ഇ​രു​ളം മി​ച്ച​ഭൂ​മി: പ​ട്ടി​ക​ജാ​തി കു​ടും​ബ​ങ്ങ​ളു​ടെ കാ​ത്തി​രി​പ്പി​നു വി​രാ​മം
Wednesday, July 10, 2024 6:29 AM IST
ക​ൽ​പ്പ​റ്റ: ഇ​രു​ളം മി​ച്ച​ഭൂ​മി​യി​ൽ അ​നു​വ​ദി​ച്ച സ്ഥ​ല​ത്ത് പ്ര​വേ​ശി​ക്കാ​ൻ ക​ഴി​യാ​തെ​പോ​യ പ​ട്ടി​ക​ജാ​തി കു​ടും​ബ​ങ്ങ​ളു​ടെ ഭൂ​പ്ര​ശ്ന​ത്തി​നു പ​രി​ഹാ​രം. ഇ​രു​ള​ത്ത് ഭൂ​മി കി​ട്ടാ​തി​രു​ന്ന 18 പ​ട്ടി​ക​ജാ​തി കു​ടും​ബ​ങ്ങ​ൾ​ക്ക് കി​ട​ങ്ങ​നാ​ട് വി​ല്ലേ​ജി​ലെ ചെ​ത​ല​ത്ത് 20 സെ​ന്‍റ് വീ​തം ഭൂ​മി ല​ഭി​ക്കും. കി​ട​ങ്ങ​നാ​ട് ബ്ലോ​ക്ക് 13ൽ ​റീ​സ​ർ​വേ 60ൽ​പ്പെ​ട്ട ഭൂ​മി​യാ​ണ് 18 കു​ടും​ബ​ങ്ങ​ൾ​ക്കു പ​തി​ച്ചു ന​ൽ​കു​ക. ഓ​രോ കു​ടും​ബ​ത്തി​നു​മു​ള്ള പ്ലോ​ട്ട് ക​ഴി​ഞ്ഞ ദി​വ​സം ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ൽ ന​റു​ക്കെ​ടു​പ്പി​ലൂ​ടെ നി​ർ​ണ​യി​ച്ചു.

ജി​ല്ലാ ക​ള​ക്ട​റു​ടെ 2020ലെ ​റി​പ്പോ​ർ​ട്ട് ഉ​ൾ​പ്പെ​ടെ പ​രി​ശോ​ധി​ച്ച് ചെ​ത​ല​യ​ത്ത് വ​നം​വ​കു​പ്പി​ന്‍റെ കൈ​വ​ശ​ത്തി​ലാ​യി​രു​ന്ന മി​ച്ച​ഭൂ​മി റ​വ​ന്യു ഭൂ​മി​യാ​യി നി​ല​നി​ർ​ത്തി പ​ട്ടി​ക​ജാ​തി​യി​ൽ​പ്പെ​ട്ട 19 പേ​ർ​ക്ക് പ​തി​ച്ചു​ന​ൽ​കാ​ൻ സ​ർ​ക്കാ​ർ നേ​ര​ത്തേ ഉ​ത്ത​ര​വാ​യി​രു​ന്നു. എ​ന്നാ​ൽ ഇ​ത് ന​ട​പ്പാ​ക്കാ​ൻ വൈ​കി. മ​തി​യാ​യ രേ​ഖ​ക​ളു​ടെ പി​ൻ​ബ​ല​മി​ല്ലാ​തെ വ​നം വ​കു​പ്പ് ഉ​ന്ന​യി​ച്ച അ​വ​കാ​ശ​വാ​ദ​മാ​ണ് ഭൂ ​വി​ത​ര​ണ​ത്തി​നു ത​ട​സ​മാ​യ​ത്.

അ​ത് നീ​ങ്ങി​യ​തോ​ടെ​യാ​ണ് ഭൂ​മി പ​തി​ച്ചു​ന​ൽ​കു​ന്ന​തി​നു വ​ഴി​യൊ​രു​ങ്ങി​യ​ത്. ചെ​ത​ല​യ​ത്ത് ഭൂ​മി​ക്ക് അ​വ​കാ​ശ​മു​ള്ള​തി​ൽ ഒ​രാ​ൾ മ​ര​ണ​പ്പെ​ട്ടി​രു​ന്നു. എ​ട്ട് പ​ട്ടി​ക​വ​ർ​ഗ കു​ടും​ബ​ങ്ങ​ൾ​ക്കും ചെ​ത​ല​യ​ത്ത് ഭൂ​മി അ​നു​വ​ദി​ച്ചി​ട്ടു​ണ്ട്.

1970ൽ ​പ​ഴ​യ പൂ​താ​ടി വി​ല്ലേ​ജി​ലെ ക​ല്ലോ​ണി​ക്കു​ന്ന്, കോ​ട്ട​ക്കൊ​ല്ലി, മാ​ത​മം​ഗ​ലം പ്ര​ദേ​ശ​ങ്ങ​ളി​ൽ ക​ക്കോ​ട​ൻ മൂ​സ ഹാ​ജി​യി​ൽ​നി​ന്നു സ​ർ​ക്കാ​ർ പി​ടി​ച്ചെ​ടു​ത്ത 120 ഏ​ക്ക​റാ​ണ് ഇ​രു​ളം മി​ച്ച​ഭൂ​മി​യെ​ന്നു അ​റി​യ​പ്പെ​ടു​ന്ന​ത്. ഈ ​സ്ഥ​ലം ഭൂ​ര​ഹി​ത​ർ​ക്കു പ​തി​ച്ചു​ന​ൽ​കാ​ൻ 1976 മാ​ർ​ച്ച് 21നു ​സ​ർ​ക്കാ​ർ ഉ​ത്ത​ര​വാ​യി​രു​ന്നു.

പ​ട്ടി​ക​ജാ​തി-​വ​ർ​ഗ​ത്തി​ൽ​പ്പെ​ട്ട 62 കു​ടും​ബ​ങ്ങ​ൾ​ക്കു ഒ​രു ഏ​ക്ക​റും പൊ​തു വി​ഭാ​ഗ​ത്തി​ലെ 60 കു​ടും​ബ​ങ്ങ​ൾ​ക്കു അ​ര ഏ​ക്ക​റും വീ​തം ഭൂ​മി​യാ​ണ് അ​നു​വ​ദി​ച്ച​ത്. വൈ​കാ​തെ കൈ​വ​ശ​രേ​ഖ വി​ത​ര​ണം ന​ട​ത്തി​യെ​ങ്കി​ലും പ​ട്ടി​ക​ജാ​തി-​വ​ർ​ഗ കു​ടും​ബ​ങ്ങ​ൾ​ക്കു ഭൂ​മി​യി​ൽ പ്ര​വേ​ശി​ക്കാ​നാ​യി​ല്ല. പൊ​തു വി​ഭാ​ഗ​ത്തി​ൽ​പ്പെ​ട്ട​വ​ർ ഭൂ​മി കൈ​വ​ശം വ​യ്ക്കു​ന്ന സാ​ഹ​ച​ര്യ​ത്തി​ലാ​യി​രു​ന്നു ഇ​ത്.

ഭൂ​മി​യി​ൽ പ്ര​വേ​ശി​ക്കു​ന്ന​തി​ലെ ത​ട​സം ഒ​ഴി​വാ​ക്കാ​ൻ പ​ട്ടി​ക​ജാ​തി-​വ​ർ​ഗ കു​ടും​ബ​ങ്ങ​ൾ രൂ​പീ​ക​രി​ച്ച ആ​ക്‌​ഷ​ൻ കൗ​ണ്‍​സി​ൽ ഹൈ​ക്കോ​ട​തി​യെ സ​മീ​പി​ച്ചു.

നി​ല​വി​ലെ കൈ​വ​ശ​ക്കാ​രെ ഒ​ഴി​പ്പി​ച്ച് ഭൂ​മി അ​ർ​ഹ​രാ​യ പ​ട്ടി​ക​ജാ​തി-​വ​ർ​ഗ കു​ടും​ബ​ങ്ങ​ൾ​ക്കു ന​ൽ​ക​ണ​മെ​ന്നു 1990ൽ ​ഹൈ​ക്കോ​ട​തി സിം​ഗി​ൾ ബെ​ഞ്ച് വി​ധി​ച്ചു. ഇ​തി​നെ​തി​രേ 42 കൈ​വ​ശ കു​ടും​ബ​ങ്ങ​ൾ ന​ൽ​കി​യ അ​പ്പീ​ൽ 2006ൽ ​ഡി​വി​ഷ​ൻ ബെ​ഞ്ച് ത​ള്ളി​യെ​ങ്കി​ലും പ​ട്ടി​ക​ജാ​തി-​വ​ർ​ഗ കു​ടും​ബ​ങ്ങ​ൾ​ക്കു ഭൂ​മി ല​ഭി​ച്ചി​ല്ല.

ഇ​രു​ളം വി​ല്ലേ​ജി​ൽ ഭൂ​മി അ​നു​വ​ദി​ച്ച​തി​ൽ ആ​ദി​വാ​സി കു​ടും​ബ​ങ്ങ​ളെ പ​ട്ടി​ക​വ​ർ​ഗ വി​ക​സ​ന വ​കു​പ്പ് പി​ന്നീ​ട് വേ​റെ സ്ഥ​ലം ക​ണ്ടെ​ത്തി പു​ന​ര​ധി​വ​സി​പ്പി​ച്ചു. എ​ന്നാ​ൽ പ​ട്ടി​ക​ജാ​തി കു​ടും​ബ​ങ്ങ​ളു​ടെ കാ​ര്യ​ത്തി​ൽ തീ​രു​മാ​ന​മാ​യി​ല്ല. 2012ൽ ​ജി​ല്ലാ ഭ​ര​ണ​കൂ​ടം വി​ളി​ച്ചു​ചേ​ർ​ത്ത യോ​ഗ​ത്തി​ൽ ഇ​രു​ളം വി​ല്ലേ​ജി​ൽ അ​നു​വ​ദി​ച്ച​തി​നു പ​ക​രം ഭൂ​മി മ​തി​യെ​ന്ന നി​ല​പാ​ട് പ​ട്ടി​ക​ജാ​തി-​വ​ർ​ഗ ആ​ക്‌​ഷ​ൻ ക​മ്മി​റ്റി സ്വീ​ക​രി​ച്ചു.


ഇ​തേ​ത്തു​ട​ർ​ന്നു ജി​ല്ലാ ഭ​ര​ണ​കൂ​ടം ന​ട​ത്തി​യ പ​രി​ശോ​ധ​ന​യി​ലാ​ണ് ചെ​ത​ല​യ​ത്ത് വ​നം വ​കു​പ്പി​ന്‍റെ കൈ​വ​ശ​മു​ള്ള മി​ച്ച​ഭൂ​മി​യി​ൽ ഒ​രു ഭാ​ഗം പ​ട്ടി​ക​ജാ​തി കു​ടും​ബ​ത്തി​നു ന​ൽ​കു​ന്ന​തി​നു യോ​ജി​ച്ച​താ​ണെ​ന്നു ക​ണ്ടെ​ത്തി​യ​ത്.

കി​ട​ങ്ങ​നാ​ട് വി​ല്ലേ​ജി​ൽ ബ്ലോ​ക്ക് 13ൽ ​റീ​സ​ർ​വേ 60ൽ​പ്പെ​ട്ട​താ​ണ് ചെ​ത​ല​യം ഫോ​റ​സ്റ്റു​പാ​ള​യം എ​ന്ന​റി​യ​പ്പെ​ടു​ന്ന 25 ഏ​ക്ക​ർ മി​ച്ച​ഭൂ​മി. ഇ​തി​ൽ 4.4070 ഹെ​ക്ട​ർ ട്രൈ​ബ​ൽ സ്റ്റ​ഡീ​സ് ആ​ൻ​ഡ് റി​സ​ർ​ച്ച് സെ​ന്‍റ​ർ തു​ട​ങ്ങു​ന്ന​തി​ന് 2010 മാ​ർ​ച്ച് മൂ​ന്നി​നു കാ​ലി​ക്ക​ട്ട് യൂ​ണി​വേ​ഴ്സി​റ്റി​ക്കു പാ​ട്ട​ത്തി​നു ന​ൽ​കി​യി​രു​ന്നു.

അ​ക്കൊ​ല്ലം സെ​പ്റ്റം​ബ​ർ 13ന് 0.8323 ​ഏ​ക്ക​ർ പൊ​തു​ജ​നാ​രോ​ഗ്യ​കേ​ന്ദ്ര​ത്തി​നു കൈ​മാ​റി. ലൈ​ഫ് മി​ഷ​നു 0.2014 ഹെ​ക്ട​ർ 2017 ജൂ​ലൈ 17നു ​വി​ട്ടു​കൊ​ടു​ത്തു. അ​വ​ശേ​ഷി​ക്കു​ന്ന ഭൂ​മി​യി​ൽ വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ലെ കു​റി​ച്യാ​ട് റേ​ഞ്ച് ഓ​ഫീ​സ്, വ​നം ഉ​ദ്യോ​ഗ​സ്ഥ​രു​ടെ ക്വാ​ർ​ട്ടേ​ഴ്സു​ക​ൾ, ഫോ​റ​സ്റ്റ് ഇ​ൻ​സ്പെ​ക്ഷ​ൻ ബം​ഗ്ലാ​വ്, സ​ഞ്ചാ​രി​ക​ൾ​ക്കു​ള്ള അ​തി​ഥി മ​ന്ദി​രം എ​ന്നി​വ​യു​ണ്ട്.

ചെ​ത​ല​യ​ത്തെ ഭൂ​മി​യു​ടെ ഭാ​ഗം പ​ട്ടി​ക​ജാ​തി കു​ടും​ബ​ങ്ങ​ൾ​ക്കു ന​ൽ​കു​ന്ന​തി​നു റ​വ​ന്യു വ​കു​പ്പ് ന​ട​ത്തി​യ നീ​ക്ക​ങ്ങ​ൾ​ക്കെ​തി​രേ വ​നം-​വ​ന്യ​ജീ​വി വ​കു​പ്പ് രം​ഗ​ത്തു​വ​ന്നി​രു​ന്നു. സ്ഥ​ലം കാ​ടി​ന്‍റെ ഭാ​ഗ​മാ​ണെ​ന്ന വാ​ദം ഉ​ന്ന​യി​ച്ചാ​യി​രു​ന്നു ഇ​ത്. എ​ന്നാ​ൽ ഭൂ​മി വ​ന​ത്തി​ന്‍റെ ഭാ​ഗ​മാ​ണെ​ന്നു തെ​ളി​യി​ക്കു​ന്ന രേ​ഖ വ​നം​വ​കു​പ്പി​ന്‍റെ പ​ക്ക​ൽ ഉ​ണ്ടാ​യി​രു​ന്നി​ല്ല.

മു​ന്പ് കാ​ലി​ക്ക​ട്ട് യൂ​ണി​വേ​ഴ്സി​റ്റി​ക്കു ഭൂ​മി പാ​ട്ട​ത്തി​നു ന​ൽ​കി​യ​തി​നെ​യും പൊ​തു​ജ​നാ​രോ​ഗ്യ​കേ​ന്ദ്ര​ത്തി​നും മ​റ്റും സ്ഥ​ലം കൈ​മാ​റി​യ​തി​നെ​യും വ​കു​പ്പ് എ​തി​ർ​ത്തി​രു​ന്നി​ല്ല. ഈ ​സാ​ഹ​ച​ര്യ​ത്തി​ൽ വ​നം-​വ​ന്യ​ജീ​വി വ​കു​പ്പി​ന്‍റെ വാ​ദം ത​ള്ളി​യ റ​വ​ന്യു വ​കു​പ്പ് ഭൂ​മി​യി​ൽ നാ​ലേ​ക്ക​ർ പ​ട്ടി​ക​ജാ​തി കു​ടും​ബ​ങ്ങ​ൾ​ക്കു ന​ൽ​കു​ന്ന​തി​നു ന​ട​പ​ടി​ക​ളു​മാ​യി മു​ന്നോ​ട്ടു​പോ​യി. ഇ​തി​നി​ടെ പ്ര​ശ്നം വീ​ണ്ടും ഹൈ​ക്കോ​ട​തി​യി​ലെ​ത്തി.

ചെ​ത​ല​യം ആ​ക്‌​ഷ​ൻ ക​മ്മി​റ്റി​യാ​ണ് ഭൂ​മി പ​ട്ടി​ക​ജാ​തി കു​ടും​ബ​ങ്ങ​ൾ​ക്കു പ​തി​ച്ചു​ന​ൽ​കു​ന്ന​തി​നെ എ​തി​ർ​ത്തും സ്ഥ​ലം പൊ​തു​ആ​വ​ശ്യ​ത്തി​നും വി​നി​യോ​ഗി​ക്ക​ണ​മെ​ന്ന് ആ​വ​ശ്യ​പ്പെ​ട്ടും കോ​ട​തി​യെ സ​മീ​പി​ച്ച​ത്. ഹ​ർ​ജി പ​രി​ഗ​ണി​ച്ച കോ​ട​തി ഭൂ​മി വി​ത​ര​ണം സ്റ്റേ ​ചെ​യ്തു. പി​ന്നീ​ട് ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ ഇ​ട​പെ​ട്ട​തി​നെ​ത്തു​ട​ർ​ന്നാ​ണ് ചെ​ത​ല​യം ആ​ക്‌​ഷ​ൻ ക​മ്മി​റ്റി കേ​സ് പി​ൻ​വ​ലി​ച്ച​ത്.

Copyright @ 2022 , Rashtra Deepika Ltd.