സിബിഐയുടെ മൂന്നാമത്തെ സംഘം, അറസ്റ്റിലായ പ്രതി സഞ്ജയ് റോയി സിവിക് വോളണ്ടിയറായി സേവനമനുഷ്ഠിച്ചിരുന്ന കോൽക്കത്ത പോലീസ് നാലാം ബറ്റാലിയന്‍റെ ബാരക്ക് സന്ദർശിച്ചു.
വെള്ളിയാഴ്ച രാവിലെ സഞ്ജയ് റോയി ബാരക്കിൽ എത്തിയ സമയം ഉൾപ്പെടെ പോലീസുകാരോട് അന്വേഷണ ഉദ്യോഗസ്ഥർ ചോദിച്ചറിഞ്ഞു.
നാല്പതോളം പേരെ ചോദ്യംചെയ്യുന്നതിനാണ് സിബിഐ തീരുമാനിച്ചിരിക്കുന്നത്. ഡോക്‌ടർമാരും പോലീസ് ഓഫീസർമാരും ഉൾപ്പെടെയാണിത്. ഇതിനകം 13 പേരെ ചോദ്യംചെയ്തുവെന്നും അന്വേഷണസംഘം വ്യക്തമാക്കി.
കുറ്റകൃത്യത്തിൽ ഇതേ ആശുപത്രിയിലെ ഏതാനും ഡോക്‌ടർമാർക്കും ട്രെയിനി ഡോക്‌ടർമാർക്കും പങ്കുണ്ടെന്ന് കൊല്ലപ്പെട്ട വനിതാ ഡോക്‌ടറുടെ കുടുംബാംഗങ്ങൾ ഇന്നലെ സിബിഐ മുന്പാകെ ബോധിപ്പിച്ചു.