ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: കോ​ൽ​ക്ക​ത്ത ആ​ർ​ജി ക​ർ മെ​ഡി​ക്ക​ൽ കോ​ള​ജി​ലെ ജൂ​ണി​യ​ർ ഡോ​ക്‌​ട​റെ ബ​ലാ​ത്സം​ഗം ചെ​യ്തു കൊ​ല​പ്പെ​ടു​ത്തി​യ​തി​ൽ പ്ര​തി​ഷേ​ധി​ക്കു​ന്ന ഡോ​ക്‌​ട​ർ​മാ​ർ ഇ​ന്നു വൈ​കു​ന്നേ​രം അ​ഞ്ചി​ന​കം ജോ​ലി​യി​ൽ പ്ര​വേ​ശി​ക്ക​ണ​മെ​ന്നു സു​പ്രീം​കോ​ട​തി.

ജോ​ലി പു​ന​രാ​രം​ഭി​ച്ചാ​ൽ സ​മ​ര​ക്കാ​ർ​ക്കെ​തി​രേ പ്ര​തി​കാ​ര​ന​ട​പ​ടി​ക​ൾ ഉ​ണ്ടാ​ക​രു​തെ​ന്നും ആ​ശു​പ​ത്രി​ക്കും ഡോ​ക്‌​ട​ർ​മാ​ർ​ക്കും മ​തി​യാ​യ സു​ര​ക്ഷ ഉ​റ​പ്പാ​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.

ബ​ലാ​ത്സം​ഗ​ത്തി​നി​ര​യാ​യി കൊ​ല്ല​പ്പെ​ട്ട യു​വ വ​നി​താ ഡോ​ക്‌​ട​റു​ടെ ഫോ​ട്ടോ​ക​ൾ സ​മൂ​ഹ​മാ​ധ്യ​മ​ങ്ങ​ളി​ൽ​നി​ന്ന് ഉ​ട​ൻ നീ​ക്കം ചെ​യ്യാ​നും സു​പ്രീം​കോ​ട​തി നി​ർ​ദേ​ശി​ച്ചു. കേ​സി​ൽ പു​തി​യ ത​ത്‌സ്ഥി​തി റി​പ്പോ​ർ​ട്ട് സ​മ​ർ​പ്പി​ക്കാ​ൻ സി​ബി​ഐ​യോ​ട് ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് ആ​വ​ശ്യ​പ്പെ​ട്ടു.

വ​നി​താ ഡോ​ക്‌​ട​റു​ടെ പോ​സ്റ്റ്മോ​ർ​ട്ട​ത്തി​നു​ള്ള ചെ​ലാ​ൻ (രേ​ഖ) കാ​ണാ​ത്ത​തി​നെ ജ​സ്റ്റീ​സ് ജെ.​ബി. പ​ർ​ദി​വാ​ല വി​മ​ർ​ശി​ച്ചു. രേ​ഖ ഹാ​ജ​രാ​ക്കാ​ൻ ബം​ഗാ​ൾ സ​ർ​ക്കാ​രി​നോ​ട് കോ​ട​തി നി​ർ​ദേ​ശി​ച്ചു. കേ​സ് 17ന് ​കൂ​ടു​ത​ൽ വാ​ദം കേ​ൾ​ക്കാ​നാ​യി മാ​റ്റി.

ഓ​ഗ​സ്റ്റ് ഒ​ന്പ​തി​ന് ആ​ർ​ജി ക​ർ മെ​ഡി​ക്ക​ൽ കോ​ള​ജി​ൽ ട്രെ​യ്നി ഡോ​ക്‌​ട​ർ ബ​ലാ​ത്സം​ഗ​ത്തി​നി​ര​യാ​യി കൊ​ല്ല​പ്പെ​ട്ട സം​ഭ​വ​ത്തി​ൽ സു​പ്രീം​കോ​ട​തി സ്വ​മേ​ധ​യാ എ​ടു​ത്ത കേ​സി​ലാ​ണു നി​ർ​ദേ​ശം.
തു​ട​ർ​ച്ച​യാ​യി ജോ​ലി​യി​ൽ​നി​ന്നു വി​ട്ടു​നി​ൽ​ക്കു​ന്ന​ത് ആ​വ​ർ​ത്തി​ച്ചാ​ൽ അ​ത്ത​രം ഡോ​ക്‌​ട​ർ​മാ​ർ​ക്കെ​തി​രേ അ​ച്ച​ട​ക്ക​ന​ട​പ​ടി സ്വീ​ക​രി​ക്കാ​മെ​ന്ന് സു​പ്രീം​കോ​ട​തി മു​ന്ന​റി​യി​പ്പ് ന​ൽ​കി.

പ്ര​തി​ഷേ​ധി​ക്കു​ന്ന ഡോ​ക്‌​ട​ർ​മാ​ർ ജോ​ലി പു​ന​രാ​രം​ഭി​ച്ചാ​ൽ, സ്ഥ​ലം​മാ​റ്റം ഉ​ൾ​പ്പെ​ടെ​യു​ള്ള ശി​ക്ഷാ​ന​ട​പ​ടി​ക​ൾ സ്വീ​ക​രി​ക്കി​ല്ലെ​ന്ന് പ​ശ്ചി​മബം​ഗാ​ൾ സ​ർ​ക്കാ​രി​നു​വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ പ​ര​മോ​ന്ന​ത കോ​ട​തി​ക്ക് ഉ​റ​പ്പു​ന​ൽ​കി.

യു​വ​ഡോ​ക്‌​ട​ർ​മാ​ർ തി​രി​ച്ചെ​ത്തി ജോ​ലി പു​ന​രാ​രം​ഭി​ക്ക​ണം. ആ​ദ്യം ജോ​ലി​യി​ലേ​ക്കു മ​ട​ങ്ങു​ക. എ​ന്താ​ണു സം​ഭ​വി​ക്കു​ന്ന​തെ​ന്ന് കോ​ട​തി​ക്ക് അ​റി​യാം. ജി​ല്ലാ ക​ള​ക്‌​ട​ർ​മാ​രും പോ​ലീ​സ് സൂ​പ്ര​ണ്ടും സു​ര​ക്ഷ ഉ​റ​പ്പാ​ക്കും.

ഡോ​ക്‌​ട​ർ​മാ​ർ ജോ​ലി​ക്കു വ​ന്നി​ല്ലെ​ങ്കി​ൽ അ​വ​ർ​ക്കെ​തി​രേ​യു​ള്ള അ​ച്ച​ട​ക്ക​ന​ട​പ​ടി​ക്ക് ആ​രെ​യും ഉ​ത്ത​ര​വാ​ദി​യാ​ക്ക​രു​ത്. ജോ​ലി പു​ന​രാ​രം​ഭി​ച്ചി​ല്ലെ​ങ്കി​ൽ അ​ച്ച​ട​ക്ക ന​ട​പ​ടി​യെ​ടു​ക്കു​ന്ന​തി​ൽ​നി​ന്നു സ​ർ​ക്കാ​രി​നെ ത​ട​യാ​നാ​കി​ല്ല. പ്ര​തി​ഷേ​ധം ഡ്യൂ​ട്ടി ചെ​ല​വി​ൽ വേ​ണ്ട- ചീ​ഫ് ജ​സ്റ്റീ​സ് ച​ന്ദ്ര​ചൂ​ഡ് പ​റ​ഞ്ഞു.


ആ​ശു​പ​ത്രി​ക​ളി​ൽ സു​ര​ക്ഷി​ത​മാ​യ തൊ​ഴി​ൽ സാ​ഹ​ച​ര്യം ഉ​റ​പ്പാ​ക്ക​ണ​ം. ഡോ​ക്‌​ട​ർ​മാ​രു​ടെ സു​ര​ക്ഷ​യ്ക്ക് ആ​വ​ശ്യ​മാ​യ വ്യ​വ​സ്ഥ​ക​ൾ സൃ​ഷ്‌​ടി​ക്ക​ണം. ആ​വ​ശ്യ​മാ​യ എ​ല്ലാ സു​ര​ക്ഷാ​ന​ട​പ​ടി​ക​ളും സ്വീ​ക​രി​ച്ചി​ട്ടു​ണ്ടെ​ന്ന് സി​ഐ​എ​സ്എ​ഫ് ഉ​റ​പ്പാ​ക്ക​ണം.

സാ​ധു​വാ​യ തി​രി​ച്ച​റി​യ​ൽ കാ​ർ​ഡി​ല്ലാ​തെ അ​ത്യാ​ഹി​ത വി​ഭാ​ഗ​ത്തി​ലേ​ക്ക് ആ​രെ​യും പ്ര​വേ​ശി​പ്പി​ക്ക​രു​ത്. സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളു​ടെ സു​ര​ക്ഷ ഉ​റ​പ്പാ​ക്കാ​ൻ സ്ഥി​തി​ഗ​തി​ക​ൾ വി​ല​യി​രു​ത്താ​ൻ ക​ള​ക്‌​ട​ർ​മാ​ർ​ക്കും എ​സ്പി​മാ​ർ​ക്കും സു​പ്രീം​കോ​ട​തി നി​ർ​ദേ​ശം ന​ൽ​കി.

ആ​ർ​ജി ക​ർ അ​ട​ക്ക​മു​ള്ള സ​ർ​ക്കാ​ർ ആ​ശു​പ​ത്രി​ക​ളി​ൽ സി​സി​ടി​വി കാ​മ​റ​ക​ൾ സ്ഥാ​പി​ക്കു​ന്ന​തി​നും മ​റ്റു​മാ​യി പ​ണം അ​നു​വ​ദി​ച്ച​താ​യി ആ​രോ​ഗ്യ സെ​ക്ര​ട്ട​റി സ​ത്യ​വാ​ങ്മൂ​ലം ന​ൽ​കി​യി​രു​ന്നു. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും ടോ​യ്‌​ല​റ്റ് സൗ​ക​ര്യം ഒ​രു​ക്ക​ണ​മെ​ന്നും കോ​ട​തി നി​ർ​ദേശി​ച്ചു.


പൊ​ലി​ഞ്ഞത് 23 ജീ​വ​നു​ക​ളെന്ന്

കോ​ൽ​ക്ക​ത്ത ആ​ർ​ജി ക​ർ മെ​ഡി​ക്ക​ൽ കോ​ള​ജി​ൽ മാ​ന​ഭം​ഗ​ത്തി​നി​ര​യാ​യി യു​വ​ഡോ​ക്‌​ട​ർ കൊ​ല്ല​പ്പെ​ട്ട സം​ഭ​വ​ത്തി​ൽ പ്ര​തി​ഷേ​ധി​ച്ചു ന​ട​ന്ന ഡോ​ക്‌​ട​ർ​മാ​രു​ടെ സ​മ​ര​ത്തി​ൽ 23 രോ​ഗി​ക​ളു​ടെ ജീ​വ​ൻ പൊ​ലി​ഞ്ഞ​താ​യി പ​ശ്ചി​മ​ബം​ഗാ​ൾ സ​ർ​ക്കാ​ർ സു​പ്രീം​കോ​ട​തി​യെ അ​റി​യി​ച്ചു.

ഡോ​ക്‌​ട​ർ​മാ​രു​ടെ പ​ണി​മു​ട​ക്കി​നെ​ത്തു​ട​ർ​ന്ന് ആ​റു ല​ക്ഷം പേ​ർ​ക്കു ചി​കി​ത്സ നി​ഷേ​ധി​ക്ക​പ്പെ​ട്ട​താ​യും സം​സ്ഥാ​ന സ​ർ​ക്കാ​രി​നു​വേ​ണ്ടി ഹാ​ജ​രാ​യ ക​പി​ൽ സി​ബ​ൽ കോ​ട​തി​യി​ൽ ചൂ​ണ്ടി​ക്കാ​ട്ടി.

ഭ​യം മൂ​ല​മാ​ണ് ഡോ​ക്‌​ട​ർ​മാ​ർ സ​മ​രം ചെ​യ്യു​ന്ന​തെ​ന്നും ജൂ​ണി​യ​ർ ഡോ​ക്‌​ട​ർ​മാ​ർ നി​ര​വ​ധി ഭീ​ഷ​ണി​ക​ൾ നേ​രി​ടു​ന്നു​ണ്ടെ​ന്നും റ​സി​ഡ​ന്‍റ് ഡോ​ക്‌​ട​ർ​മാ​രു​ടെ സം​ഘ​ട​ന​യ്ക്കു​വേ​ണ്ടി മു​തി​ർ​ന്ന അ​ഭി​ഭാ​ഷ​ക ഗീ​ത ലൂ​ത്ര വാ​ദി​ച്ചു. ആ​ശു​പ​ത്രി​ക​ൾ​ക്കു പു​റ​ത്ത് ഡോ​ക്‌​ട​ർ​മാ​ർ സ​ന്ന​ദ്ധ​സേ​വ​നം ന​ട​ത്തു​ന്നു​ണ്ടെ​ന്നും അ​വ​ർ കൂ​ട്ടി​ച്ചേ​ർ​ത്തു.