ഹരിപ്പാട്: കാലപ്പഴക്കത്താൽ ജീർണാവസ്ഥയിലായ ആറാട്ടുപുഴ കിഴക്കേക്കര ചക്കിലിക്കടവ് വേലശേരി മണ്ണേൽ ജലസംഭരണി പൊളിച്ചുനീക്കി. അപകടാവസ്ഥയിലായ ജല സംഭരണി പ്രദേശവാസികൾക്ക് ഭീഷണിയായിരുന്നു.
അരനൂറ്റാണ്ടോളം പഴക്കമുളള സംഭരണി ആറുവർഷത്തിലേറെയായി ഉപയോഗിച്ചിരുന്നില്ല. സംഭരണിയുടെ കോൺക്രീറ്റ് കാലുകൾ പൊട്ടിയിളകി കമ്പികൾ പുറത്തുകാണുന്ന നിലയിലായിരുന്നു. മുകൾഭാഗത്തുനിന്ന് സിമന്‍റ് പാളികൾ അടർന്നുവീഴാറുമുണ്ടായിരുന്നു. മുപ്പതോളം കുടുംബങ്ങൾ സമീപത്തായി താമസിക്കുന്നുണ്ട്. സംഭരണിയോടു ചേർന്നാണ് ആളുകൾ സഞ്ചരിച്ചിരുന്നത്. പഞ്ചായത്ത് മുൻകൈയെടുത്താണ് പൊളിച്ചുമാറ്റാനുളള നടപടികൾ സ്വീകരിച്ചത്.