ചേർത്തല: കഞ്ഞിക്കുഴി ബ്ലോക്ക് പഞ്ചായത്തിന്‍റെ നേതൃത്വത്തിൽ ഭിന്നശേഷി കുട്ടികളുടെ കലാമേള വർണോത്സവം-2024ന്‍റെ സമാപനസമ്മേളനവും സമ്മാനദാനവും ജില്ലാ പഞ്ചായത്ത് വൈസ് പ്രസിഡന്‍റ് എൻ.എസ്. ശിവപ്രസാദ് നിർവഹിച്ചു.
ബ്ലോക്ക് പഞ്ചായത്ത് ഹാളിൽ നടന്ന സമ്മേളനത്തിൽ ബ്ലോക്ക് പഞ്ചായത്ത് പ്രസിഡന്‍റ് വി.ജി മോഹനൻ അധ്യക്ഷത വഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അനിത തിലകൻ, ചേർത്തല തെക്ക് പഞ്ചായത്ത് പ്രസിഡന്‍റ് സിനിമോൾ സാംസൺ, കഞ്ഞിക്കുഴി പഞ്ചായത്ത് പ്രസിഡന്‍റ് ഗീതാ കാർത്തികേയൻ, മാരാരിക്കുളംവടക്ക് പഞ്ചായത്ത് പ്രസിഡന്‍റ് കെ. സുദർശനാഭായി, തണ്ണീർമുക്കം പഞ്ചായത്ത് പ്രസിഡന്‍റ് ജി. ശശികല, കഞ്ഞിക്കുഴി ബ്ലോക്ക് പഞ്ചായത്ത് സെക്രട്ടറി സി.വി. സുനിൽ, പ്രവദ പീറ്റർ, ആശാലത, സുധാ സുരേഷ് എന്നിവർ പ്രസംഗിച്ചു.