോ​ക്ട​ര്‍ ജ​മു​ന വ​ര്‍​ഗീ​സി​ന്‍റെ നേ​തൃ​ത്വ​ത്തി​ല്‍ അ​ടി​യ​ന്ത​ര എ​ക്‌​സ്‌​പെ​ര്‍​ട്ട് പാ​ന​ല്‍ കൂ​ടി സ്ഥി​തി​ഗ​തി​ക​ള്‍ വി​ല​യി​രു​ത്തി. കോ​ട്ട​യം ഗ​വ. മെ​ഡി​ക്ക​ല്‍ കോ​ള​ജ് ഇ​ന്‍​ഫെ​ക്ഷ്യ​സ് ഡി​സീ​സ് വ​കു​പ്പ് മേ​ധാ​വി ഡോ​ക്ട​ര്‍ ജൂ​ബി ജോ​ണ്‍, ആ​രോ​ഗ്യ​വ​കു​പ്പ് ജി​ല്ലാ സ​ര്‍​വൈ​ല​ന്‍​സ് ഓ​ഫീ​സ​ര്‍ ഡോ. ​എ​സ്.ആ​ര്‍. ദി​ലീ​പ് കു​മാ​ര്‍, ആ​ല​പ്പു​ഴ ഗ​വ​. മെ​ഡി​ക്ക​ല്‍ കോ​ളജ് ആ​ന്‍റി റി​ട്രോ വൈ​റ​ല്‍ മെ​ഡി​ക്ക​ല്‍ ഓ​ഫീ​സ​ര്‍ ഡോ. ​ജ​മീ​ല, ആ​ല​പ്പു​ഴ വ​നി​ത ശി​ശു ആ​ശു​പ​ത്രി സീ​നി​യ​ര്‍ ശി​ശു​രോ​ഗ വി​ദ​ഗ്ധ ഡോ. ​ശാ​ന്തി, മാ​വേ​ലി​ക്ക​ര ജി​ല്ലാ ആ​ശു​പ​ത്രി ശി​ശു​രോ​ഗ വി​ദ​ഗ്ധ​ന്‍ ഡോ. ​പ്ര​സാ​ദ് എ​ന്നി​വ​ര​ട​ങ്ങി​യ എ​ക്‌​സ്‌​പേ​ര്‍​ട്ട് പാ​ന​ലാ​ണ് കാ​ര്യ​ങ്ങ​ള്‍ പ​രി​ശോ​ധി​ച്ച​ത്.

കു​ട്ടി​യു​ടെ ശ​രീ​ര​ത്തി​ല്‍ തു​ള​ച്ചു ക​യ​റി​യ സൂ​ചി​യി​ല്‍ ക​ട്ട​പി​ടി​ച്ച പ​ഴ​യ ര​ക്ത​മാ​ണ് ഉ​ണ്ടാ​യി​രു​ന്ന​തെ​ന്ന് സം​ഭ​വ​സ്ഥ​ല​ത്തെ പ്രാ​ഥ​മി​ക പ​രി​ശോ​ധ​ന​യി​ല്‍ ബോ​ധ്യ​പ്പെ​ട്ടി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ല്‍ കു​ട്ടി​ക്ക് സാ​ധാ​ര​ണ​ഗ​തി​യി​ല്‍ ഹെ​പ്പ​റ്റൈ​റ്റി​സ് ബി​യു​ടെ നേ​രി​യ രോ​ഗ​സാ​ധ്യ​ത ആ​ണ് ക​ല്‍​പ്പി​ക്കാ​ന്‍ ക​ഴി​യു​ന്ന​തെ​ങ്കി​ല്‍​പ്പോ​ലും ഉ​പ​രി പ​രി​ശോ​ധ​ന​യി​ലൂ​ടെ അ​ടി​യ​ന്തര​മാ​യി രോ​ഗ​പ്ര​തി​രോ​ധ സം​വി​ധാ​നം ഉ​റ​പ്പു​വ​രു​ത്തു​ന്ന​തി​നു​ള്ള ന​ട​പ​ടി സ്വീ​ക​രി​ച്ചി​ട്ടു​ള്ള​താ​യും ര​ക്ത പ​രി​ശോ​ധ​ന​യി​ല്‍ ഹെ​പ്പ​റ്റൈ​റ്റി​സ് ബി ​പ്ര​തി​രോ​ധ കു​ത്തി​വെ​പ്പ് മു​ഖേ​ന കു​ട്ടി​യു​ടെ പ്ര​തി​രോ​ധ സം​വി​ധാ​നം തൃ​പ്തി​ക​ര​മാ​ണെ​ന്നും സ്ഥി​രീ​ക​രി​ച്ചി​ട്ടു​ണ്ട്.