ജയ്പുർ: രാജസ്ഥാനിലെ ഉദയ്പുരിൽ പത്താം ക്ലാസ് വിദ്യാർഥിയെ മറ്റൊരു വിദ്യാർഥി കുത്തിയതിനെത്തുടർന്നു പ്രദേശത്ത് സംഘർഷാവസ്ഥ.
വർഗീയ സംഘർഷത്തിനുള്ള സാധ്യത കണക്കിലെടുത്ത് മൊബൈൽ ഇന്റർനെറ്റ് ഇന്നലെ ഒരു ദിവസത്തേക്ക് നിർത്തിവച്ചു. ഉദയ്പുർ മേഖലയിലെ സ്കൂളുകൾ അടച്ചിടാനും അധികൃതർ നിർദേശിച്ചു.
വെള്ളിയാഴ്ചയാണ് ഒരു സ്കൂൾ വിദ്യാർഥിക്കു കുത്തേറ്റത്. ഇതിനു പിന്നാലെ കുട്ടിയെ ആശുപത്രിയിലാക്കുകയും പ്രതിയെ കസ്റ്റഡിയിലെടുക്കുകയും ചെയ്തിരുന്നു. എന്നാൽ ഇരുവിഭാഗത്തിൽപ്പെട്ട ആളുകൾ സംഘടിച്ച് പ്രതിഷേധം സൃഷ്ടിക്കുകയായിരുന്നു. പ്രതിസ്ഥാനത്തുള്ള കുട്ടിയുടെ വീട് ജില്ലാ അധികൃതർ ജെസിബി ഉപയോഗിച്ച് തകർത്തതോടെയാണ് സംഘർഷം ആളിക്കത്തിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.