കായംകുളം: കാപ്പ നിയമപ്രകാരം കുപ്രസിദ്ധ ഗുണ്ടയെ അറസ്റ്റ് ചെയ്ത് കരുതല്‍ തടങ്കലിലാക്കി. കായംകുളം പെരിങ്ങാല ദേശത്തിനകം ഷെഫീഖ് മന്‍സിലില്‍ ഷെഫീഖി(ഓതറ ഷെഫീഖ്-30)നെയാണ് കാപ്പാ നിയമപ്രകാരം അറസ്റ്റ് ചെയ്ത് തിരുവനന്തപുരം സെന്‍ട്രല്‍ ജയിലിലടച്ചത്.
കായംകുളം, വെണ്‍മണി, നൂറനാട്, കൊല്ലം ഈസ്റ്റ് പോലീസ് സ്റ്റേഷന്‍ പരിധികളില്‍ നരഹത്യാശ്രമം, പിടിച്ചുപറി, വാഹനമോഷണം, ഉള്‍പ്പെടെയുള്ള കേസുകളില്‍ തുടര്‍ച്ചയായി ഉള്‍പ്പെട്ടതിനെതുടര്‍ന്ന് ജില്ലാ പോലീസ് മേധാവി നല്‍കിയ ശുപാര്‍ശ അംഗീകരിച്ചാണ് ജില്ലാ കളക്ടര് അലക്‌സ് വര്‍ഗീസ ഇയാളെ ആറു മാസക്കാലത്തേക്ക് കരുതല്‍ തടങ്കല്‍ ഉത്തരവ് പുറപ്പെടുവിച്ചത്. വരും ദിവസങ്ങളില്‍ കാപ്പാ നിയമപ്രകാരം സാമൂഹിക വിരുദ്ധര്‍ക്കെതിരേ കൂടുതല്‍ ശക്തമായ നടപടികള്‍ ഉണ്ടാവുമെന്ന് കായംകുളം പോലീസ് അറിയിച്ചു.