ഇന്ത്യന്‍ മെഡിക്കല്‍ അസോ. അവാർഡ് ലിസ തോമസിന്
Wednesday, November 27, 2024 6:50 AM IST
കോതമംഗലം: ഇന്ത്യന്‍ മെഡിക്കല്‍ അസോസിയേഷന്‍റെ രാജ്യത്തെ ഏറ്റവും മികച്ച ബ്രാഞ്ച് പ്രസിഡന്‍റിനുള്ള അവാര്‍ഡ് ഐഎംഎ കോതമംഗലം ബ്രാഞ്ച് പ്രസിഡന്‍റ് ഡോ. ലിസ തോമസിന്. ഇതേ കാറ്റഗറിയിലുള്ള ഡോ. എന്‍.കെ. തോമസ് വൈദ്യന്‍ മെമ്മോറിയല്‍ സംസ്ഥാന അവാര്‍ഡും ഔട്ട് സ്റ്റാന്‍ഡിംഗ്‌ ലീഡര്‍ഷിപ്പ് അവാര്‍ഡും ലിസയ്ക്കായിരുന്നു.
കോതമംഗലം ധ൪മഗിരി ആശുപത്രിയിലെ ശിശുരോഗ വിദഗ്ധയാണ് ലിസ. ചാത്തമറ്റം കാക്കത്തോട്ടത്തിൽ പ്രഫ. കെ.പി. തോമസ്- സൂസി ദമ്പതികളുടെ മകളും ചേലാട് മറ്റമന കമാന്‍ഡര്‍ ബിജോയ് ഏലിയാസിന്‍റെ ഭാര്യയുമാണ്.