ബംഗളൂരു: വ്യാഴാഴ്ച കർണാടക കോൺഗ്രസ് നിയമസഭാ കക്ഷിയോഗം വിളിച്ച് മുഖ്യമന്ത്രി സിദ്ധരാമയ്യ. വിധാൻസൗധ കോൺഫറൻസ് ഹാളിലാണ് യോഗം ചേരുക. മുഡ കേസുമായി ബന്ധപ്പെട്ട കാര്യങ്ങൾ വിശദീകരിക്കാനാണു യോഗം വിളിച്ചതെന്നു മന്ത്രി പ്രിയങ്ക് ഖാർഗെ പറഞ്ഞു. 136 എംഎൽഎമാരാണു കോൺഗ്രസിനുള്ളത്.
ഭൂമിയിടപാടുമായി ബന്ധപ്പെട്ട കേസിൽ സിദ്ധരാമയ്യയെ പ്രോസിക്യൂട്ട് ചെയ്യാൻ ഗവർണർ കഴിഞ്ഞ ദിവസം അനുമതി നല്കിയിരുന്നു. മൈസൂർ അർബൻ ഡെവലപ്മെന്‍റ് അഥോറിറ്റിയുടെ ഭൂമി മുഖ്യമന്ത്രിയുടെ ഭാര്യ ബി.എം. പാർവതി നിയമവിരുദ്ധമായി കൈയടക്കിയെന്ന ആരോപണത്തിലാണ് ഗവർണർ തവർചന്ദ് ഗലോട്ട് അനുമതി നൽകിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.