നെടുമങ്ങാട്: ലഹരിവസ്തുകളുടെ ഉപയോഗത്തിനെതിരെ ബോധവത്കരണവുമായി വിമല ഇംഗ്ലിഷ് വിദ്യാലയം സെമിനാർ സംഘടിപ്പിച്ചു. ആര്യനാട് റേഞ്ചിലെ അസിസ്റ്റന്റ് എക്സ്സൈസ് ഇൻസ്പെക്ടർ വി. ഗിരീഷ് സെമിനാർ നയിച്ചു. ലഹരിക്കെതിരെ വിദ്യാർഥികൾ നൃത്തശിൽപം അവതരിപ്പിച്ചു.
അഞ്ചു മുതൽ 10 വരെ ക്ലാസിൽ പഠിക്കുന്ന കുട്ടികൾ പങ്കെടുത്ത സെമിനാറിൽ മാനേജർ റവ.ഡോ. തോമസ് കുഴിനാപ്പുറത്ത്, പ്രിൻസിപ്പൽ ഫാ. ജേക്കബ് മാത്യു, സിസ്റ്റർ സെബിൻ ഡിഎം തുടങ്ങിയവർ സന്നിഹിതരായിരുന്നു . സെമിനാറിനു ശേഷം അധ്യാപകരും കുട്ടികളും ലഹരിവിരുദ്ധപ്രതിഞ്ജ ചൊല്ലി റാലി നടത്തി. സൂകൾ പരിസരത്തുള്ള വീടുകളിൽ ലഹരി വിരുദ്ധ ബോധവത്കരണം നടത്താനും തീരുമാനിച്ചു.