വെ​ള്ള​ക്കെ​ട്ടി​ൽ കു​ടു​ങ്ങി ഒ​രു ജീ​വ​ൻകൂ​ടി പൊ​ലി​ഞ്ഞു
Saturday, July 20, 2024 2:41 AM IST
ചെ​റി​യ മ​ഴ​യി​ലും വെ​ള്ള​ക്കെ​ട്ട്; അ​പ്പ​ർ​കു​ട്ട​നാ​ടി​ന് തീ​രാ​ദു​രി​തം

തി​രു​വ​ല്ല: ചെ​റി​യ ഒ​രു മ​ഴ പെ​യ്താ​ൽ പോ​ലും അ​പ്പ​ർ​കു​ട്ട​നാ​ട്ടി​ലെ പെ​രി​ങ്ങ​ര, നെ​ടു​ന്പ്രം പ​ഞ്ചാ​യ​ത്തു​ക​ളി​ൽ രൂ​പ​പ്പെ​ടു​ന്ന വെ​ള്ള​ക്കെ​ട്ട് പ്ര​ദേ​ശ​വാ​സി​ക​ൾ​ക്ക് ദു​രി​ത​മാ​യി മാ​റു​ന്നു. ക​ഴി​ഞ്ഞ ദി​വ​സ​ങ്ങ​ളി​ലെ മ​ഴ​യി​ൽ രൂ​പ​പ്പെ​ട്ട വെ​ള്ള​ക്കെ​ട്ട് ഇ​നി​യും മാ​റി​യി​ട്ടി​ല്ല. വെ​ള്ള​ക്കെ​ട്ട് കാ​ര​ണം റോ​ഡു​ക​ളി​ലെ ഗ​താ​ഗ​തം നി​ല​ച്ച​തോ​ടെ ദു​രി​ത​മേ​റി. ര​ണ്ടു​ദി​വ​സ​മാ​യി മ​ഴ ശ​ക്ത​മ​ല്ലെ​ങ്കി​ലും റോ​ഡി​ലെ വെ​ള്ള​ക്കെ​ട്ട് ഒ​ഴി​യു​ന്ന​തു​മി​ല്ല.

വ്യാ​ഴാ​ഴ്ച രാ​ത്രി പ്ര​ദേ​ശ​വാ​സി​യാ​യ ഒ​രാ​ൾ ചി​കി​ത്സ കി​ട്ടാ​തെ മ​രി​ച്ച​തോ​ടെ ആ​ളു​ക​ളു​ടെ ആ​ശ​ങ്ക​യു​മേ​റി. ര​ണ്ട് ദി​വ​സം മ​ഴ​പെ​യ്താ​ൽ വെ​ള്ള​ത്താ​ൽ ചു​റ്റ​പ്പെ​ട്ട് പെ​രി​ങ്ങ​ര പ​ഞ്ചാ​യ​ത്തി​ലെ പ​തി​മൂ​ന്നാം വാ​ർ​ഡ് പ്ര​ദേ​ശ​ങ്ങ​ൾ ഒ​റ്റ​പ്പെ​ടു​ക​യാ​ണ്. ഗ​ണ​പ​തി​പു​രം നി​വാ​സി​യാ​യ ആ​ര്യ​ഭ​വ​നി​ൽ പ്ര​സ​ന്ന​കു​മാ​റാ​ണ് ( 69 ) യ​ഥാ​സ​മ​യം ചി​കി​ത്സ ല​ഭി​ക്കാ​തെ വ്യാ​ഴാ​ഴ്ച രാ​ത്രി മ​ര​ണ​പ്പെ​ട്ട​ത്.

കാ​വും​ഭാ​ഗം - ചാ​ത്ത​ങ്ക​രി റോ​ഡി​ലെ ഗ​ണ​പ​തി​പു​രം ജം​ഗ്ഷ​നി​ൽ നി​ന്നും നെ​ടും​മ്പ്രം പ​ഞ്ചാ​യ​ത്തി​ലെ വൈ​ക്ക​ത്തി​ല്ല​ത്തേ​ക്ക് പോ​കു​ന്ന പ്ര​ധാ​ന റോ​ഡി​ൽ ഗ​ണ​പ​തി​പു​രം പാ​ലം മു​ത​ൽ ഉ​ള്ള 500 മീ​റ്റ​റോ​ളം വ​രു​ന്ന വെ​ള്ള​ക്കെ​ട്ടാ​ണ് പ്ര​സ​ന്ന​കു​മാ​റി​നെ യ​ഥാ​സ​മ​യം ആ​ശു​പ​ത്രി​യി​ൽ എ​ത്തി​ക്കാ​ൻ ക​ഴി​യാ​തെ​വ​ന്ന​തി​നു കാ​ര​ണം.

വ്യാ​ഴാ​ഴ്ച രാ​ത്രി പ​ത്ത​ര​യോ​ടെ നെ​ഞ്ചു​വേ​ദ​ന അ​നു​ഭ​വ​പ്പെ​ട്ട പ്ര​സ​ന്ന​കു​മാ​റി​നെ സ​മീ​പ​വാ​സി​ക​ളാ​യ നാ​ലു​പേ​ർ ചേ​ർ​ന്ന് മൂ​ന്ന​ടി​യി​ലേ​റെ​യു​ള്ള വെ​ള്ള​ക്കെ​ട്ടി​ലൂ​ടെ ഗ​ണ​പ​തി​പു​രം ജം​ഗ്ഷ​നി​ലെത്തി​ച്ച് ആ​ശു​പ​ത്രി​യി​ലേ​ക്കു കൊ​ണ്ടു​പോ​യെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.


ശ​ക്ത​മാ​യ മ​ഴ പെ​യ്താ​ൽ പെ​രി​ങ്ങ​ര തോ​ട്ടി​ൽ​നി​ന്നും ഗ​ണ​പ​തി​പു​രം ഭാ​ഗ​ത്തേ​ക്ക് വെ​ള്ളം ക​യ​റു​ന്ന അ​വ​സ്ഥ​യാ​ണ് ഉ​ള്ള​ത്. വൈ​ക്ക​ത്തി​ല്ലം ഭാ​ഗ​ത്തേ​ക്കു​ള്ള റോ​ഡി​ൽ കു​ണ്ടേ​ച്ചി​റ ഭാ​ഗ​ത്തും ഏ​താ​ണ്ട് 300 മീ​റ്റ​റോ​ളം ഭാ​ഗ​ത്തും ഗ​ണ​പ​തി​പു​ര​ത്തി​നു സ​മാ​ന​മാ​യ ത​ര​ത്തി​ലു​ള്ള വെ​ള്ള​ക്കെ​ട്ടാ​ണ് അ​നു​ഭ​വ​പ്പെ​ടു​ന്ന​ത്.

റോ​ഡി​ൽ വെ​ള്ളം ക​യ​റു​ന്ന​തോ​ടെ പ്ര​ദേ​ശ​വാ​സി​ക​ളു​ടെ യാ​ത്രാ​മാ​ർ​ഗ​ങ്ങ​ൾ എ​ല്ലാം ത​ന്നെ അ​ട​യും. സ്ത്രീ​ക​ളും വ​യോ​ധി​ക​രും കു​ട്ടി​ക​ളും ഉ​ൾ​പ്പെ​ടെ​യു​ള്ള​വ​ർ ഏ​റെ യാ​ത്രാ​ദു​രി​ത​മാ​ണ് ഇ​ത് മൂ​ലം അ​നു​ഭ​വി​ക്കു​ന്ന​ത്.

മ​ഴ പെ​യ്യു​ന്ന​തോ​ടെ റോ​ഡി​ൽ ഉ​ണ്ടാ​വു​ന്ന വെ​ള്ള​ക്കെ​ട്ടു മൂ​ലം കു​ട്ടി​ക​ൾ​ക്കു സ്കൂ​ളി​ൽ പോ​കാ​ൻ സാ​ധി​ക്കാ​ത്ത സാ​ഹ​ച​ര്യ​വും ഉ​ണ്ട്. വ​ർ​ഷ​ങ്ങ​ളാ​യി ഇ​വി​ടെ പ​തി​വാ​വു​ന്ന വെ​ള്ള​ക്കെ​ട്ട് കാ​ര​ണം നി​ര​വ​ധി​യാ​ളു​ക​ൾ​ക്ക് യ​ഥാ​സ​മ​യം ചി​കി​ത്സ ല​ഭി​ക്കാ​തെ വ​ന്നി​ട്ടു​ണ്ട്.

പ​ല​രും പാ​തി​വ​ഴി​യി​ൽ മ​രി​ക്കു​ക​യും ചെ​യ്തു. റോ​ഡി​ൽ വെ​ള്ള​ക്കെ​ട്ട് പ​തി​വാ​കു​ന്ന​ഭാ​ഗ​ങ്ങ​ൾ മ​ണ്ണി​ട്ടു​യ​ർ​ത്തി ത​ങ്ങ​ളെ ദു​രി​ത​ക്ക​യ​ത്തി​ൽ​നി​ന്നും ക​ര​ക​യ​റ്റ​ണ​മെ​ന്ന​താ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.