കായംകുളം: മതവിദ്വേഷം വളർത്തുന്ന രീതിയിൽ പ്രസംഗിച്ചെന്ന പരാതിയിൽ എസ്എൻഡിപി യൂണിയൻ സെക്രട്ടറിക്കെതിരേ പോലീസ് കേസെടുത്തു.
കായംകുളം എസ്എൻഡിപി യൂണിയൻ സെക്രട്ടറിയും ബിഡിജെഎസ് നേതാവുമായ പ്രദീപ് ലാലിനെതിരെയാണ് കേസെടുത്തത്. കഴിഞ്ഞദിവസം ശാഖ യോഗങ്ങളിൽ നടത്തിയ പ്രസംഗത്തിന്റെ വീഡിയോ സമൂഹ മാധ്യമങ്ങളിലൂടെ പുറത്ത് വന്നിരുന്നു. ഇതേ തുടർന്ന് മുസ്ലിം ഐക്യവേദി ഉൾപ്പെടെ നിരവധി സംഘടനകൾ നൽകിയ പരാതിയെത്തുടർന്നാണ് കേസെടുത്തത്. കഴിഞ്ഞ നിയമസഭ തെരഞ്ഞെടുപ്പിലെ കായംകുളത്തെ എൻഡിഎ സ്ഥാനാർഥിയായിരുന്നു പ്രദീപ് ലാൽ.