ചെന്നൈ: ഇന്ത്യൻ കോസ്റ്റ് ഗാർഡ് ഡയറക്ടർ ജനറൽ രാകേഷ് പാൽ (59) അന്തരിച്ചു. ഹൃദയാഘാതത്തെത്തുടർന്ന് ചെന്നൈയിലായിരുന്നു അന്ത്യം. ഇന്നലെ രാവിലെ ശാരീരികാസ്വാസ്ഥ്യം അനുഭവപ്പെട്ട രാകേഷ് പാലിനെ രാജീവ് ഗാന്ധി ജനറൽ ആശുപത്രിയിൽ പ്രവേശിപ്പിച്ചെങ്കിലും രാത്രി ഏഴോടെ മരിച്ചു.
ഇന്നലെ പ്രതിരോധ മന്ത്രി രാജ്നാഥ് സിംഗുമായി രാകേഷ് പാൽ കൂടിക്കാഴ്ച നടത്താനിരിക്കെയായിരുന്നു അപ്രതീക്ഷിത മരണം. 2023 ജൂലൈ 19നാണ് ഇന്ത്യൻ കോസ്റ്റ് ഗാർഡിന്‍റെ 25-ാം ഡയറക്ടർ ജനറലായി രാകേഷ് പാൽ ചുമതലയേറ്റത്. 1989ലാണ് ഇദ്ദേഹം ഇന്ത്യൻ കോസ്റ്റ് ഗാർഡിൽ ചേർന്നത്. 34 വർഷത്തെ സേവനത്തിനിടെ കമാൻഡർ ഓഫ് കോസ്റ്റ് ഗാർഡ് റീജണ്‍(നോർത്ത് വെസ്റ്റ്), ഡെപ്യൂട്ടി ഡയറക്ടർ ജനറൽ (പോളിസി ആൻഡ് പ്ലാൻസ്), അഡീഷണൽ ഡയറക്ടർ ജനറൽ (കോസ്റ്റ് ഗാർഡ് ഹെഡ്ക്വാർട്ടേഴ്സ്) തുടങ്ങിയ പദവികൾ രാകേഷ് പാൽ വഹിച്ചിട്ടുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.