സന്ദീപ് വാര്യർ മത്സരിച്ചാൽ കെട്ടിവച്ച കാശുപോലും കിട്ടില്ല: സി. കൃഷ്ണകുമാർ
Monday, November 25, 2024 4:08 AM IST
പാലക്കാട്: സ്ഥാനാർഥിയാക്കാൻ താൻ പാർട്ടിയോട് ആവശ്യപ്പെട്ടിട്ടില്ലെന്ന് സി. കൃഷ്ണകുമാർ. മണ്ഡലത്തിൽ തനിക്ക് ജനങ്ങളോടുള്ള വ്യക്തിപരമായ അടുപ്പം ഉൾപ്പെടെ പരിഗണിച്ചാണ് പാർട്ടി സ്ഥാനാർഥിയാക്കിയത്. പരാജയത്തിന് താൻ മാത്രമാണ് കാരണക്കാരനെന്ന് ബിജെപി നേതൃത്വം പറഞ്ഞിട്ടില്ല.
ഒരു വാർഡിൽപ്പോലും ജയിക്കാതെയാണ് സന്ദീപ് വാര്യർ തന്നെ വിമർശിക്കുന്നതെന്നും കൃഷ്ണകുമാർ പറഞ്ഞു. സന്ദീപ് വാര്യർ മത്സരിച്ചാൽ കെട്ടിവച്ച കാശുപോലും കിട്ടില്ല. ഇത്രയേറെ സ്വാധീനമുള്ള നേതാവാണെങ്കിൽ ബിജെപിയുടെ ഒരു പ്രവർത്തകനെയെങ്കിലും കോൺഗ്രസിലേക്കു കൊണ്ടുപോകാനായോയെന്നും കൃഷ്ണകുമാർ ചോദിച്ചു.