യുഡിഎഫ് വിജയം മതതീവ്രവാദ കൂട്ടുകെട്ടിൽ: എം.ബി. രാജേഷ്
Monday, November 25, 2024 4:08 AM IST
പാലക്കാട്: ഉപതെരഞ്ഞെടുപ്പില്‍ തോറ്റെങ്കിലും പാലക്കാട്ടു സിപിഎം നടത്തിയത് ശക്തമായ രാഷ്‌ട്രീയപോരാട്ടമെന്നു മന്ത്രി എം.ബി. രാജേഷ്. പാലക്കാട് കണ്ടത് എസ്ഡിപിഐ - ജമാ അത്തെ ഇസ്‌ലാമി - യുഡിഎഫ് കൂട്ടുകെട്ടാണ്. അവരുടെ ഔദാര്യത്തിലാണ് യുഡിഎഫ് ജയിച്ചത്.
വോട്ടെണ്ണലിനുശേഷം നടത്തിയ എസ്ഡിപിഐ ആഘോഷം കേരളത്തിനുള്ള താക്കീതാണെന്നും അദ്ദേഹം പറഞ്ഞു. രാഹുലിന്‍റെ വിജയത്തിന്‍റെ നേട്ടം ആദ്യം അവകാശപ്പെട്ടത് മത തീവ്രവാദികളാണ്. യുഡിഎഫ് നേതാക്കളുടെ സർട്ടിഫിക്കറ്റിനു വേണ്ടിയല്ല സിപിഎം പ്രവർത്തിക്കുന്നത്.
ആക്ഷേപങ്ങൾ കേട്ടാൽ ക്ഷീണിച്ചുപോകുന്നയാളല്ല താനെന്നും അദ്ദേഹം മാധ്യമങ്ങളോടു പറഞ്ഞു.