കായംകുളം: ബന്ദിപ്പൂ വിളവെടുത്ത് ഓണത്തെ വരവേൽക്കാൻ ഒരുങ്ങുകയാണ് മുതുകുളം പഞ്ചായത്തിലെ തൊഴിലുറപ്പു തൊഴിലാളികൾ. പഞ്ചായത്തിലെ ഒൻപതാം വാർഡിൽ തൊഴിലുറപ്പ് പദ്ധതിയിൽ ഉൾപ്പെടുത്തി കൃഷി ചെയ്ത ബന്ദിപ്പൂകൃഷിയുടെ വിളവെടുപ്പ് ആണ് നടന്നത്. മഞ്ഞയും ഓറഞ്ചും നിറത്തിലുള്ള ബന്ദിപ്പൂക്കൾ ഓണത്തിന് ‘ഒരുകുട്ട പൂവ്’ എന്ന പദ്ധതിയുടെ ഭാഗമായാണ് കൃഷി ചെയ്തത്. വിളവെടുപ്പ് ഉദ്ഘാടനം മുതുകുളം പഞ്ചായത്ത് പ്രസിഡന്റ് കെ.വി. ജ്യോതിപ്രഭ നിർവഹിച്ചു.