ചേര്ത്തല: ചരിത്രപ്രസിദ്ധ മരിയന്-ചാവറ തീര്ഥാടനകേന്ദ്രമായ പള്ളിപ്പുറം ഫൊറോന പള്ളിയില് പരിശുദ്ധ ദൈവമാതാവിന്റെ സ്വര്ഗാരോപണ കൊംബ്രേരിയ തിരുനാളിനോടനുബന്ധിച്ച് എട്ടാമിടം തിരുനാള് ഇന്ന് ആഘോഷിക്കും.
ഇന്നു രാവിലെ ആറിനും ഏഴിനും വിശുദ്ധ കുര്ബാന. വൈകുന്നേരം അഞ്ചിന് ജപമാല, ആഘോഷമായ പാട്ടുകുര്ബാന. ഫാ.അരുണ് കൊച്ചേക്കാടന് സിഎംഐ മുഖ്യകാര്മികത്വം വഹിക്കും. ഫാ.ജോമോന് ശങ്കുരിക്കല് വചനസന്ദേശം നല്കും. തുടര്ന്ന് പ്രദക്ഷിണം, കൊടിയിറക്കല്, പ്രസുദേന്തിയെ ആദരിക്കല്. പ്രസുദേന്തി ഔസേഫ് തോമസ് ആലുംചുവട്ടില് നന്ദിപറയും.