സമരക്കാരെ ഭീഷണിപ്പെടുത്തി ഉദയൻ ഗുഹ ഡോക്ടറുടെ മരണത്തിൽ പ്രതിഷേധം കനക്കുന്നതിനിടെ പ്രതിഷേധക്കാരെ ഭീഷണിപ്പെടുത്തി തൃണമൂൽ കോണ്ഗ്രസ് നേതാവ് ഉദയൻ ഗുഹ രംഗത്ത്. മമത ബാനർജിക്കെതിരേ വിരൽ ചൂണ്ടിയാൽ ആ വിരൽ ഒടിക്കുമെന്നായിരുന്നു ഉദയൻ ഗുഹയുടെ ഭീഷണി. പശ്ചിമബംഗാളിനെ മറ്റൊരു ബംഗ്ലാദേശായി മാറാൻ ഒരിക്കലും അനുവദിക്കില്ലെന്നും ഇയാൾ വീഡിയോയിൽ പറയുന്നുണ്ട്.
അതേസമയം, മെഡിക്കൽ കോളജ് വിദ്യാർഥികൾ നടത്തുന്ന പ്രതിഷേധം പതിനൊന്നാം ദിവസവും ബംഗാളിൽ ആശുപത്രി സേവനങ്ങൾ സ്തംഭിപ്പിച്ചു. ഈ മാസം ഒന്പതിനാണ് ആർജി കർ മെഡിക്കൽ കോളജിലെ സെമിനാർ ഹാളിൽനിന്നു വനിതാ ഡോക്ടറുടെ മൃതദേഹം കണ്ടെത്തുന്നത്.
സംഭവത്തിൽ സഞ്ജയ് റോയ് എന്നയാളെ പോലീസ് അറസ്റ്റ് ചെയ്തിരുന്നു. സംഭവത്തിൽ വ്യാപക പ്രതിഷേധമാണ് രാജ്യത്ത് ഉയർന്നത്. പ്രതിഷേധം കടുത്തതിന്റെ പശ്ചാത്തലത്തിൽ ആർജി കർ മെഡിക്കൽ കോളജ് മുൻ പ്രിൻസിപ്പൽ ഡോ. സന്ദീപ് ഘോഷ് രാജിവച്ചിരുന്നു. ഇയാളെ നാലാം ദിവസവും സിബിഐ ചോദ്യം ചെയ്തു.