നെടുമങ്ങാട് : അഖില കേരള വിശ്വകര്‍മ മഹാസഭ നെടുമങ്ങാട് താലൂക്ക് യൂണിയന്‍ സംഘടിപ്പിച്ച വിശ്വകര്‍മ്മ ജയന്തിദിനം മന്ത്രി ജി.ആര്‍. അനില്‍ ഉദ്ഘാടനം ചെയ്തു. യൂണിയന്‍ പ്രസിഡന്റ് എം.എല്‍. മോഹനകുമാര്‍ അധ്യക്ഷത വഹിച്ചു.
മികച്ച പ്രവര്‍ത്തനം കാഴ്ചവച്ച വിശ്വശ്രീ അംഗങ്ങളെ മുന്‍ നഗരസഭ ചെയര്‍മാന്‍ ചെറ്റച്ചല്‍ സഹദേവന്‍ ആദരിച്ചു. ആര്‍.എസ്. കണ്ണന്‍ സ്മാരക ഫണ്ട് കോണ്‍ഗ്രസ് ബ്ലോക്ക് പ്രസിഡന്റ് ടി. അര്‍ജുനന്‍ ഏറ്റുവാങ്ങി. കരമന പി. ബാലകൃഷ്ണന്‍ വിശ്വകര്‍മജയന്തി സന്ദേശം നല്‍കി. എ. ഹരികുമാര്‍, എ. വിനോദ്കുമാര്‍, പുലിപ്പാറ കൃഷ് ണന്‍, ശാന്താബാബു, പുത്തന്‍കുന്ന് ബിജു, കെ. സതീഷ്, സുകു പാല്‍ക്കുളങ്ങര തുടങ്ങിയവര്‍ സംസാരിച്ചു.