ബി​സി​ന​സ് പ​ങ്കാ​ളി​യെ കു​ത്തി​ക്കൊ​ല​പ്പെ​ടു​ത്തി​യ കേ​സി​ല്‍ പ്ര​തി​ക്ക് ജീ​വ​പ​ര്യ​ന്തം ത​ട​വ്
Thursday, August 1, 2024 5:39 AM IST
മ​ഞ്ചേ​രി: ബി​സി​ന​സ് പ​ങ്കാ​ളി​യെ ക​ത്തി​ക്കൊ​ണ്ട് കു​ത്തി​ക്കൊ​ല​പ്പെ​ടു​ത്തി​യ കേ​സി​ല്‍ പ്ര​തി​ക്ക് മ​ഞ്ചേ​രി അ​ഡീ​ഷ​ണ​ല്‍ ജി​ല്ലാ സെ​ഷ​ന്‍​സ് കോ​ട​തി (ര​ണ്ട്) ജീ​വ​പ​ര്യ​ന്തം ത​ട​വി​നും 90000 രൂ​പ പി​ഴ​യ​ട​ക്കാ​നും ശി​ക്ഷി​ച്ചു. പെ​രി​ന്ത​ല്‍​മ​ണ്ണ ക​രി​ങ്ക​ല്ല​ത്താ​ണി മാ​ട്ട​റ​ക്ക​ല്‍ ചേ​ല​ക്കാ​ട​ന്‍ അ​ബൂ​ബ​ക്ക​റി (71) നെ​യാ​ണ് ജ​ഡ്ജ് എ.​വി. ടെ​ല്ല​സ് ശി​ക്ഷി​ച്ച​ത്. അ​ബൂ​ബ​ക്ക​റി​നൊ​പ്പം മ​ര​ക്ക​ച്ച​വ​ടം ചെ​യ്തു വ​രി​ക​യാ​യി​രു​ന്ന കു​ഞ്ഞി​മ​ര​ക്കാ​ര്‍ ആ​ണ് കൊ​ല്ല​പ്പെ​ട്ട​ത്.

2015 ജൂ​ണ്‍ 15ന് ​താ​ഴെ​ക്കോ​ട് മു​തു​ക്കും​പു​റം ഹം​സ​ക്കു​ട്ടി​യു​ടെ ചാ​യ​ക്ക​ട​യി​ല്‍ വ​ച്ചാ​ണ് സം​ഭ​വം. അ​ബൂ​ബ​ക്ക​റും കു​ഞ്ഞി​മ​ര​ക്കാ​രും ത​മ്മി​ല്‍ ക​ച്ച​വ​ട​ത്തി​ലെ പ​ണ​മി​ട​പാ​ട് സം​ബ​ന്ധ​മാ​യു​ണ്ടാ​യ ത​ര്‍​ക്കം കൊ​ല​പാ​ത​ക​ത്തി​ല്‍ ക​ലാ​ശി​ക്കു​ക​യാ​യി​രു​ന്നു. അ​ബൂ​ബ​ക്ക​ര്‍ അ​ര​യി​ല്‍ ക​രു​തി​യി​രു​ന്ന ക​ത്തി​ക്കൊ​ണ്ട് കു​ഞ്ഞി​മ​ര​ക്കാ​രെ കു​ത്തു​ക​യാ​യി​രു​ന്നു. ഉ​ട​ന്‍ നാ​ട്ടു​കാ​ര്‍ കു​ഞ്ഞി​മ​ര​ക്കാ​രെ പെ​രി​ന്ത​ല്‍​മ​ണ്ണ​യി​ലെ സ്വ​കാ​ര്യാ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു​വെ​ങ്കി​ലും ര​ക്ഷ​പ്പെ​ടു​ത്താ​നാ​യി​ല്ല.


തൊ​ട്ട​ടു​ത്ത ദി​വ​സം ത​ന്നെ അ​ബൂ​ബ​ക്ക​ര്‍ പെ​രി​ന്ത​ല്‍​മ​ണ്ണ പോ​ലീ​സി​ല്‍ കീ​ഴ​ട​ങ്ങി. പോ​ലീ​സ് ഇ​ന്‍​സ്പെ​ക്ട​റാ​യി​രു​ന്ന കെ.​എം. ബി​ജു​വാ​ണ് പ്ര​തി​യെ അ​റ​സ്റ്റ് ചെ​യ്ത​തും കേ​സ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ര്‍​പ്പി​ച്ച​തും. കൊ​ല്ല​പ്പെ​ട്ട കു​ഞ്ഞി​മ​ര​ക്കാ​റു​ടെ മ​ക​ന്‍ യാ​സി​ര്‍ ആ​ണ് പ​രാ​തി​ക്കാ​ര​ന്‍. പ​രാ​തി​ക്കാ​ര​ന്‍റെ പ്ര​ത്യേ​ക അ​പേ​ക്ഷ പ്ര​കാ​രം സ​ര്‍​ക്കാ​ര്‍ അ​ഡ്വ. പി.​പി. ബാ​ല​കൃ​ഷ്ണ​നെ കേ​സി​ല്‍ സ്പെ​ഷ​ല്‍ പ്രോ​സി​ക്യൂ​ട്ട​റാ​യി നി​യ​മി​ക്കു​ക​യാ​യി​രു​ന്നു.

കേ​സി​ല്‍ ആ​കെ​യു​ള്ള 34 സാ​ക്ഷി​ക​ളി​ല്‍ 22 പേ​രെ കോ​ട​തി​യി​ല്‍ വി​സ്ത​രി​ച്ചു. 27 രേ​ഖ​ക​ളും കൊ​ല​പ്പെ​ടു​ത്താ​നു​പ​യോ​ഗി​ച്ച ക​ത്തി​യ​ട​ക്കം ഒ​മ്പ​തു തൊ​ണ്ടി​മു​ത​ലു​ക​ളും കോ​ട​തി​യി​ല്‍ ഹാ​ജ​രാ​ക്കി. പ്രോ​സി​ക്യൂ​ഷ​ന്‍ ലെ​യ്സ​ണ്‍ വിം​ഗി​ലെ എ​സ്‌​സി​പി​ഒ അ​ബ്ദു​ള്‍​ഷു​ക്കൂ​ര്‍ പ്രോ​സി​ക്യൂ​ഷ​നെ സ​ഹാ​യി​ച്ചു. പ്ര​തി പി​ഴ​യ​ട​ക്കാ​ത്ത പ​ക്ഷം ര​ണ്ടു വ​ര്‍​ഷ​ത്തെ അ​ധി​ക ക​ഠി​ന ത​ട​വ് അ​നു​ഭ​വി​ക്ക​ണ​മെ​ന്നും പി​ഴ​യ​ട​ക്കു​ക​യാ​ണെ​ങ്കി​ല്‍ തു​ക പ​രാ​തി​ക്കാ​ര​നാ​യ യാ​സി​റി​ന് ന​ല്‍​ക​ണ​മെ​ന്നും കോ​ട​തി വി​ധി​ച്ചു.