ചേര്ത്തല: സഹകരണമേഖലയില് നടക്കുന്ന തെറ്റായ പ്രവര്ത്തനങ്ങളില് മുഖം നോക്കാതെയുള്ള നടപടികളെടുക്കുമെന്ന് സഹകരണമന്ത്രി വി.എന്. വാസവന് പറഞ്ഞു. കടക്കരപ്പള്ളി സര്വീസ് സഹകരണബാങ്ക് ശതാബ്ദി ആഘോഷങ്ങളുടെ ഭാഗമായി നവീകരിച്ച ബാങ്ക് ആസ്ഥാനമന്ദിര ഉദ്ഘാടനം നിര്വഹിക്കുകയായിരുന്നു അദ്ദേഹം.
സഹകരണമേഖലയ്ക്കെതിരേ സംഘടിതമായി നടക്കുന്ന അക്രമങ്ങള്ക്കു പിന്നില് വലിയ ഗൂഡാലോചന തന്നെയുണ്ട്. ഒറ്റപ്പെട്ട തെറ്റായ പ്രവര്ത്തനങ്ങളുടെ പേരില് സഹകരണമേഖലയെ അടിമുടി ഇല്ലാതാക്കുന്ന തരത്തില് പ്രചാരണം നടത്തുന്നവര് സഹകരണ പ്രസ്ഥാനം നടത്തുന്ന നന്മകളെ കാണാതെ പോകരുത്.
വയനാട് അടക്കമുള്ള ദുരന്തമുഖത്ത് സര്ക്കാര് ദുരന്തബാധിതര്ക്കു നല്കിയ ആനുകൂല്യങ്ങള് പോലും കൊള്ളയടിക്കുന്ന ധനകാര്യ സ്ഥാപനങ്ങള്ക്കിടയില് ആശ്വാസമായ പ്രവര്ത്തനം നടത്തിയത് സഹകരണ പ്രസ്ഥാനങ്ങളാണെന്നും മന്ത്രി വി.എന്. വാസവന് പറഞ്ഞു. സമ്മേളനത്തില് മന്ത്രി പി. പ്രസാദ് അധ്യക്ഷനായി. സ്മരണികാ പ്രകാശനം മന്ത്രി സജി ചെറിയാന് നിര്വഹിച്ചു. സ്ട്രോംഗ്റൂം ആര്. നാസറും സേഫ് ഡിപ്പോസിറ്റ് ലോക്കല് കെഎസ്ഡിപി ചെയര്മാന് സി.ബി. ചന്ദ്രബാബുവും റേഷന് കടമുറി ജില്ലാ പഞ്ചായത്ത് വൈസ് പ്രസിഡന്റ് എന്.എസ്. ശിവപ്രസാദും ഉദ്ഘാടനം ചെയ്തു. വി.ജി. മോഹനന്, ജയിംസ് ചിങ്കുതറ, വി.കെ. സുബിന, പി. സുനില്കുമാര് തുടങ്ങിയവര് പ്രസംഗിച്ചു.