പേരൂര്‍ക്കട: വാഹനയാത്രികരുടെ നരകയാത്രയ്ക്കു വിരമമിട്ടുകൊണ്ട് അമ്പലമുക്ക് റോഡ് റീടാര്‍ ചെയ്തു. കഴിഞ്ഞദിവസമാണ് ടാറിംഗ് അധികൃതര്‍ പൂര്‍ത്തീകരിച്ചത്.
നീണ്ട രണ്ടുവര്‍ഷമായി 200 മീറ്ററോളം വരുന്ന റോഡ് തകര്‍ന്നു കിടക്കുകയായിരുന്നു. നിരന്തരമുള്ള പൈപ്പ് പൊട്ടലുകളാണ് റോഡിനെ തകര്‍ത്തത്. ഇടയ്ക്കിടെ കുഴിയടയ്ക്കല്‍ മഹാമഹം നടത്തിയെങ്കിലും ഫലപ്രദമായിരുന്നില്ല. എംസി റോഡില്‍നിന്ന് ഉള്‍പ്പെടെ നൂറുകണക്കിനു വാഹനങ്ങള്‍ കടന്നുപോകുന്നതിനാല്‍ റോഡിലെ കുഴികള്‍ വന്‍ ഗതാഗതക്കുരുക്ക് സൃഷ്ടിച്ചിരുന്നു. ചില അവസരങ്ങളില്‍ ഒരുകിലോമീറ്റര്‍ നീളുന്ന ഗതാഗതക്കുരുക്കും ദൃശ്യമായിരുന്നു. റീടാറിംഗ് പൂര്‍ത്തീകരിച്ചതോടെ അമ്പലമുക്ക് ജംഗ്ഷനിലെ വാഹനത്തിരക്കിന് അയവു വന്നിട്ടുണ്ട്.