പാത്രിയര്‍ക്കീസ് ബാവ ഡിസംബര്‍ ഏഴിന് കേരളത്തിൽ
Friday, November 22, 2024 2:48 AM IST
പുത്തന്‍കുരിശ്: ശ്രേഷ്ഠ കാതോലിക്ക മാര്‍ ബസേലിയോസ് തോമസ് പ്രഥമന്‍ ബാവയുടെ 40-ാം ഓര്‍മദിനാചരണത്തിൽ പങ്കെടുക്കുന്നതിനായി മാർ ഇഗ്‌നാത്തിയോസ് അഫ്രേം ദ്വിതീയന്‍ പാത്രിയര്‍ക്കീസ് ബാവ ഡിസംബര്‍ ഏഴിന് കേരളത്തിലെത്തും.
ഇന്നലെ പുത്തന്‍കുരിശ് പാത്രിയാര്‍ക്ക സെന്‍ററില്‍ നടന്ന എപ്പിസ്‌കോപ്പല്‍ സൂനഹദോസില്‍ മലങ്കര മെത്രാപ്പോലീത്തയും എപ്പിസ്‌കോപ്പല്‍ സുന്നഹദോസ് പ്രസിഡന്‍റുമായ ജോസഫ് മാര്‍ ഗ്രിഗോറിയസ് മെത്രാപ്പോലീത്തയാണ് ഇക്കാര്യം അറിയിച്ചത്.
ശ്രേഷ്ഠ ബാവയുടെ 40-ാം ഓര്‍മദിനമായ ഡിസംബര്‍ ഒമ്പതിന് പുത്തന്‍കുരിശ് സെന്‍റ് അത്തനേഷ്യസ് കത്തീഡ്രലില്‍ പാത്രിയര്‍ക്കീസ് ബാവ കുര്‍ബാനയര്‍പ്പിച്ച് അനുസ്മരണ പ്രഭാഷണം നടത്തും.