വ​യോ​ധി​ക​നെ ക്രൂ​ര​മാ​യി ആ​ക്ര​മി​ച്ച കേ​സി​ൽ ഒ​രാ​ൾ ക​സ്റ്റ​ഡി​യി​ൽ
Thursday, July 11, 2024 5:34 AM IST
പു​ൽ​പ്പ​ള്ളി: സാ​ന്പ​ത്തി​ക ഇ​ട​പാ​ടു​മാ​യി ബ​ന്ധ​പ്പെ​ട്ട ത​ർ​ക്ക​ത്തെ​ത്തു​ട​ർ​ന്ന് വ​യോ​ധി​ക​നെ ക്രൂ​ര​മാ​യി ആ​ക്ര​മി​ച്ച സം​ഭ​വ​ത്തി​ൽ പോ​ലീ​സ് വ​ധ​ശ്ര​മ​ത്തി​നു കേ​സെ​ടു​ത്തു. ഒ​രാ​ളെ ക​സ്റ്റ​ഡി​യി​ലെ​ടു​ത്തു. പെ​രി​ക്ക​ല്ലൂ​ർ ചാ​ത്തം​കോ​ട്ട് ജോ​സ​ഫി​ന്‍റെ(​ജോ​ബി​ച്ച​ൻ-60)​മൊ​ഴി​യി​ൽ ഇ​തേ നാ​ട്ടു​കാ​ര​ൻ പു​തു​ശേ​രി റോ​ജി​യെ​യാ​ണ്(45) പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്.

സ്കൂ​ട്ട​റി​ൽ സ​ഞ്ചി​രി​ച്ച ത​ന്നെ റോ​ജി​യും സ​ഹാ​യി​യും ഓം​നി വാ​ൻ ഉ​പ​യോ​ഗി​ച്ചു ഇ​ടി​ച്ചു​വീ​ഴ്ത്തു​ക​യും ക്രൂ​ര​മാ​യി മ​ർ​ദി​ക്കു​ക​യും ചെ​യ്തു​വെ​ന്നാ​ണ് ജോ​ബി​ച്ച​ന്‍റെ മൊ​ഴി. ഇ​ട​തു​കാ​ലി​ന്‍റെ പാ​ദ​ത്തി​ന് മു​ക​ളി​ലു​ള്ള ഭാ​ഗ​ത്തു ഗു​രു​ത​ര പ​രി​ക്കേ​റ്റ ജോ​ബി​ച്ച​ൻ മേ​പ്പാ​ടി അ​ര​പ്പ​റ്റ​യി​ലെ സ്വ​കാ​ര്യ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

ബു​ധ​നാ​ഴ്ച രാ​വി​ലെ പെ​രി​ക്ക​ല്ലൂ​ർ ടൗ​ണി​നു സ​മീ​പ​മാ​ണ് കേ​സി​ന് ആ​സ്പ​ദ​മാ​യ സം​ഭ​വം. വാ​ഹ​നം മ​റി​ഞ്ഞ് പ​രി​ക്കേ​റ്റ ഒ​രാ​ൾ വീ​ടി​നു സ​മീ​പം കി​ട​ക്കു​ന്ന​താ​യി റോ​ജി​യാ​ണ് പോ​ലീ​സി​ൽ അ​റി​യി​ച്ച​ത്. പോ​ലീ​സ് എ​ത്തി​യ​പ്പോ​ൾ ര​ക്തം​വാ​ർ​ന്ന് അ​വ​ശ​നി​ല​യി​ലാ​യി​രു​ന്നു ജോ​ബി​ച്ച​ൻ.


സം​ഭ​വ​സ്ഥ​ല​ത്തു​നി​ന്നു റോ​ജി​യെ ക​സ്റ്റ​ഡി​യി​ലെ​ടു​ത്ത പോ​ലീ​സാ​ണ് ജോ​ബി​ച്ച​നെ ആ​ശു​പ​ത്രി​യി​ൽ എ​ത്തി​ച്ച​ത്.​ എ​സ്ഐ എ​ച്ച്. ഷാ​ജ​ഹാ​ന്‍റെ നേ​തൃ​ത്വ​ത്തി​ലാ​ണ് കേ​സ് അ​ന്വേ​ഷ​ണം. റോ​ജി​യു​ടെ സ​ഹാ​യി​യെ ക​ണ്ടെ​ത്താ​നു​ള്ള ശ്ര​മ​ത്തി​ലാ​ണ് പോ​ലീ​സ്.

ജോ​ബി​ച്ച​നും റോ​ജി​യും നേ​ര​ത്തേ സു​ഹൃ​ത്തു​ക്ക​ളാ​യി​രു​ന്നു. ജോ​ബി​ച്ച​ന്‍റെ വ​സ്തു ഈ​ടു​വ​ച്ച് റോ​ജി കെഎ​സ്എ​ഫ്ഇ​യി​ൽ​നി​ന്നു വാ​യ്പ​യെ​ടു​ത്തി​രു​ന്നു. പ​ണ​വും കൈ​പ്പ​റ്റി​യി​രു​ന്നു. സാ​ന്പ​ത്തി​ക ഇ​ട​പാ​ടു​മാ​യി ബ​ന്ധ​പ്പെ​ട്ട് ഇ​രു​വ​രും ക​ഴി​ഞ്ഞ ദി​വ​സം വ​ഴ​ക്ക​ടി​ച്ച​താ​യി പോ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്.