സംസ്ഥാന രാഷ്ട്രീയത്തെ പിടിച്ചുലയ്ക്കുകയാണ് യുവഡോക്ടറുടെ കൊലപാതകം. ബിജെപി ഉൾപ്പെടെ പ്രതിപക്ഷകക്ഷികളുടെ നേതൃത്വത്തിൽ വ്യാഴാഴ്ച പുലർച്ചെ ആശുപത്രിയിൽ നടന്ന പ്രതിഷേധം വ്യാപക അക്രമത്തിൽ കലാശിച്ചു.
ഇതിനു മറുപടിയെന്നവണ്ണം അറസ്റ്റിലായ പ്രതിക്കു വധശിക്ഷ ഉറപ്പാക്കണമെന്നാവശ്യപ്പെട്ട് പശ്ചിമബംഗാള് മുഖ്യമന്ത്രി മമത ബാനര്ജിയുടെ നേതൃത്വത്തില് ഇന്നലെ കോൽക്കത്തയിൽ പ്രതിഷേധ മാർച്ച് നടത്തി. ആശുപത്രിയിൽ അരങ്ങേറിയ അക്രമങ്ങൾക്കു പിന്നിൽ ബിജെപിയും സിപിഎമ്മും കോണ്ഗ്രസുമാണെന്നു മുഖ്യമന്ത്രി ആരോപിക്കുകയും ചെയ്തു.
പ്രതിപക്ഷ കക്ഷികൾ വ്യാഴാഴ്ച പുലർച്ചെ നടത്തിയ പ്രതിഷേധത്തിനിടെ സുരക്ഷാവീഴ്ച സംഭവിച്ചതായി കോല്ക്കത്ത ഡിസിപി വിനീത് ഗോയല് സമ്മതിച്ചു. ഡെപ്യൂട്ടി കമ്മീഷണര് റാങ്കിലുള്ള ഉദ്യോഗസ്ഥനു പരിക്കേറ്റതായും അദ്ദേഹം ചൂണ്ടിക്കാട്ടി.
സംഭവത്തിൽ ഇതുവരെ 25 പേരെ അറസ്റ്റ് ചെയ്തു. നാലുപേരെ തിരിച്ചറിഞ്ഞു. ഇവര്ക്കായി തെരച്ചില് തുടരുകയാണെന്നും അദ്ദേഹം പറഞ്ഞു. പ്രതിഷേധത്തില് പങ്കെടുത്ത കേന്ദ്രമന്ത്രിയും ബിജെപി സംസ്ഥാന അധ്യക്ഷനുമായ സുകുന്ദ മജുംദാറിനെ ഇതിനിടെ പോലീസ് അറസ്റ്റ്ചെയ്തു.