മ​ഴ​യ്ക്ക് നേ​രി​യ ശ​മ​നം
Thursday, August 1, 2024 5:39 AM IST
മ​ല​പ്പു​റം: ര​ണ്ടു ദി​വ​സം തു​ട​ര്‍​ച്ച​യാ​യി പെ​യ്ത മ​ഴ​യ്ക്ക് ഇ​ന്ന​ലെ ജി​ല്ല​യി​ല്‍ നേ​രി​യ ശ​മ​നം. ജി​ല്ല​യി​ല്‍ ഇ​ന്ന​ലെ പ​ല സ്ഥ​ല​ങ്ങ​ളി​ലും മ​ഴ പെ​യ്തെ​ങ്കി​ലും ദു​രി​ത​ങ്ങ​ള്‍ കു​റ​വാ​യി​രു​ന്നു. അ​തേ​സ​മ​യം ക​ഴി​ഞ്ഞ​ദി​വ​സം പെ​യ്ത മ​ഴ​യി​ല്‍ വെ​ള്ള​ക്കെ​ട്ട് പ​ല​സ്ഥ​ല​ങ്ങ​ളി​ലു​മു​ണ്ട്.

ഭാ​ര​ത​പ്പു​ഴ​യി​ല്‍ ജ​ല​നി​ര​പ്പ് കു​റ​ഞ്ഞി​ട്ടി​ല്ല. ക​ട​ലു​ണ്ടി, ചാ​ലി​യാ​ര്‍ പു​ഴ​ക​ളി​ലും ജ​ല​വി​താ​ന​ത്തി​നു കു​റ​വ് വ​ന്നി​ട്ടി​ല്ല. താ​ഴ്ന്ന പ്ര​ദേ​ശ​ങ്ങ​ളി​ല്‍ ഇ​പ്പോ​ഴും വെ​ള്ള​ത്തി​ലാ​ണ്. വി​വി​ധ​യി​ട​ങ്ങ​ളി​ല്‍ ഗ​താ​ഗ​തം ത​ട​സ​പ്പെ​ട്ട​ത് പൂ​ര്‍​വ സ്ഥി​തി​യി​ലാ​യി​ട്ടി​ല്ല.

ഉ​രു​ള്‍​പൊ​ട്ട​ല്‍ ഭീ​തി​യി​ല്‍ ചാ​മ​ക്കു​ണ്ട് നി​വാ​സി​ക​ള്‍

ചെ​മ്മ​ല​ശേ​രി: പു​ലാ​മ​ന്തോ​ള്‍ പ​ഞ്ചാ​യ​ത്ത് 12-ാം വാ​ര്‍​ഡ് ചെ​മ്മ​ല​ശേ​രി കു​ണ്ട​റ​ക്ക​ല്‍​പ​ടി ചാ​മ​ക്കു​ണ്ട് നി​വാ​സി​ക​ള്‍ ക​ഴി​യു​ന്ന​ത് ഭീ​തി​യി​ല്‍. മ​ഴ ശ​ക്ത​മാ​യാ​ല്‍ ഉ​രു​ള്‍​പൊ​ട്ടു​മോ​യെ​ന്ന ഭീ​തി​യി​ലാ​ണ് ജ​ന​ങ്ങ​ള്‍. ക​ഴി​ഞ്ഞ ദി​വ​സം ഇ​വി​ടെ മ​ഴ​വെ​ള്ളം ശ​ക്ത​മാ​യി കു​ത്തി​യൊ​ലി​ച്ചെ​ത്തി​യി​രു​ന്നു.

രാ​ത്രി 12 മ​ണി​യോ​ടെ വ​ലി​യ ശ​ബ്ദ​ത്തോ​ടെ മ​ണ്ണും ചെ​ളി​യും ഉ​ള്‍​പ്പെ​ടെ​യാ​ണ് എ​ത്തി​യ​ത്. പ്ര​ദേ​ശ​വാ​സി​ക​ള്‍ ഭ​യ​ന്ന്നി​ല​വി​ളി​ച്ച​തോ​ടെ മ​റ്റു​ള്ള​വ​രും വീ​ടു​ക​ളി​ല്‍ നി​ന്നു പു​റ​ത്തി​റ​ങ്ങി. ചാ​മ​ക്കു​ണ്ട് ഭാ​ഗ​ത്ത് പ്ര​വ​ര്‍​ത്തി​ക്കു​ന്ന ക്വാ​റി​യി​ല്‍ കൂ​ട്ടി​യി​ട്ട മ​ണ്ണും ചെ​ളി​യും അ​ട​ക്കം ജ​ന​വാ​സ​മേ​ഖ​ല​യി​ലേ​ക്ക് കു​ത്തി​യൊ​ലി​ച്ചു എ​ത്തി​യ​താ​ണെ​ന്നും പ്ര​ദേ​ശം ഉ​രു​ള്‍​പൊ​ട്ട​ല്‍ ഭീ​ഷ​ണി​യി​ലാ​ണെ​ന്നും നാ​ട്ടു​കാ​ര്‍ പ​റ​ഞ്ഞു.

പാ​ലൂ​രി​ലെ ക​രി​ങ്ക​ല്‍ ക്വാ​റി​യു​ടെ പ്ര​വ​ര്‍​ത്ത​നം നി​ര്‍​ത്തി​വ​യ്ക്കാ​ന്‍ കാ​ര​ണം ഉ​രു​ള്‍​പൊ​ട്ടി​യ​ത് മൂ​ല​മാ​ണ്. കു​ത്തി​യൊ​ലി​ച്ചു വെ​ള്ള​മെ​ത്തി​യ​തി​നാ​ല്‍ ച​ക്കു​ങ്ക​ല്‍ ഫി​ലി​പി​ന്‍റെ വീ​ട്ടി​ല്‍ വെ​ള്ളം ക​യ​റു​ക​യും കൃ​ഷി​യും മ​റ്റും ന​ശി​ക്കു​ക​യും ചെ​യ്തു.

തു​ട​ര്‍​ന്ന് രാ​തി ഒ​രു​മ​ണി​യോ​ടെ കു​ള​ത്തൂ​ര്‍ പോ​ലീ​സും പ​ഞ്ചാ​യ​ത്ത് മെ​ന്പ​റും സ്ഥ​ല​ത്തെ​ത്തി പ്ര​ദേ​ശ​വാ​സി​ക​ളോ​ട് ഇ​വി​ടെ നി​ന്ന് മാ​റി താ​മ​സി​ക്കാ​ന്‍ നി​ര്‍​ദേ​ശി​ച്ചു. ചാ​മ​ക്കു​ണ്ടി​ല്‍ ജ​ന​വാ​സ​മേ​ഖ​ല​യോ​ട് ചേ​ര്‍​ന്ന് ക്വാ​റി പ്ര​വ​ര്‍​ത്തി​ക്കു​ന്ന​തി​നാ​ല്‍ സ​മീ​പ​ത്തെ വീ​ടു​ക​ള്‍​ക്ക് വി​ള്ള​ലു​ക​ള്‍ സം​ഭ​വി​ക്കു​ന്നു​ണ്ട്. ഇ​തു​മൂ​ലം വ​ന്‍ നാ​ശ​ന​ഷ്ട​മാ​ണ് സം​ഭ​വി​ക്കു​ന്ന​ത്.

ഇ​തി​നു പു​റ​മെ ക്വാ​റി​യി​ല്‍ വ​ന്‍ തോ​തി​ല്‍ മ​ണ്ണും മ​റ്റും കൂ​ട്ടി​യി​ട്ടി​രി​ക്കു​ന്ന​തും ഭീ​ഷ​ണി​യു​യ​ര്‍​ത്തു​ന്നു. മ​ഴ ശ​ക്തി പ്രാ​പി​ച്ച​തോ​ടെ ഭ​യാ​ശ​ങ്ക​യി​ലാ​ണ് ആ​ളു​ക​ള്‍ ഇ​വി​ടെ ക​ഴി​യു​ന്ന​ത്. ഇ​വി​ടെ​ത്തെ ക്വാ​റി​ക്കെ​തി​രേ നാ​ട്ടു​കാ​ര്‍ നി​ര​വ​ധി സ​മ​ര​ങ്ങ​ള്‍ ന​ട​ത്തി​യും ക​ള​ക്ട​ര്‍ ഉ​ള്‍​പ്പെ​ടെ​യു​ള്ള​വ​ര്‍​ക്ക് നി​വേ​ദ​ന​ങ്ങ​ള്‍ ന​ല്‍​കു​ക​യും ചെ​യ്തി​രു​ന്നു.

എ​ന്നി​ട്ടും ക്വാ​റി​യു​ടെ പ്ര​വ​ര്‍​ത്ത​നം തു​ട​രു​ക​യാ​ണ്. ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി​യാ​യ ക്വാ​റി​യു​ടെ പ്ര​വ​ര്‍​ത്ത​നം അ​വ​സാ​നി​പ്പി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.

പ​ഞ്ചാ​യ​ത്ത് പ്ര​സി​ഡ​ന്‍റ്, വി​ല്ലേ​ജ് ഓ​ഫീ​സ​ര്‍​മാ​ർ​എന്നിവരെ പോ​ലീ​സ് ത​ട​ഞ്ഞു

എ​ട​ക്ക​ര: ഉ​രു​ള്‍​പൊ​ട്ട​ല്‍ ര​ക്ഷാ​പ്ര​വ​ര്‍​ത്ത​ന​ങ്ങ​ള്‍ ന​ട​ക്കു​ന്ന മു​ണ്ടേ​രി ത​ല​പ്പാ​ലി​യി​ലേ​ക്ക് പോ​യ പോ​ത്തു​ക​ല്‍ പ​ഞ്ചാ​യ​ത്ത് പ്ര​സി​ഡ​ന്‍റി​നെ​യും വി​ല്ലേ​ജ് ഓ​ഫീ​സ​ര്‍​മാ​രെ​യും പോ​ലീ​സ് ത​ട​ഞ്ഞു. പ​ഞ്ചാ​യ​ത്ത് പ്ര​സി​ഡ​ന്‍റ് വി​ദ്യാ​രാ​ജ​ന്‍, മെ​ന്പ​ർ​മാ​ര്‍ എ​ന്നി​വ​ര​ട​ങ്ങി​യ സം​ഘ​ത്തെ​യും പോ​ത്തു​ക​ല്‍ വി​ല്ലേ​ജ് ഓ​ഫീ​സ​ര്‍​മാ​രാ​യ വി​നോ​ദ്, അ​ഷ്റ​ഫ് എ​ന്നി​വ​രെ​യു​മാ​ണ് നി​ല​മ്പൂ​ര്‍ ഡി​വൈ​എ​സ്പി മാ​ള​ക​ത്ത് വ​ച്ച് ത​ട​ഞ്ഞ​ത്. ഇ​ന്ന​ലെ രാ​വി​ലെ പ​തി​നൊ​ന്ന് മ​ണി​യേ​ടെ​യാ​ണ് പ്ര​സി​ഡ​ന്‍റും മ​റ്റ് അം​ഗ​ങ്ങ​ളും ത​ല​പ്പാ​ലി ഭാ​ഗ​ത്തേ​ക്ക് പ​ഞ്ചാ​യ​ത്തി​ന്‍റെ വാ​ഹ​ന​ത്തി​ല്‍ പോ​യ​ത്.

ഫാം ​ഗേ​റ്റി​ല്‍ ആ​ദ്യം ത​ട​ഞ്ഞു​വെ​ങ്കി​ലും പി​ന്നീ​ട് ഇ​വി​ടെ നി​ന്നു ഇ​വ​രെ വി​ട്ടു. എ​ന്നാ​ല്‍ ത​ല​പ്പാ​ലി ഭാ​ഗ​ത്തേ​ക്ക് തി​രി​യു​ന്ന റോ​ഡി​ല്‍ ഡി​വൈ​എ​സ്പി ഇ​വ​രെ ത​ട​യു​ക​യും ജ​ന​പ്ര​തി​നി​ധി​ക​ള്‍ വേ​റെ വാ​ഹ​ന​ത്തി​ല്‍ പോ​വു​ക​യു​മാ​യി​രു​ന്നു. ഭ​ക്ഷ​ണ​വും വെ​ള്ള​വു​മാ​യി തെ​ര​ച്ചി​ല്‍ ന​ട​ക്കു​ന്ന ഭാ​ഗ​ത്തേ​ക്ക് പോ​വു​ക​യാ​യി​രു​ന്ന പോ​ത്തു​ക​ല്‍ വി​ല്ലേ​ജ് ഓ​ഫീ​സ​ര്‍​മാ​ര്‍ ഐ​ഡി കാ​ര്‍​ഡ് കാ​ണി​ച്ചി​ട്ടു​പോ​ലും വി​ടാ​ന്‍ ഡി​വൈ​എ​സ്പി ത​യാ​റാ​യി​ല്ല.

മൃ​ത​ദേ​ഹ​ങ്ങ​ള്‍ കൊ​ണ്ടു​വ​രു​ന്ന വി​ത്തു​കൃ​ഷി​ത്തോ​ട്ട​ത്തി​ന്‍റെ ട്രാ​ക്ട​റി​ല്‍ ഭ​ക്ഷ​ണ​വും വെ​ള്ള​വും കൊ​ണ്ടു​പോ​കാ​നാ​ണ് ഇ​വ​രോ​ട് നി​ര്‍​ദേ​ശി​ച്ച​ത്. പി​ന്നീ​ട് മ​റ്റൊ​രു പോ​ലീ​സ് ഉ​ദ്യോ​ഗ​സ്ഥ​ന്‍ വി​ളി​ച്ചു​പ​റ​ഞ്ഞ ശേ​ഷ​മാ​ണ് ഇ​വ​രു​ടെ വാ​ഹ​നം ക​ട​ത്തി​വി​ട്ട​ത്. എ​ന്നാ​ല്‍ ര​ക്ഷാ​പ്ര​വ​ര്‍​ത്ത​ന​ത്തി​ന്‍റെ പേ​രി​ല്‍ പ്ര​ദേ​ശ​ത്ത് എ​ത്തി റീ​ല്‍​സും വീ​ഡി​യോ​യും ചി​ത്രീ​ക​രി​ക്കാ​നെ​ത്തി​യ വി​വി​ധ രാ​ഷ​ട്രീ​യ നേ​താ​ക്ക​ന്‍​മാ​രെ​യും പ്രാ​ദേ​ശി​ക നേ​താ​ക്ക​ളെ​യും വ്ളോ​ഗ​ര്‍​മാ​യെും ഒ​രി​ട​ത്തും ആ​രും ത​ട​ഞ്ഞി​ല്ലാ​യെ​ന്ന ആ​ക്ഷേ​പ​വു​മു​ണ്ട്.


"പു​ത്ത​ന​ങ്ങാ​ടി പ​രി​യാ​പു​രം റോ​ഡി​ലെ വെ​ള്ള​ക്കെ​ട്ട് പ​രി​ഹ​രി​ക്ക​ണം’

പു​ത്ത​ന​ങ്ങാ​ടി: പു​ത്ത​ന​ങ്ങാ​ടി പ​രി​യാ​പു​രം റോ​ഡി​ലെ വെ​ള്ള​ക്കെ​ട്ടി​ന് ശാ​ശ്വ​ത പ​രി​ഹാ​രം കാ​ണ​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു. സി​എം​സി കോ​ണ്‍​വെ​ന്‍റ്, സെ​ന്‍റ് തെ​രേ​സാ​സ് ന​ഴ്സ​റി സ്കൂ​ള്‍ എ​ന്നി​വി​ട​ങ്ങ​ളി​ലും സ​മീ​പ​ത്തെ വീ​ടു​ക​ളി​ലും സ്ഥാ​പ​ന​ങ്ങ​ളി​ലും മ​ഴ​ക്കാ​ല​ത്ത് വെ​ള്ള​ക്കെ​ട്ട് രൂ​പ​പ്പെ​ടു​ന്നു​വെ​ന്നാ​ണ് പ​രാ​തി.

ഒ​രു സ്വ​കാ​ര്യ​വ്യ​ക്തി​യു​ടെ പി​ടി​വാ​ശി മൂ​ല​മാ​ണി​തെ​ന്നാ​ണ് നാ​ട്ടു​കാ​ര്‍ ആ​രോ​പി​ക്കു​ന്ന​ത്. മു​ക​ളി​ല്‍ നി​ന്ന് വ​രു​ന്ന തോ​ട്ടി​ലെ വെ​ള്ളം സ​മീ​പ​ത്തെ കു​ള​ത്തി​ലേ​ക്കും തോ​ട്ടി​ലേ​ക്കും ഒ​ഴു​കി​പോ​കാ​നു​ള്ള പി​ഡ​ബ്ല്യു​ഡി ഓ​വു​പാ​ലം സ്വ​കാ​ര്യ​വ്യ​ക്തി അ​ദ്ദേ​ഹ​ത്തി​ന്റെ വീ​ടി​ന്‍റെ ഭാ​ഗ​ത്ത് കോ​ണ്‍​ക്രീ​റ്റ് ത​ട​യ​ണ കെ​ട്ടി ഉ​യ​ര്‍​ത്തി ത​ട​സ​പ്പെ​ടു​ത്തു​ക​യും റോ​ഡി​നോ​ട് ചേ​ര്‍​ന്ന് വാ​ട​ക ക്വാ​ര്‍​ട്ടേ​ഴ്സു​ക​ള്‍ സ്ഥാ​പി​ച്ച് വെ​ള്ള​ത്തി​ന്‍റെ ഒ​ഴു​ക്കി​നെ ത​ട​സ​പ്പെ​ടു​ത്തി​യ​തി​നാ​ലാ​ണ് എ​തി​ര്‍​വ​ശ​ത്തെ താ​ഴ്ന്ന പ്ര​ദേ​ശ​ങ്ങ​ളി​ല്‍ വെ​ള്ള​ക്കെ​ട്ട് രൂ​പ​പ്പെ​ടു​ന്ന​തെ​ന്നാ​ണ് നാ​ട്ടു​കാ​ര്‍ പ​റ​യു​ന്ന​ത്.

മ​ഴ​ക്കാ​ല​ത്ത് ത​ഹ​സി​ല്‍​ദാ​രും റ​വ​ന്യു ഉ​ദ്യോ​ഗ​സ്ഥ​രു​മെ​ത്തി ഈ ​കോ​ണ്‍​ക്രീ​റ്റ് മ​തി​ലു​ക​ള്‍ ജെ​സി​ബി ഉ​പ​യോ​ഗി​ച്ച് പൊ​ളി​ച്ചാ​ണ് പ്ര​ശ്ന​ത്തി​ന് താ​ല്‍​ക്കാ​ലി​ക പ​രി​ഹാ​രം കാ​ണു​ന്ന​ത്. എ​ന്നാ​ല്‍ ഇ​തു​സം​ബ​ന്ധി​ച്ച് കോ​ട​തി​യി​ല്‍ നി​ന്ന് സ്റ്റേ ​ഉ​ണ്ടെ​ന്ന് പ​റ​ഞ്ഞാ​ണ് സ്വ​കാ​ര്യ​വ്യ​ക്തി മ​ഴ​ക്കാ​ലം ക​ഴി​ഞ്ഞാ​ല്‍ ഇ​വി​ടെ കോ​ണ്‍​ക്രീ​റ്റ് ഭി​ത്തി പു​ന​ര്‍​നി​ര്‍​മി​ക്കു​ന്ന​ത്. ഈ ​പ്ര​വൃ​ത്തി കാ​ര​ണം എ​ല്ലാ​വ​ര്‍​ഷ​വും മ​ഴ​ക്കാ​ല​ത്ത് കോ​ണ്‍​വെ​ന്‍റി​ലും സ​മീ​പ​വീ​ടു​ക​ളി​ലും വെ​ള്ളം ഇ​ര​ച്ചെ​ത്തു​ന്നു.

ഇ​തു ഒ​ട്ടേ​റെ ദു​രി​ത​ങ്ങ​ള്‍​ക്കു കാ​ര​ണ​മാ​വു​ക​യാ​ണ്. വി​ഷ​യ​ത്തി​ല്‍ ക​ള​ക്ട​ര്‍, ആ​ര്‍​ഡി​ഒ, റ​വ​ന്യൂ വ​കു​പ്പി​ലെ മ​റ്റു ഉ​ദ്യോ​ഗ​സ്ഥ​ര്‍ എ​ന്നി​വ​ര്‍​ക്കു പ​ല​ത​വ​ണ നാ​ട്ടു​കാ​ര്‍ പ​രാ​തി ന​ല്‍​കി​യി​ട്ടു​ണ്ടെ​ങ്കി​ലും ശാ​ശ്വ​ത പ​രി​ഹാ​രം ഉ​ണ്ടാ​യി​ട്ടി​ല്ല. അ​തി​നാ​ല്‍ ഇ​തു​സം​ബ​ന്ധി​ച്ച് ഉ​ട​ന്‍ ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ര്‍ ക​ള​ക്ട​റോ​ട് ആ​വ​ശ്യ​പ്പെ​ട്ടു. ന​ട​പ​ടി​യി​ല്ലാ​ത്ത​പ​ക്ഷം പു​ത്ത​ന​ങ്ങാ​ടി​യി​ല്‍ ശ​ക്ത​മാ​യ പ്ര​ക്ഷോ​ഭ​ത്തി​നൊ​രു​ങ്ങു​മെ​ന്നു നാ​ട്ടു​കാ​ര്‍ മു​ന്ന​റി​യി​പ്പ് ന​ല്‍​കി.

വെ​ള്ള​പ്പൊ​ക്ക ബാ​ധി​ത പ്ര​ദേ​ശ​ങ്ങ​ള്‍ എം​എ​ല്‍​എ സ​ന്ദ​ര്‍​ശി​ച്ചു

കൊ​ള​ത്തൂ​ര്‍:​മൂ​ര്‍​ക്ക​നാ​ട് പ​ഞ്ചാ​യ​ത്തി​ലെ വെ​ള്ള​പ്പൊ​ക്ക ബാ​ധി​ത പ്ര​ദേ​ശ​ങ്ങ​ളാ​യ കീ​ഴ്മു​റി, മൂ​തി​ക്ക​യം റ​ഗു​ലേ​റ്റ​ര്‍ കം ​ബ്രി​ഡ്ജ് പ്ര​ദേ​ശം, പൂ​ഴി​പ്പൊ​റ്റ, വെ​ള്ള​പ്പൊ​ക്ക ബാ​ധി​ത പ്ര​ദേ​ശ​ങ്ങ​ളി​ല്‍ നി​ന്ന് ആ​ളു​ക​ളെ മാ​റ്റി​പ്പാ​ര്‍​പ്പി​ച്ച ക​ല്ല്‌​വെ​ട്ടു​കു​ഴി എം​ഐ​എം ഓ​ഡി​റ്റോ​റി​യം, പൊ​ട്ടി​ക്കു​ഴി​യി​ല്‍ വെ​ള്ളം ക​യ​റി​യ വീ​ടു​ക​ള്‍ എ​ന്നി​വ മ​ഞ്ഞ​ളാം​കു​ഴി അ​ലി എം​എ​ല്‍​എ സ​ന്ദ​ര്‍​ശി​ച്ചു.

കെ.​ടി. ഹം​സ, എം.​പി. മു​ജീ​ബ്, റാ​ഫി മൂ​ര്‍​ക്ക​നാ​ട്, വാ​ര്‍​ഡ് മെ​ന്പ​ര്‍ അ​ബ്ബാ​സ് വാ​തു​ക്കാ​ട്ടി​ല്‍, സ്റ്റാ​ന്‍​ഡിം​ഗ് ക​മ്മ​റ്റി ചെ​യ​ര്‍​മാ​ന്‍ സ​ക്കീ​ര്‍ ക​ള​ത്തി​ങ്ങ​ല്‍, അ​റ​ഫ ഉ​നൈ​സ്, ആ​ഷി​ഖ് പാ​താ​രി എ​ന്നി​വ​ര്‍ എം​എ​ല്‍​എ​യോ​ടൊ​പ്പ​മു​ണ്ടാ​യി​രു​ന്നു.

അ​ട​ക്കാ​ക്കു​ണ്ട് ചെ​ങ്ങ​ണം​കു​ന്ന് പ്ര​ദേ​ശം മ​ണ്ണി​ടി​ച്ചി​ല്‍ ഭീ​ഷ​ണി​യി​ല്‍

കാ​ളി​കാ​വ്: മ​ണ്ണി​ടി​ച്ചി​ല്‍ ഭീ​ഷ​ണി​യി​ല്‍ അ​ട​ക്കാ​ക്കു​ണ്ട് ചെ​ങ്ങ​ണം​കു​ന്ന് പ്ര​ദേ​ശം. സം​ര​ക്ഷ​ണ​ഭി​ത്തി​യും വീ​ടി​ന്‍റെ ത​റ​യും ഇ​ടി​ഞ്ഞ് മൂ​ന്ന് വീ​ടു​ക​ള്‍​ക്ക് നാ​ശം സം​ഭ​വി​ച്ചി​ട്ടു​ണ്ട്. പ്ര​ദേ​ശ​ത്ത് നി​ര​വ​ധി സ്ഥ​ല​ങ്ങ​ളി​ല്‍ വ​ലി​യ വി​ള്ള​ലു​ക​ള്‍ നേ​ര​ത്തെ ത​ന്നെ ഉ​ണ്ട്. പാ​റ​ക്കെ​ട്ടു​ക​ള്‍ നി​റ​ഞ്ഞ പ്ര​ദേ​ശം വ​ലി​യ ചെ​ങ്കു​ത്താ​യ കു​ന്നാ​ണ്. വെ​ള്ളി​ലാം​കു​ന്ന് സു​ര​യ്യ, ഐ​ക്ക​ര തെ​ക്കേ​ല്‍ ഉ​ഷ, വെ​ള്ളി​ലാം​കു​ന്ന് ഉ​മ്മു​സ​ല്‍​മ എ​ന്നി​വ​രു​ടെ വീ​ടു​ക​ള്‍​ക്കാ​ണ് മ​ണ്ണി​ടി​ച്ചി​ലി​ല്‍ ത​ക​രാ​റു​ക​ള്‍ സം​ഭ​വി​ച്ച​ത്.

ഉ​ഷ​യു​ടെ വീ​ടി​ന്‍റെ ത​റ ഇ​ടി​ഞ്ഞ് സു​ര​യ്യ​യു​ടെ വീ​ടി​ന്‍റെ ചു​മ​രി​ലേ​ക്ക് പ​തി​ച്ചു. ഉ​ഷ​യു​ടെ വീ​ട് ത​ക​ര്‍​ച്ചാ ഭീ​ഷ​ണി​യി​ലാ​ണ്. സു​ര​യ്യ​യു​ടെ വീ​ടി​ന്‍റെ സം​ര​ക്ഷ​ണ ഭി​ത്തി ഇ​ടി​ഞ്ഞ് ഉ​മ്മു​സ​ല്‍​മ​യു​ടെ വീ​ടി​ന് മു​ക​ളി​ല്‍ പ​തി​ച്ചി​രി​ക്കു​ക​യാ​ണ്. അ​ട​ക്കാ​ക്കു​ണ്ട് ചെ​ങ്ങ​ണം​കു​ന്ന് പ്ര​ദേ​ശ​ത്ത് നി​ര​വ​ധി കു​ടും​ബ​ങ്ങ​ള്‍ താ​മ​സി​ക്കു​ന്നു​ണ്ട്.

വ​ലി​യ പാ​റ​ക്കെ​ട്ടു​ക​ള്‍​ക്ക് മു​ക​ളി​ലാ​ണ് ഓ​രോ വീ​ടു​ക​ളും നി​ല​കൊ​ള്ളു​ന്ന​ത്. ക​ഴി​ഞ്ഞ ഏ​താ​നും വ​ര്‍​ഷ​ങ്ങ​ളാ​യി മ​ഴ​ക്കാ​ല​മാ​യാ​ല്‍ ഇ​വി​ടെ മ​ണ്ണി​ടി​ച്ചി​ലും വീ​ട് ത​ക​രു​ന്ന​തും നി​ത്യ​സം​ഭ​വ​മാ​ണ്. പ്ര​ദേ​ശം ജി​യോ​ള​ജി വ​കു​പ്പ് അ​ധി​കൃ​ത​ര്‍ പ​രി​ശോ​ധി​ക്ക​ണ​മെ​ന്ന ആ​വ​ശ്യം ഉ​യ​ര്‍​ന്നി​ട്ടു​ണ്ട്.