മാന്നാര്‍: ബഹിരാകാശ ദിനത്തില്‍ ചാന്ദ്രമനുഷ്യന്‍ എത്തിയത് വിദ്യാര്‍ഥികളില്‍ കൗതുകമുണര്‍ത്തി. ഇന്ത്യയുടെ ചാന്ദ്രയാന്‍-മൂന്ന് ചാന്ദ്രോപരിതലത്തെ തൊട്ടതിന്‍റെ ഒന്നാം വാര്‍ഷിക ദിനത്തിലായിരുന്നു ചാന്ദ്രമനുഷ്യന്‍ എത്തിയത്. മാന്നാര്‍ ഭുവനേശ്വരി സ്‌കൂള്‍, മുട്ടേല്‍ എംഡിഎല്‍പിഎസ് എന്നിവിടങ്ങളിലാണ് ചാന്ദ്രമനുഷ്യന്‍ എത്തിയത്. മാന്നാര്‍ നാഷണല്‍ ഗ്രന്ഥശാലയും ശാസ്ത്ര സാഹിത്യ പരിഷത്തും ചേര്‍ന്നാണ് പരിപാടി സംഘടിപ്പിച്ചത്. നാഷണല്‍ ഗ്രന്ഥശാല സെക്രട്ടറി എല്‍.പി. സത്യപ്രകാശ്, പരിഷത്ത് മേഖല സെക്രട്ടറി പി.കെ. ശിവന്‍കുട്ടി, സ്‌കൂള്‍ മാനേജര്‍ പ്രദീപ് ശാന്തിസദൻ എന്നിവര്‍ നേതൃത്വം ന്നല്‍കി.